„შექმნილი სიტუაცია დააპაუზებს ქვეყანაში საინვესტიციო პროექტების განხორციელებას“ - ბიზნესი რუსულ სანქციებზე

„შექმნილი სიტუაცია დააპაუზებს ქვეყანაში საინვესტიციო პროექტების განხორციელებას“ - ბიზნესი რუსულ სანქციებზე

access_time2019-06-25 11:00:54

ავიაფრენებისა და ტურიზმის შემდეგ რუსეთი სანქციებით ქართულ ღვინოსაც დაემუქრა. „როსპოტრებნადზორი“ ამკაცრებს კონტროლს საქართველოდან რუსეთის ტერიტორიაზე იმპორტირებულ ალკოჰოლურ სასმელზე. ამის შესახებ ინფორმაციას თავად  „როსპოტრებნადზორი“ ავრცელებს.


როგორ აფასებს შექმილი სიტუაციას ქართული ბიზნესი და რა მოლოდინები არსებობს  ქვეყნის განვითარების თვალსაზრისით, როდესაც რუსეთი საქართველოთის ერთ-ერთი მნიშვნელოვანი სავაჭრო პარტნიორი იყო.


ბიზნესმენი დავით ბეგიაშვილი, რომელიც ჰოლდინგური კომპანია „ვაკე-5-ისა“ და „ალბატროს ჯგუფის“ დამფუძნებელია, „კომერსანტთან“  კონკრეტულ შემთხვევას აფასებს როგორც პროვოკაციას, რომელისგანაც ქვეყანა საკმაოდ ცუდ შედეგებს მიიღებს.


„ეს აკრძალვები პროპორციულად აისახება ეკონომიკაზე, მათ შორის ინვესტორებზე. რუსეთის მიერ დაწესებული შეზღუდვები მათ შორის საავიაციო ბაზრის მიმართულებით, საკმაოდ დააზარალებს ეკონომიკას. შემცირდება ფულადი გზავნილები, რაც საბოლოო ჯამში ლარის კურსზე მოახდენს გავლენას. საკმაოდ გაუჭირდება ტურიზმის სექტორს, გადამზიდავებს, სოფლის მეურნეობას„-აღნიშნავს ბეგიაშვილი.


მისივე განმარტებით, ამ დროისთვის რთულია იმის განსაზღვრა ციფრებში, თუ რა იქნება რუსეთის ხელისუფლების მიერ მიღებული გადაწყვეტილების შედეგად მიღებული ზარალი, თუმცა, ეს რომ მოცულობითი იქნება, ცალსახაა.



რამდენად მოახდენს გავლენას საერთაშორისო ინვესტორების განწყობაზე ორ ქვეყანას შორის დაულაგებელი ურთიერთობები, ბეგიაშვილი განმარტავს, რომ  ისედაც შემცირებული პირდაპირი უცხოური ინვესტიციები შესაძლოა კიდევ შემცირდეს. გარდა ამისა, შემცირდება ფულადი გზავნილები რუსეთიდან, რაც გახდება საფუძველი ლარის კურსის გაუფასურებისა.


მისივე განმარტებით, შექმნილი სიტუაცია დააპაუზებს ქვეყანაში საინვესტიციო პროექტების განხორციელებას. „მე მაქვს გეგმები, რომელიც მეტნაკლებად დაპაუზდება. საუბარია ტურიზმის ბიზნესზე. მქონდა და მაქვს როგორც სასტუმრო ისე კვების ობიექტები. ვფიქრობდი და ვფიქრობ მათ განვითარებას და გაფართოებას, თუმცა, ჩანს, რომ ამ თემას გაუჭირდება“-აღნიშნავს ბეგიაშვილი.


„ვიმედოვნებ, რომ  მთავრობის ეკონომიკური გუნდი წარმოადგენს გეგმას და ბაზარს დაამშვიდებს“-ასე ეხმაურება „კომერსანტთან“  საქართველოს ბიზნესს ასოციაციის“ აღმასრულებელი დირექტორი ლევან ვეფხვაძე  ბოლო პერიოდში განვითარებულ მოვლენებს. მისი განცხადებით, ბაზარზე მოლოდინები უფრო მეტ ნეგატიურ ეფექტს ახდენს, ვიდრე  რომელიმე კონკრეტული შოკური მოვლენა. შესაბამისად, იმისათვის, რომ მოლოდინები გადავფაროთ, ამისთვის აუცილებელია უფრო მეტი ოპტიმიზმი და ამ შემთხვევაში ეს მთავრობის ეკონომიკური გუნდისგან უნდა წამოვიდეს.



„ღრმად ვარ დარწმუნებული, რომ  უფრო ძლიერად  გამოვალთ ამ სიტუაციისგან, ვიდრე ვიღაცას ჰგონია.ჩვენ ამის მაგალითი უკვე ვნახეთ წლების წინ,როდესაც ემბარგოებს და დასჯებს ქართული ბიზნესის გაძლიერება მოჰყვა. პრობლემა არის ის, რომ მოკლევადიანი ნეგატიური ეფექტი კომპანიების გარკვეულ ნაწილზე ბუნებრივია იქნება. ასევე  იმ ადამიანებზე, რომლებიც ჩართულნი არიან  ტურისტულ ინდუსტრიაში. მთავარია რა შემამსუბუქებელ ღონისძიებებს გავაკეთებთ იმისთვის, რომ ამ კომპანიებს და ადამიანებს ნეგატიური გავლენა შეუმსუბუქოთ“-აღნიშნავს ვეფხვაძე.



„კომერსანტის“ კითხვაზე, ხომ არ დააპაუზებს შექმნილი სიტუაცია უცხოური ინვესტიციების შემოდინებას,ვეფხვაძე განმარტავს,რომ ტურისტულ ინდუსტრიაში უცხოელ ინვესტორებს შესაძლოა გარკვეული კითხვები ჰქონდეთ, რადგან მათთვის  ყველაზე მთავარია მდგრადობა და განჭვრეტადობა. „ბუნებრივია, როდესაც ეს ორი მომენტი შემცირებულია, ინვესტორი რისკებს აფასებს და ამის შემდეგ იღებს გადაწყვეტილებას ინვესტიციის განხორციელებაზე. ამ ინდუსტრიაში სიმშვიდისთვის კი მნიშვნელოვანია სამოქმედო გეგმა, რომელიც ეკონომიკურმა გუნდმა უნდა წარმოადგინოს.“



 

სოფო ქსოვრელი





„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“

„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“
access_time2020-07-09 17:25:58
„Momxmarebeli.ge-ზე“ გამოქვეყნებული კვლევის ფარგლებში შემოწმდა  საქართველოსა და საზღვარგარეთ წარმოებული პროდუქცია.კვლევაში აღნიშულია, რომ შემოწმდა თბილისის სხვადასხვა მაღაზიაში 41 დასახელების სასურსათო პროდუქტი და გერმანიის ლაბორატორია „ევროფინსში“ სუდანის ჯგუფის არასაკვები საღებავების შემცველობაზე შესამოწმებლად იქნა გაგზავნილი. ორგანიზაციის ინფორმაციით, . 5 ნიმუშში საღებავი „სუდან...

„სილქნეტის“ მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ

„სილქნეტის“ მობილური აბონენტები თიბისის მობაილბანკით  სარგებლობას ინტერნეტის დახარჯვის გარეშე შეძლებენ
access_time2020-07-09 14:55:15
ონლაინ მომსახურების ხელშესაწყობად, სილქნეტმა არაერთი სერვისი შესთავაზა მომხმარებელს, რომელიც მას დისტანციურად მომსახურების მიღების საშუალებას გაუმარტივებს. ამისათვის, კომპანია ვირუსის გავრცელების ადრეული ეტაპიდანვე ზრუნავს, რათა გაუფრთხილდეს მომხმარებლის ჯანმრთელობასა და უსაფრთხოებას. ონლაინ საბანკო მომსახურება პროდუქტი ყოველდღიურობისათვის აუცილებელ მომსახურებათა ჩამონათვალშია. ამ მომსახურების სერვისის შეუფერხებლად მიწოდებისაათვის, სილქნეტმა, თიბისისთან ერთად, თავის მომხმარებელს...

ძველი ქარხნების ახალი დანიშნულება - თბილისის ინდუსტრიული მემკვიდრეობა

ძველი ქარხნების ახალი დანიშნულება  - თბილისის ინდუსტრიული მემკვიდრეობა
access_time2020-07-09 19:00:25
პროექტი „თბილისის ინდუსტრიული მემკვიდრეობა“ გულისხმობს გრძელვადიან კვლევით საქმიანობას, რომლის პირველი ეტაპი, თბილისში არსებული ინდუსტრიული ნაგებობების ბაზის შექმნას მოიაზრებს. კვლევის ობიექტი შეიძლება იყოს, მაგალითად, ყოფილი რკინიგზის ჩიხი, ელექტროსადგური, რკინისა და ფოლადის მწარმოებელი საწარმო, ქიმიური წარმოება, ქარხნები და ფაბრიკები, სამრეწველო კომპლექსები. MUA-ს (Multiverse architecture) არქიტექტურულმა გუნდმა მოიპოვა დაფინანსება პროექტისთვის თბილისის ინდუსტრიული...

ჯანდაცვის სამინისტრო დათმობაზე მიდის-მედიკამენტები საბაჟოზე მაქსიმუმ 15 დღე დაყოვნდება

ჯანდაცვის სამინისტრო დათმობაზე მიდის-მედიკამენტები საბაჟოზე მაქსიმუმ 15 დღე დაყოვნდება
access_time2020-07-09 18:00:04
„მეორე მოსმენით დადგენილი ცვლილება მისასალმებელია, კანონპროექტის პირველ ვარიანტით გაცხადებული ვადა ორჯერ შემცირდა, თუმცა, თეორიულად შესაძლებელია, რომ ცვლილება მედიკამენტების ფასზე აისახოს, მაგრამ გაცილებით ნაკლებად“, - ასე აფასებს ფარმაცევტული კომპანიების წარმომადგენელთა ასოციაციის აღმასრულებელი დირექტორი, ირაკლი მარგველაშვილი ჯანმრთელობის დაცვისა და სოციალურ საკითხთა კომიტეტზე მიღებულ გადაწყვეტილებას, რომლის მიხედვითაც...

როდის განაახლებს სტუმრების მიღებას „რადისონ ქოლექშენი წინანდლის მამული“

როდის განაახლებს სტუმრების მიღებას „რადისონ ქოლექშენი წინანდლის მამული“
access_time2020-07-09 17:00:15
„სილქ როუდ ჯგუფის“ სასტუმრო „რადისონ ქოლექშენი წინანდლის მამულში“ ჩვეულ რეჟიმში ფუნქციონირებას 3 დღეში დაუბრუნდება, - ამის შესახებ სასტუმროს მენეჯერი ელენე ოთარაშვილი აცხადებს. მისი თქმით, ამ დროისათვის წინანდლის მამულში ადგილზე ექსპერტები და გამომძიებლები მუშაობენ. როგორც სასტუმროს ხელმძღვანელი აღნიშნავს, საუნა ამ დროისთვის არსებული რეგულაციების გამო არ ფუნქციონირებდა. „ხანძრის შედეგად დაზიანდა მეხუთე სართულზე განთავსებული საუნა და...


მსგავსი სიახლეები

up