„შემსუბუქდეს კომენდანტის საათი“ - „რითეილ გრუპ ჯორჯია“ მთავრობას რეკომენდაციით მიმართავს

„შემსუბუქდეს კომენდანტის საათი“ - „რითეილ გრუპ ჯორჯია“ მთავრობას რეკომენდაციით მიმართავს

access_time2021-04-13 12:40:00

“რითეილ გრუპ ჯორჯიას“ დირექტორი რეზო მაღალაშვილი ქვეყანაში გართულებული ეპიდემიოლოგიური ვითარების გამო მთავრობას რეკომენდაციით მიმართავს და „კომენდანტის საათის“ შერბილებას სთხოვს.


როგორც მაღალაშვილი აცხადებს, ნებისმიერი შეზღუდვა განხილული უნდა იყოს სექტორების მიხედვით.


„მაგალითად, ჩვენი სექტორი არ წარმოადგენს მაღალ რისკს, თუმცა, საზოგადოებრივ ტრანსპორტში გადადების მაღალი რისკია. დღევანდელი საათობრივი შეზღუდვების პირობებში დასაქმებული ადამიანი დაახლოებით ერთი და იგივე დროს ჯდება საზოგადოებრივ ტრანსოპორტში, დილით და საღამოს. ჩვენც თუ ადრე ვმუშაობდით ცვლებით, ორ განრიგში, ახლა ვმუშაობთ - ერთში. ანუ, ყველა ვჯდებით დილით ტრანსპორტში 09:00 საათზე და საღამოს 19:00 საათზე. ადრე კი იყოფოდა შუაზე. ნახევარი შუადღეს მიდიოდა სახლში, მეორე ნახევარი - საღამოს. ახლა სხვანაირადაა, რაც ზრდის გადადების რისკს. თუ გადაიწევს კომენდატის საათი 1 საათით, ყველა კომპანია იძულებული გახდება ორ ცვლაზე გადავიდეს,“ - აცხადებს მაღალაშვილი.


მისივე განცხადებით, გართულებული ეპიდემიოლოგიური ვითარების მიუხედავად, მთავრობა ამ ეტაპზე რითეილ სექტორთან კონტაქტზე არ გამოსულა.


„დაწესებულ შეზღუდვებს პირნათლად ვასრულებთ, ამიტომ ჩვენს შემთხვევაში თანამშრომლების დადებითობის მაჩვენებელი იყო ძალიან დაბალი, 1%-ზე ნაკლები. შესაბამისად, იმედი გვაქვს, ის სფეროები, რომლებიც ახერხებდნენ მიუხედავად გართულებული ეპიდემიოლოგიური სიტუაციისა, უსაფრთხო გარემოს შენარჩუნებას, მათ მიეცემათ ეკონომიკური აქტივობის გაგრძელების საშუალება. ის, ვინც ვერ ახერხებს, მათ მიმართ უფრო გამკაცრდება აღსრულება, იქნება ეს ქუჩა, ობიექტები თუ სხვა. ეს მოგვცემს იმის საშუალებას, რომ ყველა ერთ ქვაბში არ მოვიხარშოთ და ეკონომიკა არ დაზარალდეს,“ - აცხადებს მაღალაშვილი.



რაც შეეხება მოლოდინებს, მაღალაშვილი აცხადებს, რითეილ სექტორი არ წარმოადგენს მომატებულ რისკს, ამიტომ თუ მთავრობა რეგულაციებს გაამკაცრებს, ამ მომენტს გაითვალისწინებს.


„ბევრი რამ მოხდა გასულ წელს, რასაც არ ველოდით, თუმცა, ყველა ლოგიკით, თუ საუბარი იქნება წერტილოვან შეზღუდვებზე, ჩვენ იმ წერტილებში არ უნდა მოვხვდეთ. ეს იქნება კარგი მაგალითი იმისა, თუ როგორ შეიძლება შეინარჩუნო ეკონომიკური აქტივობა იმ ობიექტების ხარჯზე, რომლებიც ახერხებენ რთული შეზღუდვების მიუხედავდ ამ სიტუაციას გაუმკლავდნენ“-აცხადებს მაღალაშვილი.


საქართველოში კორონავირუსით დაინფიცირების დღიური მაჩვენებელი დღეს მკვეთრად გაიზარდა და 1374 შეადგინა. გარდაიცვალა 11 ადამიანი. დადებითობის მაჩვენებელმა 3,66% შეადგინა, ბოლო 14 დღეში – 2,46%, ბოლო 7 დღეში კი 2,58%.



business-partner.ge








„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up