შემოსავლების სამსახური "კომერსანტის" სტატიას პასუხობს: "მტკიცება, რომ საბაჟოებზე ხელოვნური ბარიერები იქმნება, უსამართლო და არასწორია"

შემოსავლების სამსახური "კომერსანტის" სტატიას პასუხობს: "მტკიცება, რომ საბაჟოებზე ხელოვნური ბარიერები იქმნება, უსამართლო და არასწორია"

person access_time2016-03-17 14:00:01

შემოსავლების სამსახური საქართველოს საბაჟო გამშვებ პუნქტებზე შეფერხებებს არ აღიარებს. უწყების განცხადებით, იმის მტკიცება, რომ საბაჟოებზე ხელოვნური ბარიერები იქმნება, უსამართლო და არასწორია. ამის შესახებ უწყების მიერ „კომერსანტისთვის“ გამოგზავნილ განმარტებებშია აღნიშნული.


„კომერსანტმა“ გასულ კვირაში გადამზიდავ კომპანიებზე დაყრდნობით გაავრცელა ინფორმაცია, რომ საქართველოს საბაჟო გამშვებ პუნქტებზე გადამზიდავებს გარკვეული ბარიერები ექმნებათ.

 

გადამზიდავი კომპანიების წარმომადგენლები აცხადებენ, რომ  ბოლო პერიოდში, საბაჟო გამშვებ პუნქტებზე რამდენიმე დღის განმავლობაში უწევთ ლოდინი და ტვირთის განბაჟებას ვერ ახერხებენ. ამ მიზეზით თურქმა მძღოლებმა აჭარაში, საქართველოს საზღვართან საპროტესტო აქციაც გამართეს და დახმარება თურქეთის ხელისუფლებას სთხოვეს. საბაჟოზე არსებული პრობლემები „კომერსანტს“ თურქეთის საელჩომ ოფიციალურად დაუდასტურა.


ამ საკითხზე მოლაპარაკებები წარიმართა, როგორც ადგილობრივ უწყებებს, ასევე ჩვენს საელჩოსა და ფინანსთა სამინისტროს შორის. გაირკვა, რომ საბაჟოებზე უფრო დიდი რაოდენობის სატვირთო მანქანის დეტალური შემოწმება გამოწვეული იყო საქართველოში შემოღებული ახალი რეგულაციებით და შევთანხმდით, რომ სწრაფად გადაიდგმებოდა საჭირო ნაბიჯები კონტროლისა და შემოწმების პროცედურების ხანგრძლივობის მინიმუმამდე შემცირებისათვის. ამ შეთანხმების საფუძველზე დასრულდა სასაზღვრო-გამშვებ პუნქტთან გამართული აქცია“,- ნათქვამი იყო საელჩოს მიერ „კომერსანტისთვის“ მოწერილ წერილში.

 

პრობლემა დაადასტურეს ბიზნესომბუდსმენის აპარატშიც, სადაც ამბობენ, რომ გარკვეული შეფერხებების შესახებ ინფორმაცია მათ ქართველი გადამზიდავებისგან აქვთ.

 

გადამზიდავი კომპანიების წარმომადგენელთა თქმით, ისეთი ხელოვნური ბარიერები, როგორიცაა ხშირი "გაწითლება" და უმიზეზოდ ტვირთის გაჩერება, საბაჟო გამშვებ პუნქტებზე ბოლო წლების განმავლობაში არ დაფიქსირებულა და მათი შექმნა ბოლო თვეებში დაიწყო.

 

 

აღნიშნული თემის კომენტარტისას შემოსავლების სამსახურში აცხადებენ, რომ საქართველოს საბაჟო ტერიტორიაზე შემოტანის მომენტიდან საქონელი, მათ შორის, ტრანზიტის სასაქონლო ოპერაციაში მოქცეული საქონელი, ექვემდებარება საბაჟო კონტროლს. გთავაზობთ შემოსავლების სამსახურის მიერ აღნიშნულ თემაზე "კომერსანტისთვის" გამოგზავნილ განმარტებებს:



„მიუღებელი და, რა თქმა უნდა, საფუძველსმოკლებულია სტატიაში გამოყენებული შეფასებები - „უმიზეზოდ გაჩერება“ და ე.წ. „გაწითლებები“. საბაჟო კონტროლი ყოველთვის კონკრეტულ მიზანს ემსახურება და აქვს, უპირველეს ყოვლისა, პრევენციული, ასევე, კონკრეტულ სამართალდარღვევათა გამოვლენის ხასიათი.


ასევე არასწორი და უსამართლოა განცხადება იმის თაობაზე, რომ საბაჟო კონტროლის ღონისძიებების განხორციელებამ მიიღო „მასობრივი“ სახე!“



მათივე ინფორმაციით, არსებული სტატისტიკური მონაცემები ადასტურებს, რომ საქონლის მთლიან მოცულობაში განხორციელებული კონტროლის ღონისძიებები არ სცდება 7%-ს.


 

 

ამასთან, შემოსავლების სამსახურში განმარტავენ:


„საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2012 წლის 26 ივლისის №290 ბრძანების თანხმად, იმპორტის სასაქონლო ოპერაციის გამოყენებისას, იმპორტის გადასახდელების გადახდა საქონლის გაშვებამდე სავალდებულო არ არის და მათი გადახდა ხორციელდება საქონლის გაშვების შემდგომ: 5, 15, 30 ან 45 კალენდარული დღის ვადაში, გარდა იმ შემთხვევისა, როც არსებობს კონკრეტული იმპორტორის მხრიდან საგადასახადო ვალდებულების შეუსრულებლობის რისკი.


რისკი განისაზღვრება კომპიუტერული პროგრამა ASYCUDA-ს მეშვეობით გამოსაყენებელი რისკების მართვის სისტემით. თუმცა, ამ შემთხვევაშიც, საქონლის გაშვება შესაძლებელია იმპორტის გადასახდელების გადახდის გარეშე, მაგრამ შესაბამისი გარანტიის წარდგენით. 


თუ გადასახადის გადამხდელს არ აქვს გარანტიის წარდგენის საშუალება, საქონლის გაშვებისათვის უნდა გადაიხდოს იმპორტის გადასახდელები.


საქონლის გაშვება შესაძლებელია აგრეთვე იმპორტის გადასახდელების ნაწილზე გარანტიის წარდგენითა და დანარჩენ ნაწილზე თანხის გადახდით.


ამდენად, სტატიაში გამოთქმული მოსაზრება საქონლის მიმართ შესაბამისი დერეფნის ხელოვნურად გამოყენების თაობაზე, მათ შორის, პირადი გამორჩენის მიზნით, ყოველგვარ საფუძველს არის მოკლებული“,- ნათქვამია შემოსავლების სამსახურის განმარტებებში.

 


 



საზმაუს შენობას აუქციონზე მესამედ 23 მლნ ლარის ფასდაკლებით გაიტანენ

საზმაუს შენობას აუქციონზე მესამედ 23 მლნ ლარის ფასდაკლებით გაიტანენ
access_time2020-08-03 15:15:25
საქართველოს საზოგადოებრივი მაუწყებლის ძველი შენობის გასაყიდად გამოცხადებული ელექტრონული აუქციონი კვლავ ვერ შედგა. ის 16 ივლისს დაიწყო და 31 ივლისს უშედეგოდ დასრულდა. ქონების საწყისი ფასი 110 343 600 ლარი იყო. შენობის გასაყიდად ახალი აუქციონი დღეს, 3 აგვისტოს გამოცხადდა. მაუწყებლის ფინანსების და ადმინისტრაციის ბლოკის დირექტორმა ნოდარ ჭიჭინაძემ აღნიშნა, რომ ქონების ფასი 10%-ით შეამცირეს ისევე, როგორც ეს პირველი აუქციონის დასრულების შემდეგ...

„ჩიკორი“ ხეხილის ბაღების გაშენებას გეგმავს

„ჩიკორი“ ხეხილის ბაღების გაშენებას გეგმავს
access_time2020-08-03 16:30:23
კომპანია „ქარელის ხილი“, რომელიც ბაზარზე „ჩიკორის“ ბრენდით არის წარმოდგენილი, სამომავლოდ საკუთარი ბაღების გაშენებას გეგმავს, - განუცხადა „ბიზნესპარტნიორს“ კომპანიის დირექტორმა ანანო ბეჟანიშვილმა. მისი ინფორმაციით, ამ დროისთვის კომპანია ხილს ადგილობრივი ფერმერებისგან იბარებს, პროდუქციის 10% კი საკუთარი ბაღებიდან მიღებული მოსავალია. „ჩვენს საკუთრებაში არსებული ბაღებიდან მაქსიმალურ მოსავალს ვერ ვიღებთ, რადგან ხეხილი ჯერ პატარაა. რამდენიმე წელიწადში მათი მსხმოიარობა...

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს
access_time2020-08-03 10:15:13
რე|ბანკი აგვისტოში 1 წლის ხდება. ბანკმა გასულ წელს მომხმარებლებს სრულიად ინოვაციური საბანკო პროდუქტი შესთავაზა – ტოპ|ქარდი, განვადების შოპინგ ბარათი. ეს რეალურად ეფექტური 0%-იანი განვადების ბარათია, თუკი მყიდველი რე|ბანკის პარტნიორების დაწესებულ ვადებს დაიცავს. ტოპ|ქარდის განვადებით სარგებლობა მხოლოდ რე|ბანკის პარტნიორ ობიექტებში არ არის შესაძლებელი. მომხმარებელს ასევე შეუძლია, 45 დღემდე უპროცენტო გადავადებით, ეფექტური 0%-დან, ივაჭროს ყველგან, მათ შორის, ადგილობრივ და...

საქართველოში უმუშევრობის დონე კორონავირუსის პანდემიის გამო 12%-ით გაიზარდა

საქართველოში უმუშევრობის დონე კორონავირუსის პანდემიის გამო 12%-ით გაიზარდა
access_time2020-08-03 17:40:10
თვითდასაქმებულებზე კომპენსაციის სახით ჯამურად 48 048 300 ლარი, ხოლო დასაქმებულებზე 68 771 800 ლარია გაცემული. ციფრებით ადასტურებს, რომ პანდემიამ, უმუშევრობის დონე 12%-ით გაზარდა. სპეციალისტები ,,რეზონანსთან“ აღნიშნავენ, რომ ეს არ არის სრული სურათი და რეალურად უფრო მძიმე ვითარებაა ქვეყანაში. დასაქმების ხელშეწყობის სახელმწიფო სააგენტოს ინფორმაციით, 31 ივლისის მდგომარეობით, ჯანდაცვის სამინისტროს სარეგისტრაციო პორტალის მეშვეობით სულ დარეგისტრირდა კომპენსაციის მიმღები...

Lufthansa-მ საქართველოს მიმართულებით რეგულარული ფრენები განაახლა

Lufthansa-მ საქართველოს მიმართულებით რეგულარული ფრენები განაახლა
access_time2020-08-03 13:15:58
3 აგვისტოს, გერმანულმა ავიაკომპანია Lufthansa-მ საქართველოს მიმართულებით რეგულარული ფრენები განაახლა. ამის შესახებ ინფორმაციას, თბილისისა და ბათუმის აეროპორტების მართველი კომპანია TAV Georgia ავრცელებს. მიუნხენიდან თბილისში 188 მგზავრი ჩამოფრინდა, ხოლო თბილისიდან მიუნხენის მიმართულებით 156 მგზავრი გაფრინდა.  აღსანიშნავია, რომ...


მსგავსი სიახლეები

up