„ბოლო პერიოდში ტვირთების ონლაინ განბაჟება გააქტიურებულია“, - ამის შესახებ „კომერსანტს“ შემოსავლების სამსახურში განუცხადეს.
„ტვირთების დისტანციურ რეჟიმში განბაჟებას დიდი ხანია ვახორციელებთ. პირველ ეტაპზე ტვირთების წინასწარი დეკლარირება ხდება და გეზ-ში მიუსვლელად გადამზიდავ კომპანიებს შეუძლიათ ამ მომსახურებით სარგებლობა. თუმცა, ონლაინ განბაჟების გამოყენება ბოლო პერიოდში უფრო აქტიურად დაიწყეს“, - გგანმარტავენ უწყებაში.
მათივე ინფორმაციით, შემოსავლების სამსახურის ელექტრონული სერვისების გვერდიდან საბაჟო საკითხებთან დაკავშირებით, შესაძლებელია შემდეგი სახის ელექტრონული განცხადებებით სარგებლობა: 1. წინასწარი დეკლარირება - იმპორტი; 2. დეკლარირება ექსპორტი; 3. არაწინასწარი ელექტრონული დეკლარირება; 4.დეკლარაციაში ცვლილების განხორციელება; 5.არაიოდიზებული მარილის იმპორტის ნებართვის მოთხოვნა.