შემცირდება თუ არა მოთხოვნა უძრავ ქონებაზე – ინტერვიუ ირაკლი როსტომაშვილთან

შემცირდება თუ არა მოთხოვნა უძრავ ქონებაზე – ინტერვიუ ირაკლი როსტომაშვილთან

access_time2020-05-06 13:39:23

სამშენებლო სექტორს მუშაობის უფლება მიეცა, მაგრამ საინტერესოა, რამდენად შემცირდება მოთხოვნა უძრავ ქონებაზე პანდემიის პირობებში და რამდენად მძიმე კრიზისში აღმოჩნდება ეკონომიკის ეს უდიდესი დარგი? –  კითხვებს „მენაშენეთა ასოციაციის“ თავმჯდომარე ირაკლი როსტომაშვილი პასუხობს.



5 მაისიდან მოიხსნა შეზღუდვა მშენებლობებსა და სამშენებლო პროდუქციის საწარმოებში. როგორ შეაფასებთ მთავრობის ამ გადაწყვეტილებას? პანდემიის დროს აუცილებელი იყო თუ არა მშენებლობების შეჩერება?

– ჩემთვის, ცხადია, ეს კარგი ამბავია. ჩვენ, დეველოპერები, ვენდობით ხელისუფლებას, მათ უკეთ იციან ამის შესახებ და, ალბათ, ჩათვალეს საჭიროდ, რომ უკვე დრო დადგა, ეს პროცესი განახლებულიყო. პანდემიის დროს, მიმაჩნია, რომ ის გადაწყვეტილებები, რაც მიიღეს, საჭირო იყო. ამ დროს ადამიანები გარეთ რაც შეიძლება ნაკლებად უნდა გამოსულიყვნენ.
პანდემიის დროს მშენებლობის შეჩერება აუცილებელზე აუცილებელი იყო. ჩვენი ტიპის ქვეყანაში სხვა გამოსავალს, მე პირადად, ვერ ვხედავ.



- საქართველოს ეკონომიკისთვის რამდენად მნიშვნელოვანია ასეთი შეზღუდვის მოხსნა?

– ცხადია, როდესაც ეკონომიკა არ მუშაობს, ეს ცუდია. ჩემი ინფორმაციით, მშენებლობის წილი საქართველოს მშპ-ის 15%-ს შეადგენს. თუმცა, ჩემი აზრით, ეს მაჩვენებელი ბევრად დიდია. დეველოპერული სისტემა არის ბიძგი სხვა დარგების მუშაობის, მაგალითად, ნებისმიერი ჩაბარებული თეთრი კარკასი იწვევს სამომავლოდ უამრავი ადამიანის დასაქმებას, ასევე, სხვადასხვა საყოფაცხოვრებო ნივთის, ტექნიკის რეალიზაციას. სწორედ აქედან გამომდინარე, სამშენებლო სექტორის ამოქმედება ეკონომიკისთვის მნიშვნელოვანია.



- მიუხედავად იმისა, რომ მშენებლობები განახლდა, პანდემიის პირობებში, როდესაც ეკონომიკა მნიშვნელოვან კრიზისშია, შემცირდება თუ არა უძრავ ქონებაზე, საცხოვრებელ სახლებზე მოთხოვნა?

– ცხადია, უძრავ ქონებაზე მოთხოვნამ პანდემიის პირობებში იკლო. ამ მდგომარეობაში ნაკლებად აქვს ხალხს სურვილი, შეიძინოს ბინა, რადგან ბინის შეძენა საკმაოდ ხანგრძლივი პროცესია და ამ დროს ადამიანი დიდ არჩევანს აკეთებს.
ამ შემთხვევაში ბინის შეძენის საშუალება და დრო არ იყო, ასევე, სერიოზულად იმოქმედა ლარის კურსმაც ბინებისა და უძრავი ქონების გაყიდვაზეც. ასევე, ჩემი დაკვირვებით, საარჩევნო წლებში ყოველთვის მოლოდინის რეჟიმში გადადიან მყიდველები, ამ დროს ისინი ფიქრობენ, იყიდონ თუ არა უძრავი ქონება, თუ დაელოდონ არჩევნების შემდგომ პერიოდს. უნდა შევთანხმდეთ ერთ რამეზე, რომ ბინის შეძენა სტაბილური ქვეყნის ფუფუნებაა, არავინ არ ყიდულობს ბინას და სხვა უძრავ ქონებას, სადაც არ არის სტაბილურობის იმედი.
ამას დაემატა კორონავირუსი და ყველაფერი ერთად წლის ბოლომდე უფრო დაგვანახებს შედეგს. მაგრამ, სავარაუდოდ, მნიშვნელოვნად დაეცემა მოთხოვნა უძრავ ქონებასა და საცხოვრებელ სახლებზე.



- 2008 წლის კრიზისს თუ შევადარებთ დღევანდელ ვითარებას, რა პროგნოზის გაკეთება შეგიძლიათ?

– 2008 წლის კრიზისი ყველაზე ცუდად დეველოპერებზე აისახა. ჩვენი პრობლემა მაშინ არავინ არ გაითვალისწინა. რაც შეეხება დღევანდელ ვითარებას, ჩემი აზრით, ეს ისე არ აისახა, როგორც 2008 წელს იყო. 2008 წელს ბანკებმა გაცემული სესხები უკან დაიბრუნეს და კომპანიები შუა გზაზე დატოვეს, ამას უამრავი სასამართლო დავაც კი მოჰყვა.



NS 






ქუთაისში მდებარე საწარმომ მზის პანელები აშშ-ში ექსპორტზე გაიტანა

ქუთაისში მდებარე საწარმომ მზის პანელები აშშ-ში ექსპორტზე გაიტანა
access_time2020-05-30 21:00:36
ძალიან სასიხარულოა, რომ საწარმო კორონავირუსის პანდემიის შემდეგ, როცა ჩვენ ვხსნით ეკონომიკას, საწარმო გაფართოებას გეგმავს. მის გეგმებში დიდი კორექტირება არ...

ჩინური კომპანია 99%-ით არის დარწმუნებული, რომ მათ მიერ შექმნილი კორონავირუსის ვაქცინა ეფექტური იქნება

ჩინური კომპანია 99%-ით არის დარწმუნებული, რომ მათ მიერ შექმნილი კორონავირუსის ვაქცინა ეფექტური იქნება
access_time2020-05-30 19:52:32
ჩინელი მეცნიერები 99%-ით არიან დარწმუნებულები, რომ კორონავირუსის ვაქცინა, რომელზეც მუშაობენ ეფექტური იქნება, - ამის შესახებ ინფორმაციას...

ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში

ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში
access_time2020-05-30 15:49:21
მაისიც ძალიან მძიმე იქნება, ივნისიც და ზოგადად, წლის ბოლოს ნავარაუდევია ეკონომიკის სერიოზული ვარდნა, - ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებს განუცხადა, რითაც გამოეხმაურა “საქსტატის” მონაცემებს აპრილში ეკონომიკის 16.6%-იან ვარდნასთან...

ბაზარზე ლუდის პირველი ქართული ბრენდი ბრუნდება - „ზედაზენის“ ახალი პროდუქტი

ბაზარზე ლუდის პირველი ქართული ბრენდი ბრუნდება - „ზედაზენის“ ახალი პროდუქტი
access_time2020-05-30 15:00:14
„ზედაზენი“ ახალ პროდუქტს უშვებს. საუბარია ლუდის პირველ ქართულ ბრენდზე „ აიაზე“, რომელიც ბაზარზე...

ახალბედა მილიარდერები, რომლებმაც COVID-19-ის კრიზისით იხეირეს

ახალბედა მილიარდერები, რომლებმაც COVID-19-ის კრიზისით იხეირეს
access_time2020-05-30 17:00:54
გლობალურმა პანდემიამ მსოფლიოს დიდ ნაწილში მასშტაბური ნეგატიური ცვლილებები გამოიწვია, თუმცა, ყველაფერს აქვს თავისი დადებითი მხარეც. პანდემიის გამო, 2020 წლის Forbes-ის მილიარდერთა რეიტინგის ახალი178 წევრიდან ნაწილმა დიდი სარგებელი ნახა. მათ შორის არიან: ლარი სიანდონ ჩენი ქონება: $4.5 მილიარდი ქვეყანა: ჩინეთი ლარი ჩენი GSX Techedu-ის დამფუძნებელი და...


მსგავსი სიახლეები

up