„რა თქმა უნდა პასკაზე ფასი გავზარდეთ, რადგან ყველა  პროდუქტის ფასი, რომლითაც ჩვენ პასკებს  ვამზადებთ გაიზარდა თუ 2-ჯერ არა 50% - ით მაინც, მაგალითად  ფქვილზე  შაქარზე იმატა ღირებულებამ.   ჩვენი ინგრედიენტები, მაგალითაც  პასიკის  სუნელები, რითაც პასკა  გამოირჩევა 50% - ით არის  გაზრდილი - შარშან თუ  ფასი  20 ლარი იყო, ახლა 30 ლარია,“ - ამის შესახებ კომერსანტს საკონდიტრო „ტარტანის“ მენეჯერი ჯული ჭაჭიაშვილი უყვება.

წინასააღდგომოდ ყველაზე აქტუალური საკონდიტრო ნაწარმი, როგორც ჩანს ისეთივე მასშტაბებით არ იყიდება, როგორც ამ პერიოდს შეეფერება.  როგორც საკონდიტროები აღნიშნავენ,  თუ ადრე ერთი მომხმარებელი 10 პასკას იძენდა , წელს ეს რიცხვი 2 ამდე შემცირდა.

პანდემიამ ძალიან დიდი გავლენა მოახდინა ჩვენი მომხმარებლის მსყიდველუნარიანობაზე, ადრე თუ შეკვეთილი პასკების რაოდენობა ერთი მომხმარებლის მხრიდან იყო 10 ცალი და მეტი, წელს იგივე მომხმარებელი მხოლოდ 2 პასკას ყიდულობს. მყიდველების ძალიან უმნიშვნელო  რაოდენობას შეკვეთილი აქვს ხუთი ცალი , ეს თავისთავად  პანდემიის  გავლენაა.

შეიძლება  ვთქვა, რომ შარშანდელთან  შედარებით  წელს  პასკები თითქმის არ იყიდება, დიდ ხუთშაბათს  შარშან უამრავი მომხმარებელი გვყავდა , წელს  შემოდიან, მაგრამ  უმეტესობა პასკას  აღარ  ყიდულობს, ჩვენ  ბვრ  სხვა  რაღაცასაც  ვაცხობთ.

როგორც  ასეთი,  წელს  პასკა  შეიძლება  ითქვას რომ ჩავარდა.

შარშან ეს პროდუქტი ღირდა 25 ლარი,  წელს  ერთ კილოგრამიანი პასკა  30 ლარი  ღირს.

მაგალითად  შაქარს თუ 50 ლარად  ვყიდულობდით, იგივე  რაოდენობაში 80-90 ლარს  ვიხდით, ასევეა  ფქვილიც , ადრე თუ 60 ლარი ღირდა, იგივე  რაოდენობა  წელს 105 ლარი ღირს. მაგრამ მიუხედავად იმისა, რომ პასკის  თვითღირებულება  ძალიან მაღალია, მოგების  პროცენტი  შარშანდელთან შედარებით დავწიეთ, რადგან ჩვენი ერთგული კლიენტები არ დაგვეკარგა. ამ პროპორციების მიხედვით სულ მცირე  ათი ლარით უნდა  გაგვეზარდა, მაგრამ გამომდინარე იქიდან,  რომ ჩვენი კლიენტები  არ დაგვეკარგა, მხოლოდ ხუთი ლარი მოვუმატეთ,“ - ამბობენ „ტარტანში“.

კომპანია „იფქლი“, როგორც ბაზარზე კიდევ ერთი მოთამაშე პასკის ბაზრის მცირე ნიშას იკავებს, თუმცა გვიყვება, რომ კომპანიაც იძულებული გახდა ფასი დაეკორექტირებინა ლარის კურსისა და პანდემიის გავლენით.

„ფასები დიდად არ გაგვიზრდია, ალბათ ასე 10 პროცენტით, თუმცა ყველა მწარმოებელმა გაზარდა და ზოგმა გააორმაგა კიდეც, არეული სიტუაციაა.  მართალია პასკებს ძალიან ცოტას ვაწარმოებთ და არ ვართ ბაზარზე წამყვანი მოთამაშეები, მაგრამ ჩვენი ობიექტების გარდა რამდენიმე ქსელურ მარკეტში შეგვაქვს ცოტა რაოდენობით.  პასკის რეალიზაცია  ისეთივეა წელსაც როგორიც შარშან, დიდი ცვლილება ჩვენთვის არ ყოფილა. - ამბობს ბაქარ ბაკურაძე, „იფქლის“ გენერალური დირექტორი.