საქართველოს ბანკისა და  საქართველოს ინოვაციებისა და ტექნოლოგიების სააგენტოს თანამშრომლობით, უმსხვილესი ბიზნეს აქსელერატორის 500 Startups-ის აქსელერაციის პროგრამა წარმატებით მიმდინარეობს. პროექტის მთავარი მიზანია ნიჭიერი ანტრეპრენერების აღმოჩენა, მათი მხარდაჭერა, რათა შექმნან წარმატებული კომპანიები, გავიდნენ გლობალურ ბაზრებზე და საბოლოო ჯამში კიდევ უფრო კარგად გააცნონ საქართველო, როგორც გლობალური ეკო სისტემის განვითარების პოტენციალის მქონე ქვეყანა. 

აქსელერაციის პროგრამის 14-მა  კომპანიამ პირველი ეტაპი წარმატებით დაასრულა, ახლა კი მენტორშიპის მეორე ეტაპზე იმყოფებიან. დღეს ჩვენ გიამბობთ 500 Startups Georgia-ს ერთ-ერთ რჩეულ კომპანიაზე, Tripcars-ზე.

როდესაც კარლ ბენცმა 1980 წელს პირველი ავტომობილი გამოიგონა, ალბათ ვერც კი წარმოიდგენდა რამხელა ინდუსტრიას ჩაუყრიდა საფუძველს. მხოლოდ 2017 წელს, რომელიც ამ ინდუსტრიისათვის სარეკოდო აღმოჩნდა, მსოფლიოს მასშტაბით 79.6 მილიონი ერთული ავტომობილი გაიყიდა. (წყარო - Statista.com).

ბევრს აწუხებს  პარკირების პრობლემა, მაგრამ ალბათ არ დაფიქრებულხართ იმაზე თუ საკუთარი მანქანით დღის განმავლობაში რა დროით სარგებლობთ. სხვა მხრიდან რომ შევხედოთ, პარკირებული ავტომობილები არის გამოუყენებელი რესურსი, რომელსაც მფლობელისთვის შეიძლება შემოსავალი მოეტანა.

წლების განმავლობაში საკუთარი ავტომობილის გაქირავება ნელი და მოუქნელი პროცესი იყო. ინტერნეტისა და სმარტფონების განვითარებამ კი გააჩინა სრულიად ახალი ბიზნესი - ე.წ „Peer to peer car sharing”. მსგავსი პროდუქტი უკვე აღარაა უცხო არც ქართული ბაზრისათვის. Tripcars ქართული სტარტაპია, რომელიც მომხმარებლებს ყოველდღიურად მანქანების გაქირავების/ქირაობის სერვისს სთავაზობს.    

„ერთ-ერთ ჩემს მეგობარს ჰქონდა სტანდარტული მანქანის გაქირავების კომპანია, რომელმაც შემომთავაზა დღიურად გამექირავებინა ავტომობილი. სერვისი ძალიან მოუქნელი იყო, რადგან მანქანა უნდა დაგვეტოვებინა კონკრეტულ ავტოსადგომზე და არ ვიცოდი საერთოდ გაქირავდებოდა თუ არა.  ამ დროს მივხვდით, რომ  ეს სერვისი შეგვეძლო გაგვეკეთებინა ციფრულად და შეგვექმნა სისტემა, რომელიც იქნებოდა გამჭვირვალე, სწრაფი და მარტივად დააკავშირებდა გამქირავებელს მომხმარებელთან. ჩვენ ავიღეთ Airbnb-ს მოდელი და მოვარგეთ ავტომობილების გაქირავების სერვისს. ჩვენს მომხმარებლებს წინასწარ აღარ უწევთ მანქანის სადმე მიყვანა და მხოლოდ ჯავშნის მიღების შემდეგ გადასცემენ ავტომობილს კლიენტს,“ - ამბობს კომპანიის დამფუძნებელი ირაკლი ცაგარეიშვილი. 

Tripcars ქართულ ბაზარზე 2019 წლის ივლისში გამოჩნდა და თავდაპირველად ძირითადი სამიზნე აუდიტორია უცხოელი ტურისტები იყვნენ, მაგრამ COVID-19 პანდემიის შემდეგ დამფუძნებლებმა სტრატეგია შეცვალეს და პროდუქტი ლოკალურ მომხმარებლებსაც მოარგეს. პანდემიის გარდა კომპანიას სხვა უფრო დიდი გამოწვევაც ჰქონდა პროდუქტის შექმნისას. ქართულ ბაზარზე არ არსებობდა ყოველდღიური დაზღვევა, რაც სტარტაპისთვის დიდ სირთულეს წარმოადგენდა. ჩვენს პარტნიორთან თანამშრომლობით Tripcars-ისთვის შეიქმნა ყოველდღიური დაზღვევა და თუ გადაწყვეტთ მანქანის გაქირავებას, ის დაზღვეული იქნება იმდენი დღით, რამდენი დღითაც იქირავებს კლიენტი. 

„სტარტაპს ერთ წლიანი საოპერაციო გამოცდილებაც არ ჰქონდა და 500 startup-ის აქსელერაციის პროგრამაში მონაწილეობა ჩვენთვის იქნება უდიდესი ნახტომი ბიზნესის განვითარებაში.  მანამდე გვქონდა სხვადასხვა მცირე გამოცდილება, მაგრამ ამ აქსელერაციის პროგრამაში მონაწილეობამ ჩვენი მიდგომა და ხედვა სრულიად ახალ საფეხურზე გადაიყვანა.

500 Startup-ს აქვს საკმაოდ დიდი პორტფელი, რომელიც 500-ზე მეტ გამოცდილ მენტორს აერთიანებს. პროგრამის მონაწილეებს შეგვიძლია, ნებისმიერ დროს ჩვენთვის სასურველი მენტორი შევარჩიოთ, დავუკავშირდეთ და გაგვიზიაროს გამოცდილება. 

პროგრამამ ჩვენი მოლოდინი სრულიად გაამართლა და მენტორშიპის პირველ ეტაპზე  სრულიად ახალი ტექნიკები და მიდგომები ვისწავლეთ, თუ როგორ უნდა გაიზომოს სტარტაპი. ასევე ძალიან მნიშვნელოვანი იყო, რომ  მენტორები დაგვეხმარნენ სტარტაპის გრძელვადიანი ხედვის ჩამოყალიბებაში და დავიწყეთ ფიქრი ჩვენთვის რელევანტური სხვა სერვისების დამატებაზეც,“ - გვიყვება ირაკლი ცაგარეიშვილი.

დღესდღეობით ავტომობილი ჩვენი ცხოვრების განუყოფელი ნაწილი გახდა და წლების განმავლობაში ადამიანებს მასთან სხვადასხვა ტიპის ემოციური კავშირი ჩამოგვიყალიბდა. ბევრი ახალგაზრდა ოცნებობს გახდეს თვრამეტი წლის, აიღოს მართვის მოწმობა და ჰყავდეს საკუთარი ავტომობილი, მაგრამ დროთა განმავლობაში მანქანის ყოლა ხარჯებთან, პროფილაქტიკებში სიარულთან და პარკირების დაუსრულებელ პრობლემასთან ასოცირდება. მაგრამ დღეს უკვე შეგიძლიათ შეხვიდეთ www.tripcars.com-ზე და მანქანის ყიდვის ნაცვლად ყოველდღიურად იქირაოთ დაზღვეული ავტომობილი თქვენთვის ხელსაყრელი პირობებით.

(R)