შეცვალე აკუმულატორი, აირიდე თავგადასავალი, რომელიც არ გჭირდება - „თეგეტა მოტორსის“ კამპანია გრძელდება

შეცვალე აკუმულატორი, აირიდე თავგადასავალი, რომელიც არ გჭირდება - „თეგეტა მოტორსის“ კამპანია გრძელდება

access_time2022-11-30 12:10:43

„თეგეტა მოტორსმა“, ზამთრის დადგომასთან ერთად, ახალი კამპანია წამოიწყო. „აირიდე თავგადასავალი, რომელიც არ გჭირდება“- სწორედ  ამ სლოგანის ქვეშ გააერთიანა კომპანიამ ის მთავარი საკითხები, რომლებიც უსაფრთხო გადაადგილებას უკავშირდება და ყველა მანქანის მფლობელმა უნდა გაითვალისწინოს.


კამპანიის ფარგლებში „თეგეტა მოტორსი“ მომხმარებელს რჩევებს იმ პროდუქტებზე აძლევს, რომელთა შეცვლაც ზამთრის მოახლოებამდე აუცილებელია. ერთ-ერთია აკუმულატორი, რომლის მწყობრიდან გამოსვლის შემთხვევაში შესაძლოა, ზამთრის ყველაზე ჯადოსნურ პერიოდში ასეთ სიტუაციაში აღმოჩნდეთ:



ამის თავიდან ასარიდებლად კი უმჯობესია, ავტომობილის მომზადება უკვე დაიწყოთ.   



ხატია მეხრიშვილი, „თეგეტა მოტორსის“ მარკეტინგის მენეჯერი: „მძღოლების ნაწილი ზამთრისთვის ავტომობილის მომზადებას სათანადო ყურადღებას არ აქცევს, შედეგად კი წლის ყველაზე ჯადოსნურ პერიოდს ისეთ თავგადასავლებში ატარებს, რომლებში გახვევასაც არავინ ინატრებდა. კამპანიის ფარგლებში შევქმენით პრინტსერია, რომელიც ნათლად აჩვენებს ორ კონტრასტულ რეალობას. რამდენად დიდი დისკომფორტის შექმნა შეუძლია ავტომობილის გაუმართაობას და როგორი უჩვეულო სიმშვიდით ჩაივლის ზამთრის სეზონი, თუ ავტომობილს ზამთრის შესაბამისად გავმართავთ. ამ გზით გვსურს, ავტომფლობელები დავაფიქროთ და სწორი გადაწყვეტილების მიღებისკენ ვუბიძგოთ“.


წელიწადის ყველაზე ცივ სეზონზე ძალიან ხშირია აკუმულატორთან დაკავშირებული პრობლემები, რაც დაბალი ტემპერატურით აიხსნება. სწორედ ამიტომ ის ზამთრის დადგომამდე უნდა შევამოწმოთ და თუ საჭიროა, შევცვალოთ კიდეც. კონკრეტულად რა სახის პრობლემებს შეიძლება წავაწყდეთ აკუმულატორთან დაკავშირებით და როგორ ავირიდოთ ისინი თავიდან? - ამის შესახებ „თეგეტა მოტორსის“ საცალო გაყიდვების განყოფილების უფროსი კაკი წერეთელი მოგვიყვება.



რატომ უნდა შევამოწმოთ აკუმულატორი ცივი სეზონის დადგომამდე?

„აუცილებელია ვიცოდეთ, რომ აკუმულატორი პერიოდულ შემოწმებას საჭიროებს. მკაცრი კლიმატი აკუმულატორის პირველი მტერია. საყურადღებოა როგორც მაღალი ტემპერატურა, ისე ზამთრის ცივი სეზონი. ძლიერი ყინვის გამო, შესაძლოა, აკუმულატორი მწყობრიდან გამოვიდეს, განსაკუთრებით იმ შემთხვევაში, თუ მისი რესურსი უკვე დაბალია. სწორედ ამიტომ მნიშვნელოვანია მისი პერიოდული შემოწმება“.

რამდენი წელი შეიძლება აკუმულატორმა იმუშაოს?

„ყველა აკუმულატორს თავისი განსაზღვრული ვადა აქვს, თუმცა მათი მუშაობის დიაპაზონი 3-იდან 7 წლამდე მერყეობს. რესურსის ამოწურვის შემდეგ ის უბრალოდ წყვეტს მუშაობას. პრობლემების შემთხვევაში აკუმულატორი ნიშნების სახით აუცილებლად მოგვცემს გაფრთხილებებს, ხოლო გაფრთხილებები გამოიხატება ფარების ნათების შემცირებაში, დაქოქვის დროს დენის გართულებულად მიწოდებაში. შესაძლოა, ხანგრძლივი დგომის შემდეგ ავტომობილი საერთოდ აღარც კი დაიქოქოს“.

რესურსის ამოწურვამდე რამ შეიძლება დააზიანოს აკუმულატორი?

„ზამთარში ძლიერი ყინვა ელექტროლიტების სიმკვრივის დაცემას იწვევს, რამაც შესაძლოა, აკუმულატორის გაყინვა გამოიწვიოს.

როდესაც მწყობრიდან გამოსული აკუმულატორიანი ავტომობილის დაქოქვას ვცდილობთ, ამ დროს ყურადღება უნდა მივაქციოთ ამ პროცესისთვის გამოყენებულ მოწყობილობებს (კლემების დამაგრძელებელს, ე.წ. „პერემიჩკებს“), რადგან ძლიერი არასპეციალიზებული მოწყობილობის გამოყენების შედეგად შესაძლებელია, ავტომობილის ელექტრონული ქსელის დაზიანება გამოვიწვიოთ.

სწორედ ამიტომ უნდა გამოვიყენოთ აკუმულატორის სპეციალური დამტენი ან თუ ეს პროცესი პერმანენტულ სახეს იღებს, მაშინ უბრალოდ უნდა შევცვალოთ აკუმულატორი. იმისათვის, რომ აკუმულატორმა სამუშაო რესურსი ხანგრძლივად შეინარჩუნოს, აუცილებელია მისი პერიოდული შემოწმება“.

აკუმულატორის შეძენისას რას უნდა მივაქციოთ ყურადღება?

„აკუმულატორების დამზადების ტექნოლოგია ერთმანეთისგან განსხვავდება, შესაბამისად მუშაობის, მონტაჟისა და დამუხტვის სტილიც ინდივიდუალურია. მისი შერჩევისას უნდა გავითვალისწინოთ აკუმულატორის სტანდარტი, ფიგურის ზომა, პოლარობა, ავტომობილის გამოშვების თარიღი, ბრენდი, მოდელი და ასევე ძრავისა და საწვავის ტიპი“.

ცივი სეზონისთვის ავტომობილის მოსამზადებლად „თეგეტა მოტორსის“   ფილიალებში საბურავებზე, ხუნდებზე, აკუმულატორებსა და ანტიფრიზებზე სპეციალური შეთავაზებები დაგხვდებათ.           

--

ავტოინდუსტრიის ლიდერი კომპანია  „თეგეტა მოტორსი“ ქართულ ბაზარზე 1995 წლიდან საქმიანობს და მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 29 ფილიალი აქვს, რომლებიც 400 000-ამდე საცალო და 35 000-ამდე კორპორაციულ მომხმარებელს ემსახურება. „თეგეტა მოტორსი“ 300-ამდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

(R)






5-6 თებერვალს სტამბოლის აეროპორტში 230-ზე მეტი ფრენა უქმდება

5-6 თებერვალს სტამბოლის აეროპორტში 230-ზე მეტი ფრენა უქმდება
access_time2023-02-04 21:50:22
5-6 თებერვალს თურქეთის ავიახაზებმა, სტამბოლის აეროპორტში, უამინდობის გამო 230-ზე მეტი საერთაშორისო და შიდა ფრენა გააუქმა. აეროპორტის ოფიციალურმა წარმომადგენლებმა გაავრცელეს განცხადება, სადაც მგზავრებს ურჩევენ, რომ ამინდის გაუარესების გამო, 5 და 6 თებერვლის ფრენის დეტალები შესაბამის ავიაკომპანიებთან დააზუსტონ. თურქეთის სახელმწიფო მეტეოროლოგიურ სამსახურს განცხადება ჯერ არ გაუკეთებია. უახლოეს საათებში შესაძლოა გამოცხადდეს ფრენების შემდგომი შეფერხებების ან უამინდობის...

საქართველოში გამოვლენილია XBB1.5-ის („კრაკენი“) შემთხვევებიც, მაგრამ CH.1.1-ის („ორტრუსის“) არცერთი შემთხვევა არ დაფიქსირებულა - თენგიზ ცერცვაძე

საქართველოში გამოვლენილია XBB1.5-ის („კრაკენი“) შემთხვევებიც, მაგრამ CH.1.1-ის („ორტრუსის“) არცერთი შემთხვევა არ დაფიქსირებულა - თენგიზ ცერცვაძე
access_time2023-02-04 21:20:45
თენგიზ ცერცვაძე სოციალურ ქსელში ვრცელ პოსტს აქვეყნებს, სადაც მსოფლიოში და საქართველოში კოვიდ სიტუაციას მიმოიხილავს. ის წერს, რომ საქართველოში, ისევე როგორც სხვა ქვეყნების უმეტესობაში გამოვლენილია XBB1.5 („კრაკენი“) სუბვარიანტით გამოწვეული შემთხვევებიც, თუმცა დომინანტურ სუბვარიანტებად კვლავ რჩება ომიკრონის BA2, BA5 და სხვა „ძველი“ სუბვარიანტები. სადღეისოდ საქართველოში CH.1.1 („ორტრუსის“) სუბვარიანტის არცერთი შემთხვევა არ დაფიქსირებულა.   „ბოლო პერიოდში მსოფლიოში COVID-ის...

2022 წელს ამერიკულმა ბანკებმა ხელმძღვანელობას ხელფასები შეუმცირეს

2022 წელს ამერიკულმა ბანკებმა ხელმძღვანელობას ხელფასები შეუმცირეს
access_time2023-02-04 20:00:06
Bank of America Corp-მა 2022 წლისთვის აღმასრულებელი დირექტორის ბრაიან მოინიჰანის ხელფასი დაახლოებით 6%-ით 30 მლნ დოლარამდე შეამცირა. 2021 წელს მოინიჰანის ანაზღაურება 32 მლნ დოლარი იყო. ამის შესახებ Bloomberg-ი და...

მკვლევრებმა მარილის მარცვლის ზომის ვიდეოკამერა შექმნეს

მკვლევრებმა მარილის მარცვლის ზომის ვიდეოკამერა შექმნეს
access_time2023-02-04 19:30:45
პრინსტონისა და ვაშინგტონის უნივერსიტეტების მკვლევრებმა ახალი მაღალი ხარისხის გამოსახულების მქონე მიკროკამერა შექმნეს, რომელი მხოლოდ ნახევარი მილიმეტრის ზომისაა.   Nature Communications-ში გამოქვეყნებული კვლევა აჩვენებს, თუ როგორ...

მსოფლიოში ოქროზე მოთხოვნა 18%-ით გაიზარდა

მსოფლიოში ოქროზე მოთხოვნა 18%-ით გაიზარდა
access_time2023-02-04 17:20:48
მსოფლიო ოქროს საბჭოს (WGC) ყოველწლიური ანგარიშის მიხედვით, 2022 წელს ოქროზე გლობალური მოთხოვნა 18%-ით გაიზარდა და 4741 ტონას მიაღწია, რაც ყველაზე მაღალია მაჩვენებელია 2011 წლის შემდეგ.   მსოფლიოს ცენტრალური ბანკების მიერ ოქროს შესყიდვები ზედიზედ მეორე წელია გაიზარდა და 1136 ტონას მიაღწია. განვითარებადი ქვეყნების მარეგულირებლები, მათ შორის თურქეთი და ჩინეთი, ოქროს მთავარი მყიდველები გახდნენ.   „2022 წელს ცენტრალური ბანკები არამარტო გახდნენ ოქროს...


მსგავსი სიახლეები

up