ძვირადღირებულმა ბრიტანულმა ბრენდმა Paul Smith-მა რუსეთი დატოვა და სინანული გამოთქვა, რომ ეს უფრო ადრე არ გააკეთა. ამის შესახებ Financial Times-ი წერს.
მოდის სახლი ყურადღების ცენტრში გასულ კვირას მოექცა მას შემდეგ, რაც Daily Mail-მა გაავრცელა ინფორმაცია, რომ Paul Smith-ი რუსეთში ფრენჩაიზის პარტნიორის მეშვეობით კვლავ ყიდის თავის პროდუქტებს.
გამოცემის ცნობით, კომპანიამ ტანსაცმლისა და აქსესუარების ახალი კოლექცია მოსკოვის ერთ მაღაზიას მიაწოდა.
„ახლა ჩვენ გვესმის, რომ შეცდომა იყო ამ მაღაზიების ფუნქციონირება უკრაინაში საომარი მოქმედებების ფონზე. ამიტომ, ჩვენ მათი დახურვა მოვითხოვეთ“, - განაცხადა კომპანიის წარმომადგენელმა.
ძვირადღირებული ბრენდებმა - Louis Vuitton-მა, Chanel-მა და Burberry-მ რუსული ბუტიკები დახურეს და რუს ფრანჩაიზებთან ურთიერთობა ჯერ კიდევ 2022 წლის მარტში გაწყვიტეს, წერს FT.
პოლ სმიტმა თავისი პირველი ბუტიკი ნოტინჰემში 1970 წელს გახსნა. ბრენდს ამჟამად 100-ზე მეტი მაღაზია აქვს მთელ მსოფლიოში.