შავი ზღვის საერთაშორისო უნივერსიტეტსა (IBSU) და „გრანთ თორნთონს“ შორის თანამშრომლობის მემორანდუმი გაფორმდა

შავი ზღვის საერთაშორისო უნივერსიტეტსა (IBSU) და „გრანთ თორნთონს“ შორის თანამშრომლობის მემორანდუმი გაფორმდა

access_time2019-05-16 13:28:20

შავი ზღვის საერთაშორისო  უნივერსიტეტსა და გრანთ თორნთონს შორის თანამშრომლობის მემორანდუმი გაფორმდა. მემორანდუმს ხელი მოაწერეს შავი ზღვის საერთაშორისო უნივერსიტეტის რექტორმა ილიას ჩილოღლუმ და გრანთ თორნთონის მმართველმა პარტნიორმა ვახტანგ ცაბაძემ.


მემორანდუმის ფარგლებში,  „გრანთ თორნთონი“ მონაწილეობას მიიღებს სხვადასხვა საგანმანათლებლო პროექტებში.


აღსანიშნავია, რომ „გრანთ თორნთონს“ უკვე აქვს გაფორმებული მემორანდუმები საქართველოს ბანკის უნივერსიტეტთან და თბილისის სახელმწიფო უნივერსიტეტთან.


როგორც „გრანთ თორნთონის“ მმართველი პარტნიორი ვახტანგ ცაბაძე აღნიშნავს, ერთ-ერთი მნიშვნელოვანი რაც ახალი მემორანდუმის ფარგლებში დაინერგება, ეს პრაქტიკული სწავლების შესაძლებლობაა:



„ჩვენ აქტიურად ვთანამშრომლობთ სხვადასხვა საგანმანათლებლო დაწესებულებასთან, რაც გულისხმობს უნივერსიტეტის სტუდენტებისთვის ლექციებისა და მასტერკლასების ჩატარებას. უნივერსიტეტის რეკომენდაციით წარჩინებულ სტუდენტებს კი  მიეცემათ როგორც სტაჟირების, ისე დასაქმების შესაძლებლობები“.


რაც შეეხება მოსალოდნელ ცვლილებებს, ვახტანგ ცაბაძე რამდენიმე მნიშვნელოვან ფაქტორზე ამახვილებს ყურადღებას:


„საგანმანათლებლო სფეროში კომერციული სექტორის ჩართულობა მნიშვნელოვნად გაზრდის სტუდენტების მოტივაციას, რაც  გამოიწვევს ცოდნის გაღრმავებას და სწავლით დაინტერესებას.  ჩვენს ორგანიზაციაში, საწყის პოზიციებზე არ ვითხოვთ გამოცდილებას, რაც ამარტივებს ახალგაზრდა კადრების დასაქმებასაც. ჩვენთან დასაქმებულ კადრს  შესაძლებლობა აქვს, რომ განვითარდეს და ჩამოყალიბდეს მაღალი დონის პროფესიონალად; წარმატებას მიაღწიოს როგორც საქართველოში, ასევე მის ფარგლებს გარეთ. ჩვენი კომპანია მსოფლიოს  140 ქვეყანაშია წარმოდგენილი  53000 თანამშრომლით, შესაბამისად მუდმივ რეჟიმში ხდება გამოცდილების გაზიარება და პროფესიული  განვითარება“,- განმარტავს ვახტანგ ცაბაძე.



(R)




„m2 ჯგუფი“ „ოლიმპიური ვარსკვლავის“ შეჩერებული ობიექტის მშენებლობას იწყებს

„m2 ჯგუფი“ „ოლიმპიური ვარსკვლავის“ შეჩერებული ობიექტის მშენებლობას იწყებს
access_time2020-10-20 14:50:23
„m2 ჯგუფი“ სამშენებლო კომპანია „ოლიმპიური ვარსკვლავის“ ობიექტზე სამშენებლო სამუშაოებს იწყებს.  ხელშეკრულების პირობების თანახმად, მშენებლობა სამი წლის ვადაში დასრულდება და, თორმეტწლიანი ლოდინის შემდეგ, 400-მდე დაზარალებული ოჯახი, კუთვნილ ბინებს მიიღებს. პროექტი თბილისის მერიასთან 23 ივნისს გაფორმებული მემორანდუმის ფარგლებში ხორციელდება. აღნიშნული დოკუმენტი, მხარეების კომპეტენციის ფარგლებში, „ოლიმპიური ვარსკვლავის“ მიერ დაუმთავრებელი...

თუ დაშვებულია 200 კაციანი კულტურული ღონისძიება, რატომ არ შეიძლება ქორწილების ჩატარება?!

თუ დაშვებულია 200 კაციანი კულტურული ღონისძიება, რატომ არ შეიძლება ქორწილების ჩატარება?!
access_time2020-10-20 15:00:08
სოციალური და სარიტუალო ღონისძიებების ჩატარება - ქორწილი, იუბილე, ქელეხი - კორონავირუსის მეორე ტალღის გამწვავებისას,  10 სექტემბრიდან ღია სივრცეშიც აიკრძალა. ღონისძიებები ესაა სფერო, რითაც  შემოსავალს 20-მდე სხვადასხვა პროფესიის ადამიანი იღებდა.  თითქოს ჩავარდნილი გაზაფხულისა და ზაფხულის სეზონების შემდეგ, სოციალური ივენთების მიმართულება გამოცოცხლებას იწყებდა და წყვილებმა ქორწილებისა და დაბადების დღეების აღნიშვნაც კი  შემოდგომაზე გადაწყვიტეს, მორიგი...

ფქვილი შესაძლოა, კიდევ 3 ლარით გაძვირდეს - “ პურზე ფასის ცვლილება ალბათ, ნელნელა მოხდება“

ფქვილი შესაძლოა, კიდევ 3 ლარით გაძვირდეს - “ პურზე ფასის ცვლილება ალბათ, ნელნელა მოხდება“
access_time2020-10-20 14:30:56
რუსული საექსპორტო ხორბლის ფასი, კვლავ იზრდება. მეხორბლეთა ასოციაციის ხელმძღვანელის ავთანდილ სილაგავას თქმით, ქვეყანაში არსებული გარდამავალი მარაგების ამოწურვის შემდეგ, ხორბალი და ფქვილი გაძვირდება საქართველოშიც.   ლევან სილაგავას თქმით, მსოფლიო ბაზარზე არსებული რთული ვითარების კომპენსირებისათვის ხელისუფლება მზად არის სხვადასხვა მეთოდებით ჩაერიოს, რათა პური არ გაძვირდეს.   ,,ჩვენ ამ ეტაპზე გვაქვს გარდამავალი მარაგები, თუმცა ყოველი შემდგომი შემოტანა...

საერთაშორისო სავალუტო ფონდი საქართველოს ეკონომიკის სწრაფად განვითარების პერსპექტივას ხედავს

საერთაშორისო სავალუტო ფონდი საქართველოს ეკონომიკის სწრაფად განვითარების პერსპექტივას ხედავს
access_time2020-10-20 14:05:12
საერთაშორისო სავალუტო ფონდის ახლო აღმოსავლეთისა და ცენტრალური აზიის დეპარტამენტმა ბრიფინგი გაიმართა, სადაც განხილული იყო თუ როგორ აისახება ეს ისტორიული მოვლენები, გლობალური პანდემია და ეკონომიკური კრიზისი, ახლო აღმოსავლეთისა და ცენტრალური აზიის რეგიონზე.   ჯიჰად აზური, ახლო აღმოსავლეთისა და ცენტრალური აზიის დეპარტამენტის დირექტორის თქმით, საქართველო რეგიონში იყო ერთ-ერთი ქვეყანა, რომელმაც წლების განმავლობაში განახორციელა მნიშვნელოვანი რეფორმები, რამაც საქართველოს...

BAG ბიზნეს კლიმატის ინდექსი ბიზნეს ოპერატორების ფრთხილ ოპტიმიზმზე მიანიშნებს

BAG ბიზნეს კლიმატის ინდექსი ბიზნეს ოპერატორების ფრთხილ ოპტიმიზმზე მიანიშნებს
access_time2020-10-20 12:20:57
საქართველოს ბიზნეს ასოციაცია BAG ინდექსის მესამე კვარტლის შედეგებს აქვეყნებს. კვლევის პირველი ნაწილი, რომელიც დღეს გამოქვეყნდა, ბიზნეს კლიმატის ინდექსს მოიცავს. კვლევის თანახმად, 2020 წლის მესამე კვარტალში, საქართველოს ბიზნეს ასოციაციის კლიმატის ინდექსი, წინა კვარტლის მსგავსად, კვლავ აღმასვლის მეოთხედშია, რაც ნიშნავს, რომ ასოციაციის გამოკითხული წევრები თავიანთ მიმდინარე მდგომარეობას კვლავ უარყოფითად აფასებენ, თუმცა ამავდროულად, ნარჩუნდება პოზიტიური...


მსგავსი სიახლეები

up