შალვა თადუმაძე აცხადებს, რომ არ ახსოვს, რამდენი პირია ბრალდებული ოთხოზორიას საქმეში და ვერ იხსენებს, როდის მოიკითხა ბოლოს გამოძიების დეტალები

შალვა თადუმაძე აცხადებს, რომ არ ახსოვს, რამდენი პირია ბრალდებული ოთხოზორიას საქმეში და ვერ იხსენებს, როდის მოიკითხა ბოლოს გამოძიების დეტალები

access_time2019-10-09 12:12:46

გენერალური პროკურორი შალვა თადუმაძე აცხადებს, რომ არ ახსოვს რამდენი პირია ბრალდებული საოკუპაციო ხაზთან მოკლული გიგა ოთხოზორიას საქმეში და ვერც იმას იხსენებს, როდის მოიკითხა ბოლოს აღნიშნული საქმის გამოძიების დეტალები. ამის შესახებ თადუმაძემ პარლამენტში, იურიდიულ საკითხთა კომიტეტის სხდომაზე განაცხადა, სადაც მასთან გასაუბრება მიმდინარეობს.


გენერალური პროკურორისგან დეპუტატი გიგა ბოკერია დაინტერესდა, რამდენად პრიორიტეტული იყო მისთვის გენერალური პროკურორობის დროს გამოძიების საქმეები, რომელიც ეხებოდა ჩვენი მოქალაქეების უფლებების უხეშ შელახვას საოკუპაციო რეჟიმის მიერ შიგნით, სადაც ეს შესაძლებელია გამოძიებულ იქნას, ან საოკუპაციო ხაზზე.


„ბუნებრივია იყო და ყველა შემთხვევაზე შესაბამისი რეაგირება არის მოხდენილი. თუ კონკრეტულად მკითხავთ გიპასუხებთ“, - განაცხადა თადუმაძემ, რაზეც გიგა ბოკერიამ განაცხადა, რომ თადუმაძე მას ანებივრებს.


„ასე ნუ მანებივრებთ ბატონო შალვა, ნუ მეხმარებით“, - განაცხადა ბოკერიამ.


„ასე ნუ ნერვიულობთ ბატონო გიგა, - მიმართა თადუმაძემ ბოკერიას, რაზეც დეპუტატმა განაცხადა: „მე ვნერვიულობ? ახლა დავმშვიდდები, წყალს დავლევ“.



გიგა ბოკერია დაინტერესდა იცნობს თუ არა გიგა ოთხოზორიას საქმეს და იმ დოკუმენტს, რომელიც პარლამენტმა მიიღო - ოთხოზორია-ტატუნაშვილის სიას.


„ვიცი, რომ ვინც ამ საქმეშია იდენტიფიცირებული, ყველას აქვს ბრალი წარდგენილი, რამდენ ადამიანს აქვს ბრალი წარდგენილი ზუსტად არ მახსოვს“, - განაცხადა თადუმაძემ.


„ერთი პირია ბრალდებული, ვინც უშუალოდ ჩახმახს გამოკრა. დღემდე არ არიან ის პირები მოხვედრილი სიაში, ვინც ფირზე ჩანს, რომ ეხმარებიან მას მკვლელობაში. ჩვენი წაყაროებით დავადგინეთ გვარები ამ პირების, ვინც იქ იყო, ეს არის, სავარაუდოდ, ახრაკ ქაჯაია, საგუშაგოს უფროსი ნაბაკევში, ეს არის აფხაზეთის ე.წ. მებაჟეები რაშიდ კანჯიოღლი, ოთხოზორიას მკვლელი, ეს არის ალხაზ ალიას ცვეიბა, ბესიკ კუტოღლი, არკადი კვეკვესკირი, სერგეი კორტენკო. ეს თქვენ მთავრობას საჯაროდ მივაწოდე ორჯერ. 20 ივნისის საქმეზე 19 პირია დაკავებული და კიდევ უფრო მეტი ბრალებული. ამდენი წლის განმავლობაში, როცა იცით, რომ თქვენი უწყების პასუხისმგებლობაა ამ პირებს, ვინც ფირზეა გადაღებული მკვლელობისას, ბრალი უნდა წაუყენოთ, რომ მერე სიაში მოხვდნენ, ამისთვის რატომ ვერ მოიცალეთ? - ჰკითხა თადუმაძეს ბოკერიამ.


„თქვენ კიდევ ერთხელ აკეთებთ ინტერპრეტაციას, რომ ეს პირები თქვენ დააიდენტიფიცირეთ. მე არ ვიცი ამ გამოძიების უკანასკნელი დეტალები. დღის განმავლობაში ძალიან ბევრ საქმეს მოვიკითხავ ხოლმე, მაგრამ არ მახსოვს ბოლოს როდის მოვიკითხე. არ გვინდა სენტიმენტები“, - განაცხადა თადუმაძემ.


„გიგა ოთხოზორიას საქმეზე სენტიმენტები მაქვს მინდა გითხრათ, თქვენც უნდა გქონდეთ და რომ არ გაქვთ ეს სენტიმენტი, ეს არის პრობლემა, ბატონო შალვა. იურიდიული კვალიფიკაცია ვერ იპოვეთ წლების განმავლობაში, გიგა ოთხოზორიას მკვლელობის საქმეში ბრალი ვისთვის წაგეყენებინათ? და იპოვეთ კვალიფიკაცია უმძიმესი მუხლებით იმ პირებისთვის, ვინც აღელდა აქ გავრილოვის თავხედური ჩამობრძანების გამო და პოლიციელს შეეხო? ეს არის თქვენი არჩევანი ხომ?“ - განაცხადა ბოკერიამ.


„მაგ კითხვაზე პასუხი ბუნებრივია არ მაქვს. რა ვუპასუხო არ ვიცი“, - განაცხადა თადუმაძემ.



IPN





Georgian Airways-ის საჩივარს რუსეთის წინააღმდეგ ამერიკული იურიდიული კომპანია დააფინანსებს

Georgian Airways-ის საჩივარს რუსეთის წინააღმდეგ ამერიკული იურიდიული კომპანია დააფინანსებს
access_time2020-01-22 14:00:15
Georgian Airways-ის საჩივარი რუსეთის მთავრობის წინააღმდეგ თებერვალში დამტკიცდება. როგორც კომპანიის გენერალური დირექტორი რომან ბოკერია „კომერსანტთან“ აღნიშნავს,საქმე საინვესტიციო დავების გადაწყვეტის საერთაშორისო ცენტრში (ICSID) განიხილება, ხოლო პროცედურას ამერიკული იურიდიული კომპანია 10 მილიონამდე დოლარით დააფინანსებს. დავის საგანს წარმოადგენს 2019 წლის...

„სათამაშო ბიზნესის გაკეთება უნდოდათ, მაგრამ უარი ვუთხარი – გოგი თოფაძე „ყაზბეგის“ ქარხნის ტერიტორიაზე სასტუმროს მშენებელობას გეგმავს

„სათამაშო ბიზნესის გაკეთება უნდოდათ, მაგრამ უარი ვუთხარი – გოგი თოფაძე „ყაზბეგის“ ქარხნის ტერიტორიაზე სასტუმროს მშენებელობას გეგმავს
access_time2020-01-22 12:50:17
გოგი თოფაძე ყაზბეგის ქარხნის ტერიტორიაზე სასტუმროს მშენებლობისთვის ინვესტორებს ეძებს. როგორც ბიზნესმენმა  განაცხადა, იქიდან გამომდინარე, რომ აღნიშნული ფართი დედაქალაქის ცენტრშია, დაინტერესება დიდია, თუმცა, მისთვის მისაღები პირობები ჯერ არავის შეუთავაზებია. მისივე თქმით, იყო სხვადასხვა ინიციატივა, მათ შორის, ტერიტორიაზე სათამაშო ბიზნეს ობიექტის განთავსების, თუმცა, ბიზნესმენმა უარი განაცხადა. ამასთან, გოგი თოფაძე აღნიშნავს, რომ გადაწყვეტილების...

პირველი მარტიდან ურბანული განვითარების საქალაქო სამსახური ერთი ფანჯრის პრინციპზე გადადის

პირველი მარტიდან ურბანული განვითარების საქალაქო სამსახური ერთი ფანჯრის პრინციპზე გადადის
access_time2020-01-22 12:15:20
მიმდინარე წლის პირველი მარტიდან თბილისის მერიის ურბანული განვითარების საქალაქო სამსახური მოქალაქეებს ერთი ფანჯრის პრინციპით - საჯარო სამართლის იურიდიული პირის სტატუსით მოემსახურება, - ამის შესახებ მუნიციპალიტეტის მთავრობის დღევანდელ სხდომაზე დედაქალაქის მერმა, კახა კალაძემ განაცხადა. როგორც მან აღნიშნა, მერიაში მოსვლის შემდეგ, ერთ-ერთი პირველი რეფორმა, რაც განხორციელდა, ურბანული გადაწყვეტილებების სისტემატიზაცია და ზონალური საბჭოს გაუქმება...

სამორინეების ინკოგნიტო ბარათები - ფულის გათეთრების საფრთხეზე დეპუტატებიც საუბრობენ

სამორინეების ინკოგნიტო ბარათები - ფულის გათეთრების საფრთხეზე დეპუტატებიც საუბრობენ
access_time2020-01-22 11:30:18
საქართველოში ფულის გათეთრების ყველაზე მაღალი რისკი სათამაშო ბიზნესშია. ამის შესახებ ექსპერტების შემდეგ უკვე დეპუტატებიც ალაპარაკდნენ. მათი შეფასებით, სექტორში არსებული რისკი საშუალო და მაღალ დონეზეა.  მისი განცხადებით, ფულის გათეთრების...

Georgian Airways: „აღფრთოვანებული არ ვართ, მაგრამ მგზავრთა უსაფრთხოებისთვის გაზრდილ ტარიფს გადავიხდით“

Georgian Airways: „აღფრთოვანებული არ ვართ, მაგრამ მგზავრთა უსაფრთხოებისთვის გაზრდილ ტარიფს გადავიხდით“
access_time2020-01-21 18:30:44
„მგზავრთა უსაფრთხოებაზე ტარიფის ზრდა ჩვენთვის მოსალოდნელი იყო, ამაზე ინფორმაცია წინასწარ გაჟღერდა. დამატებითი ხარჯია და აღფრთოვანებული არ ვართ ამ ფაქტით, მაგრამ  ჩვენი მთავარი პრიორიტეტი მგზავრთა უსაფრთხოებაა.“ - ასე აფასებს Georgian Airways-ის გენერალური დირექტორი რომან ბოკერია საქართველოს საერთაშორისო აეროპორტებში საჰაერო ხომალდების და მგზავრების საავიაციო უშიშროების უზრუნველყოფის ღირებულების...


მსგავსი სიახლეები

up