Disney-მ და Google-მა YouTube TV-ზე Disney-ის არხების განთავსების შესახებ შეთანხმებაას მიაღწიეს. ინფორმაციას CNN ავრცელებს.

Disney-ის განცხადებაში ნათქვამია, რომ შეთანხმება ბაზრის სამართლიანი პირობებით მოხდა და YouTube-ზე სპორტისა და ახალი ამბები ლაივ-გადაცემები, ასევე, საბავშვო, საოჯახო და სხვა გასართობი პროგრამები აღდგება.

აღსანიშნავია, რომ წინა კვირის ბოლოს Google-მა Disney-თან გარიგებას ვერ მიაღწია, რის შემდეგაც YouTube TV-მ თავის პლატფორმაზე Disney-ის კუთვნილ არხებზე, როგორიც არის ESPN და ABC უარი განაცხადა. მან, ასევე, თავის პლატფორმაზე თვიური გამოწერის ფასი 15 დოლარით შეამცირა.

ამჯერად YouTube TV-მ ონლაინ პოსტში განაცხადა, რომ წვდომის აღდგენა დაიწყო ისეთ არხებზე, როგორიც არის FX, National Geographic, Freeform და Disney-ის ჩანაწერები, რომლებიც ადრე ბიბლიოთეკაში იყო განთავსებული. YouTube TV-ზე, მთელი დღის განმავლობაში, ABC-ის ადგილობრივი სადგურებიც იმაუწყებლებენ.

ამასთან, YouTube-ის თვიური გამოწერის ტარიფები თავდაპირველ 64,99 დოლარს დაუბრუნდება, ხოლო მომხმარებლები, რომლებმაც Disney-ის სადგურები დაკარგეს, 15 დოლარამდე ერთჯერადი ფასდაკლებით ისარგებლებენ.

ორ კომპანიას შორის მოლაპარაკებები თვეების განმავლობაში მიმდინარეობდა. გარიგების ვადა გასულ პარასკევს ამოიწურა, როცა შეთანხმება ვერ მოხდა. მაშინ Google-მა განაცხადა, რომ „Disney-მ „ბაზრის პირობების სამართლიან გარიგებაზე უარი თქვა“ და მისი ათზე მეტი არხი შაბათ-კვირას YouTube TV-დან გააქრო. კომპანიები სერვისის ტარიფებზე ვერ თანხმდებოდნენ.

bpn.ge