მოლაპარაკებები არ ჩახსნილა. გიდასტურებთ, რომ მეხუთე რაუნდისთვის ოპოზიცია მზადაა, „ქართული ოცნების“ გუშინდელი დესტუქციული განცხადებების მიუხედავად, რომელიც მოლაპარაკებების წარმატებით ჩატარებას ხელს ნამდვილად არ უწყობს, - ამის შესახებ „სტრატეგია აღმაშენებლის“ ერთ-ერთმა წევრმა, სერგო ჩიხლაძემ განაცხადა.

„როდის ჩაინიშნება მეხუთე რაუნდი, არ ვიცით. მედიატორებისგან ჯერ არ მოგვსვლია ზუსტი პასუხი. შეიძლება დღეს იყოს, შეიძლება მომდევნო დღეებში. ზუსტი დრო არ ვიცით, მაგრამ ჩაშლით ნამდვილად არ ჩაშლილა. ყველაფრის მიუხედავად ოპოზიცია არ ჩაშლის. თუ მეხუთე რაუნდი დღის პირველ ნახევარში არ იქნება, დღეს სავარაუდოდ აღარ ჩატარდება. ველოდებით და ჩვენ მზად ვართ. ჩვენ არ დაგვიხურავს კარი. არ აგვიყირავებია მაგიდა. უპასუხისმგებლო, შანტაჟის და მუქარის შემცველი განცხადებები ხელისუფლებამ გააკეთა. არ ვიცი, რა შედეგს გამოიღებს შემდეგი რაუნდი, მაგრამ ჩვენ მხნედ ვართ. ვიდრე ოდნავ მაინც მოლაპარაკებების შანსი რჩება, მზად ვართ, რომ გავაგრძელოთ“, - განაცხადა ჩიხლაძემ.

მან ასევე აღნიშნა, რომ მოლაპარაკებები შესაძლოა პარლამენტის პირველი სხდომის შემდეგ გაგრძელდეს.

„შესაძლებელია პარლამენტის პირველი სხდომის შემდეგ იყოს, ამ ვარიანტს არ გამოვრიცხავ. თუ დღეს არ იქნება, სავარაუდოდ შემდეგ დღეებში კვირას ან ორშაბათს იქნება“, - განაცხადა ჩიხლაძემ.

„ქართულ ოცნებასა“ და ოპოზიციას შორის მოლაპარაკებების მეხუთე რაუნდი დღეს აღარ გაიმართება.

imedinews.ge