ამ კანონით ენერგეტიკას შემთხვევითი ინვესტორისგან დავიცავთ

ამ კანონით ენერგეტიკას შემთხვევითი ინვესტორისგან დავიცავთ

access_time2020-07-14 10:00:15

საქართველოს ენერგეტიკისა და წყალმომარაგების მარეგულირებელი კომისია ახალი კანონპროექტის თანახმად შესაძლოა უფლებამოსილი გახდეს ენერგეტიკისა და წყალმომარაგების სექტორებში მოღვაწე კომპანიებს (ოპერატორებს) 5%-ზე უფრო მეტი წილის/აქციების გასხვისება აუკრძალოს. ამ ცვლილების ავტორი ეკონომიკის სამინისტრო და სემეკი არიან, ხოლო პარლამენტში მისი ინიციატორი კი მთავრობაა, რომელიც პარლამენტს ახალი ნორმების დაჩქარებული წესით დამტკიცებას სთხოვს.

 

განმარტებით ბარათში ნათქვამია, რომ დაჩქარებული წესით განხილვა აუცილებელია, რათა ინიციატივა კანონად 2020 წლის ბოლომდე იქცეს, რადგან „ენერგეტიკისა და წყალმომარაგების შესახებ“ საქართველოს კანონი თანახმად, 2020 წლამდე გადაცემისა და განაწილების ლიცენზიანტებს უნდა მიენიჭოთ შესაბამისი გადაცემისა და განაწილების სისტემის ოპერატორის სტატუსი და მნიშვნელოვანია, რომ ამ პერიოდამდე სემეკი უკვე აღჭურვილი იყოს ამ უფლებამოსილებით.

 

დოკუმენტიდან ირკვევა ისიც, რომ 5%-ზე დიდი წილის გასხვისების დროს კომისიისთვის მიმართვის წესი იქნება იმ ნორმის ანალოგიური, რაც კომუნიკაციების ბაზარზე მოქმედებს. მსგავსი უფლებამოსილებებია გათვალისწინებული „ელექტრონული კომუნიკაციების შესახებ“ საქართველოს კანონით საქართველოს კომუნიკაციის მარეგულირებელი ეროვნული კომისიისათვის ელექტრონული კომუნიკაციების სექტორში.

 

მთავრობის შეფასებით, ამგვარი ნორმის მიღება ქვეყნის ენერგეტიკულ ბაზარზე სტაბილურობის შენარჩუნებას შეუწყობს ხელს. საპარლამენტო უმრავლესობის წევრი რევაზ არველაძე „კომერსანტთან“ საუბრისას აღნიშნავს, რომ სისტემის ოპერატორის საქმიანობას განსაკუთრებული მნიშვნელობა აქვს როგორც მომხმარებლების უწყვეტი და საიმედო მომარაგების უზრუნველყოფისათვის, ისე ქვეყნის ენერგეტიკული პოტენციალის განვითარებისათვის, აუცილებელია, შეიქმნას სისტემის ოპერატორის შერწყმის ან აქციების გასხვისების, მაკონტროლებელი პირის ცვლილების ეფექტიანი მექანიზმი.


 

„ელექტროენერგიის და ბუნებრივი გაზის მმართველობაში არ უნდა შემოვიდეს ისეთი კომპანია, რომელიც თავისი კომპეტენციით და გამოცდილებით ამ სფეროს არ შეესაბამება. ეს კანონპროექტი არის დაცვა იმისათვის, რომ სექტორი არ დაზიანდეს. კანონპროექტში საუბარია იმაზე, რომ როდესაც სისტემის ოპერატორი გაყიდის ან გაასხვისებს აქციების ან მისი ქონების 5%-ზე მეტს, ამის შესახებ მარეგულირებელ კომისიას წინასწარ უნდა შეატყობინოს. მარეგულირებელი კომისია არის ერთადერთი ორაგნო, რომელიც პრაქტიკულად სრულად არეგულირებს ენერგეტიკის და წყალმომარაგების სფეროში ბაზრის მონაწილე ობიექტების ქმედებას, ამიტომ ამაში გასაკვირი არაფერია, რადგან მან წინასწარ უნდა იცოდეს, ვინ ყიდულობს ამ აქციებს. ამდენად, არის რამდენიმე საკითხი, რომელსაც უნდა აკმაყოფილებდეს ახალი მონაწილე და თუ არ აკმაყოფილებს, მას მარეგულირებელი კომისია გარკვეულ ვადას აძლევს, რომ ეს საკითხი გაასწოროს და თანხმობას აძლევს ამის შემდეგ ან შესაძლებელია უარი თქვას, სფეროში ახალი მონაწილის შემოსვლაზე. მნიშვნელოვანია, რომ თავიდანვე არ შემოვიდეს ბაზარზე ისეთი ვინმე, რომელიც არათუ დადებით, არამედ უარყოფით შედეგს მოიტანს. დღეს სისტემის ოპერატორს უფლება აქვს, რომ იყიდოს ან გაყიდოს ელექტორენერგია ან გაზი, ხვალიდან ამის უფლება აღარ ექნება. ის აუცილებლად უნდა აკმაყოფილებდეს იმ მოთხოვნებს, რომელიც ენერგეტიკის სფეროში მართვისთვისაა საჭირო“, - განმარტავს რევაზ არველაძე.

 

საქართველოს ტექნიკური უნივერსიტეტის ენერგეტიკის ფაკულტეტის დეკანი გია არაბიძე აცხადებს, რომ სემეკის გაზრდილი უფლებამოსილება არის ერთ-ერთი მიმართულება, რითაც შესაძლოა მაქსიმალურად დავიცვათ ბაზარი მონოპოლიებისგან. მისი თქმით, აღნიშნული საკითხები ევროპის თითქმის ყველა ქვეყანაში ანალოგიურად ხდება.


„კანონპროექტის შინაარსის სიღრმისეულად გაცნობა ვერ მოვასწარი, თუმცა როდესაც ენერგოკომპანიებზეა საუბარი აქ არ იგულისხმება გენერაციის ობიექტები, ძირითადად დისტრიბუციაზეა საუბარი. გარდა ამისა, ამის უფლება სემეკს მიეცემა თუ რომელიმე ადმინისტრაციულ ორგანოს ან სამინისტროს არ აქვს მნიშვნელობა. ეს არის ერთ-ერთი მიმართულება, რომ ჩვენ შევძლოთ და მაქსიმალურად დავიცვათ ბაზარი მონოპოლიებისგან, აღნიშნული საკითხები ევროპის თითქმის ყველა ქვეყანაშია ანუ ვერ გაყიდი წილებს, რომელმაც შესაძლოა ბაზარზე ჯანსაღი კონკურენციის პირობები დაარღვიოს, ასე მესახება აღნიშნული კანონპროეტიც. ჩვენ მისი მიღების შემთხვევაში შევძლებთ ბაზარი მონოპოლიებისგან დავიცვათ. სასწრაფო წესით იმიტომ იღებენ, რომ ენერგეტიკული ბირჟა ამოქმედდა და მიმდინარეობს ენერგოკომპანიების გადაწყობა, გენერაცია, დისტრიბუცია და ა.შ. ყველაფერი ერთი კომპანიის ხელში აღარ იქნება და ისინი ცალ-ცალკე კომპანიებად უნდა დაიშალონ, ამ პროცესში არ არის გამორიცხული რომ სახელმწიფოსთვის არასასიამოვნოდ მოხდეს აქციების გაყიდვის პროცესი და ვიღაცამ ისე ჩაიგდოს ხელში ბაზარი რომ არასახარბიელო კონკურენციის პირობები შექმნას, ამის გამოა ეს ცვლილებები საჭირო“, - განმარტა გია არაბიძემ.


ნინო თამაზაშვილი






დღის Top 10 საინტერესო ამბავი

დღის Top 10 საინტერესო ამბავი
access_time2020-08-06 21:00:03
დღის Top 10 საინტერესო ამბავი: 1.მაია სიდამონიძე: უახლოესი ორი წლის განმავლობაში ტურიზმის სექტორი ჩვეულ რიტმს ვერ დაუბრუნდება ეკონომიკისა და მდგრადი განვითარების მინისტრის ნათია თურნავას ინფორმაციით, საქართველოში უცხოელი ტურისტები გამოჩნდნენ. როგორც მინისტრმა განაცხადა, საქართველოში შემოსული ავიარეისების ¾-ს სწორედ ქვეყნის...

პირველად ბოლო 6 წელში რკინიგზას სატვირთო გადაზიდვით შემოსავალი გაეზარდა

პირველად ბოლო 6 წელში რკინიგზას სატვირთო გადაზიდვით შემოსავალი გაეზარდა
access_time2020-08-06 17:40:00
პირველად ბოლო 6 წლის განმავლობაში საქართველოს რკინიგზას ტვირთის გადაზიდვით მიღებული შემოსავალი გაეზარდა. სატვირთო გადაზიდვები სახელმწიფო კომპანიის შემოსავლის ყველაზე დიდ ნაწილს აგენერირებს. 2019 წელს რკინიგზამ ამ გზით 109.4 მლნ დოლარი მიიღო, რაც წლიურად 14%-ით გაზრდილი მაჩვენებელია. შემოსავლის ზრდაზე დადებითი გავლენა იქონია როგორც მშრალი, ასევე თხევადი ტვირთების გადაზიდვებმა. ჯამში რკინიგზამ გასულ წელს 174.2 მლნ დოლარის შემოსავალი...

AIRBALTIC-მა თბილისის მიმართულებით რეგულარული ფრენები განაახლა

AIRBALTIC-მა თბილისის მიმართულებით რეგულარული ფრენები განაახლა
access_time2020-08-06 16:00:25
6 აგვისტოს, ლატვიურმა ავიაკომპანია airBaltic თბილისის მიმართულებით რეგულარული ფრენები განაახლა. ინფორმაციას თბილისისა და ბათუმის საერთაშორისო აეროპორტების ოპერატორი კომპანია TAV Georgia ავრცელებს. რიგიდან თბილისში 126 მგზავრი ჩამოფრინდა, ხოლო თბილისიდან რიგის მიმართულებით 141 მგზავრი გაფრინდა. აეროპორტში მოსულ მგზავრებს, ტავის ბრენდირებული პირბადეები დაურიგდათ. 20 აგვისტომდე ფრენები კვირაში ერთი სიხშირით შესრულდება:✔️ რიგა - თბილისი | ყოველ...

პირველი ბრენდირებული ქართული ქვევრის ლუდი ამერიკისა და იაპონიის ბაზარზე

პირველი ბრენდირებული ქართული ქვევრის ლუდი ამერიკისა და იაპონიის ბაზარზე
access_time2020-08-06 16:30:15
ქვევრის ლუდის გამოჩენამ არამარტო ქართულ, არამედ საერთაშორისო ბაზარზე დიდი დაინტერესება გამოიწვია. როგორია დამზადების ტექნოლოგია, როგორ ხვდება ლუდი ქვევრში, რამდენად მაღალია მომხმარებლების დაინტერესება და რა პოზიცია უჭირავს ქვევრის ლუდს საერთაშორისო ბაზარზე – ამ დეტალების გასარკვევად „კომერსანტი“ მწარმოებელი კომპანიის Gotsa Wines-ის მფლობელს ბექა გოცაძეს დაუკავშირდა. „როგორც მეღვინეობაში მთავარი არის ყურძენი და ვენახი, ისე ლუდში მთავარია ალაოდა...

Die Welt: ამერიკა ეკონომიკურ კატასტროფას განიცდის

Die Welt: ამერიკა ეკონომიკურ კატასტროფას განიცდის
access_time2020-08-06 19:50:38
ბოლო თვეებში ამერიკა ეკონომიკურ კატასტროფას განიცდის, 5 წლიანი უწყვეტი ზრდის შედეგები მე-2 კვარტალში დაინგრა, როდესაც ქვეყნის მშპ, ინვესტიციების და შიდა მოხმარების ვარდნის გამო 9,5%-ით დაეცა. 2020 წლის მე-2 კვარტალი ეკონომიკური თვალსაზრისით, ბოლო 75 წლის მანძილზე ყველაზე საშინელი იყო. ამის კარგი მაგალითია ნიუ-იორკი, სადაც მარტის დასაწყისიდან 2800 საწარმო დაიხურა, ხოლო 240 000 მცირე ოჯახური კომპანიიდან (ყავახანები, სილამაზის სალონები, პატარა...


მსგავსი სიახლეები

up