სელფის მუზეუმის ქართული ანალოგი - მრავალფეროვანი ექსპოზიციებით, ორიგინალური ინტერიერითა და სხვადასხვა თემატიკის 30 პავილიონით უკვე გაიხსნა. ახლადგახსნილ სელფის მუზეუმში დამთვარიელებლებს სტუმრობა კოტე მარჯანიშვილის 19 ნომერში, ყოველდღე 11:00-21:00 საათამდე შეეძლებათ. როგორია მოლოდინები და სამომავლო გეგმები, ამის შესახებ, კომერსანტის დილაში სელფის მუზეუმის დირექტორმა, სალომე სიმონიამ ისაუბრა.
ჩვენი მცდელობა იყო,რომ რაღაც ახალი და ინოვაციური სივრცე გაგვეკეთებინა საქართველოში. ანალოგები მსოფლიოში არსებობს, თუმცა ჩვენი მუზეუმი გამოირჩევა სიდიდით, აქ დაგხვდებათ 600 კვ.მ.-ზე განთავსებული 30 სხვადასხვა პავილიონი. ისინი გამოირჩევა მრავალფეროვნებით, გვაქვს ასევე ქართული თემატიკის კუთხეები, რაც ახალი ხაზია ამ მიმართულებით, ასევე 18+ ოთახი და სხვადასხვა სახალისო სივრცეები. კარგი გამოხმაურება აქვს უკვე, ბევრი დამთვალიელრებელი გვყავდა და ძალიან ბედნიერი და კმაყოფილები მიდიან. ბევრი კარგი ხელოვანი დაინტერესდა უკვე ამ სივრცეებში ფოტოების გადაღებით.
საქართველოში სელფის მუზეუმის გახსნის იდეა ლაშა კვანტალიანს ეკუთვნის. ლაშა ამერიკაში ცხოვრობს და იქ საკმაოდ დიდი პოპულარობით სარგებლობს ეს მუზეუმი, ბევრი ცნობადი სახე მართავს ფოტოსესიას და ა.შ. როდესაც ლაშამ ნახა სელფის მუზეუმი, გაუჩნდა იდეა,რომ უკეთესი შეგვექმნა საქართველოში. დიზაინზე იზრუნეს ჩვენმა დიზაინერებმა: თამრი ოხიკიანმა, ლევან კვარაცხელიამ და ქეთი ნადიბაიძემ ,რომლებიც მართლა დღე და ღამე მუშაობდნენ და ახლაც, ყველა წერტილს და კუთხეს აკვირდებიან.
სამომავლოდ ბევრი გეგმა გვაქვს. იქნება ცვლილებები, ღონისძიებები, შეთავაზებები, სიახლეები და რაც მთავარია, ახალი პავილიონები. რაც შეეხება, ფასებს, ბილეთები შეგიძლიათ შეიძინოთ,როგორც ადგილზე, ისე ონლაინ. 6 წლამდე ბავშვებისთვის შემოსვლა უფასოა; ასევე არსებობს საოჯახო პაკეტი : ორი ზრდასრული და ორი ბავშვი (18 წლამდე) - 50 ლარი; ზრდასრული ადამიანისთვის ღირებულება 25 ლარია; სტუდენტისთვის 20 ლარი ; მოსწავლისთვის 15 ლარი,- ამბობს სალომე სიმონია.
ნათია კეკენაძე