შეთანხმება ცეცხლის შეწყვეტის შესახებ კავკასიაში კარგი ინფორმაციაა, თანაც ყველა მხარისთვის. აზერბაიჯანელები და თურქები თავს გამარჯვებულებად გრძნობენ, სომხებმა ომი წააგეს, თუმცა, რომ არა ეს დოკუმენტი მათი მარცხი გაცილებით უფრო მასშტაბური და საშინელი იქნებოდა. თუმცა, საბოლოოდ, რეგიონის ბედი მაინც მოსკოვში წყდება.
საუბარი სპორტზე, რომ იყოს ადგილები ასე განაწილდებოდა - რუსებმა ოქროს მედალი მიიღო, აზერბაიჯანმა ვერცხლი, თურქეთმა ბრინჯაო, სომხეთი შეჯიბრს გამოეთიშა. თუმცა, აქ საუბარი არა სპორტზე, არამედ ომზეა, სადაც რამდენიმე კვირის მანძილზე ათასობით ადამიანი დაიღუპა.
რუსეთის პრეზიდენტი ვლადიმერ პუტინი არის ის, ვინც ამ სისხლიანი დაპირისპირებით, ყველაზე დიდი მოგება მიიღო. ის მოვლენების განვითარებას აუღელვებლად ელოდა და როდესაც დასასრული უკვე პროგნოზირებადი გახდა, მან აზერბაიჯანელებს და სომხებს სამშვიდობო ხელშეკრულების ხელმოწერა აიძულა.
არც ერთი მხარე არ არის ამ შედეგით კმაყოფილი - აზერბაიჯანს საომარი ოპერაციის გაჩერება მაშინ მოუწია, როდესაც სომხეთის საბოლოო დამარცხებამდე რამდენიმე დღე ან უარეს შემთხვევაში კვირა იყო დარჩენილი.
ერევნისთვის კი ეს შეთანხმება სრულ კაპიტულაციის ტოლფასია. სომხეთისთვის მთიანი ყარაბახი სავარაუდოდ დაკარგულია, უკეთეს შემთხვევაში მათ აზერბაიჯანის შემადგენლობაში ავტონომიით დაკმაყოფილება მოუწევთ, ან ყარაბახიდან წასვლა. სავარაუდოდ, ნახევრად დაპყრობილი რეგიონი სომხური მოსახლეობისგან ნელა-ნელა თავისით, ომის გარეშე დაიცლება.
სომხეთი პასუხს თავისი ამპარტავანი პოლიტიკის გამო აგებს - ათწლეულების მანძილზე ისინი ამ ყარაბახის პრობლემას თავის სასარგებლოდ გადაწყვეტილად მიიჩნევდნენ.
თავისი ფინალური, გადამწყვეტი სიტყვით პუტინმა აზერბაიჯანელებს და მათ მხარდამჭერ თურქებს საბოლოო გამარჯვება მოპარა, თუმცა, ამის მიუხედავად ალიევს და ერდოღანს კმაყოფილებისთვის ყველა მიზეზი აქვთ - აზერბაიჯანმა დაკარგული ტერიტორიების უმეტესი ნაწილი დაიბრუნა, ერდოღანსაც ტრიუმფით დატკბობა შეუძლია, მან ამ თავისი ახალი სამხედრო ავანტიურით დაამტკიცა, რომ თურქეთს თავისი სიტყვა გლობალურ მასშტაბებში ეთქმის.
თურქეთს ამჟამად გავლენა კავკასიაშიც აქვს. თუმცა, ანკარის ჯიუტ ადამიანს ერთი ფაქტის აღიარება მოუწევს, კრემლის კაცს ის ვერ შეეჯიბრება, არსებულ ვითარებაში პუტინი ყარაბახის მომავალ ბედთან დაკავშირებით გადაწყვეტილებებს ერთპიროვნულად მიღებს. შეთანხმების ხელმოწერის შემდეგ მან ყარაბახში რუსული ჯარი გააგზავნა, რომელიც ომში ჩართულ მხარეებს დააშორებს.
ამ სწრაფი აქციით პუტინმა ყველას დაანახა - ვინ რა წარმატებასაც არ უნდა მიაღწიოს - ბოლო სიტვვა კავკასიაში სწორედ მას, პუტინს ეკუთვნის.
Süddeutsche Zeitung
მოამზადა თენგიზ აბლოთიამ
ყარაბახი
