სჭირდება თუ არა საქართველოს ,,საპარტნიორო ფონდი“

სჭირდება თუ არა საქართველოს ,,საპარტნიორო ფონდი“

access_time2021-07-26 11:00:13

,,საპარტნიორო ფონდის“ არსებობას ვერავინ ამართლებს, მაგრამ რა ფორმით შეიძლება გააგრძელოს საქმიანობა, ამაზე მთავრობაც კი ბოლომდე ჩამოყალიბებული არ არის. როგორც სპეციალისტები აღნიშნავენ, თავდაპირველად ამ ორგანიზაციის შექმნის მიზანი კაპიტალის ბაზრის განვითარება და ინვესტიციების წახალისება იყო, თუმცა, საბოლოოდ, თვითონვე დაეუფლა სახელმწიფოს საკუთრებაში არსებული აქტივების უდიდეს ნაწილს და მთავარ დაბრკოლება ექცა ბიზნესს, რომლებიც ფონდის წყალობით არაკონკურენტუნარიან გარემოში აღმოჩნდნენ.


ფონდის ისტორია კი სულ სხვა გარემოებასა და რეალობაში დაიწყო. როგორც ბიზნესის სამართლის ექსპერტი, იურისტი აკაკი ჩარგეიშვილი ამბობს, მიხეილ სააკაშვილის მმართველობის პერიოდში, ნიკა გილაურის პრემიერ-მინისტრობისას, გადაწყდა, რომ სახელმწიფოს საკუთრებაში არსებული მსხვილი აქტივების კონცენტრაცია მოეხდინათ. ასეთი მცდელობა მიზნად ისახავდა ბონდების გამოცემას. თუმცა ისე მოხდა, რომ ცალკეულად გამოუშვეს ბონდები ,,საქართველოს რკინიგზამ“ და სხვა სტრუქტურებმა.


,,საპარტნიორო ფონდს“ მიეცა უფლება, გარკვეული ეკონომიკური ხასიათის პროექტები დაეფინანსებინა, კერძო ინვესტორებთან, ვისაც ფონდის ფული დასჭირდებოდა, პარტნიორულ მონაწილეობაში შესულიყო.  ამ დროს არსებობს ეკონომიკის სამინისტრო, რომელიც, წესით, მართავს სახელმწიფოს საკუთრებაში არსებულ აქტივებს.  სამინისტროს ცალკე გააჩნია საწარმოთა მართვის სააგენტო, რომელმაც ფაქტობრივად ფუნქცია დაკარგა. ერთგვარი გადახალისება მოხდა და რაც კი ყველაზე კარგი და მსხვილი საწარმო იყო, წაიღო მხოლოდ ,,საპარტნიორო ფონდმა“, დანარჩენი წამგებიანი ან ნაკლებადმომგებიანი საწარმოები სამართავად ისევ სახელმწიფოს დარჩა. ცხადია, რომ სახელმწიფომ ,,საპარტნიორო ფონდის“ შექმნით დამატებითი რგოლი და ხარჯი გააჩინა, რაც დღემდე გრძელდება“, - განაცხადა ,,კომერსანტთან“ საუბარში იურისტმა.


მესამე წელი სრულდება, რაც მთავრობა საპარტნიორო ფონდის საქმიანობის მოდელის ცვლილებაზე მუშაობს. თუმცა მიდგომა, თუ როგორ უნდა გაგრძელდეს ფონდის საქმიანობა, ჯერჯერობით გამოკვეთილი არ აქვს.



საპარტნიორო ფონდი ეფექტურად ვერ მართავს ვერც იმ სახელმწიფო საკუთრებაში არსებულ კომპანიებს, რომელიც სხვადასხვა დროს გადაიბარა, ნორმალურად ვერც ბიზნესების გამართვაში მონაწილეობს, რათა კომპანიების საქმიანობას თავისი რესურსი მოახმაროს. ამის გამო თითქმის ყველა საწარმო, რომელიც ფონდის ქოლგის ქვეშ არის, დიდ ზარალშია. ხოლო გაიზარდა სახელმწიფოს ხარჯვითი რესურსი, გაჩნდა შუალედური რგოლი ფონდის სახით. მაგალითისთვის, თუკი ,,რკინიგზას“ ან სხვა საწარმოებს, რაიმე მოგება აქვთ, რომელიც პირდაპირი წესით უნდა წასულიყო ბიუჯეტში, პირველ რიგში, ფონდში ხდება ფულის აკუმულირება, რომლის დიდი ნაწილი ხელფასებზე იფლანგება. შესაბამისად, ბიუჯეტამდე მცირე ნაწილი აღწევს. კანონი სპეციალურად მისთვის  არის მიღებული, სამეთვალყურეო საბჭოს ფორმირებისთვის და ა.შ. ამდენად, უაღრესად ნეგატიურია საპარტნიორო ფონდის მოღვაწეობა, რასაც დიდი გულისტკივილით ვამბობ. მისი რეორგანიზაციისთვის დღემდე ვერ მოიცალა სახელმწიფომ, ხედვაც კი არ აქვს, როგორ და რა უნდა გააკეთოს, - უთხრა „კომერსანტს“ აკაკი ჩარგეიშვილმა.


იურისტის მოსაზრებას ეთანხმება ეკონომიკური ტრანსფორმაციის ცენტრის ხელმძღვანელი რამაზ გერლიანი, რომლის შეფასებითაც არსებული ფორმით საპარტნიორო ფონდის არსებობას გამართლება არ აქვს.


ბოლო 4-5 წლის მანძილზე აშკარად გამოჩნდა საპარტნიორო ფონდის უფუნქციობა. აშკარაა, რომ ტვირთია ქვეყნისთვის, რომელსაც არაფერი სასარგებლო არ აქვს გაკეთებული. თუნდაც თავის ბალანსზე აღრიცხული კომპანიებისთვისაც, რომლებსაც მფარველობს,  რაც თვალნათლივ ჩანს როგორც ფინანსური, ასევე სხვა მაჩვენებლით, როგორიცაა ლობირება, ინტერესთა კვეთა ხელმძღვანელობასა და სხვადასხვა  პროექტებში. პრაქტიკულად იგი ეკონომიკას არაფერს არგებს, პირიქით, ვნებს, რადგან მოქმედებს თავისუფალი კონკურენციის, საბაზრო პრინციპების წინააღმდეგ. საპარტნიორო ფონდის სახით გვაქვს ფინანსურად ძლიერი და დიდი ჰეგემონური ორგანიზაცია, რომლის პოტენციალი შეიძლება გამოყენებულიყო, რაღაც გაეკეთებინა, მაგრამ ამ ბოლო პერიოდის მონაცემებს თუ დავაკვირდებით, უსარგებლოა. მას უნდა შესრულებინა ახალი პროექტები, რომელიც არ ავნებდა კონკურენტებს და ემუავა კაპიტალის ბაზრის ფორმირებაზე, მაგრამ პირიქით - ამის წინააღმდეგ წავიდა, - აღნიშნა გერლიანმა.


შეგახსენებთ, რომ სს საპარტნიორო ფონდი არის სახელმწიფო საინვესტიციო ფონდი, რომელიც დაარსდა 2011 წელს. ფონდს მინიჭებული ჰქონდა საერთაშორისო სარეიტინგო სააგენტო Fitch-ის რეიტინგი BB, რაც საქართველოს საკრედიტო რეიტინგის თანასწორია. „საპარტნიორო ფონდი შეიქმნა სატრანსპორტო, ენერგეტიკისა და ინფრასტრუქტურის სფეროში არსებული მსხვილი სახელმწიფო საწარმოების კონსოლიდაციის ბაზაზე. ფონდის მთავარი დანიშნულებაა საქართველოში ინვესტიციების წახალისება საინვესტიციო პროექტების განვითარების საწყის ეტაპზე თანამონაწილეობის გზით (კაპიტალში თანაინვესტირება, სუბორდინირებული სესხი და ა.შ.).


 „საპარტნიორო ფონდის“ 2019 წლის კონსოლიდირებული ფინანსური ანგარიშგების მიხედვით, 70.9 მილიონი ლარის წმინდა მოგება დაფიქსირდა. თუმცა 2018 წელს 585-მილიონიანი ზარალი განიცადა.


მარი ჩიტაია





„გავოცდი იმ ბუნდოვანი ხედვით, რაც გიორგი ვაშაძემ საპენსიო საკითხებზე წარმოადგინა“ - პაატა ბაირახტარი

„გავოცდი იმ ბუნდოვანი ხედვით, რაც გიორგი ვაშაძემ საპენსიო საკითხებზე წარმოადგინა“ - პაატა ბაირახტარი
access_time2021-09-15 18:55:05
„არგუმენტი, თითქოს პენსიონერს სხვა ბანკში სესხს არ აძლევენ, არასწორია“, – ამის შესახებ “ახალგაზრდა ფინანსისტთა და ბიზნესმენთა ასოციაციის” ვიცეპრეზიდენტმა, ეკონომისტმა პაატა ბაირახტარმა სოციალურ ქსელში დაწერა. პოსტს უცვლელად გთავაზობთ: “ბოლო პერიოდში, სხვადასხვა პოლიტიკური ჯგუფების წარმომადგენლები თუ ცალკეული პოლიტიკოსები აქტიურად საუბრობენ საპენსიო სესხზე და მის საპროცენტო განაკვეთზე. გულწრფელად მინდა, ეს პროცესი წინასაარჩვენო კამპანიასა და სამიზნე...

„მწვანე ზონის“ შემქმნელი რესტორნებისთვის შესაძლოა დაწესებული შეზღუდვები გაუქმდეს

„მწვანე ზონის“ შემქმნელი რესტორნებისთვის შესაძლოა დაწესებული შეზღუდვები გაუქმდეს
access_time2021-09-16 13:00:41
ბიზნესისა და სახელმწიფოს მოლაპარაკებები კოვიდ 19–ის გავრცელების წინააღმდეგ ბრძოლაში ახალ ეტაპზე გადადის. „მწვანე ზონების“ შექმნის ინიციატივით შრომის ინსპექციის სამსახურის ხელმძღვანელი ბექა ფერაძე რესტორატორებს შეხვდა. იმ შემთხვევაში, თუ სტუმართ-მასპინძლობის სექტორი კოვიდ-სტატუსის დასადგენად შექმნილ სპეციალური აპლიკაციას წარმატებით გამოიყენებს და რესტორანი მხოლოდ ვაქცინირებულ, სწრაფი და PCR ტესტის მქონე მომხმარებლებს მიიღებს, ობიექტი დაწესებული შეზღუდვებისგან...

ლარი დოლართან გამყარდა და ევროსთან გაუფასურდა

ლარი დოლართან გამყარდა და ევროსთან გაუფასურდა
access_time2021-09-15 18:00:02
15 სექტემბრის ვაჭრობის შედეგად ლარი აშშ დოლართან მიმართებაში 0.12 თეთრით 3.1129-მდე გამყარდა. Bloomberg-ის პლატფორმაზე დღის ბოლოს 3.1053-იანი კურსი დაფიქსირდა. საერთასორისო ვალუტებიდან ლარი ევროსთან 0.63 თეთრით 3.6822-მდე გაუფასურდა, ბრიტანულ ფუნტთან 1.50 თეთრით 4.3039-მდე გამყარდა. მეზობელი ქვეყნების ვალუტებიდან კი ყველას მიმართ გაუფასურდა, კერძოდ: თურქულ ლირასთან 0.07 თეთრით 0.3690-მდე, აზერბაიჯანულ მანათთან 0.35 თეთრით 1.8336-მდე, 100 რუსულ რუბლთან 1.57 თეთრით...

„ლოპოტა სპა რეზორტი“ საქართველოში კონკურენტებს ვერ ხედავს

„ლოპოტა სპა რეზორტი“ საქართველოში კონკურენტებს ვერ ხედავს
access_time2021-09-16 11:00:23
„ლოპოტა სპა რეზორტის“ გენერალურმა მენეჯერმა მაკა ღლიღვაშვილმა „კომერსანტთან“ საუბრისას კახეთის რეგიონში სასტუმროების მიმართულებით კონკურენცია შეაფასა და აღნიშნა, რომ „ლოპოტა სპა რეზორტი“ რეგიონში არსებულ სასტუმროებთან შედარებით ბევრად დიდი ობიექტია და მათ კონკურენტად თავს არ განიხილავს. „ჩვენ ბევრად დიდი სასტუმრო ვართ, ჩვენი კომპლექსი 40 ჰექტარზეა განლაგებული და ის სერვისები, რასაც ჩვენ სტუმრებს ვთავაზობთ, იქნება ეს სათავგადასავლო, თუ განტვირთვის...

დასაქმებულთა 75%-ის შრომის ანაზღაურება 1000 ლარზე ნაკლებია

დასაქმებულთა 75%-ის შრომის ანაზღაურება 1000 ლარზე ნაკლებია
access_time2021-09-16 14:00:32
საქართველოში დასაქმებული მოქალაქეების უდიდეს ნაწილს, თითქმის 75%-ს, იმაზე ბევრად ნაკლები შრომის ანაზღაურება აქვს, ვიდრე საშუალო ხელფასის ოფიციალური მაჩვენებელია ქვეყანაში. ამის შესახებ ,,კომერსანტთან“ ეკონომიკურ მეცნიერებათა დოქტორმა, პროფესორმა პაატა აროშიძემ განაცხადა. ამ თვალსაზრისით, როგორც პროფესორმა აღნიშნა, ეჭვს იწვევს სტატისტიკის ეროვნული სამსახურის მონაცემი, რომლის თანახმადაც, 2021 წლის მეორე კვარტალში საქართველოში საშუალო თვიური ნომინალური...


მსგავსი სიახლეები

up