საზოგადოებასთან ურთიერთობა სასიცოცხლოდ მნიშვნელოვანია ბრენდისთვის - ელდარ პირმისაშვილი

საზოგადოებასთან ურთიერთობა სასიცოცხლოდ მნიშვნელოვანია ბრენდისთვის - ელდარ პირმისაშვილი

access_time2018-11-07 15:00:00

ბოლო დროს უფრო ხშირად გაიგებთ სიტყვას საზოგადოებასთან ურთიერთობა ან პიარი (Public Relations -PR შემოკლებულ აბრევიატურას). საქართველოს რეალობაში საზოგადოებასთან ურთიერთობის სპეციალისტებიც პოპულარულები და მოთხოვნადები გახდნენ. მოკლედ, საზოგადოებასთან ურთიერთობა სავსებით შეიძლება ჩაითვალოს თანამედროვე სამყაროში ყველაზე საჭირო და მნიშვნელოვან სფეროდ.

რატომ არის საზოგადოებასთან ურთიერთობა მნიშვნელოვანი და რა შედეგი შეიძლება ჰქონდეს მას? ამ თემაზე საზოგადოებასთან ურთიერთობის სპეციალისტს, ელდარ პირმისაშვილს ვესაუბრეთ.

პირველ რიგში, მოგვიყევით როდის დაინტერესდით საზოგადოებასთან ურთიერთობის საკითხებით და რატომ ?
მთელ მსოფლიოში საზოგადოებასთან ურთიერთობას (პიარს) ძალიან მნიშვნელოვანი შედეგები აქვს. გამოკითხვების მიხედვით, ბრენდის და ორგანიზაციის რეპუტაციის გაძლიერების საკითხებში საზოგადოებასთან ურთიერთობას გადამწყვეტი როლი აქვს, დანახარჯებიც მსოფლიოს მასშტაბით საზოგადოებასთან ურთიერთობების აქტივობებზე ყოველწლიურად იზრდება.

აბიტურიენტი ვიყავი, როცა ამ პროფესიის შესახებ გავიგე. თავიდან, გაუცნობიერებლად ჩავაბარე პიარსპეციალობაზე. ამ პროფესიის შესახებ ზოგადი ცოდნა ინტერნეტის მეშვეობით დავაგროვე და საზოგადოებასთან ურთიერთობის შესახებ წაკითხული მქონდა ერთი წიგნი, „სემ ბლექის“. საერთოდ, რაც მაინტერესებს ვცდილობ სიღრმისეულად შევისწავლო. საზოგადოებასთან ურთიერთობის და კომუნიკაციების განხრით დავამთავრე ბაკალავრიატი, მაგისტრატურა და დოქტურანტურა, შემდეგ ევროპის სხვადასხვა ქალაქებში გავიარე თხუთმეტამდე ტრენინგი, იმ მიზნით, რომ შემესწავლა საზოგადოებასთან ურთიერთობის საერთაშორისო და ადგილობრივი პრაქტიკა და მაგალითები. შემდეგ მალევე დავიწყე ცოდნის პრაქტიკაში გამოყენება. მახსოვს, ერთ-ერთ ინტერნეტ გამოცემაში ამოვიკითხე კომპეტენტური რომ გიწოდონ კონრეტულ საკითხში 30-ზე მეტი წიგნი უნდა გქონდეს წაკითხულიო. თხუთმეტი წლის წინ ინტერნეტ რესურსები და წიგნები არ იყო ხელმისაწვდომი როგორც დღეს, თუმცა მაინც ვახერხებდი წიგნების გამოწერას და კითხვას. სულ ვამბობ განათლების მიღება ძალიან მნიშვნელოვანია ამ პროფესიისთვის და მხოლოდ პრაქტიკა არ გვაძლევს სათანადო შედეგს.

როდის და როგორ მიაღწიეთ პირველ წარმატებას და რას საქმიანობთ ახლა ?
მეოთხე კურსზე ვიყავი როდესაც უნივერსიტეტიდან გამიშვეს პრაქტიკაზე და ცოტა ხანში შემომთავაზეს ლექციების წაკითხვა. მეგობრებთან ერთად, საზოგადოებასთან ურთიერთობის ევროპულ ასოციაციასთან ერთად, ვიმოგზაურე ევროპაში და გავიარე ძალიან სიანტერესო კურსები. 10 წლის წინ, თანამოაზრეებმა შევქმენით სტრატეგიული კომუნიკაციების სააგენტო, დავიწყეთ საზოგადოებასთან ურთიერთობის გეგმების მომზადება, ბრენდების და კომპანიების კონსულტირება კომუნიკაციებისა და საზოგადოებასთან ურთიერთობის საკითხებში. დღეისთვის, ჩვენი პროექტების დამკვეთები ისეთ მსხვილი და მნიშვნელოვანი ორგანიზაციები არიან, როგორიც არის გაეროს განვითარების პროგრამა, ევროკავშირი, მსოფლიო ბანკი და ა.შ.

რა არის საზოგადოებასთან ურთიერთობაში ყველაზე მნიშვნელოვანი საკითხი?
ძირითადად ჩემი კომპეტენცია მაინც სტრატეგიულ დაგეგმვას და საზოგადოებასთან ურთიერთობის საკითხებში კონსულტირებას უკავშირდება. შვიდი წლის წინ, გამოკითხვა ჩავატარეთ საიდანაც გავიგეთ რა არის პიარში ყველაზე მნიშველოვანი. ეს არის გრძელვადიანი საკომუნიკაციო (პიარ) გეგმის მომზადება და განხორციელება. სწორედ ამიტომ მოვამზადე მცირე ზომის სახელმძღვანელო - „10 ნაბიჯი პიარ გეგმის შესადგენად“, რომელიც ძალიან პრაქტიკული გამოვიდა. ამ ნაშრომის მიხედვით, ორგანიზაციებს საზოგადოებასთან ურთიერთობის და კომუნიკაციის გეგმებს ვუმზადებთ და მნიშვნელოვან შედეგზე გავდივართ. დაგეგმვის და კომპეტენტური მრჩეველის გარეშე მნიშველოვანი შედეგების მიღწევა ბრენდისთვის ძალიან რთულია, ამიტომ ჩემი ძირითადი დაკვეთა საკომუნიკაციო - საზოგადოებასთან ურთიერთობის გეგმების მომზადებაზე და იმ რჩევებზე მოდის, რომლითაც ვეხმარები ორგანიზაციებს და მათ ხელმძღვანელებს მათი კომუნიკაცია მიზნობრივ ჯგუფზე მორგებული და ეფექტიანი იყოს.


(R)







გერმანული Deutsche Bank და Commerzbank გაერთიანებაზე ვერ შეთანხმდნენ

გერმანული Deutsche Bank და Commerzbank გაერთიანებაზე ვერ შეთანხმდნენ
access_time2019-04-25 19:30:07
გერმანიის ორი უმსხვილესი ბანკი გაერთიანდებაზე ვერ შეთანხმდა. როგორც Deutsche Bank-ის და Commerzbank-ის წარმომადგენლებმა განაცხადეს, მათ უკვე დაასრულეს შესაძლო გაერთიანების შესახებ მოლაპარაკებები. როგორც კომპანიების მიერ ერთობლივად გავრცელებულ განცხადებაში წერია, ანალიზის შედეგად მხარეები მივიდნენ დასკვნამდე, რომ ეს გაერთიანება ბანკებს სარგებელს არ მოუტანდა. შედეგად ორივე ბანკმა გადაწყვიტა დაესრულებინათ დისკუსიები. გერმანიის ხელისუფლება, რომელიც...

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა - უარის შემთხვევაში პასუხს გასაჩივრებთ

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა -  უარის შემთხვევაში პასუხს გასაჩივრებთ
access_time2019-04-25 16:30:20
კუს ტბის ადმინისტრაციამ მერიაში ტერიტორიის განაშენიანების ახალი გეგმა წარადგინა. სივრცის მოწყობის გენერალური გეგმა, რომელიც დედაქალაქის მთავრობაში თითქმის ერთი წლის  წინ შევიდა, დღემდე გაჩერებულია. როგორც კომერსანტს კუს ტბის გენერალურმა დირექტორმა ნინო ბადაგაძემ განუცხადა, დღემდე უცნობია, რა მიზეზით არის გაჩერებული წინა, მასშტაბური  პროექტი. ამჟამად კი  მერიას  ცალ-ცალკე, სამი დამოუკიდებელი პროექტი...

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება
access_time2019-04-25 15:31:13
სულ გვაწყნარებენ, გეგონება ჩვენ გიჟები ვართ,  და ეგენი ჭკვიანები და მშვიდები, - ამის შესახებ „ინტერპრესნიუსს“ დავით გარეჯის არქიმანდრიტმა კირიონმა განუცხადა, რითაც ემოციური ქმედებებისა და განცხადებების თავშეკავებაზე საგარეო საქმეთა სამინისტროს მოწოდებას უპასუხა. არქიმანდრიტი ამბობს, რომ მას ჰქონდა ხელისუფლებასთან კომუნიკაცია და დაპირდნენ, რომ ხვალისთვის პრობლემა, რომელიც დავით გარეჯშია შექმნილი, მოგვარდება. „უცხო სახელმწიფო რომ ჩაკეტავს ჩვენს...

მონღოლეთში ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)

მონღოლეთში  ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)
access_time2019-04-25 17:30:28
უკვე ერთი წელია საქართველო მონღოლეთთან სავაჭრო ურთიერთობით და ქვეყანაში ინვესტიციების მოზიდვით...

ISET-ის კვლევა - საქართველოს სოფლის მეურნეობის „აქილევსის ქუსლი“ მიწის არასრული რეგისტრაციაა - სოფლის მეურნეობა წილი მშპ-ში მხოლოდ 7.7%-ია

ISET-ის კვლევა - საქართველოს სოფლის მეურნეობის „აქილევსის ქუსლი“  მიწის არასრული რეგისტრაციაა - სოფლის მეურნეობა წილი მშპ-ში მხოლოდ 7.7%-ია
access_time2019-04-25 14:00:50
საქართველოს დამოუკიდებლობის აღდგენიდან 28 წლის შემდეგ, ჩვენ ყველა, საქართველოს სოფლის მეურნეობით და სოფლის განვითარებით დაინტერესებული მხარე უნდა გამოვფხიზლდეთ და ხმამაღლა ვისაუბროთ იმაზე, რომ „სიმპტომების“ წინააღმდეგ ბრძოლა არაეფექტურია და ჯერ „პრობლემის სათავეს” უნდა ვუმკურნალოთ... ამას კი, პირველ რიგში, მთავრობის მხრიდან აშკარა და ერთმნიშვნელოვანი მხარდაჭერა სჭირდება! — ასეთია  ISET-ის კვლევის...


მსგავსი სიახლეები

up