„საზოგადოება უფრო მზად იყო ტექდათვალიერების რეფორმისთვის, ვიდრე ხელისუფლება“

„საზოგადოება უფრო მზად იყო ტექდათვალიერების რეფორმისთვის, ვიდრე ხელისუფლება“

access_time2017-11-15 09:40:36

„აღმოჩნდა, რომ საზოგადოება ბევრად უფრო ორგანიზებულია და ბევრად უფრო მზად იყო ამ რეფორმას შეხვედროდა, ვიდრე ხელისუფლება“-ასე ეხმაურება  „ჰაბ ჯორჯიას“ ხელმძღვანელი ვასილ ურუშაძე ”„საგზაო მოძრაობის შესახებ” კანონის გარდამავალი დებულებებიდან იმ მუხლის ამოღებას, რომლითაც საქართველოს ტერიტორიაზე ექსპლუატაციაში არსებული და რეგისტრირებული ყველა ავტოსატრანსპორტო საშუალება ახალი წლიდან სავალდებულო ტექდათვალიერებას ექვემდებარება.


მისი შეფასებით, დღეს ხელისუფლებამ კიდევ ერთი კრახი განიცადა. „კიდევ ერთხელ გამოჩნდა, რომ ხელისუფლებას ამ პოლიტიკით არ აქვს ელემენტარული უნარი, ასეთი მასშტაბის რეფორმები გაატაროს“,-აცხადებს ურუშაძე.


მისი განმარტებით, ბატონი გიორგი გახარიას ეკონომიკის მინისტრობის დროს გაკეთებული განცხადება, რომ 2018 წლის 1-ლი იანვრიდან ძალაში შევიდოდა სავალდებულო ტექნიკური ინსპექტირება, იყო ტყუილი. ურუშაძე აცხადებს, რომ ქვეყანაში ამ მხრივ არანაირი სამუშაოები ჩატარებული არ არის.


მისი განცხადებით, ეს იყო უბრალოდ პოპულისტური განცხადება, რომელიც არჩევნებს უკავშირდებოდა. „როგორც კვლევებით დასტურდება, განსაკუთრებით თბილისში, საზოგადოებისთვის ყველაზე მნიშვნელოვან პრობლემას ჰაერის დაფინძურება წარმოადგენს. საზოგადოებაში არსებობს აზრი, რომ ჰაერის დაბინძურების პრობლემას ავტომობილების სავალდებულო ტექნიკური დათვალიერება მოაგვარებს. შესაბამისად, ეს იყო პიარზე გათვლილი განცხადება და ამის უკან არაფერი არ იდგა“,-აცხადებს ურუშაძე.


მისი თქმით, ამ რეფორმის დაწყებას და წარმატებით განხორციელებას ძალიან დიდი შრომა სჭირდება - საზოგადოების ინფორმირებულობა, სისტემური მოწყობა, მენეჯმენტი, საკანონმდებლო მხარე, ინფრასტრუქტურის მოწყობა.



„ძალიან ბევრი დეტალია, რომელიც საფუძვლიანად არის შესასწავლი. ჩვენი გათვლებით, მოსამზადებელ პერიოდს დაახლოებით 2 წელი სჭირდება. დღეს რომ ვიტყვით, უკვე უნდა გვქონდეს კონკრეტული გეგმა, ორი წლის განმავლობაში რას ვაკეთებთ. ამ რეფორმას უნდა ჰყავდეს კონკრეტული პასუხისმგებელი პირი-მენეჯერი, რომელსაც სამოქმედო გეგმა გაწერილი ექნება“,-აცხადებს ურუშაძე.


შეგახსენებთ, „საგზაო მოძრაობის შესახებ“ კანონიდან იმ ნორმის ამოღება ხდება, რომლის მიხედვით, გზისთვის ვარგისიანობაზე ტესტირებას 2018 წლიდან საქართველოს ტერიტორიაზე ექსპლუატაციაში არსებული და საქართველოში რეგისტრირებული ყველა ავტოსატრანსპორტო საშუალება უნდა დაექვემდებაროს. ეს კი იმას ნიშნავს, რომ დაანონსებული რეფორმა სრულად 2018 წლიდან არ ამოქმედდება და გადავადდება. თუმცა ამას გადავადებას არ უწოდებს ეკონომიკის სამინისტროს ტრანსპორტისა და ლოჯისტიკის განვითარების პოლიტიკის დეპარტამენტის ხელმძღვანელი ქეთევან სალუქვაძე, ის „კომერსანტთან„ საუბრისას აცხადებს, რომ მხოლოდ ვადები დაკორექტირდა. 


კითხვაზე, რატომ ვერ გათვალა მთავრობამ რეფორმის დაანონსების დროს ის, რომ ფიზიკურად შეუძლებელი იქნებოდა ყველა დარეგისტრირებული ავტოსატრანსპორტო საშუალებისთვის პერიოდული ინსპექტირების ერთდროულად გავლა, სალუქვაძე განმარტავს, რომ ეს ცვლილება შეტანილ იქნა დაახლოებით 1 წლის წინ. გარდა ამისა, მაშინ ცნობილი არ იყო ტესტირების რამდენი ცენტრი შეიძლებოდა ქვეყანაში ყოფილიყო. „ახლა განხორციელებული კონსულტაციის საფუძველზე დღეს 26 ტესტირების ობიექტია, ორჯერ ამდენიც რომ იყოს, შეუძლებელია მოხდეს ყველა ავტოსატრანსპორტო საშუალების ერთდროულად მოცვა. დაკორექტირებაც ამიტომ მოხდა“, - აცხადებს სალუქვაძე.


ავტორი: სოფო ქსოვრელი 




დღის Top 10 საინტერესო ამბავი

დღის Top 10 საინტერესო ამბავი
access_time2020-08-07 21:00:06
დღის Top 10 საინტერესო ამბავი 1.ფიზიკური პირების დაკრედიტებიდან „საქართველოს ბანკმა“ „თიბისისთან“ შედარებით 17 მილიონ ლარზე მეტი შემოსავალი მიიღო კომერციული ბანკების ფინანსური ანგარიშგებების 2020 წლის II კვარტლის მონაცემების მიხედვით, მათ სასესხო პორტფელში უდიდესი წილით ფიზიკურ...

„ლიდერფუდის“ უსაფრთხოების უფროსი მერაბ ბაღათურია ადვოკატ ავთანდილ თეთრაშვილს პასუხობს

„ლიდერფუდის“ უსაფრთხოების უფროსი მერაბ ბაღათურია ადვოკატ ავთანდილ თეთრაშვილს პასუხობს
access_time2020-08-07 13:00:18
„ლიდერფუდის“ გარშემო მიმდინარე დავის კონტექსტში ირაკლი დუმბაძის ადვოკატის ავთანდილ თეთრაშვილის მიერ გავრცელებულ განცხადებაში გაიჟღერა კომპანიის უსაფრთხოების უფროსის მერაბ ბაღათურიას სახელმა. კერძოდ, თეთრაშვილი წერს, რომ დავით ზეიკიძე და არჩილ კბილაშვილი მერაბ ბაღათურიას სასამართლოში სხდომის მიმდინარეობის დღესვე დაკითხვის კატეგორიული წინააღმდეგები იყვნენ და ეს უარი კი იმით აიხსნება, რომ ბაღათურია იმავე დღეს არ იყო მზად სარჩელის მიუღებლობის ვერსიის დასადასტურებლად და მის მოსამზადებლად ზეიკიძეს...

როგორი იყო ქართული ტურიზმი 61 წლის წინ

როგორი იყო ქართული ტურიზმი 61 წლის წინ
access_time2020-08-07 19:15:27
61 წლის წინათ საქართველოს კურორტების პოპულარიზაციისათვის რეჟისორ შალვა ჩაგუნავას გადაღებულ ფერად ფილმს ფერები, ფაქტობრივად, დაკარგული ჰქონდა. საქართველოს ეროვნული არქივის 4K გარჩევადობის სკანერზე ფილმის მაღალი ხარისხის ციფრული ასლი შეიქმნა. ამან ფილმის რესტავრატორებს საშუალება მისცა მოეხდინათ ფერისა და სინათლის კორექცია, დაზიანებების ციფრული გაწმენდა, ასევე, ხმის გასუფთავება და სინქრონიზაცია. რესტავრაციის პროცესი 6 თვეს გრძელდებოდა. 20-წუთიან ფილმში...

სვანეთში „გრაპა მესტია“ მაღალი კლასის სასტუმროს 2023 წელს გახსნის

სვანეთში „გრაპა მესტია“ მაღალი კლასის სასტუმროს 2023 წელს გახსნის
access_time2020-08-07 18:10:39
სვანეთში მაღალი კლასის ბრენდული სასტუმრო 2023 წელს გაიხსნება. პროექტის განმახორციელებელი კომპანია „გრაპა მესტიას“ დამფუძნებელი მინდია გურგენიძე „ბიზნესპარტნიორთან“ აცხადებს, რომ სასტუმრო 4 ვარსკვლავიანი იქნება. კითხვაზე, იგეგმება თუ არა პროექტში საერთაშორისო ბრენდის შემოყვანა, გურგენიძე ამაზე არ საუბრობს და აცხადებს, რომ მსგავსი საკითხები მას შემდეგ გადაწყდება, რაც პროექტის განხორციელება დაიწყება. თუმცა, დიდი ალბათობით სასტუმროს ოპერირებას ქართული...

საქართველოში დაბრუნებულ ქართველ ბიზნესვიზიტორებს კარანტინის გავლა მოუწევთ

საქართველოში დაბრუნებულ ქართველ ბიზნესვიზიტორებს კარანტინის გავლა მოუწევთ
access_time2020-08-07 17:00:56
რამდენიმე დღის წინ ეკონომიკის მინისტრი ნათია თურნავა ბიზნესვიზიტორების პლატფორმაზე საუბრობდა, მისი განცხადებით პლატფორმა წარმატებით მუშაობს და უკვე 2700-მდე ვიზიტორია დარეგისტრირებული, ეკონომიკის მინისტრმა განაცხადა, რომ საქართველოში ჩამოსულ ბიზნესვიზიტორებს სავალდებულო კარანტინის გავლა არ მოუწევთ და გარკვეული პერიოდულობით PCR ტესტს ჩაიტარებენ. „წარმატებით ამოქმედდა ბიზნესვიზიტორების პლატფორმა, ერთი თვე გაიტესტა და სრულფასოვნად ამოქმედდა. გვაქვს შთამბეჭდავი ...


მსგავსი სიახლეები

up