უცხოეთიდან ტურისტებს წელს არ ველოდებით,ჯავშნებს მომავალი წლისთვის ვიღებთ

უცხოეთიდან ტურისტებს წელს არ ველოდებით,ჯავშნებს მომავალი წლისთვის ვიღებთ

access_time2020-06-19 15:25:44

საქართველოში შიდა ტურიზმი 15 ივნისს გაიხსნა, ხოლო საერთაშორისო ტურისტებისთვის საზღვრები 1 ივლისს გაიხსნება. საქართველო მსოფლიოში ერთ-ერთი პირველი ქვეყანაა, რომელიც უცხოელ ვიზიტორებს უმასპინძლებს. მიუხედავად ამისა, ქართული ტურისტული კომპანიები ზაფხულის სეზონზე ჯავშნების არარსებობაზე საუბრობენ.


Georgian Holiday – ს ხელმძღვანელი მანანა ცირამუა „კომერსანტთან“ საუბრისას ამბობს, რომ 1 ივლისიდან საზღვრების გახსნის მიუხედავად, საერთაშორისო ტურიზმის მიმართულებით ჯავშნები ზაფხულში არ არის და ტურისტები ძირითადად შეკვეთებს მომავალი წლისთვის აკეთებენ.


„შარშან გაკეთებული ჯავშნები რაც გვაქვს თითქმის ყველაფერს ვაუქმებთ ან მომავალი წლისთვის გადაგვაქვს. ივლისის თვეში კი ამბობენ გახსნას, მაგრამ თუ გაიხსნება აეროპორტები, ავიაკომპანიების რეისები გამოცხადება და მოხდება ბილეთების შეძენა მგზავრების მიერ, ეს ჯერ დაზუსტებით არავინ იცის. ივლისისთვის არავის არ აქვს ბილეთი შეძენილი და მინიმუმ ერთი თვის პერიოდში არანაირი ჯავშანი არ არის. ამ ეტაპზე აგვისტოს ჯავშნების გაუქმებაც ხდება, რომელიც ტურისტებმა თავად მოხსნეს, იმის გამო რომ მათმა ქვეყნებმა მიიღეს გადაწყვეტილება საზღვრები მინიმუმ სექტემბრამდე ჩაკეტონ. ბევრი ქვეყანა გეგმავს, რომ თანხის გადინება არ მოახდინოს და შიდა ტურიზმს შეუწყოს ხელი, შესაბამისად, მათი მოსახლეობა რომელიც საზღვარგარეთ, მათ შორის საქართველოში მოგზაურობდა, თავიანთ ქვეყნებში რჩებიან. საზღვრები კი იხსნება, მაგრამ საერთაშორისო ტურიზმის მიმართულებით ჯავშნები ზაფხულში არ გვაქვს. ამ ეტაპზე თუ ვინმე რამეს ჯავშნის ეს არის მხოლოდ მომავალი წლისთვის, წლევანდელი პერიოდისთვის ახალი ჯავშნები არ გვაქვს.  მხოლოდ იმის თქმა, რომ 1 ივლისიდან უცხოელ ტურისტებს მივიღებთ, არაფერს ნიშნავს, თუ ამას რეალური ნაბიჯები არ მოჰყვა. თუმცა იმასაც ვხვდებით, რომ ეს მხოლოდ ჩვენი რეგიონალური პრობლემა არ არის, ეს გლობალური პრობლემაა“, - აცხადებს მანანა ცირამუა.


„კავკასუს თრეველის“ დამფუძნებელი საბა კიკნაძე „კომერსანტთან“ საუბრისას ამბობს, რომ საქართველოში ივლისი ტურისტულად აქტიური ვერ იქნება, აგვისტოს ბოლოდან შესაძლოა ჯავშნებმა შედარებით მოიმატოს, მაგრამ ამ ეტაპზე მათი გაუქმება ყოველდღიურად ხდება და ეს ტენდენცია უკვე სექტემბერ-ოქტომბერსაც შეეხო.



„ჩვენი სეგმენტი საკმაოდ მაღალია, რომელიც გაცილებით ადრე გეგმავს მოგზაურობას, შესაბამისად, ზაფხულის ჯავშნები ფაქტობრივად არ გვაქვს. ამ ეტაპზე მსოფლიოში არცერთ ქვეყანაში დალაგებული სიტუაცია არ არის, რადგან მათი მხრიდანაც ბუნდოვანია პირდაპირი ფრენები იქნება თუ არა. აქედან გამომდინარე, საქართველოში ივლისი აქტიური ვერ იქნება, ჩვენი აზრით, აგვისტოს ბოლოდან შესაძლოა ჯავშნებმა შედარებით მოიმატოს, რადგან ამ ეტაპზე მცირე რაოდენობით მაგ პერიოდისთვის დაჯავშნილია. ჯერჯერობით მსოფლიოს არცერთ ქვეყანას ნათლად არ აქვს წარმოდგენილი მოგზაურობასთან დაკავშირებით რა ტექნიკური პირობების დაცვა მოუწევთ, ვგულისხმობ ფრენებს, მიმართულებებს, მათ შორის სპეციალურ ღონისძიებებს და ა.შ. არავისთვის, მათ შორის საქართველოსთვისაც აბსოლუტურად ნათლად არ არის ცნობილი ჩამოსულ სტუმარს კონკრეტულად რა პროცედურების გავლა მოუწევს, ჩამოყალიბებული მკვეთრი სქემა ჯერჯერობით არ არსებობს“, - განმარტავს საბა კიკნაძე.


„კავკასუს თრეველის“ დამფუძნებელი იმ პრობლემებზეც საუბრობს, რის წინაშეც პანდემიის გამო სექტორი აღმოჩნდა. მისი განცხადებით, კალენდარულად ტურისტულები თითქოს მხოლოდ 4 თვე გაჩერდა, თუმცა, რეალურად მინიმუმ კიდევ 2 თვე ამ მდგომარეობაში იქნებიან.


„ჩვენთვის ეს რამდენიმე თვე დიდი წყვეტაა, მიუხედავად იმისა რომ თითქოს 1 ივლისიდან ყველაფერი უნდა აღდგეს, დარწმუნებული ვარ ეს წყვეტა კიდევ რამდენიმე თვეს გაგრძელდება. ჩვენი ვარაუდით, ზაფხულში ტურისტების რაოდენობამ შარშანდელი მაჩვენებლების მაქსიმუმ 25% შეადგინოს. კალენდარულად ტურისტულები თითქოს მხოლოდ 4 თვე გაჩერდა, თუმცა, რეალურად მინიმუმ კიდევ 2 თვე დაემატება, რომელიც თავის მხრივ ყველაზე აქტიურ პერიოდს ემთხვევა. ვიმედოვნებთ, რომ სექტემბრიდან ნელ- ნელა შემომავალი ტურიზმი გააქტიურდება და ოქტომბრიდან უკვე ჩვეულებრივ რეჟიმში გავაგრძელებთ მუშაობას“, - აცხადებს საბა კიკნაძე.


ნინო თამაზაშვილი




გავაკეთოთ ,,დროებითი მწვანე რეზიდენცია“ და ვისაც სურს, რომ მეორე ტალღა ,,გამოიზამთროს“, მივცეთ საქართველოში ჩამოსვლის საშუალება

გავაკეთოთ ,,დროებითი მწვანე რეზიდენცია“ და ვისაც სურს, რომ მეორე ტალღა ,,გამოიზამთროს“, მივცეთ საქართველოში ჩამოსვლის საშუალება
access_time2020-07-13 19:01:29
„იქნებ გავაკეთოთ ,,დროებითი მწვანე რეზიდენცია“ ( 3-6 თვიანი) და ვისაც სურს, რომ მეორე ტალღა ,,გამოიზამთროს“, მივცეთ საქართველოში ჩამოსვლის საშუალება ოჯახებთან ერთად“, - ამის შესახებ ანაკლია სითის აღმასრულებელი დირექტორი ქეთი ბოჭორიშვილი სოციალურ ქსელში წერს.   „კომერსანტი“ მის პოსტს უცვლელად გთავაზობთ:   „Thinking out of box- ჩვენ ვუმკლადვდებით ამ ვირუსს, ამავდროულად, სამწუხაროდ რეგიონში მძიმე მდგომარეობა არის. იქნებ შევძლოთ ამის უფრო მეტად...

The Wall Street Journal: შიდა ტურიზმის ქრონიკები - ფრანგები საფრანგეთს ეცნობიან

The Wall Street Journal: შიდა ტურიზმის ქრონიკები - ფრანგები საფრანგეთს ეცნობიან
access_time2020-07-13 20:00:35
დღეს ფრანგები მათთვის უცნობ ტერიტორიას საფრანგეთს ითვისებენ. ყოველწლიურად ფრანგები შვებულებებში საზღვარგარეთ მიდიან, თავად საფრანგეთი კი ათობით მილიონ უცხოელ ტურისტს იღებს. ეს კი ნიშნავს, რომ მილიონობით ფრანგი ეიფელის კოშკზე არასდროს ასულა, მონბლანის მწვერვალიდან სამყაროსთვის არასდროს შეუხედია, და ნიცაში, ინგლისურ სანაპიროზე არასდროს უსეირნია.   "იყო ფრანგი - ნიშნავს სამოთხეში ცხოვრებას, რომლის მკვიდრები ფიქრობენ, რომ ჯოჯოხეთში ცხოვრობენ“ - დაწერა ერთ დროს...

საზოგადოებრივი მაუწყებელი ₾54 მლნ ბიუჯეტით 1.4 მლნ-ზე მეტს ვერ შოულობს

საზოგადოებრივი მაუწყებელი ₾54 მლნ ბიუჯეტით 1.4 მლნ-ზე მეტს ვერ შოულობს
access_time2020-07-13 18:35:20
საზოგადოებრივი მაუწყებელი (საზმაუ)  სახელმწიფო ბიუჯეტიდან მიღებული მზარდი დაფინანსებით ყველაზე მდიდარი ტელევიზიაა საქართველოში. ჯამური შემოსავალი 55.9 მლნ ლარია.  საერთაშორისო გამჭვირვალობა საქართველოს კვლევის მიხედვით,   ტელეკომპანიას სარეკლამო შემოსავლები 2018 წელთან შედარებით, 2019 წელს 1.5 მლნ ლარით შეუმცირდა, თუმცა, სარეკლამო შემოსავლების ათეულში მეშვიდე ადგილი დაიკავა . საზოგადოებრივი მაუწყებლის რეკლამა მნიშვნელოვნად 2018 წელს გაიზარდა. ამავე წლის...

ახლადგახსნილი მაგნიკა რეზორტი ივლისში სასტუმროს 50%-იან დატვირთვას ელის

ახლადგახსნილი მაგნიკა რეზორტი ივლისში სასტუმროს 50%-იან დატვირთვას ელის
access_time2020-07-13 19:00:17
სასტუმრო მაგნიკა რეზორტი“ პირველი სტუმრების მისაღებად მზადაა. სასტუმრო კომპლექსი, რომელიც შეკვეთილში 10 ჰა ტერიტორიაზეა განლაგებული 40 ოთახს აერთიანებს. პროექტის ჯამური საინვესტიციო ღირებულება 18 მლნ ლარია და სასტუმრო 50-მდე ადამიანს ასაქმებს.   “მაგნიკა რეზორტს” გაყიდვებისა და მარკეტინგის მომსახურებას უწევს მენეჯმენტ კომპანია HSC Group. როგორც კომპანიის წარმომადგენელი აცხადებს, წელს გამომდინარე კორონა ვირუსის პანდემიიდან, ორიენტირებულები იქნებიან მხოლოდ შიდა ბაზარზე და...

„მკვლელი ლიფტები“ – არაპოპულარული, მაგრამ სასიცოცხლო ნაბიჯი, რომელიც მერიამ უნდა გადადგას

„მკვლელი ლიფტები“ – არაპოპულარული, მაგრამ სასიცოცხლო ნაბიჯი, რომელიც მერიამ უნდა გადადგას
access_time2020-07-13 18:00:24
ამორტიზებული ლიფტების რაოდენობა საქართველოში 18 ათასს აღწევს. მათი ექსპლუატაციის 25–წლიანი ვადა დაახლოებით 30 წლის წინ ამოიწურა. ასეთი ლიფტები არა პოტენციურ, არამედ რეალურ საფრთხეს წარმოადგენენ ადამიანების სიცოცხლისთვის. რეალურს იმიტომ, რომ ლიფტებთან დაკავშირებული უბედური შემთხვევების რიცხვი მხოლოდ მიმდინარე წლის 6 თვეში 30–ს აღწევს. „მკვლელი ლიფტების“ შესაცვლელად წლები და კოლოსალური ფინანსებია საჭირო. უკეთ წარმოდგენისთვის, ერთი ლიფტის ფასი 5–დან 8 ათას აშშ დოლარამდე...


მსგავსი სიახლეები

up