საყოველთაოდ ცნობილი გამომცემლობა McGraw-Hill-ი $4.5 მილიარდად იყიდება

საყოველთაოდ ცნობილი გამომცემლობა McGraw-Hill-ი $4.5 მილიარდად იყიდება

access_time2021-06-18 19:30:00

განათლებისა და საგამომცემლო სფეროს გიგანტი McGraw Hill-ი $4.5 მილიარდად გაიყიდება კერძო საინვესტიციო ფირმა Platinum Equity-ზე, რომელსაც მილიარდერი ტომ გორსი უძღვება. აღნიშნული გარიგების შესახებ ინფორმაცია კომპანიებმა ოთხშაბათს გაასაჯაროეს.


გარიგება დასრულებულად მხოლოდ მაშინ ჩაითვლება, როცა რეგულატორი შესაბამის ნებართვას გასცემს – ეს კი ზაფხულის განმავლობაშია მოსალოდნელი. საგულისხმოა, რომ კომპანიის გაყიდვა 2019 წელსაც სცადეს – McGraw Hill-ის შეძენაზე მის მფლობელ Apollo Global Management Inc-სა და Cengage-ს შორის მოლაპარაკებები 2019 წელს დაიწყო, თუმცა, ვინაიდან საქმე აშშ-ის ორ უმსხვილეს გამომცემელს ეხებოდა, რეგულატორი მათ მიმართ მკაცრ მოთხოვნებს აყენებდა, რის გამოც გარიგება ვერ დასრულდა.


თუკი კომპანიები რეგულატორისგან თანხმობას მიიღებენ, McGraw Hill-ი საქმიანობას არსებული გუნდითა და მოქმედი აღმასრულებელი დირექტორის ხელმძღვანელობით განაგრძობს. საიმონ ალენმა, კომპანიის CEO-მ, გარიგებაზე განცხადებაც გაავრცელა: „Apollo-სთან მუშაობისას ჩვენ ბიზნესის ტრანსფორმაცია შევძელით. ახლა, Platinum-ის რესურსითა და გამოცდილებით, ჩვენ გვეძლევა შესაძლებლობა, ვპოზიციონირდეთ კომპანიად, რომელიც აჩქარებს ციფრულ ტრანსფორმაციას და ამასთან, არის სფეროს ლიდერი, რომელსაც საგანმანათლებლო სექტორი დინამიკურად ცვალებად დროშიც ენდობა“.



განათლების სფეროს ერთ-ერთი გიგანტი, McGraw-Hill Education-ი ბოლო წლებში ციფრული განათლების მიმართულებაზეა ფოკუსირებული და თავის თავდაპირველ მისიასთან ცდილობს დაბრუნებას – „სწავლის მეცნიერებების კომპანია“, რომელსაც მოსწავლის საჭიროებებზე მორგებული სასწავლო რესურსების მომზადება შეუძლია. კომპანია ზოგადი განათლების მიმართულებით უფრო აქტიურია და მრავალ სახელმძღვანელოსა თუ დამატებით რესურსს ქმნის, ასევე ფლობს რამდენიმე ციფრულ სასწავლო პლატფორმას.


„პანდემიამ განსაკუთრებულად დამანგრეველი ეფექტი იქონია განათლებაზე. ახლა, ისე როგორც არასდროს, მნიშვნელოვანია ინვესტირება ინოვაციურ ტექნოლოგიებში, უფრო კონკრეტულად კი ციფრული სწავლების ინსტრუმენტებში. მოხარულები ვართ, რომ შესაძლებლობა მოგვეცემა, ჩვენი ოპერაციული და ფინანსური რესურსი მოსწავლეებისა და მასწავლებლების ინტერესების დასაკმაყოფილებლად მივმართოთ“, – განაცხადა Platinum Equity-ის დამფუძნებელმა, მილიარდერმა ტომ გორსმა.


ცნობისთვის, Apollo-მ McGraw Hill 2013 წელს $2.4 მილიარდად შეიძინა. გამომცემლობის სახელმძღვანელოები და სასწავლო რესურსები ფართოდ გამოიყენება ქართულ საგანმანათლებლო სივრცეში, განსაკუთრებით კი უმაღლეს სასწავლებლებში.


forbes.ge

თეგები:
McGraw-Hill



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up