მსოფლიოში ცნობილმა ავეჯის მწარმოებელმა კომპანია IKEA-მ იმ იაპონელებს, რომლებსაც ბინების დაქირავება სურთ, საკმაოდ უჩვეულო და ძალიან ხელსაყრელი პირობა შესთავაზა.
კომპანიის ვებ-გვერდზე გამოქვეყნებული ინფორმაციის მიხედვით, IKEA-ს მცირე ზომის სახლების დაქირავება მსურველებს სულ რაღაც 99 იაპონურ იენად ( 0.86 აშშ დოლარი) შეეძლებათ.
ეს წარმოუდგენლად დაბალი ფასია ტოკიოსთვის, სადაც 14 მილიონზე მეტი ადამიანი ცხოვრობს და საკუთრების შეძენისა თუ დაქირავების საფასური ძალიან მაღალია.
როგორც ქვემოთ მოცემულ ფოტოკოლაჟში ჩანს „მინი სახლის“ ფართობი 10 კვ.მ.-ია, თუმცა სივრცე მაქსიმალურად პრაქტიკულად არის ათვისებული. სახლის ქვედა სართულზე განთავსებულია მცირე ზომის აბაზანა და საერთო ოთახი.
ოთახში მცირე ზომის კარადა, მაგიდა, სკამი და სავარძელია განლაგებული. მის თავზე კი საწოლი მდებარეობს, სადაც ასვლა კიბითაა შესაძლებელი.
როგორც ცნობილია, IKEA-ს შეთავაზებით სარგებლობის საშუალება ამ ეტაპზე მხოლოდ რამდენიმე ადამიანს ექნება. მათ განცხადება 3 დეკემბრამდე უნდა შეავსონ. ბინის დაქირავება კი 2023 წლამდე შეეძლებათ.
შერჩეულ აპლიკანტებს ბინაში ცხოვრება 2023 წლამდე შეეძლებათ და ამ პერიოდის მანძილზე კომუნალური გადასახადების გადახდა თავად მოუწევთ.
კომპანიაში აცხადებენ, რომ მათი მიზანია საზოგადოებას მცირე ზომის ბინის უპირატესობები აჩვენონ. მათი თქმით, სწორად დაგეგმვის შემთხვევაში ასეთი პატარა ბინაც კი შეიძლება საკმაოდ კომფორტული იყოს.
მათი თქმით, თუ იდეა გაამართლებს, მომავალში, შესაძლოა, მსგავსი ბინების აშენება მასობრივად დაიწყონ.
სახლის ფოტოკოლაჟი:
წყარო: "ბიზნესპრესნიუსი"