“ყურძნის ფასი არ შეიძლება იყოს 1 ლარზე ნაკლები“ - ივანიშვილის დაპირება შვიდი წლის შემდეგ - 70 თეთრი რქაწითელი და მევენახეების პროტესტი

“ყურძნის ფასი არ შეიძლება იყოს 1 ლარზე ნაკლები“ - ივანიშვილის დაპირება შვიდი წლის შემდეგ - 70 თეთრი რქაწითელი და მევენახეების პროტესტი

access_time2019-09-13 10:30:17

2012 წელს ბიძინა ივანიშვილის გუნდის ხელისუფლებაში მოსვლამდე, „ქართული ოცნების“  თავმჯდომარე აცხადებდა, რომ ერთი კილოგრამი ყურძნის ფასი არ შეიძლება იყოს ერთ ლარზე ნაკლები.  6 წლის განმავლობაში გლეხების მიერ გაწეული დიდი შრომის, სახელმწიფოს მიერ რთველის 3-წლიანი სუბსიდირების შემდეგაც კი  წელს  ქართული ყურძნის ფასი  70 თეთრია. ამასთან დაკავშირებით მევენახეები აღშფოთებას არ მალავენ და მიიჩნევენ, რომ ეს ფასი მევენახეების გაწეული შრომის ადეკვატური არ არის.



„ყურძნის ფასი ამ ეტაპისთვის იმდენად დაბალია, რომ იმის საშიშროების წინაშეც დგანან მევენახეები, დაფიქრდნენ უღირთ თუ არა საერთოდ გაყიდვა. ღვინის ექსპორტში უნდა ჩაერიონ მწარმოებლები, რათა ღირსეულ ფასად იქნეს გაყიდული ყურძენი, წინააღმდეგ შემთხვევაში ძალიან მძიმე მდგომარეობა შეიქმნება,  ძალიან ბევრი მევენახე იტყვის უარს ვენახზე და ეს ტრადიციული დარგი კატასტროფის წინაშე დადგება,“ - ასე აფასებს საქართველოს ფერმერთა და სოფლის მეურნეობის მუშაკთა პროფესიული კავშირის პრეზიდენტი ირინა ფხოველიშვილი ყურძნის დღევანდელ ღირებულებას.



ირინა ფხოველიშვილი მიიჩნევს, რომ სახელმწიფოს არასწორი პოლიტიკით საფრთხე შეექმნა დარგის განვითარების პერსპექტივებს და დგება საშიშროება იმისა, რომ ტრადიციული დარგი სერიოზულ კრიზისში აღმოჩნდეს.



 წელს ყურძნის შესყიდვასთან დაკავშირებით მართლაც სერიოზული პრობლემა დადგა. კი ბატონო, ხელისუფლება შეიცვალა და ამბობდნენ, რომ მინიმუმ ლარი მაინც უნდა იყოს ყურძნის ფასი.  გარკვეული პერიოდის განმავლობაში ხდებოდა ყურძნის სუბსიდირება რთველის პერიოდში და მაქსიმალურად ცდილობდნენ დაეჭირათ ფასი, ლარი თუ არა ლართან მიახლოებული მაინც.  მაგრამ მას შემდეგ, რაც სუბსიდირება მოიხსნა ამ დარგზე, ავტომატურად ფასი დაბლა  წამოვიდა.  ეს ეხება როგორც რქაწითელს,  ისე საფერავს. კახეთი ხორბლისა და ყურძნის  მწარმოებელი რეგიონია და არ შეიძლება მისი ასე უყურადღებოდ დატოვება.



მთელი წელი კახელი მევენახე შრომობს იმისთვის, რომ წლის სარჩო-საბადებელი სექტემბერში მიიღოს.  აღმოჩნდა, რომ რა შრომასაც ეწევა მევენახე, ფაქტობრივად შედეგს ვერ იღებს. ეს ხდება იმის მიზეზით, რომ ტრადიციულ დარგს ძალიან სერიოზული პრობლემა შეექმნას საქართველოში. სახელმწიფოს მხრიდან არასწორი პოლიტიკა იყო განხორციელებეული ამ მიმართულებით.  იმის თქმა, რომ -  შენ დაგეხარჯა 30 თეთრი კილოგრამზე და მე შენ გაძლევ 70 თეთრს და შენ ამით კმაყოფილი უნდა იყო -  ეს არ არის სწორი მიდგომა იმიტომ, რომ ის 30 თეთრი დათვლილია თითო მევენახის შრომის გარეშე.  არავინ ანგარიშობს იმას, თუ ვინ რამდენ ენერგიას დებს. ასევე არავინ   უყურებს, რომ ლარის დევალვაციის გამო და დოლარის კურსის ასე კატასტროფულად გაზრდის გამო, აბსოლუტურად ყველაფრის ფასი გაოთხმაგებულია, გაორმაგებაზეც არ არის საუბარი.  რა რჩება ადამიანს, რომელიც მთელი წლის განმავლობაში შრომობს?  თუნდაც ის 20 თეთრი,  რომელიც კილოგრამზე რჩება რომ გავყოთ 12 თვეზე, ელემენტარულად სამარცხვინო ფასი გამოდის თვეში.  მევენახე იღებს მცირე თანხას, რომელიც მთელი წლის განმავლობაში უნდა გამოიზოგოს და დახარჯოს.  არასწორი პოლიტიკის ბრალია ის, რომ არა მარტო მევენახეობაში  არამედ, ზოგადად სოფლის მეურნეობაში ჩვენ არ გავქვს ის შედეგი ,რაც უნდა ყოფილიყო იმ გრანტების ფონზე, იმ ბრძოლისა და შრომის ფონზე, რაც ჩვენ ამ ბოლო 6 წლის განმავლობაში გავწიეთ. - ამბობს ირინა ფხოველიშვილი

 


ფხოველიშვილმა დარგის კრიზისული მდგომარეობის მიზეზად გადამამუშავებლების მიერ საკუთარი ვენახების გაშენებაც დაასახელა. ამის საპასუხოდ კი მისი რეკომენდაცია რომ ორ სოფელს მაინც ჰქონდეს ერთი ქარხანა და მოსახლეობა ვინც შრომობს ვენახის მოვლისთვის , ასევე მისი გადამუშავებითაც დაინტერესდეს .


მევენახეების ასეთი მდგომარეობა გამოიწვია იმანაც, რომ თითქმის ყველა ქარხანამ თავისი საკუთარი ვენახები გააშენა და ძალიან მცირე რაოდენობა სჭირდებათ ახლა მათ იმისთის, რომ მარანი შეავსონ. მივესალმები აზრს,  ყველა სოფელს უნდა ჰქონდეს თავისი მინი-ქარხანა, მაგრამ სამწუხაროდ ჩვენ ვერ მივიყვანეთ ჩვენი მევენახეები იმ კონდიციამდე, რომ ჰქონდეს გაერთიანებული ძალებით ასეთი ქარხნის გაკეთების საშუალება. აქაც სახელმწიფომ უნდა იზრუნოს იმისთვის, რომ თითოეულ სოფელში თუ არა, ორ სოფელს ერთი ასეთი ქარხანა მაინც  გაუკეთოს და მოსახლეობა შეეჩვიოს სააქციო საზოგადოებაში ჩაბმას.  ანუ ყველამ უნდა იცოდეს  იმ ქარხნაში მისი წილი რა იქნება და დაინტერესებული პირი იყოს ამ მიმართულებით.  



მართალია შეიქმნა შტაბი, მაგრამ ეს საქმეს ვერ უშველის თუ ერთდროულად არ მოხდება მეღვინეების, გადამამუშავებლებისა და მწარმოებლების ერთობლივი ინტერესების ერთ სივრცეში განხილვა. კი კარგია განკერძოება,  მაგრამ სახელმწიფომ ყველაფერზე უარი არ უნდა თქვას. თუ სახელმწიფო ზრუნავს იმისთვის, რომ ღვინო გატანილი იყოს ქვეყნის გარეთ და გაიყიდოს,  ეს ღვინო სწორედ ყურძნისგან იწარმოება, რომელსაც მევენახეები უვლიან, ამიტომ იმის თქმა, რომ ჩვენ ვერაფერში ჩავერევით, არის ტყუილი,- ამბობს ფხოველიშვილი.


რას ფიქრობენ ყურძნის დაბალ ფასებზე, გლეხების მხრიდან უკმაყოფილებასა და ექსპერტების საგანგაშო მოლოდინებზე ყურძნის სფეროში ღვინის ეროვნულ სააგენტოში?  „კომერსანტი“ აღნიშნულ საკითხზე სააგენტოს ხელძღვანელს ლევან მეხუზლას ესაუბრა, რომელიც აცხადებს, რომ საქართველოში ყველაზე პრობლემური და ჭარბი ყურძნის ჯიშის, რქაწითელის ფასი სრულიად სამართლიანია და ეხმიანება თავისუფალი ბაზრის პრინციპებს.


საქართველომ თავის დროზე აირჩია თავისუფალი ეკონომიკა,  ჩვენ კომუნიზმი მოვიცილეთ, აქედან გამომდინარე,  უნდა მივეჩვოთ ერთხელ და სამუდამოდ, რომ ასეთი ეკონომიკის პირობებში ბაზარი ადგენს ფასს და სახელმწიფო ფასწარმოქმნაში არ უნდა ჩაერიოს.  ფასი არის ორი კერძო სუბიექტის მოლაპარაკების შედეგი. ბევრი მოთამაშეა ყურძნის ბაზარზე, რადგან ეს ძალიან კონკურენტული სფეროა და ფასი დგება მოთხოვნა-მიწოდების შესაბამისად. რქაწითელზე, რომელიც ასევე ჭარბია და თავისუფალ ბაზარზე, მოთხოვნა არ არის იმდენი, რომ მთლიანად ჩაბარდეს, მხოლოდ  ამ შემთხვევაში სახელმწიფო ერევა და იბარებს ამ ჭარბ ყურძენს 70 თეთრად. რაც შეეხება ამ ფასს, ყველანაირი გათვლებით და დათვლებით ეს დაახლოებით ტოვებს 15-20 თეთრიან მოგებას.  როდესაც რაღაცა გიჯდებათ 50 თეთრი და თქვენ შემდეგ ნახულობთ მოგების სახით 20 თეთრს, ეს არის 40-პროცენტიანი მოგება. დამისახელეთ ბიზნესი ან ინვესტიცია, სადაც ერთი წლის განმავლობაში 40-პროცენტიან მოგებას იღებ? რა თქმა უნდა, რაც მეტია ფასი მით უკეთესი, მაგრამ ამ ეტაპზე ვფიქრობ, რომ ეს ფასი საკმაოდ სამართლიანია. წითელ ყურძენს რაც შეეხება, ეს საბაზრო ფასია და რაც დაფიქსირდება თავისთავად ცხადია, რომ სამართლიანია. 


შარშან რეკორდული მოსავალი მოვიდა, მოთხოვნაც დიდი იყო და რეკორდული ფასები დაფიქსირდა, ამ შარშანდელი რთველის გამოძახილია ის, რაც წელს ხდება. შედარებით ნაკლებია მოთხოვნა იმიტომ, რომ დაგროვილი აქვთ საწარმოებს მარაგები და გარკვეული პრობლემები იყო ზაფხულში რუსეთთან დაკაშირებით ექსპორტის კუთხით,  ამანაც უარყოფითი მოლოდინები შეუქმნა მწამოებლებს.  ეს ფაქტორები ახდენს გავლენას ყურძნის მოთხოვნაზე, - განაცხადა ლევან მეხუზლამ


როგორც ექსპერტები ვარაუდობენ,  შესაძლოა ყურძნის წარმოების სფეროდან მევენაახები საერთოდ გავიდნენ მოტივაციის არარსებობის გამო და ტრადიციულ დარგს პრობლემები შეექმნას. ამასთან დაკაშირებით ლევან მეხუზლა გლეხებს ალტერნატიული კულტურებით ჩანაცვლებასა და სხვა მეტად მოთხოვნადი და დეფიციტური ჯიშების ათვისებას სთავაზობს.


„თუ მივდივართ თავისუფალი ბაზრის გზით, მოსალოდნელია კიდეც გლეხების არათუ გასვლა ყურძნის ბაზრიდან, არამედ უფრო ჭკვიანური იქნება დივერსიფიცირება მათი საქმიანობის,  სხვა კულტურებით ჩანაცვლება, ან რაც ყველაზე მთავარია, სხვა ჯიშებით ჩანაცვლება.  საქართველო არის უნიკალური გენოფონდის პატრონი და ისე გამოდის, რომ რამდენიმე წელია ამ რქაწითელზე არის პრობლემა, მაგრამ გვაქვს ასევე კახური მცვივანი, ხიხვია და სხვა უნიკალური ჯიშები, რომელიც დეფიციტშიც კი არის. გარდა მაგისა, ზოგადად თუ გადავხედავთ ტრადიციული მეღვინეობის ქვეყნებს, დარგის სიძლიერე არ არის 10 ან 15 დიდი საწარმო, დარგის სიძლიერე არის ოჯახური მარნები და ამ მხრივაც ვითარდება სიტუაცია, ბევრი ოჯახური მარანი შემოდის და ცდილობენ, რომ გადამუშავებული ყურძენი ღვინის სახით გაყიდონ,  ეს არის გამოსავლები,  რასაც ვურჩევდი ამ ჭარბი რქაწითელის მწარმოებლებს.“ - აღნიშნავს მეხუზლა.


კახეთის რეგიონში ყურძნის სარეალიზაციო ფასი შემდეგნაირად განისაზღვრა:

 

2008 წელი - საფერავი 65 თეთრი, რქაწითელი - 45 თეთრი;

 

2009 - საფერავი 65 თეთრი, რქაწითელი - 50 თეთრი;

 

2010 - საფერავი 65 თეთრი, რქაწითელი - 60 თეთრი;

 

2011 - საფერავი 65 თეთრი, რქაწითელი - 75 თეთრი;

 

2012- საფერავი 1 ლარი, რქაწითელი - 1 ლარი;

 

2013- საფერავი 1,80 ლარი, რქაწითელი - 1 ლარი;

 

2014 - საფერავი 2,50, რქაწითელი - 1,05 ლარი;

 

2015 წელს წელს სახელმწიფო თეთრ ყურძენს 60 თეთრად, შავს კი 85-ად იბარებდა;

 

2016 წელს რქაწითელის ფასი 80 თეთრი იყო, საფერავი 1 ლარი;

 

2017 წელს რქაწითელის საშუალო ფასი 75-85 თეთრით, საფერავის საშუალო ფასი 1.50-1.70 ლარით განისაზღვრა;

 

2018 წელს კახეთში ღვინის კომპანიები საფერავში 2.40 ლარს იხდიდნენ რქაწითელში - 75 თეთრს;

 

დღეის მდგომარეობით კახეთში რქაწითელის ჯიშის ხარისხიანი ყურძნის მისაღები ფასი 70 თეთრია, კახურ მწვანეს 85 თეთრად იბარებენ, საფერავის ფასი კი 1.50 ლარია.


კახეთში „რთველი 2019-ის“ საკოორდინაციო შტაბმა მუშაობა 15 აგვისტოს დაიწყო.


წელს კახეთის რეგიონში 200-250 ათას ტონამდე ყურძნის მოსავალს ელოდებიან.



მარიამ მორგოშია





მაისში ინფლაციამ 6.5% შეადგინა

მაისში ინფლაციამ 6.5% შეადგინა
access_time2020-06-03 15:35:20
2020 წლის მაისში წინა თვესთან შედარებით ინფლაციის დონემ საქართველოში 0.2 პროცენტი, ხოლო წლიური ინფლაციის დონემ 6.5 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2020 წლის მაისში, გასული წლის შესაბამის პერიოდთან შედარებით 5.9 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 5.4 პროცენტით განისაზღვრა. ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ...

კახა კალაძე არ ადასტურებს ინფორმაციას, რომ გიორგი გახარიამ თანამდებობა დატოვა

კახა კალაძე არ ადასტურებს ინფორმაციას, რომ გიორგი გახარიამ თანამდებობა დატოვა
access_time2020-06-03 14:41:33
დედაქალაქის მერი კახა კალაძე არ ადასტურებს გავრცელებულ ინფორმაციას, რომ პრემიერ-მინისტრმა გიორგი გახარიამ თანამდებობა დატოვა.როგორც კალაძე „ინტერპრესნიუსთან“ აცხადებს, ეს ინფორმაცია ტყუილია. „ტყუილია, არ არის ეს სწორი ინფორმაცია“, - განუცხადა შესაბამისი კითხვის პასუხად კალაძემ ჟურნალისტებს. ცნობისთვის, ვრცელდება ინფორმაცია, რომ პრემიერ-მინისტრი გიორგი გახარია თანამდებობას ტოვებს.მთავარი არხის ინფორმაციით,გუშინ ბიძინა ივანიშვილსა და გახარიას შეხვედრა...

კრწანისის რეზიდენციის აუზის გახსნამდე 7 დღე დარჩა - ღია აუზები კიდევ რამდენიმე რეგულაციას ელოდებიან

კრწანისის რეზიდენციის აუზის გახსნამდე 7 დღე დარჩა - ღია აუზები კიდევ რამდენიმე რეგულაციას ელოდებიან
access_time2020-06-03 16:15:28
აუზების გახსნამდე 7 დღე დარჩა, მათი მფლობელები კი დღემდე რეგულაციიების საბოლოო ვარიანტს ელოდებიან . მათთვის დღემდე უცნობია რამდენი სტუმრის მიღებას შეძლებენ დღის განმავლობაში.   ღია აუზები 10 ივნისიდან იხსნება, მათ შორის  კრწანისის რეზიდენციის აუზიც.  როგოროც „კომერსანტს“ აუზის ადმინისტრაციაში განუცხადეს, სივრცე გახსნისთვის მზადაა და მხოლოდ ბოლო მითითებას...

ყოფილი გენ.პროკურორი ორი ინსტანციის მოსამართლეებს უპრეცედენტოდ არასამართლიანი გადაწყვეტილებების მიღებაში ადანაშაულებს

ყოფილი გენ.პროკურორი ორი ინსტანციის მოსამართლეებს უპრეცედენტოდ არასამართლიანი  გადაწყვეტილებების მიღებაში ადანაშაულებს
access_time2020-06-03 13:00:40
2 ივნისს თბილისის საქალაქო სასამართლოს მიერ გავრცელებულ განცხადებას, რომელიც თავის მხრივ, კომპანია „ლიდერფუდის“ დამფუძნებლის, დავით ზეიკიძის ადვოკატ არჩილ კბილაშვილის მიერ 29 მაისს გამართულ პრეს-კონფერენციას მოჰყვა, ადვოკატი საპასუხო განცხადებით გამოეხმაურა. კბილაშვილის განცხადებას უცვლელად გთავაზობთ: „ჩემს მიერ 29 მაისს ჩატარებულ პრეს-კონფერენციას გამოხმაურება მოჰყვა, როგორც მოწინააღმდეგე მხარის, ასევე თბილისის საქალაქო სასამართლოს მხრიდან. უწინარეს ყოვლისა,...

BAG თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს მხარს უჭერს

BAG თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს მხარს უჭერს
access_time2020-06-03 12:13:46
საქართველოს ბიზნეს ასოციაცია მხარს უჭერს თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს - ამის შესახებ  საქართველოს ბიზნეს ასოციაციის აღმასრულებელი დირექტორი, ლევან ვეფხვაძე საუბრობს.  მისი ინფორმაციით, უკანასკნელ პერიოდში საქართველოს ბიზნეს ასოციაციამ არაერთხელ მიაწოდა საზოგადოებას ინფორმაცია იმ მანკიერი პრაქტიკის შესახებ, რომელიც თან ახლავს თხევადი გაზის...


მსგავსი სიახლეები

up