სახელმწიფო სმარტფონში: „ეს არის ძალიან დიდი რეფორმა,რომელიც სამწუხაროა, რომ დაგვასწრო უკრაინამ“

სახელმწიფო სმარტფონში: „ეს არის ძალიან დიდი რეფორმა,რომელიც სამწუხაროა, რომ დაგვასწრო უკრაინამ“

access_time2020-02-10 14:30:00

უკრაინის პრეზიდენტმა ვლადიმერ ზელენსკიმ განაცხადა, რომ უკრაინა მესამე ქვეყანაა მსოფლიოში, რომელიც უახლეს სერვისს -  „სახელმწიფო სმარტფონში“ იყენებს. საუბარია, აპლიკაციაზე DIA, რომელიც სახელმწიფო მომსახურების ელექტრონულად მიღებას გულისხმობს.


ზელენსკიმ აღნიშნა, რომ პროგრამის შესამუშავებლად ქვეყნის ბიუჯეტიდან თანხა არ დახარჯულა, პროცესს კი ნახევარი წელი დასჭირდა.


„სახელმწიფო უნდა იყოს ადამიანისთვის უბრალოდ მომსახურება, ხელმისაწვდომი და რაც ყველაზე მთავარია - მარტივი და გასაგები. უკრაინა ევროპის მესამე ქვეყანაა, რომელიც ამ სერვისს იყენებს. ძალიან მნიშვნელოვანია, რომ ამ აპლიკაციის შესაქმნელად არცერთი გრივნა არ დახარჯულა სახელმწიფო ბიუჯეტიდან“- ამბობს ზელენსკი.


უკრაინის პრეზიდენტმა ასევე აღნიშნა, რომ თებერვლის ბოლომდე უკრაინის მოქალაქეებს ციფულ პასპორტებთან ექნებათ წვდომა.



„სმარტფონის მეშვეობით უკრაინის მოქალაქეები შეძლებენ თავიანთი იდენტობის ელექტრონულად დადასტურებას სარკინიგზო ტრანსპორტის გამოყენებისას, სამედიცინო მოსახურებისას, საბანკო ოპერაციებისთვის და ასე შემდეგ“ - აღნიშნა ვლადიმერ ზელენსკიმ.  


ელექტრონული მმართველობის სისტემის საქართველოში დანერგვაზე, რომელიც ხელმისაწვდომი უნდა გახდეს ქვეყნის მოსახლეობისთვის საჯარო სექტორთან კომუნიკაციის დროს, დიდი ხანია საუბრობს „ახალი საქართველოს“ ლიდერი გიორგი ვაშაძე.


„ეს არის ძალიან დიდი რეფორმა, რომელიც სამწუხაროა, რომ დაგვასწრო უკრაინამ. თუმცა, მე მაქვს ორი პროექტი, რომელიც არ განუხორციელებია არავის და იმედი მაქვს, რომ პირველად საქართველოში განვახორციელებთ. მოქალაქის და ბიზნესის ურთიერთობა სახელმწიფოსთან პირდაპირ სმარტფონის მეშევეობით უნდა ხდებოდეს, რომ არ უწევდეს ფიზიკური კონტაქტი საჯარო მოხელეებთან მოქალაქეს.  ეს არის იუსტიციის სახლის განვითარების შემდეგი ეტაპი.  ასევე, ეს პლატფორმა ინვესტიციების მოსაზიდად შეიძლება გამოვიყენოთ, რათა მსოფლიოს ნებისმიერი წერტილიდან ჰქონდეს შესაძლებლობა ინვესტორს განახორციელოს ინვესტიცია ჩვენს ქვეყანაში და მიიღოს ნებისმიერი მომსახურება საქართველოს მხრიდან. რა კომპონენტიც აკლია ზელენსკის ინიციატივას, ეს არის კერძო სექტორთან თანამშრომლობით განხორციელდეს ასეთი ინვესტიციები.  მაგალითად, თუ სახელმწიფო აწვდის ინვესტორს სერვისს, რომ კომპანია დაარეგისტრიროს საქართველოში , ბანკმა დაუმატოს სერვისი ანგარიშის გახსნასთან დაკავშირებით. ასეთი დაახლოებით 10-ამდე პროექტი გვაქვს, რომელიც სწრაფ განვითარებას მისცემს ქვეყანას.“ - ამბობს გიორგი ვაშაძე.


 აღსანიშნავია, რომ  ამ ეტაპზე მსგავსი სერვისით  იაპონიაცაა დაინტერესებული.

 

მარიამ მორგოშია





რამდენ ხანს გავძლებთ ასე გაყინული?

რამდენ ხანს გავძლებთ ასე გაყინული?
access_time2020-04-02 18:40:38
ზურაბ გირჩი ჯაფარიძე სოციალურ ქსელ  Faceebok-ში სტატუსს აქვეყნებს, რომელსაც „კომერსანტი“ უცვლელად გთავაზობთ : „რელიგიური რიტუალების ჩატარება თუ შეიძლება გარკვეული წესების დაცვით,ისევე როგორც, (როგორც გაირკვა) ონლაინ გაყიდვების დაშვება თუ შეიძლება გარკვეული წესების დაცვით. ან სასურსათო მაღაზიების და აფთიაქების მუშაობა თუ შეიძლება გარკვეული წესების დაცვით. რატომ არ შეიძლება რომ რესტორანმა/კაფემ იფუნქციონიროს გარკვეული წესები...

2 აპრილი - ქართული ლარი და თურქული ლირა მყარდება

2 აპრილი - ქართული ლარი და თურქული ლირა მყარდება
access_time2020-04-02 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდებოდა, სამეზობლოში ვალუტის კურსები კი ან მცირედით და ეტაპობრივად უფასურდება, ან მყარდება. თუმცა, ბოლო კვირის განმავლობაში ლარის კურსი გამყარების ტენდენციით ხასიათდება.   ეროვნული ბანკის მიერ გამოქვეყნებული 1 აპრილის ვაჭრობის შედეგად, ქართული ლარის კურსი 6 თეთრით გამყარდა და ერთი აშშ დოლარის...

რუსული ნავთობის ფასმა ახალ რეკორდულ მინიმუმს მიაღწია

რუსული ნავთობის ფასმა ახალ რეკორდულ მინიმუმს მიაღწია
access_time2020-04-02 18:15:56
რუსული ურალსის ტიპის ნავთობის ფასი ახლა ერთ ბარელზე 11 დოლარზე ნაკლებია.  ასეთ სიტუაციაში ბიუჯეტი ნავთობის გადასახადებისგან პრაქტიკულად შემოსავალს ვერ იღებს, ხოლო კომპანიებს ევროპაში ნავთობის გაყიდვა აღარ უღირთ. ურალსის ტიპის რუსული ნავთობის ღირებულება ჩრდილო-დასავლეთ ევროპაში 1 აპრილს 10,54 დოლარამდე დაეცა და ახალი ანტირეკორდი დაამყარა-  ამის შესახებ სააგენტო Argus-ი წერს. ასეთი მინიმუმი 1999 წლის შემდეგ არ დაფიქსირებულა. ურალს-ის ნავთობის პარტიის ფასი...

დღის Top-10 საინტერესო ამბავი

დღის Top-10 საინტერესო ამბავი
access_time2020-04-02 21:30:11
დღის Top-10 საინტერესო ამბავი 1.„საქართველოს ეკონომიკის რეაბილიტაციისთვის საერთაშორისო ინსტიტუტებიდან მაქსიმალური თანხის მობილიზებაა საჭირო, თუმცა სესხიც დაგვჭირდება“ კორონავირუსის პანდემიის შედეგად მსოფლიო ეკონომიკა კრიზისულ ფაზაში შედის და ეს ყველაზე...

„გარდამავალ სტადიაში ვართ, მაგრამ მშენებლობებს არ ვაჩერებთ“

„გარდამავალ სტადიაში ვართ, მაგრამ მშენებლობებს არ ვაჩერებთ“
access_time2020-04-02 16:15:00
2020 წლის 30 მარტის დადგენილებით. საქართველოს მთავრობამ ყველა დეველოპერული მშენებლობა შეაჩერა.  შესაბამისი ცვლილება „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ მთავრობის დადგენილებაში შევიდა. თუმცა, დღეს  საქართველოს მთავრობის №211 დადგენილების თანახმად რამდენიმე ეკონომიკური საქმიანობა, მათ შორის მშენებლობა და კომპიუტერული ტექნიკით დისტანციურად ვაჭრობა დასაშვები ხდება.   დეველოპერებს ახლა იმის...


მსგავსი სიახლეები

up