„სახელმწიფო შესყიდვების შესახებ ახალი კანონპროექტის ბევრი დებულება  კონსტიტუციასთან წინააღმდეგობაში მოდის“

„სახელმწიფო შესყიდვების შესახებ ახალი კანონპროექტის ბევრი დებულება კონსტიტუციასთან წინააღმდეგობაში მოდის“

access_time2019-11-08 17:00:52

„სახელმწიფო შესყიდვების შესახებ ახალი კანონპროექტის ბევრი დებულება წინააღმდეგობაში მოდის კონსტიტუციასთან“ - განაცხადა რადიო კომერსანტის გადაცემაში „ბიზნესი და სამართალი“ „ინფრასტურტურის მშენებელთა ასოციაციის“ უფროსმა იურისტმა, თეონა კუპრეიშვილმა. გადაცემაში პროექტით გათვალისწინებული სიახლეებისა და მოსალოდნელი საფრთხეებისა და გამოწვევების შესახებ ისაუბრეს. 


„ჩვენ ევროკავშირთან ასოცირების ხელშეკრულებით გარკვეული ტიპის ვალდებულებები ვიკისრეთ, რაც ნიშნავს იმას,რომ ჩვენ უნდა დავუახლოვოთ ჩვენი კანონმდებლობა ევროპულს ან მოვახდინოთ ჩვენი კანონმდებლობის ჰარმონიზაცია ევროპის სასამართლოსთან. ამ კანონპროექტის მიღების მიზანი იყო,რომ გაგვეტარებინა ევროდირექტივის პრინციპები. ჩვენ ვიღებთ ევროპულ კანონებს, თუმცა,როცა ჩვენ დავსვით რამდენიმე კრიტიკული შეკითხვა, მაგალითად, რიას განხორციელების შესახებ, სასტიკი უარი მივიღეთ.


სახელმწიფო შესყიდვების შესახებ კანონპროექტის ბევრი დებულება მოდის კონსტიტუციის პრინციპების წინააღმდეგ. თუმცა ჩვენ გვითხრეს, რომ იმდენად იდეალურია, არ სჭირდება შემოწმება.ახალ კანონპროექტში დისკრეცია სრულადაა ჩაკეტილი. დისკრეცია ნიშნავს უფლებას,რომ შემსყიდველმა მიიღოს ან აარჩიოს შესაბამისი ქმედება/ინსტრუმენტი შერჩევა, შეფასებისა და გამარჯვებულის გამოვლენის პროცესში. დღეს მოქმედი კანონმდებლობით,როცა შემსყიდველი აცხადებს ტენდერს და განსაზღვრავს სატენდერო პირობებს ის აფასებს და წარადგენს დოკუმენტაციას სწორედ თავის სატენდერო პირობებთან შესაბამისობაში, თუ დოკუმენტი არ შეესაბამება, ის ახდენს შესყიდვის დისკვალიფიკაციას“-აღნიშნავს კუპრეიშვილი. 


მისივე განმარტებით, პროექტში კი შემსყიდველებს ენიჭებათ იმდენად ფართო გადაწყვეტილების მიღების უფლება,რომ მათ შეუძლიათ დაადგინონ კონკრეტული მიმწოდებელი იყო თუ არა გარეული კარტელურ გარიგებაში და აღნიშნული ნიშნით მოახდინონ პრეტედენტის დისკვალიფიკაცია.


„ასევე იცვლება სატენდერო კომისიები და ერთ პირსაც კი შეუძლია ჩაატაროს ტენდერი და განახოორციელოს მთლიანი შესყიდვის პროცედურა. გვეცვლება ასევე შესყიდვის ტიპები, თუმცა ჯერ არ ვიცით დეტალები“-განმარტავს კუპრეიშვილი. 



მისივე განცხადებით, დიდ კითხვებს აჩენს ჩარჩო ხელშეკრულება, რადგან აქ კორუფციის ნიშნები ჩანს. გრძლევადიან ხელშეკრულებას უფრომებენ მიმწოდებელს, მაგალითად, 4 ან 5 წლიანს,გრძელვადიან პერსპექტივაში ერთ პირთან მოლაპარაკებების გზით გაფორმებული ხელშეკრულება კი კორუფციის ნიშნებს აჩენს. 


იურიდიული კომპანია BSH მმართველი პარტნიორი, იურისტი ქეთევან ბუაძე ე.წ „შავ სიასთან“ დაკავშირებულ სიახლეებზე საუბრობს. „სახელმწიფო არის მომსახურებისა და საქონელის ყველაზე დიდი შემსყიდველი. სტატისტიკურ მონაცემებს რომ შევხედოთ,სახელმწიფო 4 მილიარდს ხარჯავს ყოველწლიურად შესყიდვებში. ახალი კანონი კი სწორედ ამ პროცესის დარეგულირებას ეხება, იმას თუ როგორ უნდა წარიმართოს ეს პროცესი, იყოს გამჭირვალე და კორუფციას არ ჰქონდეს ადგილი. ამ საკითხზე ძალიან დიდი ხანია მუშაობს შესყიდვების სააგენტო. მათ აქვთ განცდა,რომ ეს არის იდეალური დოკუმენტი. ჩვენ ზოგადი ხასიათის კომენტარები უკვე წარვადგინეთ და მათი მხრიდან კედელი აღიმართა, მიუხედავად იმისა,რომ ამ ადამიანებს ვიცნობდით, მათგან ცივი დამოკიდებულება წამოვიდა და ეს იყო ცუდი სიგნალი. 


დოკუმენტი შეიცავს სიახლეს შავ სიასთან დაკავშირებით, საუბარია სამ მიმართულებაზე, ერთია ყველაზე მძიმე 3 წლიანი, შემდგომ მსუბუქი 2 და 1 წლიანი. ეს სია უკიდურესი დასჯის მეთოდია, როცა ეკონომიკური ოპერატორი ვეღარ მონაწილეობს სახელმწიფოს მომსახურებასა და საქონლის მიწოდებაში. ერთწლიან ვადაში გათვალისწინებულია,რომ ეკონომიკური ოპერატორი მუდმივად ან მნიშვნელოვნად ავლენს ხარვეზებს, რაც იწვევს ასეთი ხელშეკრულების ვადაზე ადრე შეწყვეტას. ეს ერთი წლს ვადით რეგისტრაციის შეწყვეტა შეიძლება ჩანაცვლდეს გაფრთხილებით,თუმცა ეს გაფრთხილება არ გამოიყენება,მაშინ თუ ეკონომიკურმა ოპერატორმა დარღვევა ჩაიდინა რამდენიმე ხელშეკრულების ფარგლებში,“- ამბობს ქეთევან ბუაძე.


ნათია კეკენაძე




სახელმწიფო ბიუჯეტი საპარლამენტო არჩევნების სამსახურში

სახელმწიფო ბიუჯეტი საპარლამენტო არჩევნების სამსახურში
access_time2019-12-13 19:45:25
2020 წლის სახელმწიფო ბიუჯეტი პოლიტიკურად მიზანშეწონილი გადაწყვეტილებებით არის დატვირთული. სახელისუფლებო პარტიისთვის 2020 წლის მთავარი პოლიტიკური მიზანშეწონილობა საპარლამენტო არჩევნების მოგებაა. პირველ რიგში, ბიუჯეტსაც ეს დაკვეთა აქვს.2020 წლის სახელმწიფო ბიუჯეტის პრიორიტეტი პენსიისა და საჯარო სექტორში დასაქმებულთა ხელფასების ზრდაა. 2019 წელთან შედარებით, 2020 წლის...

მარსზე გაფრენილ პირველ ადამიანს შესაძლოა, საქართველოში დამზადებული კოსტიუმი ეცვას

მარსზე გაფრენილ პირველ ადამიანს  შესაძლოა, საქართველოში დამზადებული კოსტიუმი ეცვას
access_time2019-12-13 18:30:11
ქართული სტარტაპი Elven Technologies მარსის მომავალი მისიისთვის და ამერიკული ბაზრის დაპყრობისთვის ემზადება, თუმცა ამ ეტაპზე პროდუქტის საბოლოო ვერსიის დასამზადებლად ინვესტიციის მოზიდვას ცდილობს. ქართული დამწყები მცირე ბიზნესის პროდუქტი, მეხანძრის ინოვაციური კოსტიუმია, რომელსაც ორი მთავარი ინოვაცია აქვს, სრულიად ცეცხლგაუმტარია და ტემპერატურისგან 8-ჯერ უფრო ხანგრძლივი დაცვა გააჩნია, ვიდრე არსებულ კოსტიუმებს. ამავდროულად, მას გაგრილების სისტემის ახალი ტექნოლოგია...

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო
access_time2019-12-13 16:33:47
ჩვენი შეფასებით, ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო,- ამის შესახებ საქართველოს ეროვნული ბანკის პრეზიდენტმა, კობა გვენეტაძემ პარლამენტის პლენარული სხდომაზე 2020-2022 წლების ფულად–საკრედიტო და სავალუტო პოლიტიკის ძირითად მიმართულებებზე საუბრისას განაცხადა. კობა გვენეტაძემ მაღალი ინფლაციის მიზეზებზე საუბრისას აღნიშნა, რომ წლის დასაწყისში ინფლაციაზე ერთჯერადი ფაქტორების გავლენას ჰქონდა ადგილი, რაც ეროვნული ბანკის მონეტარულ პოლიტიკაზე...

„პროდუქციის გაიაფებისა და წარმოების ზრდისათვის საჭიროა მეფრინველეობის დარგის მინიმუმ 5-10 წლით გათავისუფლება დღგ-ს გადასახადისგან“

„პროდუქციის გაიაფებისა და წარმოების ზრდისათვის საჭიროა მეფრინველეობის დარგის მინიმუმ 5-10 წლით გათავისუფლება დღგ-ს გადასახადისგან“
access_time2019-12-13 17:30:57
მეფრინველეობის დარგის წარმომადგენლები დღგ-სგან გათავისუფლებას ითხოვენ. სექტორში კანონმდებლობის დახვეწის საჭიროების საკითხიც ნათელია. პარალელურად პრემიერ-მინისტრი გიორგი გახარია მთავრობის წარმომადგენლებს თვითკმარი სოფლის მეურნეობის შექმნის და...

შეხვდი დღესასწაულებს განსაკუთრებულად და დაზოგე გონივრულად

შეხვდი დღესასწაულებს განსაკუთრებულად  და  დაზოგე გონივრულად
access_time2019-12-13 16:30:34
ახალი წელი hotsel.ge-ზე ! ახალ წელს ისე არაფერი უხდება, როგორც სადღესასწაულო ფუსფუსი, ნობათისა თუ საჩუქრების შეძენა, განსაკუთრებით გვახარებს საჩუქრების შერჩევისა და საახალწლო დეკორაციების შეძენა, რომ ჩვენი სახლი და ნაძვის...


მსგავსი სიახლეები

up