სახელმწიფო სერვისების განვითარების სააგენტო  არასამთავრობო ორგანიზაციების განცხადებას უპასუხისმგებლო პოლიტიკურ განცხადებად აფასებს

სახელმწიფო სერვისების განვითარების სააგენტო არასამთავრობო ორგანიზაციების განცხადებას უპასუხისმგებლო პოლიტიკურ განცხადებად აფასებს

access_time2018-11-20 17:48:40

სახელმწიფო სერვისების განვითარების სააგენტო "საიას", „საერთაშორისო გამჭვირვალობა საქართველოსა" და „სამართლიანი არჩევნების" მიერ გაკეთებულ განცხადებას უპასუხისმგებლო პოლიტიკურ განცხადებად აფასებს, რომელსაც "კომერსანტი" უცვლელად გთავაზობთ.



საქართველოს იუსტიციის სამინისტროს სახელმწიფო სერვისების განვითარების სააგენტო უპასუხისმგებლოს და გაუგონარს უწოდებს "ყალბი პირადობის მოწმობების გაცემის" თაობაზე, დღეს "საიას", „საერთაშორისო გამჭვირვალობა საქართველოსა" და „სამართლიანი არჩევნების" მიერ გაკეთებულ განცხადებას.



სააგენტოს ხელმძღვანელი სოსო გიორგაძე აცხადებს, რომ ჩამოთვლილი სამი არასამთავრობო ორგანიზაციის მიერ სისხლის სამართლის დანაშაულზე გაკეთებულ განცხადებას, სიმართლესთან საერთო არაფერი აქვს და ვერც ექნება. მისივე თქმით, მან უკვე მიმართა აღნიშნულის გამოძიების მოთხოვნით იუსტიციის სამინისტროს გენერალურ ინსპექციას.



„იმედი მაქვს ქალბატონები ეკა გიგაური და ირმა პავლიაშვილი, ასევე ბ-ნი მიშა ბენიძე, რომლებმაც დღეს გამართულ პრესკონფერენციაზე სერვისების განვითარების სააგენტოს ხელმძღვანელსა და მის თანამშრომელს სისხლის სამართლის დანაშაული დააბრალეს, ითანამშრომლებენ გამოძიებასთან და მათ ხელთ არსებულ „მტკიცებულბებს" მიაწვდიან გამოძიებას, თუკი ასეთი საერთოდ გააჩნიათ. აქვე სრული პასუხისმგებლობით ვაცხადებ, ბრიფინგზე მათ მიერ გაჟღერებულ ბრლადებას არაფერი აქვს და ვერ ექნება საერთო სიმართლესთან. მას შემდეგ რაც გამოძიება ერთადერთ სიმართლეს დაადგენს, იმედი მაქვს, "საიას", „საერთაშორისო გამჭვირვალობა საქართველოსა" და „სამართლიანი არჩევნების" წარმომადგენლები ბოდიშს მოუხდიან როგორც უწყებას, ისე სერვისების განვითარების სააგენტოს მიყენებული ზიანისთვის.



სწორედ სერვისების განვითარების სააგენტოა ის ორგანიზაცია, რომელმაც უვიზო მიმოსვლის სამოქმედო გეგმით გათვალისწინებული პირველი - „უსაფრთო დოკუმენტების" ბლოკი, წარმატებით, 100 პროცენტით შეასრულა. ეს კი დიდწილად განპირობებული იყო იმით, რომ საქართველოს მოქალაქის პირადობის მოწმობა არის სანდო, მაღალი სტანდარტის დოკუმენტი, რომლის გაყალბებაც შეუძლებელია. აქვე მინდა განვაცხადო, რომ მე, სოსო გიორგაძე და ასევე ჩემი თანამშრომელი ბეჟან ობგაიძე, ქალბატონების - ეკა გიგაურისა და ირმა პავლიაშვილის, ასევე ბატონი მიშა ბენიძის წინააღმდეგ, საქმიანი რეპუტაციის შელახვისათვის სასამართლოში სარჩელს შევიტანთ. ეს არის ბრალდება, რომელსაც ვერაფრით შევეგუები", - განაცხადა სოსო გიორგაძემ.




მანვე დასახელებულ არასამთავრობო ორგანიზაციებს მოუწოდა მსგავსი ცილისმწამებლური და უპასუხისმგებლო განცხადებებისგან თავის შეიკაონ.




სააგენტო კი განმარტავს, რომ:





· პოტენციური ამომრჩევლების მონაცემთა სია სახელმწიფო სერვისების განვითარების სააგენტოს მიერ ბოლო ხუთი წლის განმავლობაში განხორციელებული ინტენსიური მუშაობის შედეგად დაზუსტდა და დაიხვეწა, რაც არაერთი საერთაშორისო სადამკვირვებლო მისიის მიერ დიდ წარმატებად შეფასდა ბოლო წლების განმავლობაში ჩატარებული არჩევნების დროს.




· სახელმწიფო სერვისების განვითარების სააგენტომ მონაცემთა ბაზის სრულყოფაზე წლების განმავლობაში დახარჯა ძალიან დიდი რესურსი. სააგენტოს მიერ მონაცემთა სისტემის სრულყოფა მნიშვნელოვანია არა მხოლოდ საარჩევნო სიების ფორმირებისთვის, არამედ ისეთი მომსახურებების ეფექტურად მიწოდების გააუმჯობესებისთვის, როგორიცაა: უძრავი ქონების რეგისტრაცია, სოციალური დახმარებების ადმინისტრირება, სასწრაფო დახმარება, ფოსტა, სახანძრო თუ სამართალდაცვითი ღონისძიებები და სხვა. აქედან გამომდინარე.



· სახელმწიფო სერვისების განვითარების სააგენტოში არსებული პირადობის დამადასტურებელი დოკუმენტების გაცემის პროცესი გამორიცხავს გაყალბებული მონაცემებით დოკუმენტის გაცემის შესაძლებლობას, შეუძლებელია ერთსა და იმავე პირზე გაიცეს სხვადასხვა პერსონალური მონაცემებითა და პირადი ნომრით პირადობის მოწმობები. დოკუმენტების გაცემის პროცესში დანერგილია ფოტოს შედარებისა და უსაფრთხოების სხვა საშუალებები, რომელიც უზრუნველყოფს სწორი, კანონიერი მონაცემებით დოკუმენტის გაცემას.



· გარდა ამისა, თითოეული დოკუმენტის გაცემის პროცესში დანერგილია ფოტოიდენტობის დადგენის პროცედურები



· პირადობის ელექტრონული მოწმობა მზადდება სამოქალაქო ავიაციისაერთაშორისო ორგანიზაციის (ICAO) მიერდადგენილი წესების შესაბამისად.



· რაც შეეხება საარჩევნო სიის სრულყოფის პროექტს, სააგენტო 2013 წლიდან ახორციელებს ფართომასშტაბურ სამუშაოებს, რომელიც მიზნად ისახავს ცენტრალური საარჩევნო კომისიისთვის პოტენციურ ამომრჩეველთა საიდენტიფიკაციო მონაცემების მაქსიმალურად სრულყოფილი ფორმით გადაცემას.



· იუსტიციის მინისტრის ინიციატივით განხორციელებული ღონისძიებების შედეგად, უკანასკნელი 5 წლის განმავლობაში პოტენციურ ამომრჩეველთა ბაზები მნიშვნელოვნად გაუმჯობესდა, რის გამოც:


  1. ეუთოს დემოკრატიული ინსტიტუტებისადა ადამიანის უფლებების ოფისმა (ODIHR) 28ოქტომბრის საპრეზიდენტო არჩევნებისთვისწინასწარი შედეგების ანგარიში გამოაქვეყნადა აღნიშნა, რომ „საარჩევნოსადამკვირვებლო მისიის შუამავლებს არგამოუთქვამთ მნიშვნელოვანი შენიშვნებისაარჩევნო სიების სიზუსტესთანდაკავშირებით."



2. ეუთოს დემოკრატიული ინსტიტუტებისადა ადამიანის უფლებების ოფისსყურადღების მიღმა არც ის სამუშაოებიდაუტოვებია, რომლებიც სააგენტომამომრჩეველთა სიის დასახვეწად წინაწლებში გასწია. 2017 წლის ადგილობრივითვითმმართველობის არჩევნებისას ეუთოსდემოკრატიული ინსტიტუტებისა დაადამიანის უფლებების ოფისის მიერ(ODIHR) გამოქვეყნებულ წინასწარიშედეგების ანგარიშში მითითებული იყო, რომ ხელისუფლება მთელი ძალისხმევითეცადა ამომრჩეველთა სიისმაქსიმალურად დაზუსტებას.



· . 2014 წლიდან საქართველოში ფოტოსურათიანი საარჩევნო სია მოქმედებს და ბიომეტრიულ დოკუმენტებს ეფუძვნება
· შესაბამისად, ბიომეტრიული დოკუმენტის ქონა უზრუნველყოფს პრინციპს − „ერთი ამომრჩეველი − ერთი ხმა", დაკატეგორიულად გამორიცხავს არჩევნების დღეს საარჩევნო უბანზე ე. წ. კარუსელს




· დღეის მდგომარეობით, საქართველოს საარჩევნო უფლების მქონე 2 600 000-ზე მეტი მოქალაქე პირადობის ელექტრონულ მოწმობას ფლობს, ხოლო, დამატებით, 260 000-მდე მოქალაქე − საქართველოს მოქალაქის ბიომეტრიულ პასპორტს, რაც სერვისების განვითარების სააგენტოს ბაზებში 2 900 000-მდე ზუსტი და უტყუარი მონაცემის არსებობას ნიშნავს.
· აქედან, 1 500 000-მდე ელექტრონული პირადობის მოწმობა, საქართველოს იუსტიციის მინისტრის გადაწყვეტილებით, გაცემულია უფასოდ ან შეღავათიან ფასად. მოქალაქეები მთლიანად ან ნაწილობრივ გათავისუფლდნენ როგორც დოკუმენტის ასევე, ფოტოსურათის გადაღების გადასახადისგან.




საქართველოს იუსტიციის სამინისტროს სახელმწიფო სერვისების განვითარების სააგენტო კანონით ნაკისრი ვალდებულებების თანახმად უზრუნველყოფს, რომ ცესკოსათვის გადაცემულ მონაცემთა ბაზაში ერთი ადამიანი საარჩევნო სიაში მოხვდეს მხოლოდ ერთხელ და მხოლოდ ერთი საიდენტიფიკაციო მონაცემებით.


(CN)




ანა მიქაძე: ფერმერებს რეალიზაციის შემცირების ფონზე ყველის წარმოების ინტერესი ეკარგებათ

ანა მიქაძე: ფერმერებს რეალიზაციის შემცირების ფონზე ყველის წარმოების ინტერესი ეკარგებათ
access_time2020-09-18 17:42:25
კოვიდ პანდემიის გავლენის ფონზე ჩავარდნილმა ტურიზმმა, სასტუმროებისა და რესტორნების დახურვამ ყველის გაყიდვები შეამცირა. საქართველოს ყველის მწარმოებელთა ასოციაციის თავმჯდომარის თქმით, ფერმერებს რეალიზაციის არეალის შემცირების ფონზე ყველის წარმოების ინტერესი ეკარგებათ. ამასთან პრობლემას წარმოადგენს პირუტყვის საკვებიც. ანა მიქაძის თქმით, ამ პრობლემების ფონზე, უფრო საქონლის  ხორცად გაყიდვის ტენდენცია შეინიშნება.   „ადამიანებს ინტერესი ეკარგებათ, ვინაიდან კორონავირუსის გამო...

გაეროს მსოფლიო ტურიზმის ორგანიზაციის დელეგაცია წინანდლის ფესტივალის გახსნას დაესწრო

გაეროს მსოფლიო ტურიზმის ორგანიზაციის დელეგაცია წინანდლის ფესტივალის გახსნას დაესწრო
access_time2020-09-18 15:00:11
გაეროს მსოფლიო ტურიზმის ორგანიზაციის (UNWTO) გენერალური მდივანი ზურაბ პოლოლიკაშვილი  დელეგაციასთან ერთად წინანდლის მამულში გამართულ კონცერტს დაესწრნენ.  სტუმრებს შორის იყვნენ ესპანეთის, პორტუგალიის, საბერძნეთის, რუმინეთის, მაროკოს, საუდის არაბეთის, კონგოს, კენიის და სხვა ქვეყნების წარმოამდგენლები,  საქართველოს ეკონომიკისა და მდგრადი განვითარების მინისტრი - ნათია თურნავა და ტურიზმის ეროვნული ადმინისტრაციის ხელმძღვანელი - მარიამ ქვრივიშვილი. წინანდლის ფესტივალის პირველ...

ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი - მისი ინტერესია რომ ქვეყანაში ქვეყანაში ინვესტიცია არ შემოვიდეს

ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი - მისი ინტერესია რომ ქვეყანაში ქვეყანაში ინვესტიცია არ  შემოვიდეს
access_time2020-09-18 15:48:14
„ბიძინა ივანიშვილის ინტერესი არის რომ ქვეყანაში ინვესტიცია არ  შემოვიდეს, მას  საქართველო წარმოუდგენია, როგორც  თავისი დენდროლოგიური პარკი, თავისი ზოოპარკი უნდა ჰყავდეს და სხვამ არ უნდა გაბედოს ბიზნესის კეთება“, - ამის შესახებ „ევროპული საქართველოს“ წევრმა, ზურაბ ჭიაბერაშვილმა პარლამენტში განაცხადა სადაც ეკონომიკისა და მდგრადი განვითარების მინისტრს დეპუტატები ინტერპელაციის წესით უსმენენ.  ჭიაბერაშვილის თქმით, საქართველოში უმძიმესი მდგომარეობა, უმუშევრობა, ფასების ზრდა...

თქვენს მთავრობაში ვიყავი და ვნახე როდის დაანებეთ თავი რეფორმების გატარებას და გადახვედით ბიზნესის ტერორზე, - თურნავა ოპოზიციას

თქვენს მთავრობაში ვიყავი და ვნახე როდის დაანებეთ თავი რეფორმების გატარებას და გადახვედით ბიზნესის ტერორზე, - თურნავა ოპოზიციას
access_time2020-09-18 15:16:52
„წინა ხელისუფლების დროსაც ვმუშაობდი ეკონომიკის მინისტრის მოადგილედ და დავინახე წყალგამყოფი, როდის დაანებეთ თავი რეფორმების გატარებას და გადახვედით ბიზნესის ტერორზე, - ამის შესახებ ეკონომიკისა და მდგრადი განვითარების მინისტრმა პარლამენტში გამოსვლისას განაცხადა. ნათია თურნავამ პლენარულ სხდომაზე ოპოზიციის საპასუხოდ იმ არაეფექტურ პროგრამებზე ისაუბრა, რომელიც  ერთიანმა ნაციონალურმა მოძრაობამ წინა მმართველობის დროს გაატარა. „წინა ხელისუფლების დროს...

ეკონომიკის მინისტრი არ უნდა საუბრობდეს ბუღალტრულ თემებზე, უნდა გვესაუბრებოდეთ ეკონომიკურ ხედვებზე - კობერიძე თურნავას

ეკონომიკის მინისტრი არ უნდა საუბრობდეს ბუღალტრულ თემებზე, უნდა გვესაუბრებოდეთ ეკონომიკურ ხედვებზე - კობერიძე თურნავას
access_time2020-09-18 14:18:32
„გვაინტერესებს რა არის თქვენი ხედვა, თუნდაც მომავალი წლის ეკონომიკურ სტრატეგიასთან დაკავშირებით რაც უკვე ბიუჯეტში უნდა აისახოს“, - ამ კითხვით მიმართა „ლელოს“ ვაკის მაჟორიტარი დეპუტატობის კანდიდატმა, ლევან კობერიძემ ნათია თურნავას სადაც ეკონომიკისა და მდგრადი განვითარების მინისტრს დეპუტატები ინტერპელაციის წესით უსმენენ.     „პირველი ოქტომბრისთვის მზად უნდა იყოს სახელმწიფო ბიუჯეტის 2020-2021 წლის პროექტი. კარგი იქნება თუ დაგვანახებთ, რომ მთავრობას 2020-21 წლის ბიუჯეტის...


მსგავსი სიახლეები

up