სარესტორნო ბიზნესს, დღეს აქვს საშინლად ცუდი დღე, რადგან სახელმწიფო მას მხოლოდ დაკეტვას და სანაცვლოდ არაფერს სთავაზობს - ამის შესახებ რადიო კომერსანტის გადაცემა" კომერსანტის დილაში" რესტორან ჰონორეს დამფუძნებელმა ალექსანდრე ბაგრატიონმა ისაუბრა.
მან ეკონომიკის სამინისტრო დავით კლდიაშვილსა და ჰარუკი მურაკამის ნაზავს შეადარა, რომელიც მუდმივად ცრუ აქტიურობით არის სავსე.
საქართველოს ეკონომიკის სამინისტრო არის ზუსტად ისეთი, როგორიც უნდა იყოს ჩვენი, მარად ჰუმანიტარი ერის ეკონომიკის სამინისტრო, ერის, რომელმაც იცის ისტორია, ისიც ლევან სანიკიძისგან, მაგრამ არ იცის მათემატიკა.
ამ ყველაფრისთვის ნათია თურნავა იდეალური მინისტრია, მას აქვს ძალიან ბევრი ფული და სულ ფხებზე ჰკიდია რას იზამს სარესტორნო ბიზნესი - აღნიშნა ალექანდრე ბაგრატიონმა.
ალექსანდრე ბაგრატიონმა აღნიშნა, რომ თბილისში ტურისტები ჩამოდიან არა ნარკოტიკებისთის არამედ საჭმელად და მთებზე სასრიალოდ, მისივე განცხადებით სახელმწიფო როგორმე უნდა გაადახტეს ამირან გამყრელიძეს, რომელიც აუღებელი ციხე-სიმაგრე გახდა.
ჩვენ ბატონი ამირან გამყელიძის სახით რაღაც კლდეს ვაწყდებით , რომელიც სარესტორნო ბიზნესს უცნაურად უყურებს, სახელმწიფომ ქონების გადასახადი უზარმაზარ რესტორნებს აპატია, მაგრამ ჩვენ ვართ პატარა ბუტიკური ტიპის რესტორნები, სადაც 50-მდე ადამიანი ჯდება და ამირან გამყრელიძე ვერ ხვდება რომ აქ ვირუსის გადადების რისკი არ არის. გარდა ამისა, არც ერთი რესტორნის ინტერესში არ შედის, რომ ჰქონდეს ისეთი სახელი თითქოს და ვირუსი იქ გავრცელდა.
ამიტომ სახელმწიფო რამენაირად უნდა გადაახტეს ამ ამირან გამყრელიძეს, რომელიც აუღებელი ციხე-სიმაგრე გახდა. - აღნიშნა ალექსანდრე ბაგრატიონმა.
ალექსანდრე ბაგრატიონმა სარესტორნო ბიზნესის გახსნის თარიღის მუდვმივ ცვლილებაზეც ისაუბრა და განმარტა რომ ეს ბიზნესისთვის დამღუპველია, რადგან რესტორნის თავიდან გახსნა, დაახლოებით 5 -10 ათასი ლარის და თანამშრომლების მობილიზება სჭირდება.
ვიღაცას შეიძლება რესტორნის თანამშრომლები მდიდრები ჰქონია, თუმცა ეს ესე არ არის და ეს ძალიან მძიმე ბიზნესია , ამ სფეროში ბევრი ადამიანია დასაქმებული და ისინი თავიანთ ოჯახებს ინახავენ.
ჩემ მეგობარს ორი თვეა დენი ჩაჭრილი აქვს, რადგან ფულის გადახდა ვერ მოახერხა, ჩემი მეგობრის შვილები ონლაინ გაკვეთილებს ტელეფონით ესწრებიან, რადგან კომპიუტერი არ აქვთ.
მთავრობამ სოციალურ ქსელში ბოტებიც კი შემოგვისია, რომლებიც გვეუბნებიან რომ რა დროს რესტორნებია და რომ ეს ფუფუნებაა.
რესტორანი არ არის ფუფუნება. ეს არის მძიმე სამუშაო, რომელსაც შევეჭიდეთ. ეს არის ჰუმანური აქტი, სადაც შეიძლება ადამიანი დააპურო და ფული იშოვო - აღნიშნა ალექსანდრე ბაგრატიონმა
ალექსანდრე ბაგრატიონის განმარტებით მიტსანის სერვისი მათ კომუნალურ ხარჯებსაც ვერ უფარავს.
დელივერ ორგანიზაციები ვოლტიც და გლოვოც არიან კერძო კომპანიები და ტარიფი რომელზეც ისინი მუშაობენ ვერ გაუპროტესტებ.
დასაჯდომ რესტორნებს მიტანის სერვისი არ აწყობთ, რადგან კომუნალურ გადასახადებსაც ვერ ფარავს. იგივე ხდება იმ რსტორნებშიც, რომლებმაც შექმნეს ქალაქის სახე.
მე ახალ გახსნილი რესტორანი მაქვს და ჯერჯერობით ბიუჯეტში დიდი თანხა არ მაქვს შეტანილი, სამი თვეა ვარსებობ, მაგრამ არის "შავი ლომი", "დაინინგ რუმი", "წისქვილი", რომლსაც მილიონები აქვთ შეტანილი, თუ სადმე პრეზიდენტი, ანგელა მერკელი ან ვინმე ჩამოსულა იქ მიჰყავდათ.
სარესტორნო ბიზნესი არის აპოლიტიკური ბიზნესი, შეიძლება მე ვიღაც არ მომწონდს,მაგრამ ამას არანირი მნიშვნელობა არ აქვს, პუტინის გარდა ყველას უნდა აჭამო, ქოცი იქნება ეს , ლელოს თუ ნაციონალური მოძრაობის წარმომადგენელი არ აქვს მნიშველობა.
სახელმწიფო რომ გვეუბნება ორი საშვი ხომ გეყოფათ რესტორანზეო, ჩემი მზარეული რომელიც ამთავრებს მუშაობას, უცებ უნდა დაჯდეს მანქანაზე რომელიც არ ჰყავს და მეორე თანამშრომელი წაიყვანოს სახლში. აგდებულ დამოკიდებულებას ვაწყდებით ის ბიზნესები, რომლებიც დიდწილად ქალაქის სახეს წარმოადგენენ. - აღნიშნა ალექსადნრე ბაგრატიონმა
ბაგრატიონმა აღნიშნა, რომ გერმანიაში სადაც სარესტორნო ბიზნესი გაჩერებულია, თითოულ რესტორანს სახელმწიფო 5 და 10 ათასი ევროთი დაეხმარა , რისი საშუალებაც საქართველოს არ აქვს,თუმცა ბაგრატიონი აღნიშნავს, რომ საქართველოში რესტორატორები არა დახმარებას არამედ მუშაობის უფლებას ითხოვენ.
მან ასევე აღნიშნა, რომ თუ პირველ მარტამდე რეგულაციები არ მოიხსნება, ბევრი რესტორანი უბრალოდ ვერ გადარჩება.
თაკო კვაჭანტირაძე