„სახელმწიფო, როგორც გარანტორი ბევრი ბიზნესისთვის მაშველი რგოლი იქნება, თუმცა, საკითხავია, რამდენს გაწვდება ბიუჯეტი“ - ბიზნესი მთავრობის ინიციატივაზე

„სახელმწიფო, როგორც გარანტორი ბევრი ბიზნესისთვის მაშველი რგოლი იქნება, თუმცა, საკითხავია, რამდენს გაწვდება ბიუჯეტი“ - ბიზნესი მთავრობის ინიციატივაზე

access_time2020-04-07 10:00:59

„ფინანსებზე ხელმისაწვდომობა ერთმნიშვნელოვნად დაეხმარება ბიზნესს და ეკონომიკას იმიტომ, რომ პოსტკრიზისულ სიტუაციაში, როგორც წესი ნაღდი ფულის ნაკლებობაა.  ბაზრები შემცირებულია და დიდი ალბათობით რეცესია იქნება. იმედია, რომ დიდი ეკონომიკური კრიზისი არ გველოდება.“ - ამის შესახებ ბიზნესმენმა ნიკოლოზ ხუნძაკიშვილმა „კომერსანტთან“  სახელმწიფოს მხრიდან ბიზნესებისთვის სესხის გადაზღვევის ინიციატივის შეფასებისას  ისაუბრა.


როგორც ხუნძაკიშვილი აღნიშნავს, ეს არის უნივერსალური მიდგომა ყველა საშუალო და მაღალი ეკონომიკის მქონე ქვეყნისთვის.„მსგავსი სისტემა ჩვენი მოგონილი არ არის. ყველა მსხვილი და საშუალო ეკონომიკის ქვეყანა მსგავსს პაკეტს ნერგავს, მათი მიდგომები მოიცავს სესხების გადავადებებს და სახელმწიფოს, როგორც გარანტორს. ეს არის ის დრო, როდესაც ყველა რეზერვი  უნდა იყოს მიმართული ეკონომიკის გაჯანსაღებისთვის. ბიზნესს სჭირდება ვიღაცის გარანტია, რათა ფინანსებზე ხელმისაწვდომობა ჰქონდეს, როდესაც შემოსავალი არ აქვს, ამ დროს სახელმწიფოს როლი არის მნიშველოვანი. ბიზნესს სამთვიანი უშემოსავლო პერიოდი ექნება, შესაბამისად, მხოლოდ მისი ქონების საპირწონედ ბანკი მას სესხს არ მისცემს. ვფიქრობ, რომ კრიზისის ჩავლის შემდგომ, სახელმწიფოსგან გარანტიის საჭიროება ბანკებთან მასობრივად დადგება, თუმცა, პროგნოზების გაკეთება ნაადრევია.“- აცხადებს ბიზნესმენი ნიკოლოზ ხუნძაკიშვილი.


კომპანია „ჩემი რანჩოს“ ხელმძღვანელი ვანო იოსელიანი გარდა იმისა, რომ დადებითად აფასებს და აუცილებლად მიიჩნევს სახელმწიფოს მხარდაჭერას სესხების საკითხში, აღნიშნავს, რომ ქვეყნის რესურსი შესზღუდულია და აუცილებელია პროექტის ბენეფიციარებისა და რესურსების გონივრულად განსაზღვრა.


„მგონია, რომ ეს პროექტი, ბევრი ბიზნესისთვის მაშველი რგოლი იქნება. თუმცა საკითხავია, რამდენისთვის იქნება და რამდენს გაწვდება სახელმწიფო, რადგან ყველამ იცის, რომ ქვეყნის რესურსი გარკვეულწილად შეზღუდულია.ფინანსებზე ხელმისაწვდომობა ამ პერიოდში ძალიან მნიშვნელოვანი იქნება, ეს გააუმჯობესებს ბიზნესის მდგომარეობას.  თუ უზრუნველყოფის საგანში საგარანტიოდ სახელმწიფო შემოვა,  ეს ბანკისთვის მყარი გარანტია იქნება.   იმედია ეს საპროცენტო განაკვეთზე გავლენას არ მოახდენს.



რაც შეეხება ცალკეულ დარგებს, ამ კრიზისში ყველა მეტნაკლებად ჩართული ვიქნებით, ზოგი მეტად ზარალდება, ზოგი ნაკლებად. მაგრამ ეს ყველაფერი ერთიანი რგოლია. მაგალითად, სურსათის მწარმოებლისთვის რამდენიმე სარეალიზაციო სეგმენტი როგორიცაა ჰორეკა, სრულად გაჩერებულია და რამდენად მოახდენს  აღდგენას არავინ იცის, ასევე ტურისტული ინდუსტრია მძიმე მდგომარეობაშია. თუმცა, არის მთლიანი ჯაჭვი და ყველა დარგი ერთმანეთზე დამოკიდებულია.  მე მინდა ვიყო ოპტიმისტი და ვიფიქრო, რომ სხვებზე სწრაფად გადაივლის ეს პანდემია, თუმცა, რა დანაკარგებით, ესაა მთავარი.“ - აღნიშნა ვანო იოსელიანმა.


როგორც ცნობილია, პრემიერ-მინისტრმა გიორგი გახარიამ მთავრობის უწყებათაშორისი საკოორდინაციო საბჭოს სხდომაზე ფინანსთა და ეკონომიკის მინისტრებს დაავალა, დაიწყონ მუშაობა პოსტკრიზისული ეტაპის საკრედიტო საგარანტიო სქემებისთვის.მისი თქმით, ამ საკითხზე გადაწყვეტილება უკვე მიღებულია.როგორც პრემიერ-მინისტრმა განაცხადა, ამ მიმართულებით პარტნიორი დონორი ორგანიზაციების დახმარების მობილიზება იქნება შესაძლებელი, სქემის ჯამური ღირებულება კი 2 მილიარდი ლარი იქნება.


საქართველოს პირველი ვიცე-პრემიერის, რეგიონული განვითარებისა და ინფრასტრუქტურის მინისტრის, მაია ცქიტიშვილის განცხადებით: 


„ჩვენი გზავნილი ბიზნესისთვის არის, რომ ჩვენ ვზრუნავთ და ვმუშაობთ ეროვნულ ბანკთან, კომერციულ ბანკებთან, ასევე ჩვენს საერთაშორისო პარტნიორებთან იმაზე, რომ მას შემდეგ, რაც ეკონომიკის გამოცოცხლება დაიწყება, რაც დასრულდება კარანტინი, საგანგებო მდგომარეობა, ბიზნესი შეძლებს ფიქრს ახალი სესხების აღებაზე, რომელიც იქნება მიმართული ახალი ბიზნესპროექტების წამოწყებაზე. ასეთ ბიზნესპროექტებს, ასეთ საბანკო სესხებს ჩვენ მთავრობა დავუდგება გვერდით და მისცემს ბანკებსაც და ბიზნესს საშუალებას, მეტი დარწმუნებულობით, მეტი კომფორტით აიღონ ბანკებში სესხი; ბანკებს და ბიზნესს ჰქონდეს სახელმწიფოს მხრიდან გარანტია, რომ იმ შემთხვევაში, თუ ამ ბიზნესსუბიექტებს შეექმნებათ პრობლემები ახალი სესხების გადახდის ნაწილში, მთავრობა იქნება ამის გარანტი“.


მარიამ მორგოშია





შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი

შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი
access_time2020-09-19 14:49:13
ის, რომ დღეს საქართველოს საფონდო ბირჟა განვითარებული არ არის, არის თუ არა მეტწილად ბანკების ბრალი, როგორც ამას ფინანსისტთა ნაწილი მიიჩნევს და შეუშალეს თუ არა მათ ხელოვნურად ხელი ბირჟის განვითარებას, ამ კითხვით Forbes Talks-ში წამყვანის მიერ დასმულ კითხვას „ლელო საქართველოს“ თავმჯდომარემ მამუკა ხაზარაძემ უპასუხა. პოლიტიკაში წასული ბიზნესმენი კატეგორიულად ამბობს, რომ არა! მისი თქმით, აქ პრობლემა რეგულაციებშია. ხაზარაძე Forbes Georgia-ს მთავარ რედაქტორთან ინტერვიუში ეროვნული ბანკის...

ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე

ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე
access_time2020-09-14 14:15:25
ცენტრალურმა საარჩევნო კომისიამ უკვე გამოაქვეყნა რეკომენდაციები, თუ რა წესების დაცვა იქნება სავალდებულო საარჩევნო უბნებზე 31 ოქტომბერს დაგეგმილ არჩევნებზე. შემუშავებული რეკომენდაციების თანახმად, აღსანიშნავია, რომ უბნებზე მისულ ამომრჩეველს თერმოსკრინინგი არ ჩაუტარდება და ამასთან, მათ ინდივიდუალური კალმების გამოყენების საშუალება ექნებათ. ცესკოს მიერ შემუშავებული რეკომენდაციები ასე გამოიყურება: კენჭისყრის შენობის შესასვლელთან უნდა განთავსდეს დეზობარიერი (კოლექტიური დაცვის...

პროგრამის - აწარმოე საქართველოში 17 ბენეფიციარს ქონება ჩამოერთვა

პროგრამის - აწარმოე საქართველოში 17 ბენეფიციარს ქონება ჩამოერთვა
access_time2020-09-19 13:45:14
“აწარმოე საქართველოში“ პროგრამის ფარგლებში აღებული ვალდებულებების შეუსრულებლობის გამო, პროგრამის ამოქმედებიდან დღემდე ქონება 17 კომპანიას ჩამოერთვა. აღნიშნული ინფორმაცია BM.GE-მ ქონების მართვის სააგენტოდან გამოითხოვა. ქონებაჩამორთმეულ კომპანიებს შორისა: შპს “იბერია ევრო პრო”შპს “აილამა”შპს “ენ-ეიჩ-ელ 43 “შპს “წალკის რძის პროდუქტები” ( ხელშეკრულება შეწყდა ვალდებულებების შესრულების ვადის დადგომამდე, მოსალოდნელი შეუსრულებლობით)შპს „ხევი“შპს “ნ.გ...

Volkswagen Tiguan X-ს კუპეს სტილი სახურავი ექნება

Volkswagen Tiguan X-ს კუპეს სტილი სახურავი ექნება
access_time2020-09-19 17:00:43
ბოლო ხუთი წლის განმავლობაში გერმანელი ავტომწარმოებლები SUV-ი ავტომობილების კუპე ვარიანტის შექმნით იყვნენ დაკავებულნი. ეს ყველაფერი სადილეროებში ასეთი ტიპის ავტომანქანების მოთხოვნით იყო გამოწვეული. თუ თქვენ ასეთი ტიპის მანქანები არ მოგწონთ, მაშინ სამწუხარო ინფორმაცია გვაქვს. ეს საავტომობილო ტრენდი შეჩერებას არ აპირებს. მეტიც, გერმანელი ავტომწარმოებლები მეტოქეთა ახალ ნიშას პასუხგაუცემელს თითქმის არასდროს ტოვებენ. თქვენს წინაშეა Tiguan X-ი. ის Tiguan-ის კუპე ვერსიას...

იაგო ხვიჩია: ყველა რეგულაცია, რომელიც შემოაქვს ხელისუფლებას არის კორუფციის წყარო

იაგო ხვიჩია: ყველა რეგულაცია, რომელიც შემოაქვს ხელისუფლებას არის კორუფციის წყარო
access_time2020-09-17 17:55:56
კორუფცია არსებობს მხოლოდ მაშინ როცა არსებობს ბიუროკრატია და ჩვენ ვართ ქვეყანა, რომელსაც ობიექტურად გვაქვს გამოცდილება კორუფციის დამარცხების, მაგალითად ბენდუქიძის დროს. როგორ დავამარცხეთ 2004-დან 2006 წლამდე კორუფცია? ვიღაცას შესაძლოა ჰგონია რომ ჩვენ იმ პერიოდში გვქონდა ისეთი პროკურატურა და სასამართლო, რომ ყველა ადამიანი ვინც ფულს აიღებდა აუცილებლად დაისჯებოდა. მაგრამ ასე არ მომხდარა. ქვეყანაში არსებობდა ათასი ლიცენზია და ნებართვა. კახა ბენდუქიძის რეფორმის შედეგად დარჩა...


მსგავსი სიახლეები

up