სახელმწიფო ქონების ეროვნულმა სააგენტომ წელს ვერც ერთი სახელმწიფო საწარმო ვერ გაყიდა

სახელმწიფო ქონების ეროვნულმა სააგენტომ წელს ვერც ერთი სახელმწიფო საწარმო ვერ გაყიდა

access_time2019-06-19 12:30:25

სახელმწიფო ქონების ეროვნულმა სააგენტომ წელს ვერც ერთი სახელმწიფო საწარმო ვერ გაყიდა. ინფორმაცია მიმდინარე წლის 5 თვის განმავლობაში პრივატიზებული სახელმწიფო საწარმოების შესახებ „ინტერპრესნიუსმა“ ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნული სააგენტოდან გამოითხოვა. უწყების მიერ მოწოდებული ინფორმაციის თანახმად, მიმდინარე წლის 5 თვის განმავლობაში არცერთი სახელმწიფოს საკუთრებაში არსებული საწარმოს პრივატიზება არ მომხდარა.


ამასთან, როგორც უწყებაში განმარტავენ, სახელმწიფო საწარმოს პრივატიზების მიზნით 5 თვეში მხოლოდ ერთი აუქციონი გამოცხადდა, თუმცა მონაწილეების არარსებობის გამო აუქციონი არ შედგა.


„2019 წლის 13 მარტის ბრძანების საფუძველზე გამოცხადდა ელექტრონული აუქციონი შპს ,,საქსპეცტრანსის“ სახელმწიფო საკუთრებაში არსებული 100%- იანი წილის უპირობო პრივატიზების მიზნით. მონაწილე პირების არ არსებობის გამო ზემოხსენებული აუქციონი არ შედგა,“ - აცხადებენ ქონების ეროვნულ სააგენტოში.


ცნობისთვის, ამჟამად სსიპ სახელმწიფო ქონების ეროვნული სააგენტოს მართვაშია 97 სახელმწიფოს წილობრივი მონაწილეობით დაფუძნებული საწარმო, რომელთაც სააგენტოს მიერ „ინტერპრესნიუსისთვის“ მოწოდებული ინფორმაციის თანახმად, 2018 წელი 19.6 მილიონ ლარიანი მოგებით დაასრულეს.


ამასთან, 2012 წელს „სახელმწიფო ქონების ეროვნული სააგენტოს“ მართვაში სახელმწიფოს წილობრივი მონაწილეობით დაფუძნებული 490 საწარმო იყო, 2013 წელს- 463, 2014 წელს- 442, 2015 წელს-282, 2016 წელს -180, 2017 წელს კი 127 საწარმო.


რაც შეეხება საპრივატიზებო გეგმას, ეკონომიკისა და მდგრადი განვითარების ყოფილი მინისტრი გიორგი ქობულია აცხადებდა, რომ წელს ჯამში 170 მილიონი ლარის სახელმწიფო ქონების პრივატიზება მოხდებოდა, აქედან 30 მილიონი ლარი მიღებას კი სახელმწიფო საწარმოების პრივატიზებით აანონსებდა.


მოქმედი მინისტრის, ნათია თურნავას განცხადებით კი, წელს გეგმით გათვალისწინებულია 70 მლნ ლარი, თუმცა შესაძლებელია საპრივატიზაციო ქონების 100 მლნ ლარამდე გაზრდა.


როგორც ეკონომიკისა და მდგრადი განვითარების მინისტრმა ნათია თურნავამ „ინტერპრესნიუსს“ განუცხადა, ზუსტად ლარებსა და თეთრებში იმის თქმა, რა ღირებულების ქონების პრივატიზება მოხდება, არასერიოზულია, რადგან გასაყიდი ქონების ღირებულება სხვადასხვა ფაქტორებზეა დამოკიდებული. ამასთან, მისივე თქმით, არსებობს საპრივატიზებო ობიექტების ნუსხა, რომელსაც ნებისმიერი მინისტრი გაჰყვებოდა.



BPN





„გაყიდვები გაგვინახევრდა და ზარალშიც წავედით“ – „დომინოს პიცა“ კორონავირუსის შედეგებზე

„გაყიდვები გაგვინახევრდა და ზარალშიც წავედით“ – „დომინოს პიცა“ კორონავირუსის შედეგებზე
access_time2020-06-07 12:30:23
პანდემიის გამო, „დომინოს პიცას“ გაყიდვები გაუნახევრდა. როგორც კომპანიის დირექტორი მიხეილ ალხანიშვილი „ბიზნესპრესნიუსთან“ საუბრისას აცხადებს, მართალია, საგანგებო მდგომარეობის პირობებში, ე.წ დელივერის სერვისი მუშაობდა, თუმცა, ზარალი მაინც...

Financial Times: ახალი საკარანტინო ერა

Financial Times: ახალი საკარანტინო ერა
access_time2020-06-07 11:00:31
როდესაც ჰოუპ ეილსი ავსტრალიის ქალაქ სიდნეიში მდებარე ლუქს-კლასის სასტუმროში 14-დღიანი კარანტინის გასატარებლად დარეგისტრირდა, ძალიან მალე ნათელი გახდა, რომ შვებულების მსგავსი იქ არაფერი იქნებოდა."ჩვენ ნომრების დატოვების უფლება არ გვქონდა" - განაცხადა ეილსმა, რომელიც აპრილში სამშობლოში ფილიპინებიდან დაბრუნდა, და იმავე წუთს იზოლაციაში მოხვდა - ავსტრალიამ კორონავისურთან დაკავშირებით კარანტინი ერთ-ერთმა პირველმა გამოაცხადა."ფანჯრები არ...

ნათია თურნავა: ლარის გამყარება სწორი ეკონომიკური პოლიტიკის შედეგია, ეს არაა თავისთავად მოტანილი პოზიტივი

ნათია თურნავა: ლარის გამყარება სწორი ეკონომიკური პოლიტიკის შედეგია, ეს არაა თავისთავად მოტანილი პოზიტივი
access_time2020-06-07 10:00:14
საქართველოში ეკონომიკის ვარდნა გლობალური კრიზისით და პანდემიით არის გამოწვეული. ლარის გამყარება კი ჩვენი სწორი და კორდინირებული პოლიტიკით. ეს არის ეკონომიკური პოლიტიკს შედეგი და ეს არაა თავისთავად მოტანილი პოზიტივი, - ამის შესახებ ეკონომიკის მინისტრმა ნათია თურნავამ ტელეკომპანია „იმედის“ ეთერში გადაცემა „ქრონიკაში“...

ნათია თურნავა: დარჩება ქვეყნები, რომლებთანაც ალბათ სავალდებულო კარანტინს შევინარჩუნებთ

ნათია თურნავა: დარჩება ქვეყნები, რომლებთანაც ალბათ სავალდებულო კარანტინს შევინარჩუნებთ
access_time2020-06-06 21:27:10
„გვექნება ძალიან გამჭვირვალე, მკაფიო კრიტერიუმები და პირველ რიგში იმ ქვეყნებიდან დავიწყებთ ტურისტების მიღებას, რომლებიც ამ კრიტერიუმებს უპასუხებენ“, - ამის შესახებ ეკონომიკის მინისტრმა ნათია თურნავამ „ქრონიკაში“...

იაპონია საქართველოს სამედიცინო დანადგარებით დაეხმარება

იაპონია საქართველოს სამედიცინო დანადგარებით დაეხმარება
access_time2020-06-06 17:31:53
დღეს იაპონიის მთავრობამ მიიღო გადაწყვეტილება საქართველოს აღმოუჩინოს მხარდაჭერა სამედიცინო დანადგარებით. დეტალები დაზუსტდება ორმხრივი შეთანხმების შედეგად. ამჟამად მიმდინარეობს სამუშაო პროცესი იაპონიისა და საქართველოს მთავრობებს შორის რათა დროულად მოეწეროს ხელი ორმხრივ შეთანხმებას. საქართველოს მოსახლეობა გაერთიანებულია ახალი კორონავირუსის საფრთხის წინაშე და შედეგიც შთამბეჭდავია. იაპონიის მთავრობამ გადაწყვიტა საქართველოს აღმოუჩინოს სამედიცინო მხარდაჭერა მსოფლიოში ახალი კორონა ვირუსის...


მსგავსი სიახლეები

up