სახელმწიფო  პარტიის სამსახურში

სახელმწიფო პარტიის სამსახურში

access_time2019-12-20 20:10:00

14 დეკემბერს ხელისუფლების მიერ ჩატარებული მასშტაბური კონტრაქციის შემდეგ ბევრი დრო გავიდა, თუმცა, პრობლემები, რომლებიც საზოგადოებას ამ შეკრებამ დაანახა - არსად გამქრალა.


ალბათ მოიძებნებიან ისეთებიც, ვისაც მართლაც, გულწრფელად სჯერა, რომ იმ დღეს 60 000 კაცი ჩამოვიდა თბილისში მხოლოდ იმის აღსანიშნავად, რომ ლათინულ ანბანში F-ს შემდეგ მოდის G და შესაბამისად, France-ს შემდეგ ევროსაბჭოს თავჯდომარეობა Georgia-ს ერგო.თუმცა, თამაშის წესები მკაცრად იყო დაცული - ყველა გამომსვლელი ლაპარაკობდა მხოლოდ და მხოლოდ ევროპაზე და არც ერთი სიტყვით - იმაზე, რის გამოც იქ ხალხი რეალურად შეაგროვეს.


იმიტაცია იყო ისეთი დაჟინებული, რომ ალბათ ბევრმა გამომსვლელმა გულწრფელად შეძლო საკუთარი თავის დარწმუნება იმაში, რომ ამდენი ადამიანი მართლაც აღნიშნავდა ანბანში ასოების განლაგებას.


სინამდვილეში, ამ აქციას არ ჰქონდა განსაკუთრებული აზრი - საზოგადოებას ამ შეკრებით არ გაუგია არაფერი ახალი და ისეთი, რაც ადრე არ იცოდა. არავისთვის არაა საიდუმლო, რომ სახელმწიფო სტრუქტურების თანამშრომლები ბოლო 30 წლის მანძილზე ნებისმიერი ხელისუფლების საარჩევნო რეზერვს წარმოადგენენ.


იდეები და შეხედულებები აქ არაფერ შუაშია - ეს არის პირად ინტერესებზე დაფუძნებული ერთგულება და ხვალ ხელისუფლება რომ შეიცვალოს, ეს უზარმაზარი საარჩევნო რეზერვი ავტომატურად გადაინაცვლებს ახალი მმართველი ძალის ჯიბეში.


ხშირად გვსმენია - „სახელმწიფო სტრუქტურებში ბევრი ნაციონალი დარჩა“, თუმცა, ეს სისულელეა. არავითარი „ნაცები“ საჯარო სამსახურში არაა და არც არასდროს ყოფილა, ისევე როგორც არ არის „ქოცები“.


წინა ხელისუფლების დროს ისინი იყვნენ ნაცები, დღეს არიან ქოცები - სწორედ ესაა ის რეალობა, რომელიც 14 დეკემბერმა დაგვანახა.


ისიც ყველამ იცის, რომ ხელისუფლებას ადვილად შეუძლია მთელი ამ მორჩილი მასის მობილიზება, შესაბამისად, უაზრობაა სახელისუფლებო კონტრაქციის შედარება ოპოზიურ მიტინგებთან რაოდენობის მხრივ - რაც იყო საბოლოო ჯამში ამ აქციის მთავარი მიზანი.. „ჩვენ თქვენზე მეტი ვართ“ - უთხრა ხელისუფლებამ ოპოზიციას 14 დეკემბერს.
თუმცა, თავი დავანებოთ 14 დეკემბერს, ის უკვე წარსულშია.


აი მომავლისთვის კი კვლავ დიდ პრობლემას წარმოადგენს ის, რომ ნებისმიერ ხელისუფლებას საქართველოში გააჩნია უზარმაზარი გარანტირებული უპირატესობა - საჯარო სექტორში დასაქმებულ ადამიანები და მათი ახლო ნათესავები, ჯამურად - ასობით ათასი ხმა.


ამის წყალობით ხელისუფლებას მუდმივი,15-20%-იანი უპირატესობა აქვს, რომელსაც მმართველი პარტია უპრობლემოდ იღებს, რის გამოც მისი შეცვლა კიდევ უფრო რთულდება.
რატომ ხდება ასე? რაშია საქმე? რატომ არიან საჯარო მოსამსახურეები მზად დაუჭირონ მხარი ნებისმიერ, ყველაზე ბოროტ ძალასაც კი და საიდან ეს, ძირითად ინსტინქტად ქცეული შიში - „ხელისუფლება რომ შეიცვალოს - ყველას გაგვყრიან“?



შეგვიძლია ბევრი ვიქილიკოთ იმაზე, რომ 14 დეკებერს ათობით ათასი ადამიანი ორგანიზებულად ჩამოიყვანეს თბილისში, შეგვიძლია ვთქვათ, რომ ისინი „ჩამორეკეს“, თუმცა, ეს არ ცვლის რეალობას - შესაძლოა, მიტინგზე მოსვლა მართლად იძულებითი იყო, თუმცა, რაც შეეხება არჩევნებში ხმის მიცემას, არავითარი ძალდატანება საჭირო არაა.


საჯარო მოსამსახურეების დიდ უმრავლესობა ყოველგვარი კოორდინატორების გარეშე მზადაა თავისი ნებით მისცეს ხმა 41 ნომერს, ზუსტად ისევე, როგორც 2012 წლამდე აძლევდა 5 ნომერს.


საჯარო მოხელეებს ეშინიათ ხელისუფლების შეცვლის და მათ აქვთ ამის საფუძველი. ნებისმიერი ოპოზიცია ხელისუფლებაში მოსვლამდე ამბობს ერთსა და იგივეს - „არავითარი მასობრივი წმენდა არ იქნება - ყველა პროფესიონალი დარჩება თავის ადგილას“.


თუმცა, რეალობა სულ სხვაა - ხელისუფლების შეცვლა გარანტირებულად იწვევს კადრებს გადახალისებას და ლოზუნგი „პროფესიონალების“ თაობაზე ბევრ არაფერს ცვლის. ხშირად მაღალი კვალიფიკაციის მლიქვნელობა ბევრად უფრო მნიშვნელოვან თვისებად ითვლება, ვიდრე საქმის ცოდნა. მეტიც, საქართველოში დიდი საფრთხის შემცველია არათუ მმართველი ძალის, არამედ ჩვეულებრივი, რუტინული ცვლილება მინისტრის ან დეპარტამენტის უფროსის დონეზე.


ნებისმიერი ახალი ხელმძღვანელის მოსვლა მის ქვეშემდგომებში მასობრივი პანიკის საფუძველი ხდება. რას იზამს ახალი მინისტრი, ვის „გაუშვებს“ და ვის დატოვებს? მოდის ახალი ხელმძღვანელი, ის დასვამს საკვანძო ადგილებზე თავის ხალხს, ის თავისი ხალხი, უფრო დაბალ რგოლებში - კიდევ თავის ხალხს, და ა.შ.


ეს ხდება რიგითი, რუტინული ცვლილების დროს და ჩვენ ყველანი ვართ უამრავი ასეთი ფაქტის მოწმე. შეგიძლიათ წარმოიდგინოთ სტრესის დონე ყარაულის გლობალური ცვლის დროს..
არის კიდევ ერთი მხარე - ჩვენ ყველამ ვიცით, რომ საჯარო სამსახურში ათასობით ადამიანია, ვინც ხელფასს არაფერში იღებს. საუბარია, ძირითადად „ოცნების“ ჩინოვნიკებზე, დეპუტატებზე და ადგილობრივი უფროსობის ნათესავებზე.


სხვა თუ არა, ამათ ხომ მაინც ნამდვილად, ეჭვგარეშე იციან, რომ მათ წიხლით გააგდებენ ხელისუფლების შეცვლიდან რამდენიმე საათში? და სწორადაც მოიქცევიან - ასეთი მუქთახორების ყოფნა სახელმწიფო სტრუქტურებში თავად საჯარო მოხელის მცნების დისკრედიტაციაა.


ამ დროს კი - ყველას ჰყავს ოჯახი, შვილები, ყველას აწევს კისერსზე სესხები, იპოთეკა, ათასი წვრილმანი ხარჯები..


რა გასაკვირია, რომ ამ პირობებში სახელმწიფო სტრუქტურების ყველა თანამშრომელი მზადაა უსიტყვოდ ხმა ცმისცეს ხელისუფლებას, გამოვიდეს ქუჩაში და იზეიმოს ნებისმიერი სისულელე. თუნდაც ის, რომ რომ ლათინურ ანბანშიი F-s შემდეგ მოდის G.ამ ადამიანების განსჯა ძალიან ადვილია, თუმცა, დაფიქრდით - თქვენ რას იზამდით მათ ადგილას? შვილები, სესხები, იპოთეკა, ხარჯები.. რა დროს ოპოზიციაა..


სამწუხაროდ, ესაა რეალობა, რომელიც ალბათ ერთხელაც, ხანგძლივი პოლიტიკური ევოლუციის შედეგად, შეიცვლება და საჯარო სამსახური არ იქნება აღქმული, როგორც მმართველი პარტიის ფილიალი.


თუმცა, ეს არ მოხდება უახლოეს წლებში და ნამდვილად - არა 2020-ში.


თენგიზ აბლოთია 


თეგები:
სახელმწიფო



საზმაუს შენობას აუქციონზე მესამედ 23 მლნ ლარის ფასდაკლებით გაიტანენ

საზმაუს შენობას აუქციონზე მესამედ 23 მლნ ლარის ფასდაკლებით გაიტანენ
access_time2020-08-03 15:15:25
საქართველოს საზოგადოებრივი მაუწყებლის ძველი შენობის გასაყიდად გამოცხადებული ელექტრონული აუქციონი კვლავ ვერ შედგა. ის 16 ივლისს დაიწყო და 31 ივლისს უშედეგოდ დასრულდა. ქონების საწყისი ფასი 110 343 600 ლარი იყო. შენობის გასაყიდად ახალი აუქციონი დღეს, 3 აგვისტოს გამოცხადდა. მაუწყებლის ფინანსების და ადმინისტრაციის ბლოკის დირექტორმა ნოდარ ჭიჭინაძემ აღნიშნა, რომ ქონების ფასი 10%-ით შეამცირეს ისევე, როგორც ეს პირველი აუქციონის დასრულების შემდეგ...

„ჩიკორი“ ხეხილის ბაღების გაშენებას გეგმავს

„ჩიკორი“ ხეხილის ბაღების გაშენებას გეგმავს
access_time2020-08-03 16:30:23
კომპანია „ქარელის ხილი“, რომელიც ბაზარზე „ჩიკორის“ ბრენდით არის წარმოდგენილი, სამომავლოდ საკუთარი ბაღების გაშენებას გეგმავს, - განუცხადა „ბიზნესპარტნიორს“ კომპანიის დირექტორმა ანანო ბეჟანიშვილმა. მისი ინფორმაციით, ამ დროისთვის კომპანია ხილს ადგილობრივი ფერმერებისგან იბარებს, პროდუქციის 10% კი საკუთარი ბაღებიდან მიღებული მოსავალია. „ჩვენს საკუთრებაში არსებული ბაღებიდან მაქსიმალურ მოსავალს ვერ ვიღებთ, რადგან ხეხილი ჯერ პატარაა. რამდენიმე წელიწადში მათი მსხმოიარობა...

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს
access_time2020-08-03 10:15:13
რე|ბანკი აგვისტოში 1 წლის ხდება. ბანკმა გასულ წელს მომხმარებლებს სრულიად ინოვაციური საბანკო პროდუქტი შესთავაზა – ტოპ|ქარდი, განვადების შოპინგ ბარათი. ეს რეალურად ეფექტური 0%-იანი განვადების ბარათია, თუკი მყიდველი რე|ბანკის პარტნიორების დაწესებულ ვადებს დაიცავს. ტოპ|ქარდის განვადებით სარგებლობა მხოლოდ რე|ბანკის პარტნიორ ობიექტებში არ არის შესაძლებელი. მომხმარებელს ასევე შეუძლია, 45 დღემდე უპროცენტო გადავადებით, ეფექტური 0%-დან, ივაჭროს ყველგან, მათ შორის, ადგილობრივ და...

საქართველოში უმუშევრობის დონე კორონავირუსის პანდემიის გამო 12%-ით გაიზარდა

საქართველოში უმუშევრობის დონე კორონავირუსის პანდემიის გამო 12%-ით გაიზარდა
access_time2020-08-03 17:40:10
თვითდასაქმებულებზე კომპენსაციის სახით ჯამურად 48 048 300 ლარი, ხოლო დასაქმებულებზე 68 771 800 ლარია გაცემული. ციფრებით ადასტურებს, რომ პანდემიამ, უმუშევრობის დონე 12%-ით გაზარდა. სპეციალისტები ,,რეზონანსთან“ აღნიშნავენ, რომ ეს არ არის სრული სურათი და რეალურად უფრო მძიმე ვითარებაა ქვეყანაში. დასაქმების ხელშეწყობის სახელმწიფო სააგენტოს ინფორმაციით, 31 ივლისის მდგომარეობით, ჯანდაცვის სამინისტროს სარეგისტრაციო პორტალის მეშვეობით სულ დარეგისტრირდა კომპენსაციის მიმღები...

Lufthansa-მ საქართველოს მიმართულებით რეგულარული ფრენები განაახლა

Lufthansa-მ საქართველოს მიმართულებით რეგულარული ფრენები განაახლა
access_time2020-08-03 13:15:58
3 აგვისტოს, გერმანულმა ავიაკომპანია Lufthansa-მ საქართველოს მიმართულებით რეგულარული ფრენები განაახლა. ამის შესახებ ინფორმაციას, თბილისისა და ბათუმის აეროპორტების მართველი კომპანია TAV Georgia ავრცელებს. მიუნხენიდან თბილისში 188 მგზავრი ჩამოფრინდა, ხოლო თბილისიდან მიუნხენის მიმართულებით 156 მგზავრი გაფრინდა.  აღსანიშნავია, რომ...


მსგავსი სიახლეები

up