სახელმწიფო დეპარტამენტი აშშ-ისა და საქართველოს სტრატეგიული პარტნიორობის 10 წლისთავისადმი მიძღვნილ ერთობლივ დეკლარაციას აქვეყნებს

სახელმწიფო დეპარტამენტი აშშ-ისა და საქართველოს სტრატეგიული პარტნიორობის 10 წლისთავისადმი მიძღვნილ ერთობლივ დეკლარაციას აქვეყნებს

access_time2019-06-12 14:15:09


ამერიკის შეერთებული შტატების სახელმწიფო დეპარტამენტის ვებგვერდზე აშშ-ისა და საქართველოს სტრატეგიული პარტნიორობის 10 წლისთავისადმი მიძღვნილი ერთობლივი დეკლარაცია გამოქვეყნდა.


დოკუმენტში ნათქვამია, რომ 11 ივნისს აღინიშნება აშშ-საქართველოს სტრატეგიული პარტნიორობის ქარტიის 10 წლის იუბილე და ამ დღეს აშშ-მა და საქართველომ კიდევ ერთხელ დაადასტურეს ორი ქვეყნის სტრატეგიული პარტნიორობისადმი ერთგულება და მეგობრობის მთავარი პრინციპები.


„2009 წლიდან დღემდე აშშ და საქართველო ერთად მუშაობენ, რათა მხარი დაუჭირონ საქართველოს სუვერენიტეტს, დამოუკიდებლობას და ტერიტორიულ მთლიანობას საერთაშორისოდ აღიარებულ საზღვრებში. ჩვენ ერთად ვიბრძოდით, ჩვენმა ჯარისკაცებმა ერთად გაიღეს მსხვერპლი ერაყსა და ავღანეთში. აშშ მხარს უჭერდა საქართველოს ინტეგრაციას გლობალურ ეკონომიკაში, რაც სარგებელს ორივე მხარეს მოუტანს. აშშ განაგრძობს საქართველოს რეფორმების მხარდაჭერას და მიესალმება მათ”, – აღნიშნულია დოკუმენტში.


სახელმწიფო დეპარტამენტის ვებგვერდზე გამოქვეყნებულ დეკლარაციაში რუსულ აგრესიასა და საქართველოს თავდაცვისუნარიანობის მხრივ ნატო-ში საქართველოს ინტეგრაციის მნიშვნელობაზეა საუბარი. დოკუმენტში ხაზგასმულია აშშ-ის მხარდაჭერა საქართველოს ნატო-ში გაწევრიანების გზაზე.


„აშშ და საქართველო აღიარებენ, რომ ძლიერი საქართველო უკეთ აღუდგება წინ რუსეთის აგრესიულ ქმედებებს და დაიცავს სუვერენიტეტს, დამოუკიდებლობას და ტერიტორიულ მთლიანობას. მზად ვართ, გავაუმჯობესოთ საქართველოს თავდაცვისუნარიანობა, რომ საქართველოს ჰყავდეს ნატო-სთან თავსებადი შეიარაღებული ძალები, რომელიც შეძლებს ტერიტორიების დაცვას, აგრესიის შეკავებას და გლობალური უსაფრთხოების მხარდაჭერას. საქართველოს აქვს თავისუფლება, თავად აირჩიოს უსაფრთხოების სფეროში პარტნიორები.



აშშ მხარს უჭერს 2008 წლის ნატო-ს ბუქარესტის სამიტს გადაწყვეტილებას, რომელიც კიდევ ერთხელ გამეორდა 2018 წელს ბრიუსელის სამიტზე, რომ საქართველო გახდება ნატო-ს წევრი. საქართველოს ურთიერობა ნატო-სთან მოიცავს ყველა პრაქტიკულ საშუალებას, რათა საქართველო მოემზადოს ალიანსის სრულუფლებიანი წევრობისთვის. აშშ და საქართველო ერთგული რჩებიან რუსეთ-საქართველოს კონფლიქტის მშვიდობიანი მოგვარების და 2008 წლის 12 აგვიტოს ცეცხლის შეწყვეტის შეთანხმების იმპლემენტაციას უჭერენ მხარს, მათ შორის, რუსეთის ძალების გაყვანას 2008 წლის ომამდელ პოზიციებზე”, – აღნიშნულია აშშ-ის სახელმწიფო დეპარტამენტის ვებგვერდზე გამოქვეყნებულ დეკლარაციაში.


აქვე აღნიშნულია, რომ აშშ მზად არის ყველა დაინტერესებულ მხარესთან სამუშაოდ დამოუკიდებელი სასამართლოს, მედიაპლურალიზმისა და დემოკრატიული არჩევნების უზრუნველყოფის ხელშესაწყობად.


„აშშ და საქართველო აღიარებენ, რომ ძლიერი და პლურალისტული დემოკრატია, თავისუფალი და სამართლიანი არჩევნები, დამოუკიდებელი მედია, ადამიანის უფლებების პატივისცემა და ფუნდამენტური თავისუფლებები, კანონის უზენაესობა, გამჭვირვალე და ანგარიშვალდებული მთავრობა და აქტიური სამოქალაქო საზოგადოება არის აუცილებელი, რათა მხარი დავუჭიროთ საქართველოს განვითარებას და წინააღმდეგობა გავუწიოთ მავნე ზემოქმედებას. მზად ვართ ყველა დაინტერესებულ მხარესთან სამუშაოდ, რათა შეიქმნას უფრო დამოუკიდებელი სასამართლო სისტემა, უზრუნველყოფილი იყოს თანაბარი თამაშის წესები და ხელშეწყობილი იყოს დემოკრატიული არჩევნები, განმტკიცდეს მედია პლურალიზმი, კიდევ უფრო გაძლიერდეს კონტროლისა და ბალანსის სისტემა, განსაკუთრებით უსაფრთხოების სექტორსა და სამართალდამცავ ორგანოებში და გავუზიაროთ საქართველოს საპარლამენტო ზედამხედველობის საუკეთესო პრაქტიკა”, – აღნიშნულია დეკლარაციაში.


აშშ-ის სახელწიფო დეპარტამენტის ვებგვერდზე გამოქვეყნებულ დოკუმენტში ასევე საუბარია საქართველო-აშშ-ის ეკონომიკური და კულტურული თანამშრომლობის საკითხებზე.


„აშშ და საქართველო აღიარებენ, რომ კეთილდღეობა დამოკიდებულია სამუშაო ადგილების რაოდენობის ზრდაზე, ღია საინვესტიციო კლიმატზე, რომელიც მიჰყვება განვითარების მოწინავე პრაქტიკას და პროდუქტების, ენერგიის, სერვისების თავისუფალ მიმოქცევას.


ვგეგმავთ ორმხრივი ვაჭრობის და ინვესტიციების გაზრდას, საერთაშორისოდ აღიარებული ბიზნეს პრაქტიკის განვითარებას და მხარს დავუჭერთ საქართველოს მისწრაფებას, გააფართოვოს რეგიონული კავშირები, გაზარდოს ენერგოუსაფრთხოება და გახდეს სატრანზიტო და ლოჯისტიკური ჰაბი, ასევე, აღებულ ვალდებულებებზე დაყრდნობით, წინ წასწიოს აშშ-ის სავაჭრო წარმომადგენლობის მეთაურობით დაწყებული უმაღლესი დონის ვაჭრობისა და ინვესტიციების დიალოგი, სხვადასხვა ვარიანტების განხილვის გზით. ორივე მხარე შეთანხმდა, გადადგას პრაქტიკული ნაბიჯები, რათა გააღრმავოს და გააფართოვოს ეკონომიკური პარტნიორობა.


აშშ და საქართველო აღიარებენ, რომ ხალხთა შორის კონტაქტები ამყარებს ჩვენს ურთიერთგაგებას და აძლიერებს ჩვენს კულტურებს. ვაპირებთ, განვამტკიცოთ საგანმანათლებლო, კულტურული და სამეცნიერო კუთხით კავშირები, რათა ჩვენი მოსახლეობა დავიცვათ მავნე პროპაგანდისა და დეზინფორმაციისგან და ერთად ვიმოქმედოთ იმ სამშვიდობო ინიციატივების განხორციელებისთვის, რომლებიც მიმართულია რუსული ოკუპაციის მიერ დაყოფილ თემებს შორის კავშირების განმტკიცებისკენ ოკუპირებულ აფხაზეთსა და ცხინვალის რეგიონებში.


აშშ და საქართველო კიდევ ერთხელ ადასტურებენ ორმხრივი პარტნიორობისადმი ერთგულებას, რაც დაფუძნებულია საერთო ღირებულებებსა და ინტერესებზე და რომელსაც მოაქვს სარგებელი ჩვენი ქვეყნებისა და ხალხებისთვის“, – ნათქვამია დეკლარაციაში.


1ტვ






„რუსთავი 2“ საინფორმაციო გამოშვება “კურიერის“ სრულმა შემადგენლობამ დატოვა

„რუსთავი 2“ საინფორმაციო გამოშვება “კურიერის“ სრულმა შემადგენლობამ დატოვა
access_time2019-08-21 18:55:00
 „რუსთავი 2“  საინფორმაციო გამოშვება “კურიერის“ თითქმის ყველა ჟურნალისტმა დატოვა.  ინფორმაცია “კომერსანტს“ რუსთავი 2-ის ჟურნალისტებმა დაუდასტურეს. რამდენიმე წუთის წინ სოციალურ ქსელში კურიერის რამდენიმე ჟურნალისტმა სამსახურის დატოვების შესახებ გადაწყვეტილება გამოაცხადა, თუმცა მათ რიგებს, სავარაუდოდ, მთელი გუნდი შეუერთდა. „რუსთავი 2“-ის ყოფილმა დირექტორმა ნიკა გვარამიამ განაცხადა, რომ „მთავარი არხი“ მაუწყებლობის...

კობა გვენეტაძის არასწორმა საფინანსო პოლიტიკამ ლარს 1 მილიარდი დოლარის საყრდენი გამოაცალა

კობა გვენეტაძის არასწორმა საფინანსო პოლიტიკამ ლარს 1 მილიარდი დოლარის საყრდენი გამოაცალა
access_time2019-08-21 20:00:50
გვენეტაძე - სავალუტო ფონდის უპირობო მსახური, თუ საქართველოს ეროვნული ბანკის პრეზიდენტი საერთაშორისო რესპუბლიკური ინსტიტუტის (IRI) სულ ბოლო კვლევის მიხედვით, გამოკითხული რესპონდენტების 70% ეროვნულ ბანკს არ ენდობა. საქართველო, დღესდღეობით, ადეკვატური მოცემულობის ქვეყანა რომ იყოს, მხოლოდ ეს ერთი მონაცემი იქნებოდა საკმარისი, ეროვნული ბაკის პრეზიდენტს, საიდანაც მოვიდა (ვოშინგტონი/სავალუტო ფონდი) ისევ იქეთ რომ აეკრა გუდა-ნაბადი (თუ მიიღეს),...

კომერსანტის ექსკლუზივი - მაღაზია რუსთაველზე, რომლის ვიტრინაშიც „ფორსაჟი 9“-ის გადაღებებისას მანქანა შევარდება, სოლიდურ კომპენსაციას მიიღებს

კომერსანტის ექსკლუზივი - მაღაზია რუსთაველზე, რომლის ვიტრინაშიც  „ფორსაჟი 9“-ის  გადაღებებისას მანქანა შევარდება, სოლიდურ კომპენსაციას მიიღებს
access_time2019-08-21 17:30:38
უკვე მესამე დღე რაც თბილისში  „ფორსაჟი 9“-ის გადაღებები მიმდინარეობს და  უკვე მესამე დღე რაც ჰოლივუდური ბლოკბასტერი განხილვის ერთ-ერთი მთავარი თემაცაა. “კომერსანტი“ ერთ-ერთი პირველი იყო ვინც წერდა, რომ ჰოლივუდის ფილმში ქართული წარმოების “დიდგორი მეომარი“ გამოჩნდებოდა. ამჯერად ახალ ექსკლუზიურ დეტალზე გესაუბრებით: აღსანიშნავია, რომ საზოგადოებისთვის ფილმის სიუჟეტის მხოლოდ ერთი მონაკვეთია ცნობილია - სპეცტრაილერი ბეთანიაში დიდი სიმაღლიდან...

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება
access_time2019-08-21 15:00:48
„ძალიან მშრალი განჩინებაა, რომელსაც გავასაჩივრებთ, მაგრამ  ისეთი უცნაურობები ხდება ამ საქმეზე, სიმართლე გითხრათ,  დიდი იმედი არ მაქვს, რომ აპელაცია რამეს შეცვლის.  მაგრამ ჩვენ ეს საფეხური უნდა გავიაროთ, რადგან როგორც ვატყობ, ეს საქმე და მისი არცერთ შუალედური განჩინება აქ არ დამთავრდება და მოგვიწევს ამ ყველაფრის სტრასბურგში ეტაპობრივად გასაჩივრება,“ - ასე აფასებს თიბისი ბანკის დამფუნძებლების  მამუკა ხაზარაძისა და ბადრი ჯაფარიძის ადვოკატი ზვიად...

„რაინეარი“ საქართველოდან ფრენებს 12 მიმართულებით შეასრულებს, სამი მიმართულებით ავიარესები წელსვე დაიწყება

„რაინეარი“ საქართველოდან ფრენებს 12 მიმართულებით შეასრულებს,  სამი მიმართულებით ავიარესები წელსვე დაიწყება
access_time2019-08-21 14:31:27
ქართულ მხარესა და ირლანდიურ დაბალბიუჯეტიან ავიაკომპანია „რაინეარს“ შორის ურთიერთთანამშრომლობის შესახებ ხელშეკრულება გაფორმდა. ხელშეკრულებას მთავრობის ადმინისტრაციაში ხელს მოაწერეს ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანების“ დირექტოrმა, გიორგი ჩოგოვაძემ და „რაინეარის“ (Ryanair) კომერციულმა დირექტორმა, დევიდ ო’ ბრაიენმა. ღონისძიებას საქართველოს ეკონომიკისა და მდგრადი განვითარების მინისტრი ნათია თურნავა...


მსგავსი სიახლეები

up