„სახელმწიფო ბიუჯეტიდან გამოყოფილი თანხები მოსახლეობამდე სწორად ვერ მივიდა“-„ქართული ოცნების“ ყოფილი დეპუტატები NDI-ის კვლევაზე

„სახელმწიფო ბიუჯეტიდან გამოყოფილი თანხები მოსახლეობამდე სწორად ვერ მივიდა“-„ქართული ოცნების“ ყოფილი დეპუტატები NDI-ის კვლევაზე

access_time2019-09-20 10:00:10

 „რა თქმა უნდა ვითარება ქვეყანაში მძიმეა და სიღარიბის პრობლემა არსებობს. ლარის კურსის არამდგრადობა ბუნებრივია ძალიან დიდი უარყოფითი მოვლენაა და გამოსწორებას საჭიროებს მაგრამ, ყველაფერს აქვს თავისი ობიექტური ან სუბიექტური მიზეზები. თუ ობიექტური სჭარბობს სუბიექტურს, მაშინ უნდა გაგრძელდეს მუშაობა იმ კეთილდღეობისათვის რაც ქვეყნას სჭირდება“, -ასე აფასებს NDI -ის საზოგადოებრივი აზრის კვლევას VIII მოწვევის პარლამენტარი, ფრაქცია „ქართული ოცნების“ ყოფილი წევრი ზურაბ ტყემალაძე. დარგობრივი ეკონომიკისა და ეკონომიკური პოლიტიკის  კომიტეტის ყოფილი თამჯდომარე ამბობს, რომ დღეს მთავრობა ყველაფერს აკეთებს იმისათვის, რომ ქვეყანაში სოციალურ-ეკონომიკური მდგომარეობა გამოსწორდეს. „კომერსანტთან“ საუბარში ყოფილი დეპუტატი  ამბობს იმასაც, რომ NDI -ის კვლევები ძალიან აცდენილია სიმართლეს და რეალობას, რასაც მისი თქმით, ყოველი არჩევნები ამტკიცებს. მედიაჰოლდინგის კითხვაზე გრძნობს თუ არა პირად პასუხისმგებლობას ქვეყანაში შექმნილ ვითარებაზე, პოლიტიკოსი გვპასუხობს“

 

„რა თქმა უნდა იმ პერიოდში როცა ვიყავი ხელისუფლებაში თუ კი რამეზე უნდა ვაგოთ პასუხის და ავიღოთ პასუხისმგებლობა ყველაფერზე ვიღებ პასუხისმგებლობას. უარყოფითზეც და დადებითზეც“.

 

  • 2012 ქართული ოცნების დაპირება იყო სწრაფი განვითარება და კეთილდღეობა , რატომ ვერ მიიღო მოსახლეობამ 7 წლის წინ დაპირებული სწრაფი კეთილდღეობა?

 

-სწრაფად არაფერი არ ხდება. რა თქმა უნდა ძალიან დიდი სხვაობაა 2012 წელსა 2016 შორის ასევე 2019 წელს შორის მაგრამ, საზოგადოება იმიტომ უნდა იყოს მომთხოვნი, რომ ქვეყნაში უფრო კარგი მდგომარეობა იყოს. აღსანიშნავია ისიც, რომ მოთხოვნა ყოველთვის სჭარბობს შესაძლებლობებს. დამერწმუნეთ ბევრი, რამ გაკეთდა ქვეყანაში სოციალური მიმართულებით, სოფლის მეურნეობის მიმართულებით, ინვესტიციების მიმართულებით, ჯანდაცვის კუთხით, განათლების კუთხით , ტურიზმის განვითარების კუთხით და როგორც ხედავთ ეს არ არის საკმარის და კიდევ ბევრია გასაკეთებელი.  

 

  • თქვენ როგორც ერთმა დეპუტატმა, რა გააკეთეთ მდგომარეობის შესაცვლელად?


-დარგობრივი ეკონომიკისა და ეკონომიკური პოლიტიკის კომიტეტის თავმჯდომარე ვიყავი, ამ მიმართულებით ძალიან ბევრი რამ გაკეთდა. საკანონმდებლო ინიციატივები იყო მიღებული მეწარმეების წახალისების მხრივ, ეკონომიკის განვითარების მიმართულებით, ექსპორტის წახალისების კუთხით, იმპორტის ჩანაცვლების მიმართულებით. ძალიან ბევრი კანონი იყო მიღებული და ძალიან ბევრი პრაქტიკული ქმედებებიც იყო გადადგმული ჩემს პერიოდში. თუმცა, ცხოვრება ვითარდება და ბენებრივია დღევანდელი მიღწევა არ არის საკმარისი და ხვალ ორჯერ მეტი უნდა გაკეთდეს,ზეგ სამჯერ მეტი. ქვეყანას ვერ მაჩვენებთ სადაც ხალხი მთავრობით კმაყოფილია რატომ? იმიტომ რომ უფრო მეტი მოთხოვნილებაა და მოსახლეობა უფრო მეტ პასუხისმგებლობას აკისრებს მთავრობას.


NDI -ის საზოგადოებრივი აზრის კვლევას არ ენდობა „ქართული ოცნების“ კიდევ ერთი ყოფილი წევრი და თიანეთის მერი თამაზ მეჭიაური,რომელიც როგორც თვითონ ამბობს „პროვინციაშია“ ჩაკეტილი და ზოგადი მდგომარეობის შესახებ ინფორმაცია არ აქვს.


  • თქვენ თუ გრძნობთ პირად პასუხისმგებლობას ქვეყანაში შექმნილ ვითარებაზე?


-რადგანაც ვიყავი „ქართული ოცნების“ გუნდის წევრი, რა თქმა უნდა ვგრძნობ პასუხისმგებლობას თუმცა, არ მგონია რომ კვლევა რეალობას ზუსტად ასახავდეს და მოსახლეობის უმრავლესობა უკმაყოფილო იყოს ჩემი საქმიანობით.


  • 2012 ქართული ოცნების დაპირება იყო სწრაფი განვითარება და კეთილდღეობა , რატომ ვერ მიიღო მოსახლეობამ 7 წლის წინ დაპირებული სწრაფი კეთილდღეობა?


-ე.წ. კოჰაბიტაცია იყო ერთ-ერთი მთავარი მუხრუჭი, რომელმაც მმართველი გუნდის რეფორმებს ხელი შეუშალა იმიტომ, რომ კოჰაბიტაციის შედეგად ძველი გუნდი ისევ აგრძელებდა რა თქმა უნდა საბოტაჟის რეჟიმში მუშაობას, რის შემდეგაც მოხდა დიდი ნაწილის გადაქაჩვა ხელისუფლებაში. ზოგიერთი მათგანი პატიოსნად აგრძელებდა მუშაობას ზოგიერთი მათგანი კი, არ გამოვრიცხავ, რომ რეფორმების გატარებას ხელს უშლიდა. სახელმწიფო ბიუჯეტიდან საკმაოდ დიდი თანხები იყო გამოყოფილი და ახლაც დიდი თანხები იხარჯება იგივე ინფრასტრუქტურაში, ჯანდაცვაში, სოციალურ პროექტებში. თუმცა,  ეტყობა ამ ყველაფრის სწორად მიტანა მოსახლეობამდე არ ხდება, როგორც პირდაპირი ასევე გადატანითი მნიშვნელობით.



  • თქვენ როგორც ერთმა დეპუტატმა, რა გააკეთეთ მდგომარეობის შესაცვლელად?


-ყოველთვის ვცდილობდით მოსახლეობის აზრი გათვალისწინებას. გავდიოდით რეგიონებში, სადაც გვქონდა განხილვები და მაქსიმალურად ვცდილობდით გაგვეთვალისწინებინა მათი ინიციატივები ბიუჯეტის დამტკიცების დროს. რამდენად სწორად ხდებოდა იმ გამოყოფილი თანხების დროს საქმეში ჩადება და რეალიზება ეს უკვე ცალკე თემაა და ამას აუდიტის სამსახური ამოწმებდა და როგორც მახსოვს დარღვევებსაც აფიქსირებდა. რა თქმა უნდა,ბევრი რამ გაკეთდა მაგრამ რაღაც ალბათ არ გაკეთდა და ვიღაცეებმა რბილად, რომ ვთქვათ ხელი არ შეუწყვეს თანხების მიზნობრივად ხარჯვას. სხვადასხვა პიროვნებების მიერ ბიუჯეტის თანხის ხარჯვა სხვადასხვანაირად ხდება. ამაზე საგამოძიებო ორგანოებმა  უფრო მეტად უნდა იმუშაონ.

 

საფინანსო-საბიუჯეტო კომიტეტის ყოფილი თავმჯდომარე კომერსანტთან თიანეთში არსებულ ვითარებაზე საუბრობს.


თიანეთში, რომ ვთქვა აყვავებულია ყველაფერი-მეთქი მოგატყუებთ. ჩვენთან ყველაზე მეტად მკურნალობის პრობლემა აქვს მოსახლეობას მიუხედად იმისა, რომ დიდი ნაწილი ფინანსდება საყოველთაო დაზღვევით თანადაფინანსებისთვის დარჩენილი თანხები მაინც იმდენად დიდია მოსახლეობისთვის, რომ გადახდა უჭირთ. რა თქმა უნდა, ჩვენც ვეხმარებით ჩვენი ბიუჯეტით, მაგრამ მერიის შესაძლებლობები საკმაოდ შეზღუდულია. გვაქვს დასაქმების პრობლემები, მიუხედავად იმისა, რომ ძალიან  ბევრი ინფრასტრუქტურული პროექტი ხორციელდება და ძირითადად ადგილობრივებს ასაქმებენ, ყველას არ შეუძლია ფიზიკური მუშაობა. დიდია მიგრაცია, საზღვარგარეთაა ბევრი წასული, ეს ერთის მხრივ ცუდია, მაგრამ მეორეს მხრივ, მძიმე სოციალურ ფონს ამსუბუქებს.

 

ბაჩო ადამია




„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა

„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა
access_time2020-05-30 23:58:40
სფეის იქსის“ რაკეტა „ფალკონ...

ევროპის ყველაზე უსაფრთხო სამოგზაურო მიმართულებების რეიტინგში თბილისი პირველ ადგილს იკავებს

ევროპის ყველაზე უსაფრთხო სამოგზაურო მიმართულებების რეიტინგში თბილისი პირველ ადგილს იკავებს
access_time2020-05-31 10:00:08
ევროპის 20 ყველაზე უსაფრთხო სამოგზაურო მიმართულებაზე European Best Destinations-ის მიერ გამოქვეყნებულ რეიტინგში თბილისი პირველ ადგილს იკავებს. „კოვიდ 19“-ის თვალსაზრისით, ყველაზე უსაფრთხო მიმართულებად ევროპაში სწორედ თბილისი...

ქუთაისში მდებარე საწარმომ მზის პანელები აშშ-ში ექსპორტზე გაიტანა

ქუთაისში მდებარე საწარმომ მზის პანელები აშშ-ში ექსპორტზე გაიტანა
access_time2020-05-30 21:00:36
ძალიან სასიხარულოა, რომ საწარმო კორონავირუსის პანდემიის შემდეგ, როცა ჩვენ ვხსნით ეკონომიკას, საწარმო გაფართოებას გეგმავს. მის გეგმებში დიდი კორექტირება არ...

ჩინური კომპანია 99%-ით არის დარწმუნებული, რომ მათ მიერ შექმნილი კორონავირუსის ვაქცინა ეფექტური იქნება

ჩინური კომპანია 99%-ით არის დარწმუნებული, რომ მათ მიერ შექმნილი კორონავირუსის ვაქცინა ეფექტური იქნება
access_time2020-05-30 19:52:32
ჩინელი მეცნიერები 99%-ით არიან დარწმუნებულები, რომ კორონავირუსის ვაქცინა, რომელზეც მუშაობენ ეფექტური იქნება, - ამის შესახებ ინფორმაციას...

ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში

ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში
access_time2020-05-30 15:49:21
მაისიც ძალიან მძიმე იქნება, ივნისიც და ზოგადად, წლის ბოლოს ნავარაუდევია ეკონომიკის სერიოზული ვარდნა, - ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებს განუცხადა, რითაც გამოეხმაურა “საქსტატის” მონაცემებს აპრილში ეკონომიკის 16.6%-იან ვარდნასთან...


მსგავსი სიახლეები

up