„სახელმწიფო აზარტულ თამაშებს ლობირებს“

„სახელმწიფო აზარტულ თამაშებს ლობირებს“

access_time2020-01-15 10:50:16

საქართველოს მოსახლეობის მესამედი აზარტულ თამაშზეა დამოკიდებული. ლუდომანია , რომელიც მსოფლიო ჯანდაცვის ორგანიზაციებმა უმძიმეს დაავადებათა სიაში შეიყვანა, ჩვენს ქვეყანაში ხელისუფლებისგან  შესაბამისი „სტატუსი“ მინიჭებული არ აქვს.

 

იმ ფონზე, როდესაც 3000 პატიმრიდან 856 აზარტული თამაშების გამო ჩადენილი დანაშაულისთვის იხდის სასჯელს, სახელმწიფო ბიზნესს ვერ ან არ არეგულირებს. 


ორგანიზაცია დედები აზარტული თამაშების წინააღმდეგ ხელმძღვანელი თამარ ჯაფარიძე მთავრობას სათამაშო ბიზნესში ხელშეწყობისთვის ღიად ადანაშაულებს და მათ პასუხისმგებლობაზე საუბრობს.

 

„ქვეყანაში სადაც, 300 000 სახლ-კარ დაკარგული ადამიანიდან, მესამედი ლუდომანიაზე მოდის და სახელმწიფო ჩახსნილია ამ საქმიდან, ეს ხომ გონივრულ ეჭვს ბადებს, რომ ხელისუფლება ლობირებს ამ ბიზნესს. თავს იმართლებენ, რომ  უცხოელი პარტნიორები არიან ამ ბიზნესში ჩართული და ვერ შეეხებიან. ფიქრობენ უცხოელ პარტნიორებზე მაშინ, როდესაც ქვეყანაში ლუდომანიის გამო სუიციდის რიცხვი ყოველდღიურად მატულობს. ქვეყანას არ აქვს იმის მზაობა, რომ ბიზნესი იყოს არა მხოლოდ ბიზნესისთვის, არამედ ქვეყნისთვისაც.“-აცხადებს თამარ ჯაფარიძე და ქვეყნის პრეზიდენტსა და პრემიერს საქმეში მეტი ჩართულობისკენ მოუწოდებს.  

 

„პირადად ჩვენს ორგანიზაციას ოფიციალური წერილი აქვს მიწერილი როგორც პრეზიდენტისთვის, ასევე პრემიერ  გიორგი გახარიასთვის, თუმცა, მეორე თვეა არ რეაგირებენ ჩემს მიმართვაზე. სახელმწიფო სამსახურში მითხრეს, რომ გიორგი გახარია ამ წერილს ვერ წაიკითხავს,  აპარატის სამსახურმა წაიკითხა თუმცა , თქვა, რომ აღნიშნულზე კომენტარს ვერ გავაკეთებს.  ეს გონივრულ ეჭვს მიჩენს, რომ ხელისუფლებას საკუთარი ინტერესები აქვს აზარტული თამაშების მიმართ, ინტერესი, რომ ეს ბიზნესი საქართველოში მეტად გაფართოვდეს.  ქვეყანაში სადაც ხალხის მიერ დაფინანსებულ ამბროლაურის მერს 50 ბილეთი აქვს კონკრეტულ სათამაშო სექტორში  და მანქანას იგებს, საერთოდ რაზე საუბრობენ.  ამაზე პასუხი მოსთხოვა გიორგი გახარიამ, საჯარო მოხელეს? რა თქმა უნდა არა - იმიტომ რომ ხელს უწყობენ ერთმანეთს და ყველა ერთად კი  აზარტულ თამაშებს. “-ახადებს ჯაფარიძე.

ორგანიზაცია „დედები აზარტული თამაშების წინააღმდეგ“ ხელმძღვანელი აზარტულ თამაშებს, როგორც პოლიტიკური ასევე ჯანდაცვის, სოციალური და სამართლებრივი კუთხითაც განიხილავს.


 

„ეს ბიზნესი დამაზარალებელია, როგორც პოლიტიკურად, რადგან უკვე მიიღო სახელმწიფომ  საერთაშორისო პარტნიორებისგან შენიშვნა,  რომ ეს  ბიზნესი არ არის გამჭვირვალე,ასევე სოციალური კუთხით, სადაც ადამიანები თავიანთი შრომით აღებულ შემოსავალს სათამაშო ბიზნესში კარგავენ, თან ისე რომ  ფულმა  შიდა ბაზარზე მოხმარება ვერ ჰპოვა.  აღსანიშნავია ჯანდაცვის სფეროც,  სადაც ლუდომანია უმძიმესი დაავადებათა რიგშია მოხვედრილი და სახელმწიფოს მხრიდან გვერდით დგომას საჭიროებს.  სამართლებრივად თუ მივუდგებით საკითხს,  ყველა ლუდომანი  კრიმინალის ჩამდენია,  ამაში კი თავად ბიზნესი უწყობს ხელს. საკუთარი ნაშრომი და ოჯახის წევრების რომ აღარ ჰყოფნით, სხვისი ნივთების უკანონოდ დასაკუთრებაზე გადადიან.“-აცხადებს თამარ ჯაფარიძე.

 

არასამთავრობო ორგანიზაცია „აზარტული თამაშებისა და ლუდომანიის პრევენციის ცენტრის“ ხელმძღვანელი გუგა ბესელია ,  იმ სტატისტიკას გამოეხმაურა სადაც ტოპ 10 საწარმოს შორის 6 სათამაშო ბიზნესია.  მისი თქმით,  ადამიანები, რომლებიც ჩართულები არიან თამაშში ,უფრო მეტს ხარჯავენ, ვიდრე მთლიანი მოსახლეობა კვებაში.


„კომერსანტის“ კითხვაზე თუ რა უნდა გააკეთოს სახელმწიფომ იმისთვის, რომ ქვეყანასი ლუდომანების რიცხვი შემცირდეს ბესელია გვპასუხობს, რომ:


„გვაქვს კონკრეტული მოთხოვნები, შეიზღუდოს გარე რეკლამები,  დაწესდეს ასაკობრივი ზღვარი,  მინიმუმ 21 წლამდე.  აუცილებელია გამკაცრდეს რეგისტრაციაც. ჩვენი ორგანიზაცია არის საერთაშორისო ლუდომანიის საბჭოს წევრი, მათ ავუხსენით საქართველოში არსებული რეალობა და გამოსავალი მოვძებნეთ ერთად, რაც მდგომარეობს იმაში, რომ თუკი სამოქალაქო რეესტრი შევა ონლაინ სამორინეში, თავად განსაზღვრავს, რეგისტრაციის ბაზაში პირადი ნომერის მფლობელს. რაც თავისთავად შეამცირებს ონლაინ სამორინეებში არასრულწლოვნების რიცხვს. ასევე არსებობს იდენტიფიკაციის კიდევ ერთი საშუალება,  დარეგისტრირების დროს ფოტოს გადაღება, რომელიც საერთაშორისო პრაქტიკაა. ამით გამოვრიცხავთ იმ ფაქტებს, როდესაც მოზარდები ბებიების ბაბუებისა და ოჯახის სხვა წევრების სახელით რეგისტრირდებიან.“

 

შეგახსენებთ, რომ  აზარტული თამაშების საერთო ბრუნვიდან, რომელიც 12 მლრდ. ლარია, სახელმწიფო ბიუჯეტში მხოლოდ 338 მლნ ლარი შედის, რაც ქვეყნის ეკონომიკურ მდგომარეობაზე დადებით გავლენას ვერ ახდენს. დღეის მდგომარეობით, ქვეყნის მთავარი ბიზნესი სათამაშო ბიზნესია. ბრუნვის მოცულობით  10 საწარმოს შორის  6 აზარტული თამაშებია.


ნათია ლომიძე 




პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ
access_time2020-01-24 17:00:32
დღეს, პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ.ბანკის მენეჯმენტთან შეხვედრის ფარგლებში, მოეწყო დისკუსია თემაზე „ინოფინის საგარანტიო პროგრამა და მისი მნიშვნელობა მცირე და საშუალო ბიზნესის განვითარებისთვის“. მონაწილეებმა ამომწურავი ინფორმაცია მიიღეს პროგრამის ფარგლებში არსებული დაფინანსების შესაძლებლობების შესახებ. ღონისძიების ძირითადი მიზანი გახლდათ,...

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“
access_time2020-01-24 18:30:53
„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“- პარლამენტის წევრი, ლევან კობერიძე ტვ პირველის გადაცემაში „რეაქცია“ პოლიტიკურ და ელიტურ კორუფციაზე საუბრობს. ის აღნიშნავს,რომ არსებობენ „მსხვილი ჯგუფები“, რომლებიც ქვეყანაში არსებულ პროცესებს მართავენ. „ეს ის ჯგუფებია,რომლებმაც თავის დროზე არაერთი ფინანსთა მინისტრი და პრემიერ მინისტრიც კი...

„კომერსანტის“ 24 იანვრის TOP 10 თემა

„კომერსანტის“ 24 იანვრის TOP 10 თემა
access_time2020-01-24 21:30:35
„კომერსანტის“ 24 იანვრის TOP 10 თემა 1.მმართველი გუნდის წევრები კორუფციის აღქმის ინდექსის შედეგებს არ იცნობენ 2.„ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად...

„უკრაინაში ფრინველის გრიპის მიუხედავად, საქართველოს ბაზარს საფრთხე არ ემუქრება“

„უკრაინაში ფრინველის გრიპის მიუხედავად,  საქართველოს  ბაზარს საფრთხე არ ემუქრება“
access_time2020-01-24 18:00:33
„ევროპას მიზეზი უნდა, რომ უკრაინას და საქართველოს გზა  ჩაუკეტონ. ხელოვნურად იწვევენ პრობლემას.“-ასე გამოეხმაურა ევროკავშირის  მიერ  უკრაინიდან ფრინველის ხორცის იმპორტის დროებით შეზღუდვას  „მეფრინველეობის ასოციაციის“ თავმჯდომარე ზურაბ უჩუმბეგაშვილი.   უკრაინული მხარის ინფორმაციით, ევროკავშირის გადაწვეტილება ვინიცკის ოლქში ფრინველის გრიპისგან დახოცვის ფაქტს უკავშირდება, რომელიც 18 იანვარს დაფიქსირდა. შესაბამისად, ევროკავშირმა ფრინველის...

მსოფლიოში ბევრი ადგილია, სადაც ინვესტორები ინვესტიციას ჩადებენ - მაიკლ ქაუგილი

მსოფლიოში ბევრი ადგილია, სადაც ინვესტორები ინვესტიციას ჩადებენ - მაიკლ ქაუგილი
access_time2020-01-24 16:30:13
„ჩვენ ყველამ ერთად უნდა ვიმუშაოთ პრობლემების გამოსასწორებლად,  რადგან მსოფლიოში ბევრი ადგილია, სადაც ინვესტორები ინვესტიციას ჩადებენ.“ - ასე გამოეხმაურა ჟურნალისტებთან საუბრისას აშშ-ს სავაჭრო პალატის თავმჯდომარე მაიკლ ქაუგილი ამერიკელი კონგრესმენების მიერ გიორგი გახარიასთვის გამოგზავნილი წერილის შინაარსს. ოთხი ამერიკელი კონგრესმენის მიერ წერილში გამოხატური შეშფოთება  „დაპირებულ დემოკრატიულ რეფორმებზე უარისა და  ანაკლიის ღრმაწყლოვანი პორტის პროექტის...


მსგავსი სიახლეები

up