სახელმწიფო ავტოიმპორტიორებისთვის არაფერს აკეთებს, მოდით ხელს მაინც ნუ შეუშლით - ალექსი ნონიაძე

სახელმწიფო ავტოიმპორტიორებისთვის არაფერს აკეთებს, მოდით ხელს მაინც ნუ შეუშლით - ალექსი ნონიაძე

access_time2020-09-23 13:40:46

რა გავლენა იქონია პანდემიამ ავტოიმპორტიორების ბიზნესზე და რა მოთხოვნები აქვთ ამ ბიზნესში ჩართულ ადამიანებს მთავრობასთან ? - საქართველოს ავტო იმპორტიორთა ასოციაციის გამგეობის წევრის, ალექსი ნონიაძის განცხადებით, საზღვრების დაკეტვით საქართველოში არსებულ 24 ათასზე მეტი ავტოიმპორტიორს გაკოტრების საშიშროება უდგას.


„დღეს საქართველოში დაახლოებით 24 ათასი ავტოიმპორტიორია, ზუსტი ციფრი არ არსებობს, მაგრამ შეიძლება ითქვას, რომ უფრო მეტი ადამიანია ამ ბიზნესში ჩართული. ამასთანავე, მასზე მიბმულია სხვა სექტორებიც, როგორიცაა ავტოსერვისები, მეორადი ნაწილების ბაზარი და ა.შ. ეს არის დიდი ჯაჭვი, იკვეთება კავშირი ტურიზმთან. თუ კი პანდემია ვინმეს შეეხო და დააზარალა, ერთ-ერთი სწორედ ეს ბაზარია.


ჩვენი ბაზარი არაფერს აწარმოებს, მხოლოდ მომსახურების სფეროთია დაკავებული, თუმცა ავტო იმპორტიორთა შეტანილი თანხა ბიუჯეტში ძალიან მნიშვნელოვანია. საზღვრების დაკეტვით მოისპო იმის საშუალება, რომ ავტომობილები ჩამოვიდეს და გაიყიდოს, მოთხოვნაც შემცირებულია. საქ სტატის ოფიციალური მონაცემებით 1/3-ით  არის შემცირებული, მაგრამ შეგვიძლია ვთქვათ,რომ ფაქტობრივად, ბაზარი განახევრდა,- ამბობს ალექსი ნონიაძე.


მისი განცხადებით, ავტო იმპორტის ბიზნესი უკრაინიდან, აზერბაიჯანიდან, სომხეთიდან და ყაზახეთიდან შემოსულ ავტოდილერებზეა დამოკიდებული, თუმცა საზღვრების დაკეტვამ მათ მობილობას სერიოზული პრობლემები შეუქმნა.



რეექსპორტზე გამოსატანი ავტომობილები უკვე აღარ იყიდება, ადამიანებს ყოველდღიური ხარჯი აქვთ, მათ უკან ოჯახებია და იძულებულები არიან,რომ დაბალ ფასად გაყიდონ ავტომობილები. არის საშიშროება,რომ საერთოდ გაქრეს ეს ბაზარი და სხვა ქვეყანამ აიღოს ინიციატივა, ჩვენ კი დავრჩებით 7 მილიონიანი დოლარის ბაზრის გარეშე,- ამბობს ნონიაძე.


მისი თქმით, ავტო იმპორტიორთა ასოციაციამ ორი მნიშვნელოვანი მოთხოვნა გააჟღერა : პირველი მოთხოვნის თანახმად, 2021 წლის მარტამდე უნდა გადავადდეს განბაჟების ვალდებულება   1-ლი მაისის შემდეგ შემოყვანილი ავტომობილებისთვის; მეორე მოთხოვნა კი ეხება იმ ქვეყნების საზღვრების გახსნას, რომელთანაც ხდება ავტომობილების საქართველოდან რეექსპორტი.


სახელმწიფო ამ ბიზნესისთვის არაფერს აკეთებს,  ავტოიმპორტიორებს კი ბიუჯეტში ფული შეაქვთ, მოდით, ნუ შეუშლით მაინც ხელს.  პირველ მაისამდე შემოყვანილ ავტომობილებს გადაუვადეს განბაჟების ვალდებულება  შემდეგი წლის მარტამდე, რატომ არ შეიძლება,რომ 1-ლი მაისის შემდეგ შემოყვანილ ავტომობილებსაც გადაუვადდონ? ავტო იმპორტთა დიდ ნაწილს პირველ მაისამდეც აქვთ შემოყვანილი და პირველი მაისის შემდეგაც, რომელი ავტომობილით იზარალებს  და გაკოტრდება, არსებითი მნიშვნელობა არ აქვს.


მეორე მნიშვნელოვანი საკითხია საზღვრების გახსნა, არა მთლიანად, არამედ ჩვენ მიერ შეთავაზებული სქემით, რაც გულისხმობს, ავტო დილერის დარეგისტრირებას საიტზე, შემდეგ ამ ადამიანის ჩამოსვლას და საზღვარზე პისიარ ტესტის გაკეთებას, უარყოფითი პასუხის შემთხვევაში ორგანიზებულად სატრანსპორტო საშუალებით გადავიყვანთ მას სასტუმროში, ხოლო მეორე დილით - განსაზღვრული დროის მონაკვეთში მას შეეძლება გადაადგილება ბაზრის ტერიტორიაზე, ღია სივრცეში ყველა წესის დაცვით. მას გააკონტროლებს დაცვის ან საპატრულო პოლიცია.  შემდეგ მის შეძენილ ავტომობილს ვტვირთავთ და ვემშვიდობებით. 


გვითხრეს,რომ საკოორდინაციო საბჭოს წინაშე დადგებოდა ეს საკითხი, მთავრობა სრულად ფლობს ინფორმაციას, თუმცა წინგადადგმული ნაბიჯები არ ჩანს. ავტო იმპორტიორებისთვის სახელმწიფომ შექმნა გარკვეული პირობები,რაც კარგად გამოიყენეს მათ. ამის შემდეგ, სახელმწიფოს ამ ხალხისთვის არაფერი გაუკეთებია, სახელმწიფოს არაფერს სთხოვს ეს ხალხი, გარდა იმისა,რომ მისცეს მათ საშუალებას იმუშაონ და ბიუჯეტში ფული შეიტანონ,- ამბობს ალექსი ნონიაძე.







„გალფს“ ზესტაფონის ავტოგასამართი სადგური ჩამოერთმევა - კომპანია საავტომობილო გზების დეპარტამენტთან ვერ შეთანხმდა

„გალფს“ ზესტაფონის ავტოგასამართი სადგური ჩამოერთმევა - კომპანია საავტომობილო გზების დეპარტამენტთან ვერ შეთანხმდა
access_time2020-10-28 18:45:59
საქართველოს საავტომობილო გზების დეპარტამენტი „სან პეტროლიუმ ჯორჯიას“ ზესტაფონის მუნიციპალიტეტის სოფელ ძირულაში მდებარე არასასოფლო-სამეურნეო დანიშნულების 1476.00 კვ.მ მიწის ნაკვეთს და მასზე მდგომ შენობა-ნაგებობას იძულებით ჩამოართმევს.   ეკონომიკის მინისტრმა გზების დეპარტამენტს ექსპროპრიაციის უფლება უკვე მიანიჭა. ბრძანება "საკანონმდებლო მაცნეზე" გამოქვეყნდა. დოკუმენტიდან ირკვევა, რომ „დასახელებული უძრავი ქონების ნებაყოფლობით გამოსყიდვაზე დეპარტამენტსა და მესაკუთრეს...

28 ოქტომბერი - რეგიონში მხოლოდ ქართული ლარი და თურქული ლირა გაუფასურდა

28 ოქტომბერი - რეგიონში მხოლოდ ქართული ლარი და თურქული ლირა გაუფასურდა
access_time2020-10-28 18:10:22
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 28 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-28 21:00:16
დღის Top 10 საინტერესო ამბავი:   1. „ქართული ოცნების“ ეკონომიკური საქმიანობის TOP 20 ნეგატიური შედეგი „კომერსანტმა“ გადაწყვიტა შემოგთავაზოთ „ქართული ოცნების“ ეკონომიკური საქმიანობის ნეგატიური შედეგები, რომლებმაც ქვეყანის განვითარება  შეაფერხა   2. საქართველოს ეროვნული ბანკი მონეტარული პოლიტიკის განაკვეთს უცვლელად, 8.0...

ცხინვალის არაღიარებულ რესპუბლიკაში საავადმყოფოები ინფიცირებულთა მზარდ რაოდენობას ვეღარ იტევს

ცხინვალის არაღიარებულ რესპუბლიკაში საავადმყოფოები ინფიცირებულთა მზარდ რაოდენობას ვეღარ იტევს
access_time2020-10-28 20:00:37
გასულ დღე-ღამეში ცხინვალის არაღიარებულ რესპუბლიკაში კიდევ 64 ადამიანი დაინფიცირდა - ეს ძალიან ბევრია ცხინვალისთვის, სადაც 30 000 ადამიანი ცხოვრობს.   15 სექტემბერს რუსეთს და ე.წ. სამხრეთს ოსეთს შორის საზღვარი გაიხსნა და ამის შემდეგ რესპუბლიკაში ინფიცირების...

მსოფლიო ავიაციაში სამუშაო ადგილები 40%-ით შემცირდება

მსოფლიო ავიაციაში სამუშაო ადგილები 40%-ით შემცირდება
access_time2020-10-28 17:30:17
IATA-ს შეფასებით, 2021 წელს სასურველი საოპერაციო შედეგების მისაღებად და ფინანსური რესურსების შემცირების გასანეიტრალებლად, საჭირო იქნება, ხარჯების კიდევ 30%-ით შემცირება.   ”კრიზისის პირობებში ყოველდღიურად სამუშაო ადგილების დაკარგვის და ეკონომიკური შეფერხების ალბათობა იზრდება. თუ კი სახელმწიფოები სწრაფად არ იმოქმედებენ ავიაციაში 1.3 მლნ სამუშაო ადგილი საფრთხის ქვეშ დადგება. ამას კი დომინოს ეფექტი ექნება, რაც საავიაციო სექტორში დამატებით 3.5 მლნ სამუშაო ადგილს შეუქმნის...


მსგავსი სიახლეები

up