სახალხო დამცველი „ქონებაწართმეული“ მოქალაქეების საქმეების გამოძიების ტემპებით უკმაყოფილოა

სახალხო დამცველი „ქონებაწართმეული“ მოქალაქეების საქმეების გამოძიების ტემპებით უკმაყოფილოა

person access_time2016-05-05 15:12:21

სახალხო დამცველი ადამიანის უფლებების დაცვის კუთხით 2015 წლის ანგარიშში ქვეყანაში საკუთრების უფლების დაცვის მხრივ არსებულ მდგომარეობაზე ამახვილებს ყურადღებას. დოკუმენტში, რომლის მოსმენაც პარლამენტის ადამიანის უფლებათა დაცვის კომიტეტში იწყება, ნათქვამია, რომ  საკუთრების უფლების დაცვა საქართველოს სახალხო დამცველის აპარატის ერთ-ერთი პრიორიტეტული მიმართულებაა. როგორც გასულ წლებში, 2015 წლის საანგარიშო პერიოდშიც, საქართველოს სახალხო დამცველის აპარატმა შეისწავლა არაერთი განცხადება და გამოსცა რეკომენდაციები მოქალაქეთა საკუთრების უფლების ხელყოფის ფაქტთან დაკავშირებით. მისივე განმარტებით, პრობლემები რამდენიმე მიმართულებითაა, მათ შორის: უძრავი ქონების რეგისტრაციასთან დაკავშირებული საკანონმდებლო და პრაქტიკაში არსებული ხარვეზები, სავარაუდოდ დანაშაულებრივი გზით დათმობილი კერძო საკუთრების შესახებ წარმოებული გამოძიება, შიდა ვალად აღიარებული კოოპერატიული ბინათმშენებლობით დაზარალებული მოსახლეობის კომპენსირების საკითხი და ის საკანონმდებლო ცვლილებები, რაც განხორციელდა ან რომელთა განხორციელებაც იგეგმება და არსებითი მნიშვნელობისაა საკუთრების უფლების რეალიზების თვალსაზრისით.

 

ანგარიშში ნათქვამია, რომ საქართველოს სახალხო დამცველი თვალს ადევნებს 2004-2012 წლებში იძულების/ზეწოლის შედეგად უძრავი ქონების მიტოვების, სახელმწიფოსათვის უსასყიდლოდ დათმობისა და სახელმწიფოსათვის ჩუქების შემთხვევების შედეგად დაზარალებული პირების სახელმწიფოს მხრიდან იდენტიფიცირებისა და კომპენსირების საკითხებს. მისივე თქმით, 2015 წლის დასაწყისში მთავარ პროკურატურაში შეიქმნა დეპარტამენტი, რომელიც იძიებს სამართალწარმოების პროცესში ჩადენილ დანაშაულებს. საქართველოს მთავარი პროკურატურის მიერ მოწოდებული ინფორმაციის თანახმად კი საქართველოს მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტში შესულია 4710 განცხადება/საჩივარი, საიდანაც განხილულთაგან 604 განცხადება/საჩივარი ეხება ქონების იძულებით დათმობის და ჩამორთმევის ფაქტებს. 



აღნიშნული დეპარტამენტი იძიებს 307 სისხლის სამართლის საქმეს, რომელიც ეხება ქონების იძულებით დათმობის/ჩამორთმევის და არასათანადო მოპყრობის ფაქტებს. დეპარტამენტში დასრულდა გამოძიება ჯამში 29 დანაშაულებრივ ფაქტზე, მათ შორის, სისხლისსამართლებრივი დევნა დაწყებულია 5 პირის მიმართ ქონების იძულებით დათმობის/ჩამორთმევის და გამოძალვის ფაქტთან დაკავშირებით. დეპარტამენტის მიერ გამოვლენილი ქონების იძულებით ჩამორთმევის დანაშაულებრივი ფაქტების შედეგად დაზარალებულად იქნა ცნობილი 40 პირი, რომელთაც პროკურატურის შემაჯამებელი გადაწყვეტილების შედეგად, საქართველოს ეკონომიკისა და მდგრადი განვითარების სამინისტროს მიერ დაუბრუნდათ 39 ავტომანქანა, 2 მიწის ნაკვეთი, 3 საცხოვრებელი ბინა, 1 საოფისე ფართი, 48 სახეობის ოქროს ნაკეთობა. დაბრუნების პროცესშია ერთ-ერთი ღვინის ქარხანა, რომლის საერთო ღირებულება შეადგენს დაახლოებით 13 მილიონ ლარს. მიუხედავად ზემოაღნიშნული ფაქტებისა, საქართველოს სახალხო დამცველი მიიჩნევს, რომ საქართველოს მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის საქმიანობა ვერ ჩაითვლება ეფექტიანად, რადგანაც 2015 წლის განმავლობაში ამ დეპარტამენტში წარდგენილი განცხადება/საჩივრების რაოდენობის გათვალისწინებით, ამ დროისათვის გამოძიება მხოლოდ ერთეულ შემთხვევებშია დასრულებული. შესაბამისად, ყველა დანარჩენ შემთხვევაში დღის წესრიგში დგას სწრაფი და ეფექტიანი გამოძიების ჩატარების საკითხი.

 

საქართველოს სახალხო დამცველი შესაბამისი რეკომენდაციებით მიმართავს, საქართველოს პარლამენტს, მთავრობას,ეკონომიკის სამინისტროს, საჯარო რეესტრის ეროვნულ სააგენტოს და მთავარ პროკურატურას.



„ვენდი“ და „დანკინი“ მიწოდების უკონტაქტო სერვისზე გადადის

„ვენდი“ და „დანკინი“ მიწოდების უკონტაქტო სერვისზე გადადის
access_time2020-03-28 12:00:57
„ვენდი“ და „დანკინი“ ითვალისწინებს ჯანმრთელობის უსაფრთხოების რეკომენდაციებს და მიწოდების სრულად უკონტაქტო სერვისზე გადადის. ამერიკული რესტორნების ერთგულ მომხმარებლებს საერთაშორისო მიტანის სერვისების "გლოვოსა" და "ვოლტის" დახმარებით, ამიერიდან, აღარ უწევთ შეკვეთის ჩაბარებისას ხელის მოწერა. მათ ურჩევენ აირჩიონ ბარათით გადახდა, თუმცა აუცილებლობის შემთხვევაში, შეუძლიათ კურიერისთვის მისაცემი თანხა კართან დატოვონ, კურიერი კი ასევე მომხმარებელთან შეთანხმებით, შეკვეთას კართან ტოვებს,...

Dyson, აპრილის დასაწყისში, 15000 სასუნთქ აპარატს გამოუშვებს

Dyson, აპრილის დასაწყისში, 15000 სასუნთქ აპარატს გამოუშვებს
access_time2020-03-28 13:00:00
ბრიტანულმა ტექნოლოგიურმა კომპანია Dyson-მა, რომელიც მაღალი ხარისხის მტვერსასრუტებისა და თმის საშრობების წარმოებითაა ცნობილი, სასუნთქი აპარატების გამოშვება გადაწყვიტა. კომპანიამ 10 დღეში შეიმუშავა ახალი სასუნთქი აპარატის, სახელად CoVent დიზაინი და მას უკვე აქვს 10 000 ასეთი მოწყობილობის შეკვეთა, გაერთიანებული სამეფოს მთავრობისგან.   Dyson-მა სასუნთქი აპარატები ციფრული ძრავის ტექნოლოგიაზე დაყრდნობით შექმნა, რომელსაც სხვა პროდუქტებში აქამდე იყენებდა. წარმოების დასაწყებად ის...

ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება

ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება
access_time2020-03-28 10:00:07
ლიბერთი ბანკმა, რამდენიმე დღის წინ (21 მარტს), საკუთარი...

დონალდ ტრამპმა ქვეყნის ისტორიაში ყველაზე მასშტაბური ეკონომიკის სტიმულირების კანონს ხელი მოაწერა

დონალდ ტრამპმა ქვეყნის ისტორიაში ყველაზე მასშტაბური ეკონომიკის სტიმულირების კანონს ხელი მოაწერა
access_time2020-03-28 10:02:04
ამერიკის შეერთებული შტატების პრეზიდენტმა ქვეყნის ისტორიაში ყველაზე მასშტაბური ეკონომიკის...

3 თვეც რომ გაჩერდნენ საწარმოები, დეფიციტი არ შეგვექმნება - რა გავლენას მოახდენს ქართულ იმპორტზე რუსეთის ერთკვირიანი შესვენება

3 თვეც რომ გაჩერდნენ საწარმოები, დეფიციტი არ შეგვექმნება - რა გავლენას მოახდენს ქართულ იმპორტზე რუსეთის ერთკვირიანი შესვენება
access_time2020-03-28 11:30:52
დღეიდან, რუსეთში ერთთკვირიანი არასამუშაო პერიოდი დაიწყო. როგორც რუსეთის ფედერაციის პრეზიდენტმა ვლადიმერ პუტინმა განმარტა,  ჯანდაცვასთან დაკავშირებული სტრუქტურები მუშაობას ჩვეულებრივ აგრძელებენ, როგორებიცაა სამედიცინო დაწესებულებები, აფთიაქები, მაღაზიები, ასევე საბანკო სერვისცენტრები, ტრანსპორტი. შესაბამისად, შეჩერდება საწარმოებისა და ქარხნების მუშაობაც. რა გავლენას მოახდენს ქართულ იმპორტზე რუსეთის ერთკვირიანი შესვენება...


მსგავსი სიახლეები

up