"საწყობში ვიძინებთ..." - "სპარის" თანამშრომლებს 21:00 საათიდან დილის 6 საათამდე მაღაზიაში ტოვებენ

access_time2020-04-06 11:04:49

სუპერმარკეტების ქსელმა "სპარმა" საყოველთაო კარანტინის დროს სამუშაო საათები გაზარდა. კომპანია კომენდანტის საათის დროს, 21:00 საათიდან დილის 6 საათამდე თანამშრომლებს მაღაზიებში ტოვებს და კვირის განმავლობაში 45-საათიის ნაცვლად 60-საათს ამუშავებს. კომპანიის ამ გადაწყვტილებას მომხმარებელთა დიდი ნაწილის მხრიდან კრიტიკა მოჰყვა.


ამის შემდეგ, „სპარმა“ სპეციალური განცხადებაც გაავრცელა:

„ძვირფასო მომხმარებლებო❗

მოგეხსენებათ, ჩვენ პირველებმა გადავწყვიტეთ სრულად აგვეთვისებინა არასაკომენდანტო დრო და მომხმარებლებს მოვმსახურებოდით 06:00-21:00 საათებში.
ამ გადაწყვეტილებამ საზოგადოებაში არაერთგვაროვანი რეაქცია გამოიწვია. აქედან გამომდინარე, გვსურს მეტი ინფორმაცია მოგაწოდოთ ამ საკითხთან დაკავშირებით, დეტალურად გაგაცნოთ ის გარემოებები, რის გამოც მივიღეთ აღნუშნული გადაწყვეტილება და პასუხი გავცეთ ამ თემასთან დაკავშირებით ხშირად დასმულ კითხვებს:

❓ შეესაბამება თუ არა რეალობას, რომ სპარი 06:00-დან 21-00 საათამდე მუშაობს?
• დიახ შეესაბამება, სპარის ყველა ფილიალი მოცემულ საათებში ემსახურება მომხმარებელს;

❓ 21:00 საათის შემდგომ როგორ ხდება თანამშრომლების ტრანსპორტირება და უწევთ თუ არა მათ მაღაზიაში დარჩენა?
• ღამის ცვლის თანამშრომლები კომპანიის მიერ დაქირავებული ტაქსებით ობიექტზე ცხადდებიან საღამოს 19:00 საათზე და ობიექტს ტოვებენ დილის 09:00 საათზე კომპანიისავე დაქირავებული ტაქსებით. ამ ხნის განმავლობაში კი მაღაზიის სამუშაო საათებში ემსახურებიან მომხმარებლებს, ხოლო შემდგომ ავსებენ თაროებს, ამოწმებენ ვადებს და მაღაზიას ამზადებენ იმისთვის, რომ დილით მომხმარებელს დახვდეს მაქსიმალურად მოწესრიგებული.

❓უნაზღაურდებათ თუ არა მაღაზიაში დარჩენილ თანამშრომლებს მაღაზიაში გატარებული დრო?
• ღამის ცვლის თანამშრომლებს უნაზრაურდებათ მაღაზიაში გატარებული დროის 100%, მათ შორის 21:00-დან 06:00 საათამდე პერიოდი, როდესაც მაღაზია დაკეტილია და ისინი ახორციელებენ შიდა სამუშაოებს;

❓არიან თუ არა ვალდებულები ღამის ცვლის თანამშრომლები, რომ დარჩნენ მაღაზიაში?
• რა თქმა უნდა, ნებისმიერი სამუშაო არის ნებაყოფლობითი, ჩვენ ღამის ცვლა გვყავდა აქამდეც და გვყავს ახლაც, შესაბამისად, ამით არაფერი შეცვლილა, გარდა იმისა, რომ როდესაც მაღაზია დაკეტილია ამ პერიოდში აღარ უწევთ მომხმარებლის მომსახურება.


❓ რამ განაპირობა მსგავსი გადაწყვეტილების მიღება, მით უმეტეს, რომ სხვა თქვენი კონკურენტები ძირითადად მხოლოდ 08:00 – 20:00 საათებში მუშაობენ
• პანდემიის დაწყებამდე, მოგეხსენებათ სპარი 24 საათის განმავლობაში ემსახურებოდა მომხმარებელს. საგანგებო მდგომარეობის პირობების გამკაცრების შემდგომ კი შეგვეზღუდა სამუშაო საათები. რაც იმას ნიშნავდა, რომ ან უნდა შეგვემცირებინა ღამის ცვლის თანამშრომლები ან მოგვეძებნა გამოსავალი და შეგვენარჩუნებინა ისინი.


გამომდინარე იქიდან, რომ ჩვენ ყოველთვის განსაკუთრებული პასუხისმგებლობით ვეკიდებით ჩვენს თითოეულ ნაბიჯს, გადავწყვიტეთ მიგვეღო კომპანიისათვის არამომგებიანი გადაწყვეტილება და ღამის ცვლის 700-მდე თანამშრომელი კვლავ აგრძელებს თავისი ფინქცია-მოვალეობების შესრულებას, ისევ და ისევ იმისთვის, რომ ერთის მხრივ, მომხმარებელს ჰქონდეს შესაძლებლობა სრულად ისარგებლოს არასაკომენდანტო პერიოდში ჩვენი მომსახურებით და მეორეს მხრივ, ქვეყანას არ დაემატოს დიდი რაოდენობის უმუშევარი ადამიანი.


ამასთანავე, 3 საათით ზედმეტი სამუშაო დრო, რასაც ჩვენი მაღაზიები კონკურენტებთან მიმართებაში მუშაობენ რა თქმა უნდა, კომერციულად მომგებიანი ვერ იქნება ჩვენთვის, რადგან ამდენი ადამიანის ხელფასს და 200 ათასზე მეტი ლარის ტრანსპორტირების დამატებით ხარჯს ბუნებრივია, სრულად ვერ დაფარავს 3 საათში მიღებული შემოსავალი.


სამწუხაროა, საზოგადოების გარკვეული ნაწილის უარყოფითი დამოკიდებულება, თუმცა ვფიქრობთ, ეს სრული ინფორმაციის არ ფლობის გამო მოხდა და მას შემდეგ, რაც ყველა კითხვას გავეცით პასუხი, მოსახლეობის უდიდესი ნაწილი სწორად აღიქვამს თუ როგორი სწორი ნაბიჯი გადაიდგა სპარის მხრიდან, რადგან დარწმუნებული ვარ არავინ ჩათვლის, რომ ასეთ დროს თანამშრომლის იგივე პირობებით შენარჩუნებაზე უკეთესი შესაძლოა, მისი გაშვება ყოფილიყო.


მადლობას გიხდით დათმობილი დროისთვის და გისურვებთ ჯანმრთელობას!“-ნათქვამია „სპარის“ განცხადებაში. 


როგორც  გაზეთი „რეზონანსი“ წერს, "სპარის" თანამშრომლები ამბობენ, რომ მათი უფლებები ირღვევა, თუმცა მათი თქმით, ეს სამახურია და დათმობებზე წასვლა უწევთ.


"როცა იკეტება მაღაზია ვრჩებით და კომენტდანტის საათის მერეც აქ ვართ. ჩვენი უფლებები ირღვევა, მარამ სამსახური ეგეთია. საღამოს მოვდივარ, ვრჩებით და დილით ვიცვლებით. მერე ისევ მოვდივართ... ღამით აქ, მაღაზიაში ვიძინებთ, საწყობში..." - აცხადებენ "სპარის" თანამშრომლები.



თეგები:
სპარი



BAG ბიზნესის კლიმატის ინდექსმა აღმასვლის მეოთხედში გადაინაცვლა

BAG ბიზნესის კლიმატის ინდექსმა აღმასვლის მეოთხედში გადაინაცვლა
access_time2020-08-03 12:00:50
2020 წლის მეორე კვარტლის დასასრულს, საქართველოს ბიზნეს ასოციაციის BAG ბიზნეს კლიმატის ინდექსმა „რეცესიის“ მეოთხედიდან (ნეგატიური მიმდინარე მდგომარეობა, ნეგატიური მოლოდინი) „აღმასვლის“ მეოთხედში (ნეგატიური მიმდინარე მდგომარეობა, პოზიტიური მოლოდინი) გადაინაცვლა, რაც იმას ნიშნავს, რომ ივნისის ბოლოს ჩატარებული გამოკითხვის ასასოციაციის წევრებმა თავიანთი მიმდინარე მდგომარეობა კვლავ უარყოფითად, თუმცა მომდევნო ექვსი თვის მოლოდინი პოზიტიურად შეაფასეს. კერძოდ, ბიზნესის მიმდინარე მდგომარეობის...

„ბინათმშენებლობის სექტორი ისედაც აღდგებოდა, უბრალოდ მთავრობის ახალი ინიციატივით, ეს უფრო ადრე მოხდება“ - თიბისი ჯგუფის ეკონომისტი

„ბინათმშენებლობის სექტორი ისედაც აღდგებოდა, უბრალოდ მთავრობის ახალი ინიციატივით, ეს უფრო ადრე მოხდება“ - თიბისი ჯგუფის ეკონომისტი
access_time2020-08-03 12:10:57
6 ივლისიდან 31 ივლისამდე გაცემული იპოთეკური სესხების 30% სუბსიდირების პროგრამის ბენეფიციარია. ამის შესახებ „თიბისი კაპიტალის“ კვლევაშია აღნიშნული. „29 ივლისს დამთავრებულ შვიდ დღეში, გაცემული იპოთეკური სესხების წლიურმა ცვლილებამ 7% შეადგინა. სესხების ახალი გაცემები თვის დასაწყისიდან ზრდის ტენდენციას ინარჩუნებს. 6 ივლისიდან დღემდე გაცემული იპოთეკური სესხების 30% სუბსიდირების პროგრამის ბენეფიციარია. თბილისში ბინების გაყიდვის რეგისტრაციის ზრდის 7 დღის...

ერთ წელში ფასები სურსათზე - 11.5%-ით და ტრანსპორტზე - 9.3%-ით გაიზარდა

ერთ წელში ფასები სურსათზე - 11.5%-ით და ტრანსპორტზე - 9.3%-ით გაიზარდა
access_time2020-08-03 11:10:10
2020 წლის ივლისში წინა თვესთან შედარებით ინფლაციის დონემ საქართველოში -0.5 პროცენტი, ხოლო წლიური ინფლაციის დონემ 5.7 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2020 წლის ივლისში, გასული წლის შესაბამის პერიოდთან შედარებით 6.1 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 5.8 პროცენტით განისაზღვრა. ქვემოთ მოცემულ ცხრილში წარმოდგენილია სამომხმარებლო კალათაში შემავალი საქონლისა და...

Mitsubishi ქარხანას კეტავს: Pajero-ს გზის დასასრული

Mitsubishi ქარხანას კეტავს: Pajero-ს გზის დასასრული
access_time2020-08-02 21:21:59
ქარხანა სამი წლით დაიკეტება! ...

ილონ მასკი ვარაუდობს, რომ ეგვიპტის პირამიდები უცხოპლანეტელებმა ააშენეს

ილონ მასკი ვარაუდობს, რომ ეგვიპტის პირამიდები უცხოპლანეტელებმა ააშენეს
access_time2020-08-02 20:00:19
ეგვიპტელები მილიარდერ ილონ მასკსქვეყანაში ეპატიჟებიან, რათა დაარწმუნონ, რომ პირამიდები უცხოპლანეტელებს არ აუშენებიათ. ამის შესახებ...


მსგავსი სიახლეები

up