2020 წელს იმპორტი 15.9%-ით $9.5 მლრდ-დან $8 მლრდ-მდე შემცირდა, რაც უფრო ნაკლებია ვიდრე 2017 წელს. ყველაზე დიდი ვარდნა მსუბუქი ავტომობილებისა და ნავთობპროდუქტების მიმართულებით აღინიშნა.

მსუბუქი ავტომობილების იმპორტი 31.4%-ით $1.108 მლრდ-დან $759 მლნ-მდე შემცირდა. ვარდნის მიზეზი რეექსპორტზე მოთხოვნის კლება იყო, რაც ასევე $329 მლნ-ით $404 მლნ-მდე შემცირდა.

34.2%-ით $757 მლნ-დან $498 მლნ-მდე შემცირდა ნავთობროდუქტების იმპორტი. ამ შემთხვევაში მიზეზს ნავთოპროდუქტებზე ფასების ვარდნა წარმოადგენდა და არა მოთხოვნის კლება. მართალია პირველი ლოკდაუნის დროს აპრილში, პანიკის ფონზე, გადაადგილება რეალურად შემცირდა, მაგრამ დეკემბერში პირიქით, თბილისის მასშტაბით კერძო ავტომობილების მოძრაობა 30%-ით გაიზარდა. ნავტობპროდუქტების იმპორტიორთა კავშირის მონაცემებით, პირველ 9 თვეშიც ბენზინისა და დიზელის საწვავის იმპორტის კლებამ მხოლოდ 6.9% შეადგინა.

10.2%-ით $328 მლნ-დან $295 მლნ-მდე შემცირდა ბუნებრივი გაზის იმპორტიც. ამ უკანასკნელის ზუსტი ღირებულება კომერციული საიდუმლოების მოტივით არ საჯაროვდება. მხოლოდ ვარაუდის დონეზე შეიძლება ითქვას, რომ მისი ფასი ნავთობის მსგავსად შემცირდა, თუმცა შედარებით მცირე მოცულობით. რაც სეეხება მოხმარებას გაჩერებული ბიზნესი ნაწილობრივ მაინც საყოფაცხოვრებო გაზის სუბსიდირებაც დააკონპენსირა.

გიორგი ელიზბარაშვილი