საწვავის ძირითადი მომწოდებლები და ხარისხის სტანდარტთან  დაკავშირებული საკითხი

საწვავის ძირითადი მომწოდებლები და ხარისხის სტანდარტთან დაკავშირებული საკითხი

access_time2018-06-13 12:59:48

საქართველოს ნავთობპროდუქტების იმპორტიორთა კავშირის ინფორმაციით, მიმდინარე წელს საქართველოში ბენზინისა და დიზელის საწვავის იმპორტის ყველაზე დიდი მომწოდებლები არიან: რუსეთი - 127 ათასი ტონა (მთელი იმპორტის 29,5%), რუმინეთი -109 ათასი ტონა (25,4%), თურქმენეთი - 70,7 ათასი ტონა (16,4%), აზერბაიჯანი - 67,4 ათასი ტონა (15,7%), ბულგარეთი - 33,2 ათასი ტონა (7,7%), საბერძნეთი - 22,3 ათასი ტონა (5,2%).



საქართველოში დღეს რეალიზაციაში არის მხოლოდ ევრო 5-ის შესაბამისი სტანდარტის ბენზინი. რაც შეეხება დიზელის საწვავს, ის არის ევროპიდან იმპორტირებული - ევრო 5-ის შესაბამისი სტანდარტის და აზერბაიჯანიდან და თურქმენეთიდან იმპორტირებული ევრო 4-ის შესაბამისი სტანდარტის. აქვე უნდა აღვნიშნოთ, რომ აზერბაიჯანიდან და თურქმენეთიდან მხოლოდ დიზელის საწვავის იმპორტი ხორციელდება.



საქართველოში დღეს ბენზინთან დაკავშირებით მოქმედებს საავტომობილო ბენზინის ხარისხობრივი ნორმების შესახებ მთავრობის დადგენილება, რომლის მიხედვითაც ბენზინის შემადგენლობა უნდა აკმაყოფილებდეს შემდეგ მაჩვენებლებს: ტყვიის შემცველობა - არაუმეტეს 0,005 გ/ლ; ბენზოლის მოცულობითი წილი - არაუმეტეს 1%, არომატული ნახშირწყალბადების მოცულობითი წილი - არაუმეტეს 35%, გოგირდის შემცველობა - არაუმეტეს 10 მგ/კგ; ეს არის ევრო 5-ის შესაბამისი სტანდარტი.



რაც შეეხება დიზელის საწვავს, მასთან მიმართებაში მოქმედი დიზელის საწვავის შემადგენლობის ნორმების, ანალიზის მეთოდებისა და მათი დანერგვის ღონისძიებათა შესახებ მთავრობის დადგენილების მიხედვით დიზელის საწვავის შემადგენლობა უნდა აკმაყოფილებდეს შემდეგ მაჩვენებლებს: ცეტანის რიცხვი - არანაკლებ 48; გოგირდის შემცველობა - არაუმეტეს 100 მგ/კგ; სიმკვრივე 150C - არაუმეტეს 845 კგ/მ3; პოლიციკლური არომატული ნახშირწყალბადების მასური წილი - არაუმეტეს 11%.



მთავრობის დადგენილებაშივე აღწერილია, რომ 2019 წლის 1 იანვრიდან მკაცრდება დიზელის საწვავის ხარისხობრივი მოთხოვნები. კერძოდ, მცირდება გოგირდის დასაშვები ოდენობა დიზელის საწვავის შემადგენლობაში 50 მგ/კგ-მდე; ეს არის ევრო 4-ის სტანდარტის შესაბამისი.



აქვე უნდა ითქვას, რომ ბოლო წლების განმავლობაში მნიშვნელოვნადაა გაუმჯობესებული ხარისხობრივი მოთხოვნები ჩვენს ქვეყანაში საწვავთან დაკავშირებით. მაგალითად, 2010 წელს მოქმედებდა შემდეგი ხარისხობრივი მოთხოვნები:




ბენზინზე: ტყვიის შემცველობა - არაუმეტეს 0,013გ/ლ, ბენზოლის მოცულობითი წილი - არაუმეტეს 5%, არომატული ნახშირწყალბადების მოცულობითი წილი - არაუმეტეს 45%, გოგირდის შემცველობა - არაუმეტეს 200 მგ/კგ; (მხოლოდ გოგირდის მაჩვენებელი შემცირდა 20-ჯერ).



დიზელის საწვავზე: ცეტანის რიცხვი - არანაკლებ 45; გოგირდის შემცველობა - არაუმეტეს 350 მგ/კგ; სიმკვრივე 150C - არაუმეტეს 845 კგ/მ3; პოლიციკლური არომატული ნახშირწყალბადების მასური წილი - არაუმეტეს 11% (გოგირდის შემცველობა შემცირდა 3,5-ჯერ).



აქვე უნდა აღვნიშნოთ, რომ ბენზინის ხარისხობროვი მაჩვენებლის გაუმჯობესება მთავრობის დადგენილების მიხედვით დიზელის საწვავთან შედარებით სხვა ფაქტორებთან ერთად დაკავშირებულია იმასთან, რომ ბოლო პერიოდში მნიშვნელოვნად ხდება ბენზინზე მოძრავი სატრანსპორტო საშუალებების (ესენი არიან ძირითადად მსუბუქი ავტომობილები) ავტოპარკის განახლება, მათ შორის სახელმწიფო უწყებების კუთვნილი ავტოპარკის განახლების ხარჯზე. განახლების პროცესი მიმდინარე ეტაპზეც აქტიურად ხორციელდება. მნიშვნელოვნადაა გაზრდილი ასევე ჰიბრიდული და დაბალმოცულობიანი ტიპის ავტომობილების იმპორტი, რომელთა გამოყენება ხშირია ე.წ. „ტაქსებად“.



აქვე უნდა აღვნიშნოთ, რომ ბოლო წლების განმავლობაში ბენზინზე მოძრავი ავტომობილების საკმაო ნაწილი გადავიდა ბუნებრივი აირისა და თხევადი აირის მოხმარებაზე, რომლებიც საწვავთან შედარებით შედარებით ნაკლებად ვნებს ატმოსფერულ გარემოს.



რაც შეეხება დიზელის საწვავზე მოძრავ სატრანსპორტო საშუალებების ავტოპარკს, ის შედარებით ნაკლებად არის განახლებული, ვინაიდან მათი აბსოლუტური უმრავლესობა არის სატვირთო, სასოფლო-სამეურნეო დანიშნულების, სპეც. ტექნიკა. ეს სატრანსპორტო საშუალებები უმეტესად საკმაოდ დიდი წლოვანებისაა, რომელთაც მწარმოებლის მიერ ევრო 4-ზე დაბალი სტანდარტის დიზელის საწვავის გამოყენება აქვთ რეკომენდირებული. გარდა ამისა, ისინი ჩაბმულნი არიან ეკონომიკურ საქმიანობაში (კერძოდ, სამშენებლო, სასოფლო-სამეურნეო და სხვ) და ამიტომ მათთვის დიდი მნიშვნელობა აქვს შედარებით დაბალი ფასის დიზელის საწვავის არსებობას, რისგან გამომდინარეც დიზელის საწვავის ხარისხობრივი მაჩვენებლების გაუმჯობესება არ მოხდა ბენზინის საწვავის ხარისხობრივი მაჩვენებლების გაუმჯობესების პარალელურად.



აქვე უნდა აღვნიშნოთ, რომ საქართველოში დიზელის საწვავის ერთ-ერთი ძირითადი მომწოდებელი გახლავთ აზერბაიჯანის რესპუბლიკა, რომელიც ითვლება ჩვენი ქვეყნისთვის სტრატეგიულ პოლიტიკურ სავაჭრო-ეკონომიკურ პარტნიორად, რომელიც ამავე დროს არის ენერგორესურსების და მათ შორის ნავთობპროდუქტების ტრადიციული სტაბილური მომწოდებელი. სწორედ ამ პარტნიორობის შედეგია ის, რომ საქართველოში 90-იანი წლებიდან მოყოლებული, მათ შორის 2008 წლის რუსეთ-საქართველოს ომის დროსაც, არ ყოფილა საწვავის დეფიციტი. აზერბაიჯანი აწარმოებს ევრო 4-ის შესაბამისი სტანდარტის დიზელის საწვავს და მომავალში მზადაა გადავიდეს ევრო 5-ის სტანდარტზე.



ეკოლოგიური ეფექტის გაუმჯობესებისათვის საჭიროა, რომ საწვავის ხარისხი გაუმჯობესების პარალელურად ხდებოდეს საავტომობილო პარკის განახლებაც, რაც სამწუხაროდ სხვადასხვა ობიექტური მიზეზების გამო ჩვენს ქვეყანაში ჯერჯერობით ვერ ხორციელდება. თუმცა სასურველია, რომ მომავალში შემუშავდეს გარკვეული რეგულაციები სატრანსპორტო საშუალებების იმპორტზე, ვინაიდან სხვა შემთხვევაში გარემოს გაუმჯობესების კუთხით ვითარება არ შეიცვლება. შემოღებულ უნდა იქნეს ავტომობილებზე ეკოლოგიური სტანდარტი, რომელიც დააარეგულირებს გამონაბოლქვში მავნე ნივთიერებების შემცველობას. ასევე მიგვაჩნია, რომ უნდა შეიცვალოს განბაჟების სისტემა და წახალისდეს ახალი ავტომობილების იმპორტი.



იმისათვის, რომ გაირკვეს, რეალურად რა ხარისხის საწვავი იყიდება ქვეყანაში და როგორ სრულდება მთავრობის დადგენილება, სასურველია, რომ უშუალოდ საწვავის ხარისხის კონტროლი ავტოგასამართ სადგურებზე, ბაზებში, ნავთობგადამამუშავებელ საწარმოში სახელმწიფოს მხრიდან უფრო ხშირი ინტენსივობით ხდებოდეს და მოხდეს ამასთან დაკავშირებით საზოგადოების მეტად ინფორმირება.






კომპანია „სილქნეტის“ განცხადება

კომპანია „სილქნეტის“ განცხადება
access_time2019-01-22 22:27:41
კომპანია სილქნეტი სპეციალურ განცხადებას  ავრცელებს. კომერსანტი ტექსტს უცვლელად გთავაზობთ: როგორც საზოგადოებისთვის ცნობილია, საქართველოს სატელეკომუნიკაციო სექტორში 2018 წელს განხორციელებული ბაზრის ლიდერი ორი კომპანიის  - სილქნეტის და ჯეოსელის გაერთიანების შედეგად, შეიქმნა სატელეკომუნიკაციო კომპანია, რომელმაც ინტერნეტის, საკაბელო ტელევიზიისა და ფიქსირებული ტელეფონიის სერვისები გააერთიანა მობილურ სერვისებთან და მომხმარებლებს...

Fund for Peace: საქართველოს მაკროეკონომიკური მაჩვენებლები გაუარესდა

Fund for Peace: საქართველოს მაკროეკონომიკური მაჩვენებლები  გაუარესდა
access_time2019-01-22 20:00:20
საერთაშორისო ორგანიზაცია Fund for Peace ყოველწიურად ადგენს სახელმწიფოების მდგრადობის რეიტინგს, რომელიც ასახავს სხვადსხვა ქვეყნებში პოლიტიკური და ეკონომიკური რისკების დონეს. სიის შემდგენელთა განცხადებით, მათი მიზანია პოლიტიკოსების გაფრთხილება შესაძლო დაძაბულობის და კონფლიქტების შესახებ. ინდექსი ზომავს ქვეყნებს სტაბილურობის დონეს. 2018 წლის მონაცემებით, საქართველომ დაიკავა 83-ე ადგილი 178 ქვეყანას შორის და 120...

პაატა შურღაია:„ბაზისური პენსიის გაცემის ტვირთი რამდენიმე წელიწადში გაიზრდება და ბიუჯეტის 30-40%-ს მიაღწევს, ეს ეკონომიკის კატასტროფაა“

პაატა შურღაია:„ბაზისური პენსიის გაცემის ტვირთი რამდენიმე წელიწადში გაიზრდება და ბიუჯეტის 30-40%-ს მიაღწევს, ეს ეკონომიკის კატასტროფაა“
access_time2019-01-22 19:00:48
მთავრობამ 2019 წლის პირველი იანვრიდან ქვეყანაში ნაწილობრივ სავალდებულო დაგროვებითი საპენსიო რეფორმის აამოქმედა. დაგროვებითი პენსიის კანონი პარლამენტმა 2018 წლის 21 ივლისს მიიღო. სისტემის ამოქმედების შემდეგ, მოქალაქეების მიერ დაზოგილ თანხას სპეციალური საპენსიო ფონდი განკარგავს, აღნიშნულ ფულს გარკვეულ საპროცენტო განაკვეთს დაარიცხავს და მოქალაქეებს ამ თანხას პენსიაზე გასვლის შემდეგ დაუბრუნებს....

„პრემიერს გამორჩა ერთი სიტყვა, რამაც არასწორი წარმოდგენები შექმნა“ - საგარეო საქმეთა სამინისტრო ბახტაძის განცხადებასთან დაკავშირებით განმარტებას კომერსანტთან აკეთებს

 „პრემიერს გამორჩა ერთი სიტყვა, რამაც არასწორი წარმოდგენები შექმნა“ - საგარეო საქმეთა სამინისტრო ბახტაძის განცხადებასთან დაკავშირებით განმარტებას კომერსანტთან აკეთებს
access_time2019-01-22 16:00:54
„ევროკავშირმა საქართველოს გამოუყო 3,4 მილიარდი ევროს ფინანსური სახსრები“ — პრემიერ-მინისტრ მამუკა ბახტაძის მიერ ბრიფინგზე გაკეთებული ეს განცხადება მედიაში დავის საგანი გახდა. ვებ-პორტალი „ბათუმელების“ ინფორმაციით, ევროკავშირს საქართველოსთვის აღნიშნული ფინანსური სახსრები არ გამოუყვია. შესაბამისად, პრემიერის ნათქვამი არასწორია. კომერსანტმა საკითხში გარკვევის მიზნით, საგარეო საქმეთა სამინისტროს მიმართა, სადაც ექსკლუზიურად...

ნინო ზამბახიძე: საქართველოში მეწარმეები ბიუროკრატიას ეწირებიან

ნინო ზამბახიძე: საქართველოში მეწარმეები ბიუროკრატიას ეწირებიან
access_time2019-01-22 14:00:47
„საქართველოში მეწარმეები  ბიუროკრატიას ეწირებიან. აქამდე ამ თემაზე საჯაროდ არ ვსაუბრობდი, რადგან არ მინდოდა ფერმერთა ასოციაციის სახელი გამომეყენებინა. თუმცა ამ პრობლემის წინაშე მხოლოდ მე არ ვარ. აქედან გამომდინარე, გადავწყვიტე ჩემი ფერმა გავყიდო, რომ მეტი დრო დავუთმო ფერმერთა ასოციაციას და დავეხმარო სხვა ფერმერებს, რომ იგივე მდგომარეობაში არ აღმოჩნდნენ. “,— ამის შესახებ საქართველოს ფერმერთა ასოციაციის თავმჯდომარე ნინო ზამბახიძემ კომერსანტს...


მსგავსი სიახლეები

up