„რიგ ბრენდირებულ ქსელებში მოხდა საწვავის ფასის შემცირება საშუალოდ 2-5 თეთრით“-ნავთობპროდუქტების იმპორტიორთა კავშირი

„რიგ ბრენდირებულ ქსელებში მოხდა საწვავის ფასის შემცირება საშუალოდ 2-5 თეთრით“-ნავთობპროდუქტების იმპორტიორთა კავშირი

access_time2020-01-22 13:02:33

ნავთობპროდუქტების იმპორტიორთა კავშირის განცხადებით,2019 წლის დეკემბრის თვეში ნავთობის ფასი ლონდონის Inter Continental Exchange Futures Europe სანავთობო ბირჟაზე ძირითადად იზრდებოდა. კერძოდ, დეკემბრის თვეში ნავთობის ფასი გაიზარდა 62 დოლარიდან 68 დოლარამდე/ბარელზე. თუმცა იმის გამო, რომ აშშ-ირანს შორის არ დაიწყო საომარი მოქმედებები, ნავთობის ფასმა შემცირება დაიწყო და დღეისათვის შეადგენს 64,5 დოლარს/ბარელზე.


მიმდინარე ეტაპზე გლობალურ ბაზრებზე ნავთობის ფასზე გავლენას ახდენს სხვადასხვა ფაქტორი. თუმცა მათ შორის არის რიგი ფუნდამენტალური ფაქტორებისა, რომლებიც ალბათ მთელი წლის განმავლობაში იქნება ძირითადში ნავთობის ფასის განმსაზღვრელი.


კერძოდ, ეს ძირითადი ფაქტორია ვითარება ახლო აღმოსავლეთში, მათ შორის ირანის გარშემო შექმნილი უმძიმესი ვითარება, რომელიც მიმდინარე ეტაპზე გადაურჩა საომარ ესკალაციებს, თუმცა მის წინააღმდეგ წესდება საკმაოდ მნიშვნელოვანი სანქციები, რომელთა შორის ერთ-ერთი ძირითადი ნაწილი არის ემბარგო ნავთობის ექსპორტზე. ასევე რთული ვითარებაა შექმნილი ისეთ მსხვილ ნავთობმწარმოებელ ქვეყანაში, როგორიცაა ლიბია, სადაც თურქეთმა შეიარაღებული ძალები შეიყვანა. ასევე უნდა აღინიშნოს ერაყი, რომელიც შიდა სამოქალაქო დაპირისპირების ზღვარზეა. ზოგადად დაძაბული ვითარება რეგიონში ასევე არასტაბილურს ხდის მსოფლიოში უდიდესი ნავთობმწარმოებელ ქვეყანაში - საუდის არაბეთში ნავთობის მოპოვების საკითხს.


ნავთობის ფასზე მოქმედი ერთ-ერთი ფაქტორია ასევე „ოპეკი +“-ის შეთანხმება ყოველდღიური ნავთობის მოპოვების შემცირების საკითხთან დაკავშირებით. კერძოდ, ნავთობის მოპოვება შემცირებულია გასული წლის ოქტომბრის თვესთან შედარებით და შეთანხმება მოქმედებს მიმდინარე წლის 1 კვარტლის ჩათვლით.


ნავთობის საერთაშორისო ფასზე ასევე მთელი წლის განმავლობაში იმოქმედებს ისეთი მნიშვნელოვანი ფაქტორები, როგორებიცაა ძირითად ნავთობმომხმარებელ ქვეყნებში არსებული მაკროეკონომიკური მაჩვენებლები, აშშ-ში ნავთობის მოპოვებისა და წარმოების დონე.



რაც შეეხება საერთაშორისო ფასებს ნავთობპროდუქტებზე S&P Global Platts-ის მიხედვით, რომლის მიხედვითაც ხორციელდება საქართველოში საწვავის იმპორტი, დეკემბერში ის იზრდებოდა ნავთობის ფასის ზრდის პარალელურად. კერძოდ, ბენზინის საერთაშორისო ფასი დეკემბრის თვეში გაიზარდა დაახლოებით 31$-ით/ტონაზე 560 დოლარიდან 591 დოლარამდე/ტონაზე. დღეისათვის ბენზინის საერთაშორისო ფასი შეადგენს 591 დოლარს/ტონაზე. ხოლო დიზელის საერთაშორისო ფასი დეკემბრის თვეში გაიზარდა დაახლოებით 39$-ით/ტონაზე 560 დოლარიდან 599 დოლარამდე/ტონაზე. მიმდინარე ეტაპზე კი დიზელის საწვავის საერთაშორისო ფასმა კლება დაიწყო და დღეისათვის შეადგენს 559 დოლარს/ტონაზე.


აღსანიშნავია ასევე საქართველოს ეროვნული ვალუტის - ლარის გაცვლითი კურსი დოლართან მიმართებაში, რომელთანაც პირდაპირ კავშირშია საწვავის ფასი. დეკემბრის თვეში ლარი დოლართან მიმართებაში გამყარდა. კერძოდ, დეკემბრის დასაწყისში ლარის ოფიციალური გაცვლითი კურსი დოლართან მიმართებაში შეადგენდა 2,9695 ერთეულს და თვის ბოლოს მისი გაცვლითი კურსი დოლართან მიმართებაში შეადგენდა 2,8677 ერთეულს. დღეისათვის ლარის ოფიციალური გაცვლითი კურსი დოლართან მიმართებაში შეადგენს 2,8877 ერთეულს.
რაც შეეხება საქართველოს საწვავის საცალო ქსელს, დეკემბრის თვეში საწვავის ბაზარზე შედარებით სტაბილური ვითარება შენარჩუნდა. რიგ ბრენდირებულ ქსელებში მოხდა საწვავის ფასის შემცირება საშუალოდ 2-5 თეთრით/ლიტრაზე და დღეისათვის საწვავის საშუალო საცალო ფასები საქართველოს საცალო ქსელში ბრენდირებულ გასამართ სადგურებზე შეადგენს: რეგულარი ტიპის ბენზინი - 2,40-2,55 ლარი/ლიტრაზე, პრემიუმი ტიპის ბენზინი - 2,55-2,65 ლარი/ლიტრაზე, სუპერი ტიპის ბენზინი - 2,66-2,77 ლარი/ლიტრაზე, ევრო დიზელის საწვავი - 2,62-2,79 ლარი/ლიტრაზე. საწვავის ფასის შემცირება მოხდა ასევე არაბრენდირებულ გასამართ სადგურებზე, სადაც საწვავის ფასი 15-20 თეთრით ნაკლებია.


იმ მოცემულობიდან გამომდინარე, რომელიც ფიქსირდება საერთაშორისო ფასებთან და დოლართან მიმართებაში ლარის გაცვლით კურსთან დაკავშირებით, საწვავის ფასი მიმდინარე ეტაპზე სტაბილურობას შეინარჩუნებს.






გიორგი გახარია - ფონდების შესახებ კანონზე მუშაობა დასრულებულია და პარლამენტს გადაეგზავნება

გიორგი გახარია - ფონდების შესახებ კანონზე მუშაობა დასრულებულია და პარლამენტს გადაეგზავნება
access_time2020-02-19 10:40:28
„ფონდების შესახებ კანონი არის უაღრესად აუცილებელი კაპიტალის ბაზრის შემდგომი განვითარებისთვის“, - ამის შესახებ საქართველოს პრემიერ-მინისტრმა გიორგი გახარიამ დღეს, მთავრობის სხდომაზე განაცხადა. პრემიერის თქმით, ფონდების შესახებ კანონზე მუშაობა დასრულებულია და პარლამენტს გადაეგზავნება. „ფონდების შესახებ კანონი, რომელზეც მუშაობა მიმდინარეობდა დაახლოებით ოთხი წელი, დასრულდა წარმატებულად. ყველაზე მნიშვნელოვანი...

ყველაზე მეტი ქართული ღვინო კვლავ რუსეთში გაიყიდა - არსებობს იაფფასიანი მწარმოებელი ქვეყნის რიგებში გადასვლის დიდი რისკი

ყველაზე მეტი ქართული ღვინო კვლავ რუსეთში გაიყიდა - არსებობს იაფფასიანი მწარმოებელი ქვეყნის რიგებში გადასვლის დიდი რისკი
access_time2020-02-18 19:32:12
ყველაზე მეტი ქართული ღვინო კვლავ რუსეთში გაიყიდა. „კომერსანტმა“ საქართველოს სტატისტიკის ეროვნული  სამსახურიდან გამოითხოვა ინფორმაცია თუ რომელი ქვეყანა ყიდულობს ქართულ ღვინოს ყველაზე დიდი რაოდენობით. მათ მიერ მოწოდებული ინფორმაციით ირკვევა, რომ 2018 წელთან შედარებით 2019 წელს რუსეთში 4 366,2 ათასი ლიტრით მეტი ღვინის ექსპორტირება მოხდა. ჯამში 2019 წელს რუსეთში 133 251,5 აშშ დოლარის ღვინო...

„m2 დეველოპმენტმა“ ალ. ყაზბეგის #15-ში ახალი გაყიდვების ოფისი გახსნა

„m2 დეველოპმენტმა“ ალ. ყაზბეგის #15-ში ახალი გაყიდვების ოფისი გახსნა
access_time2020-02-18 15:30:46
17 თებერვალს, „m2 დეველოპმენტმა“ ალ. ყაზბეგის #15-ში, გაყიდვების ახალი ოფისი გახსნა. ოფისის გახსნას უკავშირდება უპრეცედენტო ფასდაკლების აქციაც, რომელიც თითო ბინაზე 30 000 ლარამდე ფასდაკლებას ითვალისწინებს, ფასდაკლება გავრცელდება როგორც სტუდიოს ტიპის, ისე ორსაძინებლიან 30 ბინაზე. ოფისი თანამედროვედ მოწყობილი საქმიანი სივრცეა. აქ ბინის შეძენის, მსურველები, მიმდინარე თუ დასრულებული კომპლექსების შესახებ ამომწურავ ინფორმაციას მიიღებენ, გაეცნობიან ამა თუ იმ პროექტის ძირითად...

ბათუმის ნავსადგურის მენეჯმენტს დასაქმებულების შევიწროებაში ადანაშაულებენ

ბათუმის ნავსადგურის მენეჯმენტს დასაქმებულების შევიწროებაში ადანაშაულებენ
access_time2020-02-18 17:30:29
2018 წლის აპრილის მერე, როცა ბათუმის საზღვაო ნავსადგურში თანამშრომელთა გაფიცვის შედეგად მაშინდელმა დირექტორმა თანამდებობა დატოვა, მდგომარეობა არსებითად არ შეცვლილა. ამის თაობაზე „ბანკები და ფინანსებს“ ბათუმის ნავსადგურის ერთ-ერთმა თანამშრომელმა განუცხადა, რომლის ვინაობასაც რედაქცია, გასაგები მიზეზების გამო, ამ ეტაპზე არ ასაჯაროებს. ნავსადგურის თანამშრომლის განცხადებით, თანამშრომელთა დიდ ნაწილს, განსაკუთრებით კი მათ, ვინც 2018 წლის მოვლენებისას...

პასუხი ჯანდაცვის სამინისტროს -„ცხელ ხაზზე ტარიფს სილქნეტი არ განსაზღვრავს“

 პასუხი  ჯანდაცვის სამინისტროს -„ცხელ ხაზზე ტარიფს სილქნეტი არ განსაზღვრავს“
access_time2020-02-18 17:10:54
ჯანდაცვის სამინისტროს მიერ ცხელის ხაზის ტარიფთან დაკავშირებით გავრცელებულ განცხადებას კომპანია „სილქნეტი“ ეხმაურება. „კომერსანტი“ განცხადებას უცვლელად გთავაზობთ:  „დილიდან გავრცელდა ჯანდაცვის სამინისტროს განმარტება, რომ ცხელ ხაზზე ტარიფს განსაზღვრავს „სილქნეტი“.განვმარტავთ, რომ ჯანდაცვის სამინისტროს ცხელ ხაზის - 1505 მიმართულებით სხვა ოპერატორების აბონენტების მიერ განხორციელებულ ზარებზე სააბონენტო ტარიფს არ განსაზღვრავს კომპანია „სილქნეტი“. ყველა სატელეფონო...


მსგავსი სიახლეები

up