სავალდებულო დაზღვევის ტარიფები შესაძლოა ავტომობილის ძრავის მიხედვით განისაზღვროს

სავალდებულო დაზღვევის ტარიფები შესაძლოა ავტომობილის ძრავის მიხედვით განისაზღვროს

access_time2019-02-19 18:45:24

სადაზღვევო ასოციაციის ხელმძღვანელის, დევი ხეჩინაშვილის თქმით, მძღოლებისთვის მესამე პირის სამოქალაქო პასუხისმგებლობის დაზღვევის საკითხთან დაკავშირებით, პარლამენტი დარგის წარმომადგენლებს შეხვდა და ამჟამად კონსულტაციებს გადიან. მისი თქმით, მთავრობა 15 წელი ამ კანონს იგნორს უკეთებდა და ახლა მისი მიღება მნიშვნელოვანი საკითხია.


„გუშინ დავესწარით სექტორის წარმომადგენლები საკომიტეტო მოსმენას, სადაც ვთქვით ჩვენი განსხვავებული ხედვა სხვადასხვა საკითხზე. 15 წლის თავზე ამ კანონის შემოღებით უზარმაზარი ნაბიჯი გადაიდგა. 15 წელი მთავრობა ამ კანონს იგნორს უკეთებდა. ეს უდიდესი მნიშვნელობის საკითხია, არაა მხოლოდ ევროკავშირის კანონმდებლობასთან ჰარმონიზაცია, ესეცაა ცხადია, მაგრამ სოციალურად მნიშვნელოვანი თემაა. არის ბევრი დეტალი, რომელიც ჩვენც გვინდა, რომ გავაჟღეროთ, მათ შორის კონცეპტუალურიც“ - განმარტავს ხეჩინაშვილი.


მისივე თქმით, არის გარკვეული დეტალები, რის ცვლილებასაც დარგის წარმომადგენლები მოითხოვენ, მათ შორისა ტარიფების დადგენის სპეციფიკაც.


„ჩვენ წარმოგვიდგენია, რომ სისტემა, რომელმაც უნდა უზრუნველყოს თავისუფალი კონკურენცია და მასში მძღოლების მაქსიმალური ჩართულობა, უნდა იყოს კანონში გაწერილი, რაც დღეს არ წერია. ასევე ვფიქრობთ, რომ განსხვავებული უნდა იყოს სატარიფო ბადე, არა უბრალოდ დერეფანი 100-დან 150 ლარამდე, არამედ დასაწყისისთვის მიბმული რომ იყოს ძრავის მოცულობასთან. მცირე ძრავიანი ავტომობილებისთვის ნაკლები ტარიფი რომ იყოს, მაღალძრავიანისთვის კი მეტი"- აცხადებს ხეჩინაშვილი.


მისი თქმით, სავალდებულო დაზღვევის ამოქმედება ტექდათვალიერების მსგავსად პერიოდულად შეიძლება მოხდეს.


„შეიძლება ამ კანონის ამოქმედება არა ერთჯერადად, არამედ როგორც ტექდათვალიერებაა, ჯერ ერთი კლასის მანქანა, შემდეგ მეორე და ა.შ.



კომიტეტმა მოისმინა ეს ყველაფერი და ამის შემდეგ მიიღო გადაწყვეტილება, რომ არ ეყარა კენჭი პირველი მოსმენით, არამედ გადაედო, კონსულტაციები გაევლო როგორც გუნდის შიგნით, ასევე სექტორთან“ - აცხადებს ხეჩინაშვილი.


მთავრობის მიერ მომზადებული კანონპროექტის მიხედვით, საქართველოში რეგისტრირებული ავტოსატრანსპორტო საშუალების მფლობელებისთვის 2019 წლის 1 ივლისიდან სამოქალაქო პასუხისმგებლობის სავალდებულო დაზღვევა სავალდებულო ხდება.


კანონპროექტი ადგენს წლიური სადაზღვევო პრემიის მინიმალურ და მაქსიმალურ ოდენობებს ავტოსატრანსპორტო საშუალებების კატეგორიების მიხედვით, რომელიც არის წლიური და განისაზღვრება ავტოსასატრანსპორტო საშუალების კატეგორიების მიხედვით:


კერძოდ, მოტოციკლისათვის, რომლის ძრავის მუშა მოცულობა 50 სმ3-ზე მეტია – 75.00 - 110.00 ლარი;


მსუბუქი ავტომობილისათვის, რომლის ნებადართული მაქსიმალური მასა 3 500 კგ-ს, ხოლო დასასხდომი ადგილების (გარდა მძღოლის ადგილისა) რაოდენობა 8-ს არ აღემატება – 100.00 - 150.00 ლარი;


ავტობუსისათვის, რომლის დასასხდომი ადგილების (გარდა მძღოლის ადგილისა) რაოდენობა 8-ს აღემატება – 160.00 - 240.00 ლარი;


სატვირთო ავტომობილისათვის, რომლის ნებადართული მაქსიმალური მასა 3 500 კგ-ს აღემატება – 210.00 - 310.00 ლარი;


მისაბმელისათვის – 50.00 - 75.00 ლარი;


სასოფლო-სამეურნეო მანქანისათვის, სპეციალიზებული თვითმავალი მანქანისათვის – 60.00 - 90.00 ლარი.


bm.ge






„ნიკორა“ ზარალზეა - შეძლებს თუ არა კომპანია მოემსახუროს ობლიგაციონერებს

„ნიკორა“ ზარალზეა - შეძლებს თუ არა კომპანია მოემსახუროს ობლიგაციონერებს
access_time2020-08-12 17:20:01
„ნიკორა ჯგუფი“ ზარალზეა - კომპანიამ, რომლის ბრუნვა წინა წლებში ნახევარ მილიარდს აღემატებოდა, 2019 წელს მოგებაზე გასვლა ვერ შეძლო და წელი 8.2 მლნ ლარის ზარალით დაასრულა. აღსანიშნავია, რომ თიბისი კაპიტალის დახმარებით სს ნიკორამ საჯარო ემისიის სახით 2019 წელს 28 მილიონი ლარის ოდენობის ობლიგაციები განათავსა. ფასიანი ქაღალდები საქართველოს საფონდო ბირჟაზე დაილისტა. როგორც ლარის სხვა საჯარო ობლიგაციები, სს ნიკორას ეს ობლიგაციებიც საქართველოს ეროვნულ ბანკშია დაგირავებადი, რაც ინვესტორ კომერციული...

არჩილ კაიკაციშვილი: „ლიდერფუდის“ საქმეში ექსპერტიზით გამოვლენილი ორი კონვერტის არსებობა სარჩელის ჩაბარების ფაქტს ისევ გამორიცხავს

არჩილ კაიკაციშვილი: „ლიდერფუდის“ საქმეში ექსპერტიზით გამოვლენილი ორი კონვერტის არსებობა სარჩელის ჩაბარების ფაქტს ისევ გამორიცხავს
access_time2020-08-12 14:20:03
დამოუკიდებელი სასამართლო ექსპერტიზის ახალი დასკვნა, რომელიც „ლიდერფუდის“ საქმეში გამოჩნდა, კიდევ ერთხელ გვიმყარებს რწმენას, რომ ორგანიზაციამ სწორი დასკვნები გააკეთა სარჩელის და მასზედ თანდართული მასალების ჩაბარების საკითხზე და შეუძლებელი, სასამართლომაც სათანადო დასკვნები არ გააკეთოს, იმის თაობაზე, თუ ვინ ვის რა შინაარსის წერილი ჩააბარა 2019 წლის 22 მაისს. ამის შესახებ ორგანიზაცია „ახალგაზრდა ადვოკატების“ ხელმძღვანელმა, არჩილ კაიკაციშვილმა, კომპანია „ლიდერფუდის“ მოქმედი და ყოფილი...

რამ გადააწყვეტინა თამაზ გაიაშვილს პოლიტიკაში წასვლა

რამ გადააწყვეტინა თამაზ გაიაშვილს პოლიტიკაში წასვლა
access_time2020-08-12 18:10:42
„თუ იძულებულს არ ხდიან, პოლიტიკაში მოსვლის სურვილი არცერთ ბიზნესმენს აქვს“ — ამის შესახებ, ბიზნესმენი, „აირზენა - ჯორჯიან ეარვეისის“ დამფუძნებელი - თამაზ გაიაშვილი 2015 წელს „პალიტრა TV-ს“ გადაცემაში ბიზნეს PRESS-ი მიცემული ინტერვიუში აცხადებდა. დღეს პოლიტიკური გაერთიანება ლელოს გუნდს თამაზ გაიაშვილი შეუერთდა, რომელმაც პოლიტიკაში მოსვლა გადაწყვიტა. ბრიფინგზე ის „ლელოს თავმჯდომარემ, მამუკა ხაზარაძემ წარადგინა. მამუკა...

თურქეთის გაზის ბაზარზე აზერბაიჯანი რუსეთს ანაცვლებს

თურქეთის გაზის ბაზარზე აზერბაიჯანი რუსეთს ანაცვლებს
access_time2020-08-12 19:00:37
თურქეთის აზერბაიჯანული გაზის შესყიდვების გაზრდას გეგმას - ამის შესახებ ანკარაში თურქეთის საგარეო საქმეთა მინისტრმა მევლუთ ჩავუშოგლუმ თავის აზერბაიჯანელ კოლეგასთან ჯეიხუნ ბაირამოვთან ერთად ჩატარებულ ერთობლივ პრეს-კონფერენციაზე განაცხადა. მისი თქმით, აზერბაიჯანი თურქეთში გაზის მიწოდების მხრივ პირველ ადგილზე გავიდა. ანკარა შესყიდვების შემდგომაც გეგმავს ზრდას. „ერთ-ერთი ჩვენი პრიორიტეტია - გაზსადენი ნახჩევანიდან, რომელიც ჩვენი ქვეყნისთვის სტრატეგიულად...

„შრომის კოდექსთან დაკავშირებული გადაწყვეტილებები არა კანონპროექტის ავტორის ემოციურ მდგომარეობასა და განწყობას, არამედ მაღალ დონეზე მომზადებულ აკადემიურ კვლევას უნდა ეფუძნებოდეს"

„შრომის კოდექსთან დაკავშირებული გადაწყვეტილებები არა კანონპროექტის ავტორის ემოციურ მდგომარეობასა და განწყობას, არამედ მაღალ დონეზე მომზადებულ აკადემიურ კვლევას უნდა ეფუძნებოდეს
access_time2020-08-12 12:00:17
საქართველოს ბიზნეს ასოციაცია საქართველოს პარლამენტში შრომის კოდექსის საკანონმდებლო პაკეტთან დაკავშირებით მიმდინარე განხილვას კიდევ ერთხელ ეხმიანება, კერძოდ, ასოციაციაში აცხადებენ, რომ: „საქართველოს პარლამენტის ჯანმრთელობის დაცვისა და სოციალურ საკითხთა კომიტეტის მიერ შრომის კოდექსთან დაკავშირებული საკანონმდებლო პაკეტის მეორე მოსმენით მხარდაჭერა სულ მცირე ალოგიკურად გამოიყურება იმ ფონზე, როცა კონონპოექტის ინიციატორმა არ გაიზიარა არც თავად წამყვანი კომიტეტის მიერ პირველი მოსმენის დროს...


მსგავსი სიახლეები

up