სავაჭრო ცენტრების, მოლების, ე.წ. რითეილ სექტორის წარმომადგენლები მთავრობის ეკონომიკურ გუნდსა და ეპიდემიოლოგებს ხვდებიან

სავაჭრო ცენტრების, მოლების, ე.წ. რითეილ სექტორის წარმომადგენლები მთავრობის ეკონომიკურ გუნდსა და ეპიდემიოლოგებს ხვდებიან

access_time2021-01-27 13:50:00

სავაჭრო ცენტრების, მოლებისა და ე.წ. რითეილ სექტორის წარმომადგენლები, მთავრობის ეკონომიკურ გუნდსა და ეპიდემიოლოგებს ხვდებიან. შეხვედრის მიზანია ის, რომ მხარეები საბოლოოდ შეჯერდნენ, როგორ აღდგება ამ სექტორის მუშაობა პირველი თებერვლიდან.


ბიზნესს რამდენიმე მოთხოვნა აქვს წამოყენებული, რომელსაც დღეს სამედიცინო სფეროს წარმომადგენლებს და სამთავრობო გუნდს გააცნობენ. მაგალითად, კერძო სექტორი საზოგადოებრივი ტრანსპორტის აღდგენას, კომენდანტის საათის ერთი საათით გადაწევასა და შაბათ-კვირას მუშაობის ნებართვას ითხოვს.


„ჩვენმა სექტორმა ანახა, თუ როგორ შეიძლება წარმატებით მართო პროცესები პანდემიის განმავლობაში. 24 დეკემბრიდან 2 იანვრამდე მუშაობის პერიოდში, ექვსმა სავაჭრო ცენტრმა გავატარეთ და მოვემსახურეთ მილიონ მომხმარებელს და არანაირი ეპიდაფეთქება არ ყოფილა, სიტუაცია არ დამძიმებულა, ანუ ეს შესაძლებელია. ამიტომ, ჩვენი შეთავაზება დღეს იქნება, რომ ყოველგვარი შაბათ-კვირის შეზღუდვის გარეშე გავაგრძელოთ მუშაობა. საერთო პრობლემაა ასევე ყველასთვის საზოგადოებრივი ტრანსპორტი, იმიტომ რომ 17 000 ადამიანი ყოველდღიურად როგორ უნდა მივიდეს სამსახურში და წავიდეს სახლში ეს კითხვის ნიშნის ქვეშ არის და ასევე ჩვენთვის მნიშვნელოვანია იყოს კონკრეტული ანტიკრიზისული პაკეტი, რომელიც არ იქნა დამუშავებული. ეს გულისხმობს საგადასახადო შეღავათს ქონების გადასახადის ნაწილში და ასევე ვისაუბრებთ რა თქმა უნდა კომენდანტის საათის ერთი საათით მაინც გადაწევაზე. სავაჭრო ცენტრებმა და ზოგადად ბიზბესმა რომ იმუშაოს 20-დან 21 საათამდე ძალიან ცოტა დროს არის, რომ ელემენტარულად თანამშრომლები სახლში მივიდნენ“, – აღნიშნა „თბილისი ცენტრალის“ დირექტორმა, ლევან ყარალაშვილმა.


„რითეილ გრუპ ჯორჯიას“ ხელმძღვანელი აცხადებს, რომ წინასაახალწლო პერიოდში მოლებმა და არასასურსათო პროდუქციით მოვაჭრე მაღაზიებმა დაამტკიცეს, რომ პანდემიის პირობებში შეუძლიათ, უსაფრთხოდ მოემსახურონ მომხმარებლებს.


„ჩვენ, რითეილებსაც და სავაჭრო ცენტრების წარმომადგენლებსაც კონკრეტული ხედვა გვაქვს, როგორ შეიძლება ეს პროცესი ვმართოთ. აქამდე რა რეგულაციებიც იყო, 100 პროცენტით წარმატებით ვმართეთ, დავამტკიცეთ, რომ შეგვიძლია და ვფიქრობთ, რომ არსებობს საშუალება კიდევ უფრო კარგად გავაკეთოთ ეს ყველაფერი ისე, რომ ბიზნესმა მეტი შვება იგრძნოს და პლიუს, ზიანი არ მივაყენოთ ეპიდემიოლოგიურ მდგომარეობას. შაბათ-კვირის შეზღუდვა არის საინტერესო თემა ჩვენთვის, იმიტომ რომ 19:00 საათამდე ისედაც ვერ ვიმუშავებთ საათობრივი შეზღუდვის გამო. ამოცანა ხომ არ არის, რომ უბრალოდ გავხსნათ, ამოცანაა, რომ გავხსნათ იმისათვის, რომ ეკონომიკამ იმუშაოს და სარგებელი მიიღოს“, – აღნიშნა „რითეილ გრუპ ჯორჯის“ ხელმძღვანელმა.



ერთ-ერთ მთავარი საკითხი, რომელსაც სავაჭრო ცენტრ „ქარვასლას“ დირექტორი დღევანდელ შეხვედრაზე დააყენებს, საზოგადოებრივი ტრანსპორტის აღდგენაა. როგორც ზურაბ შავლაყაძემ მედიასთან საუბარში გამაცხადა, ბიზნესს საკმაოდ ძვირი უჯდება საკუთარი თანამშრომლების ტრანსპორტირება.


„თუ იხსნება ბიზნესი, ამ ბიზნესისთვის მომგებიანი უნდა იყოს ის გახსნაც. შესაბამისად, არგუმენტები ის არის, რომ არა გახსნა გახსნისთვის, არამედ იმისთვის, რომ ბიზნესმა მიიღოს სარგებელი. ჩვენი ძირითადი თხოვნა, რაც იქნება მთავრობის მიმართ, ეს არის შაბათ-კვირას მუშაობის შესაძლებლობა. ვიძახით, რომ გადანაწილდება მომხმარებელი და არ იქნება კონცენტრაცია მხოლოდ ორშაბათი-პარასკევის ჩათვლით. გარდა ამისა, სასურველი იქნება თუ გაიხსნება საზოგადოებრივი ტრანსპორტი. ერთი ჩვენი თხოვნა ასევე არის კომენდანტის საათის ერთი საათით გადაწევა. რაც შეეხება საზოგადოებრივ ტრანსპორტს, ვფიქრობთ რომ სრულად უნდა აღდგეს. ეს მნიშვნელოვანია იგივე თანამშრომლებიც გადაადგილებისთვის, ვინაიდან კომპანიებს საკმაოდ ძვირი უჯდებათ თანამშრომლების გადაადგილების ხარჯები. დღეში 3000-დან 7000 ლარამდე აღწევს ტრანსპორტირების თანხა ბიზნესისთვის და ხომ წარმოგიდგენიათ თვის მასშტაბით რამხელა ხარჯებთან არის დაკავშირებული“, – განაცხადა ზურაბ შავლაყაძემ.


შეგახსენებთ, რომ პირველი თებერვლიდან სავაჭრო ცენტრები, მოლები და არასასურსათო პროდუქციით მოვაჭრე მაღაზიები, გარკვეული რეგულაციების დაცვით, მუშაობას განაახლებენ.



1tv.ge









„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up