სავაჭრო და ბიზნეს ცენტრი „ქარვასლა“ „კომერსანტში“ გასულ მასალასთან დაკავშირებით განმარტებას აკეთებს. როგორც ცნობილია, რამდნეიმე დღის წინ მედიაჰოლდინგი წერდა, რომ სავაჭრო ცენტრებს, მათ შორის კი „ქარვასლს“ გაყიდვები შეუმცირდა.
დღეს „ქარვასლაში“ განმარტავენ, რომ ობიექტი წარმოადგენს 8 სართულიან შენობას, რომლიდანაც 2 სართული დათმობილი არის სავაჭრო ნაწილად და 4 სართული ბიზნეს ცენტრად.
სავაჭრო ცენტრის ფართობი 8550 კვადრატული მეტრია, საიდანაც დატვირთული ფართების ოდენობა 97%-ს წარმოადგენს, ხოლო ბიზნეს ცენტრის კვადრატულობა შეადგენს 11 470 კვადრატულ მეტრს, საიდანაც დატვირთული ფართების ოდენობა 90%-ს შეადგენს.
რაც შეეხება მინუს პირველ სართულს, შენობაში განთავსებულია სასაწყობე ფართები, რომლის კვადრატულობა წარმოადგენს 3200 კვადრატულ მეტრს, საიდანაც დატვირთულია ფართების 95%-ი. მინუს მეორე სართულზე არის 300 და მეტ ავტომანქანაზე გათვლილი პარკინგი.
„სავაჭრო ცენტრის მიმართულებით კომპანიის კონცეფცია არის აუთლეტ ცენტრის მიმართულება, რის ფარგლებში სავაჭრო ცენტრ „ქარვასლაში“ წარმოდგენილია ისეთი ბრენდები როგორიც არის Waikiki, Koton, ევრობრენდ აუთლეტი, პარფოისი, ბრენდ აუთლეტ შოფი, აი სი არ ტრეიდის ბრენდის ქვეშ არსებული ფეხსაცმელების ბრენდების მულტიბრენდული აუთლეტი, „ბებე+“ აუთლეტი, ამორეს აუთლეტი.
გარდა ამისა სავაჭრო ცენტრში წარმოდგებილია ეკოს, ჯეოქსის, ბატას, კორსო იტალიას, თრეიდლაინის ჯგუფში შემავალი „ჯინსის გალერეა“, მინიმენის, ლეოლას და სხვა არაბრენდული მაღაზიები. აღნიშნულის გარდა სავაჭრო ცენტრ ქარვასლაში წარმოდგენილია კარფურის მარკეტი, სათამაშოების მაღაზია ჭიტა, წიგნის მაღაზია ლატერნა, პსპ-ს აფთიაქი, თიბისი ბანკის სერვის ცენტრი, სილამაზის და ესთეტიკის სალონები, კაფეები და სხვა ძალიან ბევრი ღია სავაჭრო სივრცეები“-აცხადებენ „ქარვასლაში“
რაც შეეხება ფასებს,დღეის მონაცემებით სავაჭრო ცენტრის გასაქირავებელი ფართების კვადრატული მეტრის ფასი იწყება მინუმუმ 15 აშშ დოლარიდან და მერყეობს 30 აშშ დოლარმდე.
ღია სავაჭრო სივრცეების კვადრატული მეტრის გაქირავების ფასები იწყება 100 აშშ დოლარიდან 300 აშშ დოლარამდე.
რაც შეეხება საოფისე ფართებს, ბიზნეს ცენტრ „ქარვასლაში“ წარმოდგენილია ისეთი ბრენდების მსხვილი ოფისები, როგორიც არის სს ნიკორა თრეიდი, ტურისტული კომპანია ლაქი ვეი, მარველ ჯორჯიას სათაო ოფისი და სხვა ჯამში 200 ზე მეტი კომპანია.
„ზემოთხსენებულიდან გამომდინარე, კომპანია განაგრძობს განვითარებას და სავაჭრო ცენტის ნაწილში ცდილობს მოიზიდოს ცნობილი ბრენდების აუთლეტ მაღაზიები იმისთვის რომ მომხმარებლებისთვის უფრო ხელმისაწვდომი გახდეს ძვირადღირებული ბრენდების შეძენა ხელსაყრელ ფასად.
ბიზნეს ცენტრის ნაწილში კომპანიის მიზანს წარმოადგენს მინიმუმამდე დავიყვანოთ გასაქირავებელი ფართების პროცენტული წილი“-განმარტავენ „ქარვასლაში“.