კომპანიათა საერთაშორისო ჯგუფმა NEQSOL Holding-მა რეგიონში საუკუნის გარიგების თაობაზე განცხადება გაავრცელა. გავრცელებული ინფორმაციის თანახმად, მსხვილმა ჰოლდინგმა, რომლის თანამფლობელიცაა აზერბაიჯანელი ბიზნესმენი ნასიბ გასანოვი, 2019 წელს დადებული ხელშეკრულების საფუძველზე ქართული ინტერნეტ-პროვაიდერი Caucasus Online იყიდა.
ჰოლდინგის განცხადების თანახმად, NEQSOL Holding-მა Caucasus Online-ის 100%-იანი წილი იყიდა. ამავე დროს თავად პროვაიდერის კაპიტალის სტრუქტურა არ შეცვლილა.
Caucasus Online -ს შეძენა NEQSOL Holding-ის უფრო მსხვილი, საერთაშორისო პროექტის ნაწილია, რომელიც 2018 წელს დაუწყო და Digital Silk Way-ს სახელითაა ცნობილი. პროექტის მიზანია თანამედოვე სატრანზიტო ოპტიკურ-ბოჭკოვანი ინფრასტრუქტურის განვითარება, რომელიც ევროპას საქართველოს და აზერბაიჯანის გავლით, ცენტრალურ და სამხრეთ აზიას უკავშირდება.
Caucasus Online ფლობს შავი ზღვის ფსკერზე გამავალ ოპტიკურ-ბოჭკოვან სადენს, რომელიც ინტერნეტის მიწოდებას ევროპიდან სამხრეთ კავკასიაში და კასპის ზღვის რეგიონში უზრუნველყოფს.
აზერბაიჯანული მედიის ინფორმაციით, კომპანიის შეძენა საერთაშორისო პრაქტიკის და საქართველოს კანონმდებლობის თანახმად მოხდა. მესაკუთრის შეცვლას Caucasus Online-ის მუშაობაზე არავითარი გავლენა არ მოუხდენია და კომპანია კლიენტებს, პარტნიორების და თანამშრომლების წინაშე აღებული ვალდებულებების შესრულებას ჩვეულებრივად აგრძელებს.
Digital Silk Way-ს პროექტის ფარგლებში უკვე დაწყებულია კასპიის ზღვაზე ოპტიკურ-ბოჭკოვანი ხაზის მშენებლობა, რომელიც აზერბაიჯანს ყაზახეთთან დააკავშირებს. ასევე მიღწეულია ანალოგიური შეთანხმება 2019 წელს თურქმენეთთან იქნა მიღწეული.
პროექტის რეალიზება მოგებას რეგიონის ყველა ქვეყანას მოუტანს. Digital Silk Way საქართველოში და აზერბაიჯანში მონაცემთა თანამედროვე ცენტრების და ინტერნეტ-ტრაფიკის გაცვლის წერტილების მშენებლობას ითვალისწინებს, რაც სამხრეთ კავკასიაში ციფრული ეკონომიკის განვითარებას ხელს შეუწყობს.
NEQSOL Holding-ის ინფორმაციით, პროექტი ასევე ცენტრალურ და სამხრეთ აზიას, სადაც 1,8 მლრდ. ადამიანი ცხოვრობს, ციფრულ მომსახურეობასთან წვდომას გაუუმჯობესებს.
2020 წელს პროექტი შტატებში ჩატარებული სტრატეგიული ინფრასტრუქტურის ფორუმზე Global Strategic Infrastructure Leadership Forum საუკეთესო გლობალურ ინფრასტრუქტურულ პროექტებს შორის დასახელდა.
NEQSOL Holding საქმიანობის ძირითადი სფეროებია ნავთობ-გაზის მოპოვება-გადამუშავება, ტელეკომუნიკაციები, მაღალტექნოლოგიური და სამშენებლო ბიზნესი ისეთ ქვეყნებში, როგორცაა აშშ, ბრიტანეთი, თურქეთის, აზერბაიჯანი, უკრაინა, საქართველო, ყაზახეთი, საემიროები და ა.შ.
Haqqin.az
მოამზადა თენგიზ აბლოთიამ