Saudi Aramco-ს წმინდა მოგებამ $200 მლრდ-ს მიაღწია

Saudi Aramco-ს წმინდა მოგებამ $200 მლრდ-ს მიაღწია

access_time2022-05-13 13:00:47

APPLE საბაზრო კაპიტალიზაციით მსოფლიოს უძვირეს კომპანიად რჩება, თუმცა მას ბოლო პერიოდში Saudi Aramco მნიშვნელოვან კონკურენციას უწევს და პერიოდულად ლიდერის პოზიციასაც ართმევს. რადგან ბირჟაზე არამკოს აქციების მხოლოდ 1.5% ივაჭრება, მისი ცნობადობა შედარებით დაბალია, მაგრამ ეს ფაქტი არაბულ გიგანტს წლიური $200 მლრდ-იანი მოგების მიღებაში ხელს არ უშლის.


Saudi Aramco 1933 წელს დაარსდა და ამჟამინდელი შეფასებით 270 მლრდ ბარელ ნავთობის მარაგებს ფლობს. 2021 წელს შავ ოქროზე ფასის მატებამ კომპანიის შემოსავალი $600 მლრდ-მდე, წმინდა მოგება კი $200 მლრდ-მდე გაზარდა. მისი საბაზრო კაპიტალიზაცია 12 მაისის მდგომარეობით $2.350 ტრლნ-ს შეადგენს, რაც წლის დასაწყისთან შედარებით 24%-ით მეტია. ამ მონაცემით არამკო პირველ ადგილზე მყოფ ეფლს სულ ოდნავ ჩამორჩება. 2019 წლამდე არამკოს აქციათა 100%-ს საუდის არაბეთის მთავრობა ფლობდა. ახლა მის საკუთრებაში 98.5%-ა.


ღია სააქციო საზოგადოებებიდან Apple ჯერჯერობით უკონკურენტოა. მისი კაპიტალიზაცია $2.370 ტრლნ-ს შეადგენს, რაც იანვრის პირველ იანვართან შედარებით 20%-ით ნაკლებია. Apple 1976 წელს სტივ ჯობსმა და სტივ ვზონიაკმა დააარსეს. 2019 წელს ის პირველი ტრლნ-იანი კომპანია გახდა. მიუხედავად იმისა, რომ გაყიდვებში Samsung-ს ჩამორჩება, ბრენდის ღირებულებითა და განსხვავებულის იმიჯის შენარჩუნებით კაპიტალიზაციით კორეულ კონკურენტს მნიშვნელოვნად უსწრებს.


$1.950 ტრლნ-იანი კაპიტალიზაციით Microsoft მესამე ადგილს იკავებს. მართალია ბოლო 4 თვეში მისი ღირებულება 22%-ით შემცირდა, მაგრამ ბოლო 12 თვეში მაინც 9%-იანი ზრდა ფიქსირდება. ბილ გეითსმა პოლ ალენთან ერთად Microsoft 1975 წელს დააარსა. ნამდვილი წარმატება 1993 წლიდან დაიწყო, მაშინ როცა გაყიდვაში Windows 3.1 ჩაეშვა. 2022 წლის მდგომარეობით ლეპტოპებისა და დესკტოპ კომპიუტერების დაახლოებით 80% Windows-ის ოპერაციულ სისტემაზე მუშაობს.



Google-ის ყველა აქციის ჯამური ღირებულება $1.5 ტრლნ-ა. სხვა ტექნოლოგიური კომპანიების მსგავსად იანვრიდან დღემდე მისი კაპიტალიზაციაც 22%-ით შემცირდა, მაგრამ ბოლო ერთ წელიწადში მაინც 3%-იანი ზრდა ფიქსირდება. Google 1998 წელს ლარი პეიჯმა და სერგეი ბრინმა დააარსეს და მალევე „დაგუგვლა“ „დასერჩვის“ სინონიმად აქციეს.


ტრილიონერთა კლუბში ჯერჯერობით ადგილს ონლაინ გაყიდვების ლიდერი Amazon-იც ინარჩუნებს, თუმცა იანვრიდან დღემდე მან უკვე ღირებულების 38% დაკარგა 12 მაისის მდგომარეობით მისი კაპიტალიზაცია $1.070 ტრლნ-ს შეადგენს. AMAZON ჯეფ ბეზოსმა 1994 წელს დააარსა, ღია სააქციო საზოგადოებად კი 1997 წელს გარდაქმნა.


ჯამში ხუთივე ტრლნ-იანი კომპანიის ღირებულება $9.240 ტრლნ-ს შეადგენს, რაც თავის მხრივ აშშ-ისა და ჩინეთის გარდა ყველა ცალკე აღებული სახელმწიფოს ეკონომიკას აღემატება.


გიორგი ელიზბარაშვილი





„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up