"ლელოს" თბილისის მერობის კანდიდატი ანა ბიბილაშვილი, საკრებულოს თავმჯდომარეობის კანდიდატი ბადრი ჯაფარიძე და პარტიის მაჟორიტარი დეპუტატობის კანდიდატები სატრანსპორტო სფეროს წარმომადგენლებს შეხვდნენ.
შეხვედრაზე განიხილეს "ლელოს" ხედვა ქალაქის განვითარების, სატრანსპორტო პოლიტიკის პრობლემების და პერსპექტივების შესახებ. მოისმინეს დარგის სპეციალისტების შეფასებები და შეხვედრის ბოლოს გაიმართა დისკუსია.
"დღეს დედაქალაქის პრობლემები ტრანსპორტის მხრივ გულისხმობს: საზოგადოებრივი ტრანსპორტის არასაკმარისი რაოდენობა, საცობები, პარკინგის საკითხები, ტრანსპორტზე ხელმისაწვდომობას"- ამის შესახებ შეხვედრის მსვლელობისას თბილისის მერობის კანდიდატმა ანა ბიბილაშვილმა ისაუბრა. მან ასევე ხაზი გაუსვა, "ლელოს" ხედვებს, აღნიშნულ საკითხთან დაკავშირებით.
"ორი დღის წინ ნათლად დავინახეთ თუ რა პრობლემები აქვს სატრანსპორტო მიმართულებით ქალაქს. ოდნავ უხვი ნალექის შემთხვევაში დავინახეთ, რომ სატრანსპორტო კოლაფსის წინაშე ვიდექით. ისიც დავინახეთ, რომ ზედაპირული რეაბილიტაცია არ არის საკმარისი. "ლელოს" აქვს კონკრეტული ხედვა როგორ მოგვარდეს აღნიშნული საკითხები ქალაქის და ადამიანების სასარგებლოდ. აღნიშნული ხედვა გაწერილია "ლელოს" თბილისის მარშალის 9 პუნქტიან გეგმაში." - ანა ბიბილაშვილი.
ქალაქში სატრანსპორტო პრობლემების მოგვარება ერთ-ერთ უმთავრეს და მნიშვნელოვან პუნქტად მიაჩნია "ლელოს" საკრებულოს თავმჯდომარეობის კანდიდატს ბადრი ჯაფარიძეს.
"არჩევნებამდე სულ ცოტა დრო გვრჩება და უნდა გავიაროთ მისი მნიშვნელობა. ქალაქში უამრავი პრობლემაა რომელიც გვაწუხებს, ის უნდა მოვაგვაროთ ჩვენ. თბილისი უნდა განვითარდეს, ინვესტიციები შემოვიდეს და აღარ ვიყოთ ისეთი პრობლემების წინაშე როგორც რამდენიმე დღის წინ. ერთ დღიან წვიმას ვერ უძლებს ქალაქი, აღარაფერს ვამბობ სხვა ქალაქებზე. "ლელოს" აქვს ხედვა, რომელიც მოიცავს ყველა დარგსა და მიმართულებას. როგორც კი "ქართული ოცნება" ჩამოშორდება ხელისუფლებას მეორე დღიდანვე დავიწყებთ ამ ხედვის განხორციელებას,"- ამბობს ბადრი ჯაფარიძე.
შეხვედრაზე წარმოდგენილი იყო თბილისის მდგრადი ურბანული ტრანსპორტის და სატრანსპორტო ინფრასტრუქტურის განვითარების ხედვა სატრანსპორტო ინფრასტრუქტურის განვითარების კუთხით:
1."თბილისის მეტროპოლიტენის განვითარება - თბილისის შიდასაქალაქო მგზავრთბრუნვაში მეტროპოლიტენის ხვედრითი წილის გაზრდის ხელშემწყობა;
2. შემოვლითი რკინიგზისათვის ახალი ფუნქციის მინიჭება - ცალ - ცალკე სატვირთო და სამგზავრო ხაზების განვითარება;
3. თბილისის საერთაშორისო აეროპორტთან ლოგისტიკური ცენრის განვითარება - მოიცავს რკინიგზის სადგურ „ველს“და აეროპორტის მიმდებარე ინტეგრირებული ტერიტორიის გამოყენებას;
4. საბაგირო გზების განვითარება - თბილისის აგლომერაციაში, ფერდობებზე განლაგებულ, მჭიდრო დასახლებებში, მეტროსთან ინტეგრირებული საბაგირო გზების მოწყობა;
5. ტრამვაის და მიწისზედა სარელსო ტრანსპორტის განვითარება - დიდი დიღმის მიმართულებით ინფრასტრუქტურის მოწყობა;
6. მდგრადი ურბანული ტრანსპორტის მობილურობის კუთხით:
7. ინსტიტუციურ რეფორმა - თბილისის სატრანსპორტო ორგანოს პასუხისმგებლობის და ფუნქციების გაფართოება - თბილისის სატრანსპორტო ორგანოს, ინფრასტრუქტურის დაგეგმვაზე, განხორციელებაზე, გამართულად ფუნქციონირებასა და განვითარებაზე პასუხისმგებლობის ამაღლება;
8. ახალი სატრანზიტო დერეფნების განვითარება - 10 სატრანზიტო დერეფანი;
9. ავტობუსებისა და მიკრო ავტობუსების სამარშუტო ქსელის რეორგანიზება - თბილისის ძირითადი სატრანზიტი ქსელის გაფართოება და მულტიმოდალური საზოგადოებრივი სატრანსპორტო ქსელის იერარქიის შემოღება;
10. სატრანსპორტო ნაკადების ოპტიმიზაციას და მართვა - ქალაქის საცობებისაგან განთავისუფლების და საზოგადოებრივი ქსელის განვითარებისათვის, ახალი განივი კავშირების (მ.შ. ხიდების) გამოვლენა;
11. ავტოსადგურების სერთიფიცირება - უსისტემოდ განლაგებული სამგზავრო ავტოსადგომების ფუნქიონირების მოწესრიგება;
12. ეკოლოგიურად სუფთა სატრანსპორტო საშუალებებისს და სმარტ ტექნოლოგიების განვითარება - მსოფლიოს საუკეთესო პრაქტიკის გამოყენებით ქალაქში სმარტ დექნოლოგიების რიცხვის პოტენციური ზრდა.