„სატაცურის წარმოება 100%-ით გავზარდეთ“ - როგორი იქნება წელს პროდუქტის ღირებულება

„სატაცურის წარმოება 100%-ით გავზარდეთ“ - როგორი იქნება წელს პროდუქტის ღირებულება

access_time2021-04-07 15:20:00

საქართველოში სატაცურის წარმოება იზრდება. როგორც პროდუქტის მწარმოებელი, კოოპერატივი „რკ ოზაანის“ თავმჯდომარე ჯაბა გოგოლაშვილი „ბიზნესპრესნიუსთან“ საუბრისას ამბობს, წელს 100%-ით მეტ მოსავალს ელოდება, ვიდრე გასულ წელს. ამის მიზეზი კი, სატაცურზე გაზრდილი მოთხოვნაა, რაც პროდუქტის სასარგებლო თვისებებმა და ცნობადობის ამაღლებამ განაპირობა.


რაც შეეღება მის ღირებულებას, ისევე როგორც პროდუქტების დიდი ნაწილი, სატაცურიც გაძვირდება და 1კგ-ს ფასი საშუალოდ, 25 -30 ლარი იქნება.


ცნობისთვის, კოოპერატივი „რკ ოზაანი“ დედოფლისწყაროს მუნიციპალიტეტის სოფელ ოზაანში 2015 წელს დარეგისტრირდა და მისი ძირითადი საქმიანობა სატაცურის წარმოებაა. ჯაბა გოგოლაშვილის ინფორმაციით, პროექტის საინვესტიციო ღირებულება, დაახლოებით, 30 000 ლარია.


როგორც კოოპერატივის ხელმძღვანელი ამბობს, სატაცურის მოყვანით მას შემდეგ დაინტერესდა, რაც პროდუქტის კულტივირებისა და სასარგებლო თვისებების შესახებ დეტალური ინფორმაცია მიიღო.


„ცნობადობის ამაღლებასთან ერთად, მოთხოვნაც გაიზარდა. შესაბამისად, ჩვენც გავაფართოვეთ წარმოებაც. ამ დროისთვის 5 ჰექტარს ვფლობთ, საიდანაც ჯერ მხოლოდ 2 ჰექტრის მოსავალს ველოდებით. მართალია, დაახლოებით, ერთ კვირაში ვაპირებთ მოსავლის აღებას და ამინდებიდან გამომდინარე, ზუსტად რა რაოდენობის მოსავალს ავიღებთ, პროგნოზირება რთულია. თუმცა, შემიძლია გითხრათ, რომ სატაცურის წარმოება 100%-ით გავზარდეთ. დაახლოებით, 4 ტონა მოსავალს ველოდებით“,- ამბობს ჯაბა გოგოლაშვილი.


მისივე თქმით, წარმოების ზრდის პარალელურად, სეზონურად გაიზრდება დასაქმებულთა რაოდენობაც. რაც შეეხება ექსპორტს, „რკ ოზაანი“ სავარუდოდ, მომავალი წლიდან დაიწყებს.



„ყველაფერი გაძვირდა, ნედლეულით დაწყებული, საწვავით დამთავრებული, შესაბამისად, გაიზრდება სატაცურის ფასიც. სავარაუდოდ, საშუალოდ, 25-30 ლარი ეღირება. ხარისხის მიხედვით. ამ სეზონზე გაიზრდება დასაქმებულთა რაოდენობაც, 7-8 ადამიანის დამატება მაინც დაგვჭირდება (აქამდე 12 ადამიანს ასაქმებდა) უშუალოდ აღების, დამუშავება, დახარისხების პროცესში. ასევე, ტექნიკური მხარეც დაემატება.


პროდუქტით ძირითადად სუპერმარკეტებს მოვამარაგებთ, თუმცა, ჭარბი მოსავალი იყო და გავწვდით, შესაძლოა, ბაზრებშიც შევიტანოთ.


რაც შეეხება ექსპორტს, ამაზე მომავალი წლიდან ვიფიქრებთ“,- განაცხადა ჯაბა გოგოლაშვილმა.


ცნობისთვის, წარმოების პარალელურად, საქართველოდან რეკორდულად იზრდება სატაცურის ექსპორტიც. სტატისტიკის ეროვნული სამსახურის მონაცემებით, თუ 2018 წელს ქვეყნიდან 1,4 ათასი აშშ დოლარის (0,2 ტონა) პროდუქტი გავიდა, 2019 წელს ეს მაჩვენებელი 22,6 ათას აშშ დოლარს (5,9 ტონა) შეადგენდა, ხოლო 2020 წელს 43,7 ათას აშშ დოლარს (9,5 ტონას).


რაც შეეხება ქვეყნებს, სადაც საქართველომ გასულ წელს სატაცურის ექსპორტი განახორციელა, ჩამონათვალში მხოლოდ ორი ქვეყანაა, ძირითადი სავაჭრო პარტნიორი კი რუსეთია. კერძოდ:


რუსეთი - 9.3 ტონა (41.8 ათასი აშშ დოლარი)


სომხეთი - 0.2 ტონა (1.9 ათასი აშშ დოლარი)



BPN.GE






თეგები:
სატაცური



LEFIGARO: გლობალურ პოლიტიკაში საზღვრების მნიშვნელობა ბრუნდება

LEFIGARO: გლობალურ პოლიტიკაში საზღვრების მნიშვნელობა ბრუნდება
access_time2021-04-10 20:00:49
ბოლო 5 წლის მანძილზე ქვეყნებს შორის საზღვრების გახსნილობამ 3 მძიმე დარტყმა მიიღო - ტერორიზმი, მიგრანტები და პანდემია.ამ სამმაგმა შოკმა ის მოიტანა, რომ განვითარებული ქვეყნების მრავალწლიანი მცდელობები საზღვრები ფაქტიურად წაეშალათ, აშკარად ჩავარდა - ფაქტი კი ისაა, რომ საზღვრები არსად არ გამქრალა, და მათ კონტროლი სჭირდებათ.ცივი ომის დასრულებიდან 30 წლის შემდეგ, ჩვენ მორიგი ციკლის დასასრულის მოწმეები ვართ -...

Daily Express: ევროკავშირში განხეთქილების 5 მთავარი ფაქტორი

Daily Express: ევროკავშირში განხეთქილების 5 მთავარი ფაქტორი
access_time2021-04-10 18:05:44
ევროკავშირის ლიდერთა სოლიდარობა და ერთიანობა პანდემიის მთელი პერიოდის მანძილზე დიდი გამოცდის წინაშე დგას, რაც ნათლად ადასტურებს, რამდენად სუსტი და არამყარია ეს გაერთიანება.თანაც კორონავირუსი ერთადერთი მიზეზი არაა, რომლის გამოც ევროკავშირის ერთიანობა კითხვის ქვეშ დგას. ევროპის ქვეყნების ლიდერები შესაძლოა ერთმანეთს შეეჯახონ რამდენიმე საკითხის გამო, რომელმაც მათ შორის უთანხმოება უკვე წარმოქმნა.საკვანძო პრობლემებია - კონსენსუსის არარსებობა...

4-11 მაისი საქართველოს მასშტაბით უქმე დღეებად ცხადდება

4-11 მაისი საქართველოს მასშტაბით უქმე დღეებად ცხადდება
access_time2021-04-09 20:11:02
უწყებათაშორისი საკოორდინაციო საბჭო დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართავს, 4-11 მაისი კი საქართველოს მასშტაბით უქმე დღეებად ცხადდება, - აღნიშნული გადაწყვეტილებები უწყებათაშორისი საკოორდინაციო საბჭოს სხდომაზე მიიღეს, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა. ინფორმაციას მთავრობის ადმინისტრაციის პრესსამსახური ავრცელებს. „საკოორდინაციო საბჭომ დღევანდელ სხდომაზე...

ჩინეთი საკუთარ ეკონომიკას თავად აზარალებს - Project-syndicate

ჩინეთი საკუთარ ეკონომიკას თავად აზარალებს - Project-syndicate
access_time2021-04-09 20:30:09
      2021 წლის მარტში ჩინეთის ხელმძღვანელობამ ქვეყნის განვითარების 14-წლიანი გეგმა ოფიციალურად დაამტკიცა, რომლის ძირითადი არსია შიდა მოხმარების სტიმულირება და ტექნოლოგიური დამოუკიდებლობის მიღწევა.თუმცა, ამ დოკუმენტზე ჯერ მელანი არ გამშრალა და პეკინი თავისივე სტრატეგიას თავად არღვევს იმით, რომ მნიშვნელოვან სავაჭრო პარტნიორებთან ურთიერთობებს იფუჭებს.კერძოდ, ჩინეთი რამდენიმე ბრიტანელი და კანადელი პოლიტიკოსის, ასევე...

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა
access_time2021-04-09 19:00:28
აშშ-ს იუსტიციის სამინისტრომ როგორც მინიმუმ სანქციების 2 პაკეტი - „ჩრდილოეთ ნაკადი-2“-ს და მისი ოპერატორი-კომპანიის გენერალური დირექტორის მატიას ვარინგის წინააღმდეგ - დაამტკიცა - იტყობინება საიტი Politico.თუმცა, ეს შეზღუდვები ჯერ ძალაში არ შესულა და ამ დროისთვის თეთრი სახლი კონსულტაციებს აწარმოებს ახალი სპეცწარმომადგენლის დანიშვნის თაობაზე - სწორედ მას მოუწევს რუსული გაზსადენის წინაამღდეგ საერთაშორისო ძალისხმევის...


მსგავსი სიახლეები

up