სასტუმროს გახსნა არ არის გასაღების გადატრიალება - მთავრობის დაგვიანებული გადაწყვეტილება

სასტუმროს გახსნა არ არის გასაღების გადატრიალება - მთავრობის დაგვიანებული გადაწყვეტილება

access_time2021-03-01 10:00:41

3 თვის შემდეგ, ზამთრის კურორტებზე სასტუმროებს გახსნის შესაძლებლობა მიეცათ. ქვეყანაში კორონავირუსის მეორე ტალღის ფონზე, ხელისუფლებამ ზამთრის კურორტებზე შეზღუდვები გასული წლის ნოემბერში დააწესა, რის შემდეგაც ტურიზმის სექტორს არც ერთი სტუმარი არ მიუღიათ. მიუხედავად იმისა, რომ კერძო სექტორი დაწესებული შეზღუდვების გაუქმებას პერმანენტულად ითხოვა ირაკლი ღარიბაშვილის მთავრობა, გახსნის გადაწყვეტილება რამდენიმე დღის წინ მიიღო. მიუხედავად ამისა, მთის კურორტების წამყვანი სასტუმროები, სტუმრებს ამ დრომდე ვერ იღებენ. იქედან, გამომდინარე, რომ ბიზნესი შეზღუდვების მოხსნას არ ელოდებოდა, რა თქმა უნდა ერთ დღეში ობიექტების მომზადება ვერავინ შეძლო. „მარკო პოლო გუდაურის“ გაყიდვების სამსახურის უფროსი, სალომე კვარაცხელია გვიყვება, რომ სტუმრების მიღებას სასტუმრო დაახლოებით 6 მარტისთვის შეძლებს. კომპანიის წარმომადგენელი „კომერსანტთან“ დეტალურად ჰყვება, დახურვის შემდეგ რა სირთულეებთანაა დაკავშირებული სასტუმროს გახსნა.

 

„სასტუმროს გახსნა არ არის გასაღების გადატრიალება, დრო არის ყველაფრისთვის საჭირო, ელემენტარული საჭირო რაოდენობის სტაფიც არ გყავს. იქედან გამომდინარე, რომ ვერ მუშაობდნენ სხვა სამსახურებში გადავიდნენ. სანამ ყველაფერს სისტემაში მოიყვან, ბევრი პრობლემა იჩენს თავს. რაც არის გათვალისწინებული რეგულაციებით, პირბადე იქნება, სითხე იქნება თუ სხვა რამ ამ ყველაფრის მომზადებაა საჭირო. მარტის შემდეგ დაკეტილები ვართ, საჭიროა სასტუმროს კედლების შესაბმისად გათბობა, რათა მოვიდეს მწყობრში. ამას ემატება ის, რომ რესტორნის შეფი არ იყო საქართველოში და ახლა ველოდებით, რომ ჩამოვიდეს“, - გვიყვება „მარკო პოლო გუდაურის“ გაყიდვების სამსახურის უფროსი.

 

სალომე კვარაცხელია აცხადებს, რომ მიღებული გადაწყვეტილება ერთმნიშვნელოვნად დაგვიანებულია. „მარკო პოლო გუდაურის“ გაყიდვების სამსახურის უფროსი, „კოერსანტთან“ სახელმწიფოს მხრიდან ბიზნესის არა თანაბარ პირობებში ჩაყენების შესახებ საუბრობს და აცხადებს, რომ მთავრობამ მთის კურორტებზე სასტუმროებს ყველაზე აქტიური პერიოდი დააკარგვინა.

 

იმ დროის განმავლობაში, როდესაც აქტიური ტურისტული სეზონი იყო სელექცია მოხდა - მთის კურორტებზე არ შეიძლებოდა სასტუმროების ფუნქციონირება, ხოლო 15 კმ-ის რადიუსში სხვა სასტუმროები ფუნქციონირებდნენ, რაც არასწორი იყო.  თუ მუშაობს კახეთი, აჭარის რეგიონი რატომ არ შეიძლება სასტუმროს ემუშავა მაგალითად მთის კურორტებზე? იყო საუბარი, რომ იქნებოდა დიდი ნაკადების მიმართვა და ეპიდემიოლოგიური სიტუაცია გართულებულიყო, მაგრამ ეს ნაკადები გადანაწილებოდა. პარასკევი, შაბათი, კვირა ყაზბეგში დარეკავდი თუ კახეთში წამყვანი სასტუმროები სავსე იყო. იქ სხვა ჰაერია და ეპიდსიტუაცია იყო და ჩვენთან სხვაა? მარტში სულ არის 20 დღე, სეზონი აღარ გრძელდება, თოვლი აღარაა, ჩვენთვის ყველაზე არაჩვეულებრივი პერიოდი დეკემბრის ბოლო, იანვარი და თებერვალი დავკარგეთ. რატომ მოხდა ისე, რომ ამდენი ადამიანი, ამ რეგიონებში უმუშევარი დარჩა, ჩემთვის გაუგებარია. შესაძლებელი იყო არ ემუშავა საბაგიროებს, მაგრამ სასტუმროებისთვის მიეცათ ოპერირების საშუალება.

 

დარჩენილი დღეები არ არის საკმარისი იმისათვის, რომ ეკონომიკურად ისე გაიმართო, რომ რაიმე სიკეთეებზე იყოს საუბარი, ეს არის ბრძოლა გადარჩენისთვის. იმედია დახურვა აღარ მოგვიწევს, დასტაბილურდება ქვეყანაში სიტუაცია და იმედია ამასობაში იქნება ვაქცინაც, რათა ქვეყანამ შეძლოს საზღვარგარეთიდან სტუმრების მიღება, რათა მომდევნო სეზონს მაინც შევხვდეთ გამართული. სხვა შემთხვევაში მართლა დავიღუპებით, საქართველოში არ არის იმ რაოდენობის მოსახლეობა, რომელიც თავის იმის უფლებას მისცემს მუდმივად სასტუმროებში იაროს. იმდენად დიდი საწოლფონდი სასტუმროების მიმართულებით, რომ ქართველები ფიზიკურად არ ეყოფა“,  - განაცხადა სალომე კვარაცხელია.

 


ჯავშნების მიღება რამდენიმე დღის წინ დაიწყო „ინნ ჯგუფი • Inn Group“ -მა. კომპანიის აღმასრულებელმა დირექტორი ერეკლე კოკაია გვიყვება, რომ „მარკო პოლო გუდაურის“ მსგავსად „ინნ ჯგუფიც“ სასტუმროების მომზადების პროცესშია.

 

„ახლა მუშაობის განახლების პროცესში ვართ, პარალელურად კი გაყიდვები დავიწყეთ. ერთ დღეში არავინ გეგმავს დასვენებას, მით უმეტეს მაშინ, როდესაც საბაგიროები არ მუშაობს, მიზეზიც არ აქვთ, რომ ამოვიდნენ. საკმაოდ დიდი მოთხოვნაა ბაკურიანზე, ხოლო გუდაური საბაგიროებზეა დამოკიდებული. ბაკურიანში თუ ოჯახები სუფთა ჰაერის გამო ადიან, ერთადერთი მიზეზი, თუ რატომაც გუდაურში ავლენ ეს საბაგიროებია. ველოდებოდით რომ ჯერ კიდევ თებერვალში გაგვხსნიდნენ, ყველა ხარჯი გაწეული გვქონდა და მზად ვიყავით იმისთვის, რომ სტუმრები პირველი თებერვლიდან მიგვეღო, ამიტომ მოსამზადებელ სამუშაოებში ახალი, დიდი ხარჯის გაწევა არ გვიწევს. რომ არ გავხსნილიყავით, მაშინ დიდ ფინანსურ დარტყმას მივიღებდით, რადგან ხარჯები უკვე გაწეული იყო, ბანკებთან მოლაპარაკებები წარმოებული და ა.შ. ჩვენი გამოწვევა, ახლა არის სტაფის მოზიდვა და რა თქმა უნდა უახლოეს მომავალში საკმარისი რაოდენობის ოთახების გაყიდვა“, - განაცხადა ერეკლე კოკაიამ.

 

„ინნ ჯგუფი • Inn Group“ -ის აღმასრულებელი დირექტორი კომერსანტს უყვება, რომ  კომპანიას, სექტორის სხვა წარმომადგენლებთან ერთად ტურიზმი სწრაფი ტემპით აღდგენის რამდენიმე პუნქტი აქვს შემუშავებული. ერეკლე კოკაია ხელისუფლების მხრიდან გადასადგმელ იმ ქმედით ნაბიჯებზე საუბრობს, რომელიც მისი თქმით, სტუმართ-მასპინძლობის სექტორს გადარჩენის საშუალებას მისცემს.

 

 

„თუ გვინდა, რომ კურორტი ავამუშავოთ აუცილებელია იმ ნაბიჯების გადადგმა, რომელიც კერძო სექტორმა არა ერთხელ გააჟღერა. პირველ რიგში ეს არის სახმელეთო საზღვრების გახსნა, პირველი ეტაპისთვის ყველა იმ ადამიანისთვის, რომელსაც ვაქცინა გაკეთებული აქვს. აუცილებელია კერძო კლინიკებს მიეცეს შესაძლებლობა და უფლება, კომერციული ვაქცინები შემოიტანონ. სახელმწფოს რომ დაველოდოთ შეიძლება წელიწად-ნახევარი რიგში ვიდგეთ. აგრეთვე ვფიქრობთ, რომ უნიკალურ კურორტებზე, როგორიცაა ბახმარო, ბაკურიანი, აბასთუმანი შეგვიძლია მოვიზიდოთ, უცხოელი კოვიდ გადატანილი ტურისტები ჩამოვიდნენ, წავიყვანოთ ამ მწვანე ზონებში და იმკურნალონ. აუცილებელია ქვეყანაში მწვანე ზონები კვლავ შეიქმნას“, - აცხადებს ერეკლე კოკაია.

 

ერეკლე კოკაია გვიყვება, რომ ნომრის ღირებულება განსაკუთრებით „გუდაური ინნ“ -ში 40 პროცენტამდე შემცირდა, რადგან ამ სასტუმროს სტუმრების დიდი ნაწილი, მისი განმარტებით მაღალმხარჯველი უცხოელები იყვნენ. ხოლო ბაკურიანში ფასები თითქმის არ შემცირებულა. „ინნ ჯგუფი • Inn Group“ -ის აღმასრულებელი დირექტორიც მიიჩნევს, რომ მთის კურორტებზე სასტუმროებს მუშაობის შესაძლებლობა გაცილებით ადრე უნდა მისცემოდათ.

 

„ბოლო ერთი თვის განმავლობაში ვთხოვდით ხელისუფლებას, რომ კურორტები ცოტა ადრე გაეხსნათ, ყოველ შეთხვევაში თებერვლიდან მაინც გვქონოდა მუშაობის შესაძლებლობა. მარტში თოვლი უკვე დნობას იწყებს. ახლა ამინდი ჯერჯერობით ხელს გვიწყობს, თუ ასე გააგრძელებდა შეიძლება სეზონმა მთელი თვე გაქაჩოს. სასტუმროები რაც უფრო ადრე გაიხსნებოდა, მით უკეთესი იქნებოდა და დიდი იმედი გვქონდა, რომ გაიხსნებოდა, მაგრამ სულ არაფერს ეს სჯობს. ახლა მუშაობის შესაძლებლობა მაინც გვეძლევა, რა თქმა უნდა არანაირი გარანტია არ გვაქვს, რომ ვიმუშავებთ, მაგრამ თუ არ ავმუშავდით ჩვენი ბრალი იქნება და არა ხელისუფლების“, - განმარტავს ბიზნესმენი.



ბაჩო ადამია





სებ–მა მონეტარული პოლიტიკის განაკვეთი 0.5%–ით 10%–მდე გაზარდა

სებ–მა მონეტარული პოლიტიკის განაკვეთი 0.5%–ით 10%–მდე გაზარდა
access_time2021-08-04 12:22:42
საქართველოს ეროვნული ბანკის (სებ) მონეტარული პოლიტიკის კომიტეტმა 4 აგვისტოს სხდომაზე რეფინანსირების განაკვეთის 0.5 პროცენტული პუნქტით გაზრდის გადაწყვეტილება მიიღო. მონეტარული პოლიტიკის განაკვეთი 10.0 პროცენტით განისაზღვრა. ამის შესახებ ინფორმაციას ეროვნული ბანკი ავრცელებს. სებ–ის ცნობით, ბოლო პერიოდში ინფლაცია გლობალური გამოწვევაა და ივლისის თვის ფასების ზრდის მონაცემმა არაერთ ქვეყანაში პროგნოზირებულს გადააჭარბა. საქართველოშიც ივლისის...

ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

თემურ ჭყონია: გახარიას ბიზნესწრეებში ცუდი რეპუტაცია არ ჰქონია

თემურ ჭყონია: გახარიას ბიზნესწრეებში ცუდი რეპუტაცია არ ჰქონია
access_time2021-08-04 12:00:55
თემურ ჭყონია „ქართული ოცნების“ ლიდერის ირაკლი კობახიძის მიერ გიორგი გახარიას მეტსახელის („ბოლი“. რედ.) გასაჯაროებასთან დაკავშირებით ამბობს, რომ გუნდის შიგნით რა ხდება არ იცის, ხოლო გარეთ - ბიზნესმენთა წრეში, გახარიას ცუდი რეპუტაცია არ ჰქონდა.   „ნორმალური ბიზნეს-ომბუდსმენი იყო, არ მახსენდება შემთხვევები, ვინმეს რამე შეპირებოდა და არ შეესრულებინა. შეიძლება იყო ასეთი ფაქტები, მაგრამ ჩემთვის უცნობია. როგორც წესი, ბიზნესომბუდსმენი ხელისუფლების მიერ ინიშნება, მაგრამ მისი...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...


მსგავსი სიახლეები

up