ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია ჯანდაცვის სამინისტროსთან ერთად ყოველდღიურ რეჟიმში აგრძელებს მონაცემთა ბაზის განახლებას სასტუმროების შესახებ, რომლებიც მთელი ქვეყნის მასშტაბით შემოწმებას გადიან. უსაფრთხოების სავალდებულო რეკომენდაციების დაცვის, საერთაშორისო ნორმებისა და ჯანმო-ს სტანდარტების გათვალისწინების შემდეგ სასტუმროები ფუნქციონირებას ეტაპობრივად ანახლებენ.
22 ივნისის მონაცემებით, მთელი საქართველოს მასშტაბით, შემოწმების შემდეგ პოსტ-პანდემიურ მოთხოვნებს 333 სასტუმრო აკმაყოფილებს,
ტურიზმის ეროვნულ ადმინისტრაცია, იმ სუბიქტებისათვის, რომლებმაც ინსპექტირება წარმატებით ვერ გაიარა, ან ამ ეტაპისათვის მზად არ იყვნენ ინსპექტირებისათვის, ახალ პროექტს იწყებს და მათთვის ტრენინგების სერიას აანონსებს, რათა ბიზნესს COVID-19-ის პირობებში მომზადებისა და ოპერირების პროცესი გაუმარტივდეს. აღნიშნული ტრენინგები, სხვა მსგავსი სატრენინგო სისტემის მსგავსად, რომელიც ტურიზმის ეროვნულმა ადმინისტრაციამ ჩაატარა, იქნება უფასო.
ანალოგიური ტრენინგები ჩაუტარდებათ რესტორნებსაც, რომლებზედაც ჯარიმა გავრცელდა და ოპერირებას ვერ ახერხებენ.
“ჩვენთვის მნიშვნელოვანია, რომ ტურისტული ბიზნესის ყველა რგოლი მზად იყოს ტურიზმის გახსნისთვის და მაქსიმალურად მოერგონ პოსტ-პანდემიურ მოთხოვნებს, რაც ასე მნიშვნელოვანია როგორც სტუმრის ასევე მასპინძლის ჯანმრთელობის უსაფრთხოებისთვის. დღეს COVID-19-ის პირობებში ადამიანის ჯანმრთელობის უსაფრთხოებას დიდი მნიშვნელობა ენიჭება და ჩვენ, ტურიზმის ეროვნული ადმინისტრაცია ყველაფერს გავაკეთებ იმისათვის, რომ ბიზნესს დავეხმაროთ და მათ ახალი რეგულაციების ფონზე ოპერირება განაახლონ”, აცხადებს ტურიზმის ეროვნული ადმინისტრაციის ხელმძღვანელი მარიამ ქვრივიშვილი.
გთხოვთ, იხილოთ ქვემოთ განთავსებული სასტუმროების სია, რომლებმაც გაიარეს საქართველოს ოკუპირებული ტერიტორებიდან დევნილთა, შრომის, ჯანმრთელობისა და სოციალური დაცვის სამინისტროს შემოწმება:
➡ https://georgia.travel/ka_GE/hotels
avianews.ge