სასტუმროების საფასო პოლიტიკა საქართველოში

სასტუმროების საფასო პოლიტიკა საქართველოში

access_time2017-09-24 17:00:14

რომელი ქვეყნებიდან სტუმრობენ საერთაშორისო ვიზიტორები საქართველოს, რა მიზნით ჩამოდიან ტურისტები ქვეყანაში და რა ტემპით ვითარდება საქართველოში სასტუმრო ბიზნესი, - თემების მიმოხილვით გადაცემაში ’’საქმიანი დილა“ Cushman & Wakefield Georgia-ს რეგიონალური დირექტორი ნინო რუხაძე საუბრობს. 



-ქალბატონო ნინო, დღესდღეობით საქართველოში როგორც საერთაშორისო, ისე ქართული ბრენდების სასტუმროების მშენებლობის ბუმია, როგორ ფიქრობთ, რამ განაპირობა და რატომ არის ინვესტორებისთვის საქართველოს სასტუმრო ინდუსტრია ასეთი მიმზიდველია? 

-წლების განმავლობაში საქართველო და მეტწილად თბილისი ძალიან კონკურენტულ ლოკაციად ჩამოყალიბდა რეგიონში სხვა ქვეყნებთან თუ ქალაქებთან მიმართებაში. რაც რასაკვირველია ქვეყნის ეკონომიკის განვითარების დამსახურებაა და ასევე არ უნდა გამოგვრჩეს ძალიან სწორად გამართული პიარ და მარკეტინგული კამპანია, რომელსაც საქართველო სხვა ქვეყნებთან მიმართებაში აწარმოებს ქვეყნის ტურისტული პოტენციალის სწორად პოზიციონირებისთის. ვფიქრობ, რომ ზუსტად ეს არის მნიშნელოვანი და მთავარი მამოძრავებელი, რამაც ამდენი ტურისტი მოიზიდა საქართველოში. 

-ტურისტების რაოდენობასთან ერთად ინვესტორები ალბათ საშუალო გაყიდვის ფასსა და დატვირთვის კოეფიციენტს უყურებენ, რის მიხედვითაც პოტენციურ შემოსავლებს ითვლიან... 

-რა თქმა უნდა, მაღალი რანგის სასტუმროებში საერთაშორისო ბრენდებს ვგულისხმობთ და არა მხოლოდ. საშუალოდ შეგვიძლია ვთქვათ, რომ ფასი 177 აშშ დოლარია, ხოლო საშუალო რანგის სასტუმროებში ეს ფასი 120 აშშ დოლარიდან 135 აშშ დოლარამდე მერყეობს. ჩემი აზრით, იმ მაჩვენებლით, რაც სამომავლოდ გეგმაში არსებობს და გეგმაშია, რომ საქართველოში 10 ათასამდე საწოლი უნდა დაემატოს, რაც დაახლოებით 6 ათასამდე ნომერს გულისხმობს და ვფიქრობ, კონკურენცია ნამდვილად გაიზარდება და დეველოპერებს და სასტუმრო ოპერატორებს თავიანთი საფასო პოლიტიკის გადახედვა აუცილებლად მოუწევთ. 

-ხშირად აღნიშნავენ, რომ საქართველოში სასტუმროების ფასი საკმაოდ ძვირია, როგორც ადგილობრივი, ისე საერთაშორისო ვიზიტორებისთვის, თუმცა დღევანდელი მონაცემებით, ქვეყანაში 27 ათასამდე საწოლია და როგორც თქვენ აღნიშნეთ კიდევ 10 ათასამდე დაემატება. რა სასტუმროები გაიხსნება და როგორ შეიცვლება ინდუსტრია? 


- მცირე ჩამონათვალს გეტყვით იმ საერთაშორისო ბრენდების, რომელიც ქვეყანაში შემოდის. ჯერ დედაქალაქიდან დავიწყებ, ეს არის ’’ინტერკონტინენტალი“, ’’რადისონ ბლუ ტელეგრაფი“ ’’პარკ ინ ბაი რადისონი“, ’’ჰილტონი,“ ’’ჰილტონ გარდენინი“ ’’მოქსი“, ’’რამადა“ და ა.შ. ასევე განახლების შემდეგ ’’შერატონ მეტეხი პალასი“ გაიხსნება. 

-ქვეყნის რომელ რეგიონშია კიდევ ასეთი ბრენდების სასტუმროების მშენებლობა მოსალოდნელი? 

-საერთაშორისო სასტუმრო ბრენდი Golden Tulip თელავში ხსნის სასტუმროს. ასევე ქუთაისში და ბათუმში გაიხსნა სასტუმროები ბესტ ვესტერნი და 16 სხვა ქალაქში გეგმავს გაფართოებას, მათ შორის, როგორც ვიცი, თელავში. შესაბამისად რეგიონებში ყველა მიმართულებით აუცილებლად მოხდება, როგორც საერთაშორისო ბრენდების, ისე ადგილობრივი დეველოპერების მიერ სასტუმროების მშენებლობა. 

-როგორ შეიძლება აღნიშნული ბაზარი შეიცვალოს? 

-მნიშვნელოვანი ფაქტორია ხარისხი და ეს არის, როდესაც ჯანსაღი კონკურენციის შედეგად არა მხოლოდ ფასების გადახედავ ამოხდება, არამედ მომხმარებლისთვის კონკურენტებზე უპირატესი მომსახურებისა და პირობების შეთავაზება მოხდება. სხვა შემთხვევაში, სამწუხაროდ თამაშს გარეთ აღმოჩნდებიან. კონკურენცია ძალიან დიდი იქნება. 

ჩვენი კომპანიის შემთხვევაში, როდესაც ინვესტორები ჩვენთან მოდიან, როგორც წესი, ძალიან კარგად იციან ხოლმე ზუსტად რომელ რეგიონში უნდათ ინვესტიციის ჩადება, იქიდან გამომდინარე, რომ ბაზარს კარგად სწავლობენ. მათ ჩვენი კომპანიაც ამომწურავ ინფორმაციასა და კვლევას სთავაზობს ნებისმიერი ბაზრის და ლოკაციის.

 

ბიზნესკონტრაქტი



თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი

თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი
access_time2020-07-03 16:30:44
„კომერსანტი“ გთავაზობთ ინტერვიუს სავაჭრო და ბიზნეს ცენტრ “ქარვასლა’’-ს გენერალურ დირექტორ ზურაბ შავლაყაძესთან -რა კვადრატულობის საოფისე ფართების ქირავნობა არის შესაძლებელი სავაჭრო და ბიზნეს ცენტრ “ქარვასლა’’-ში? -“ქარვასლა’’-ში მეორე...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-03 21:30:18
დღის Top-10 საინტერესო ამბავი 1.თუ ღვინო ყურძნისგან გაკეთდება და ხარისხის პრობლემა მოგვარდება, რთველის სუბსიდირება საჭირო აღარ იქნება - ირაკლი იაშვილი კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“...

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?
access_time2020-07-03 18:00:58
იმედი, რომ ახალი „შრომის კოდექსი“, რომელზეც ახლა პარლამენტში მსჯელობენ, არსებულზე გაცილებით სრულყოფილი და ევროპულ სტანდარდარტებთან მიახლოებული იქნებოდა, ნელ-ნელა უქრებათ მშრომელთა უფლებებზე მომუშავე არასამთავრობო ორგანიზაციებს.კომიტეტებში კანონპროექტის განხილვისას გამოჩნდა, რომ უმრავლესობაში არსებობს წინააღმდეგობა კანონში არაერთი ჩანაწერის მიმართ.კანონპროექტის თავდაპირველი ვერსია უკვე საგრძნობლად შეცვლილი და როგორც სამოქალაქო სექტორი ამბობს, „დაჩეხილია“. თუმცა მთავარი...

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“
access_time2020-07-03 13:50:14
გადაცემაში „ჩემი აუდიტორი“ გრანთ თორნთონ საქართველოს ბიზნეს საკონსულტაციო მიმართულების ხელმძღვანელმა გიორგი უსანეთაშვილმა საქართველოს მობილური ბაზრის კვლევის შედეგებზე ისაუბრა. ჩვენ შევაფასეთ მობილური ბაზრის მთავარი ინდიკატორები : აბონენტთა რაოდენობა ,შეღწევადობა, რაც გულისხმობს, აქტიური სიმბარათების ჯამურ რაოდენობას, შეფარდებული მოსახლეობასთან,ასევე საშუალო შემოსავალი ერთ აბონენტზე. აბონენტთა რაოდენობით, საქართველო ევროპაში 26-ე ადგილზეა. 2019 წლის...

სამტრედია-გრიგოლეთის გზა სურამის ციხესავით ვერ აშენდა

სამტრედია-გრიგოლეთის გზა სურამის ციხესავით ვერ აშენდა
access_time2020-07-03 16:00:19
სამტრედია-გრიგოლეთის გზის მონაკვეთის საერთო სიგრძე 51.5 კმ-ია, პროექტი 4 ლოტად ხორციელდება და დაფინასების წყარო ევროპის საინვესტიციო ბანკია (EIB). აღნიშნული გზის მშენებლობა 2014 წელს დაიწყო. უნდა აღინიშნოს, რომ სამტრედია-გრიგოლეთის გზის ოთხივე მონაკვეთის მშენებლობა შეფერხებით მიმდინარეობდა. განსაკუთრებით პრობლემური გზის მეორე მონაკვეთი აღმოჩდა, სადაც პროექტის დასრულების შემდეგ გზაზე ჯდენები წარმოიშვა, რამაც გზის საფარის მოწყობა შეაფერხა და შესაბამისად,...


მსგავსი სიახლეები

up