„საპარტნიორო ფონდის“ მიერ გასაყიდად გამოტანილი სასტუმრო „ბორჯომი-ლიკანი“ ვერც მე-3 აუქციონზე გაიყიდა, მიუხედავად იმისა, რომ პირველ აუქციონთან შედარებით ფასი თითქმის $13 მლნ–ით ნაკლები იყო.

„საპარტნიორო ფონდმა“ სასტუმრო„ბორჯომი ლიკანის“ შემდგომი განვითარების მიზნით, საჯარო აუქციონი მესამედ ივნისში გამოაცხადა. აღსანიშნავია, რომ ფასი იმაზე ბევრად ნაკლები იყო, ვიდრე პირველი და მეორე აქციონების შემთხვევაშიიყო.

ამჯერად სასტუმროს საწყისი ღირებულება 24 041 861 აშშ დოლარი იყო, მაშინ, როცა თავდაპირველ აუქციონზე (2019 წლის ნოემბერი) საწყისი ღირებულება 37 565 408 აშშ დოლარს, მეორე აუქციონზე კი, რომელიც 2020 წლის 4 სექტემბერს გაიმართა, 30 052 326 აშშ დოლარს შეადგენდა.

„საპარტნიორო ფონდი“ 2018 წლიდან სასტუმრო „ბორჯომი ლიკანის“ წილის 100%-ის მფლობელია. იმ პერიოდში ქართულმა მხარემ ყაზახი პარტნიორებისგან 50%-იანი წილი გამოისყიდა.

„ბორჯომი ლიკანი“ 5-ვარსკვლავიანი სასტუმროა, სულ 151 ნომრით. აუდიტორული ანგარიშგების მიხედვით, სს “ბორჯომი ლიკანი ინტერნეიშენალმა” 2019 წელი 9,912-მილიონიანი ზარალით დაასრულა, 2020 წელი კი 4,458 მლნ ლარის ზარალით.

bpn.ge